કેન્દ્ર સરકાર દ્વારા જારી કરાયેલા નવા ગેજેટ નોટિફિકેશન બાદ ભારતીય પુરાતત્વ સર્વેક્ષણ (ASI) દ્વારા કચ્છના ઐતિહાસિક અને વિશ્વ ધરોહર સ્થળ ધોળાવીરાને દેશના સર્વોચ્ચ સ્મારકોની શ્રેણી ગણાતા ‘કેટેગરી-A’ નો દરજ્જો આપવામાં આવ્યો છે, જેનાથી આપણું ધોળાવીરા હવે સીધું તાજમહેલ અને લાલ કિલ્લા જેવા રાષ્ટ્રીય મહત્વ ધરાવતા ટોચના સ્મારકોની સમકક્ષ આવી ગયું છે.
આ નવા દરજ્જા સાથે ધોળાવીરાના સંરક્ષણ, દેખરેખ અને વ્યવસ્થાપન માટે અત્યંત કડક નિયમો લાગુ થશે, જેમાં સ્મારકની આસપાસના પ્રતિબંધિત વિસ્તારમાં નવા બાંધકામ પર સંપૂર્ણ નિયંત્રણ રહેશે તેમજ નિયંત્રિત વિસ્તારમાં કોઈપણ બાંધકામ માટે સક્ષમ સત્તાધિકારીની પૂર્વ મંજૂરી ફરજિયાત બનશે; સાથોસાથ મુલાકાતીઓ માટે વિશ્વસ્તરીય સુવિધાઓ, પ્રવેશ ફી અને પર્યટન-સંશોધનને પણ નવું બળ મળશે તથા સ્મારક પરિસરમાં કોઈપણ પ્રકારના અનધિકૃત પ્રવેશ કે નુકસાન સામે કાયદેસરની કડક કાર્યવાહીની જોગવાઈ કરાઈ છે, જે સમગ્ર કચ્છના ગૌરવશાળી વારસાને વૈશ્વિક અને રાષ્ટ્રીય ફલક પર વધુ મજબૂત સ્થાન અપાવશે.
