એક તરફ KBCના હોટ સીટ પર ₹50 લાખ જીત્યા અને બીજી તરફ માત્ર 22 વર્ષની ઉંમરે UPSC જેવી કઠિન પરીક્ષામાં પ્રથમ પ્રયાસે જ સફળતા મેળવી હતી. હિમાચલ પ્રદેશના શિમલા જિલ્લાના નાના ગામમાંથી આવેલા વિકાસ સિંહ પંવારની આ સફળતાની કહાની હાલ ચર્ચામાં છે. અહેવાલો મુજબ વિકાસે UPSC CSE 2025માં ઓલ ઇન્ડિયા 159મો રેન્ક મેળવ્યો છે.
વિકાસ અગાઉ KBC સીઝન-17માં નજરે પડ્યા હતા, જ્યાં તેમણે ₹50 લાખની રકમ જીતી હતી. તેઓ ₹1 કરોડના સવાલ સુધી પહોંચ્યા હતા, પરંતુ જવાબ અંગે સંપૂર્ણ વિશ્વાસ ન હોવાથી તેમણે ગેમ છોડવાનો નિર્ણય કર્યો હતો. ત્યારબાદ અમિતાભ બચ્ચને તેમને અંદાજો લગાવવા કહ્યું તો વિકાસે ‘નેવિલ ચેમ્બરલેન’ વિકલ્પ પસંદ કર્યો, જે સાચો જવાબ હતો.
UPSCના અંતિમ પરિણામમાં વિકાસ સિંહ પંવારનું નામ 159મા ક્રમે નોંધાયેલું છે. તેમનો રોલ નંબર 0806441 હતો.
વિકાસનું બાળપણ શિક્ષણ અને જાહેર સેવાના વાતાવરણમાં પસાર થયું હતું. તેમના પિતા ચતર સિંહ સરકારી શાળામાં પ્રિન્સિપાલ છે. શિમલાની DAV ન્યૂ શિમલા સ્કૂલમાંથી અભ્યાસ કર્યા બાદ વિકાસ દિલ્હી ગયા અને હિંદુ કોલેજમાંથી પોલિટિકલ સાયન્સમાં ગ્રેજ્યુએશન કર્યું હતું. આગળના અભ્યાસ અને UPSCની તૈયારી સાથે તેમણે સતત પોતાની જ્ઞાનક્ષમતા અને તૈયારીને મજબૂત બનાવી હતી. અહેવાલો મુજબ તેમણે UGC NET પણ પાસ કરી હતી અને NEXT IASની નેશનલ સ્કોલરશિપ ટેસ્ટમાં 100% સ્કોલરશિપ મેળવી તૈયારી કરી હતી.
આ દરમિયાન KBC સીઝન-17માં વિકાસે પોતાના જ્ઞાનના આધારે ₹50 લાખ જીત્યા. તેઓ ₹1 કરોડના સવાલ સુધી પહોંચ્યા, પરંતુ સંપૂર્ણ ખાતરી ન હોવાથી ગેમ છોડી દીધી હતી. બાદમાં અંદાજ લગાવતા તેમણે ‘નેવિલ ચેમ્બરલેન’ જવાબ પસંદ કર્યો, જે સાચો હતો.
KBCની લોકપ્રિયતાથી લઈને UPSCની સફળતા સુધીનો વિકાસનો સફર હવે અનેક યુવાનો માટે મહેનત, જ્ઞાન અને સતત તૈયારીનું ઉદાહરણ બની રહ્યો છે.
