ભરૂચ: ગુજરાતના ભરૂચ જિલ્લાના વિલાયત ખાતે આદિત્ય બિરલા ગ્રુપની ગ્રાસિમ ઇન્ડસ્ટ્રીઝ અને વિશ્વની અગ્રણી સ્પેશિયાલિટી કેમિકલ કંપની લુબ્રીઝોલ દ્વારા નિર્મિત વિશ્વના સૌથી મોટા અત્યાધુનિક CPVC રેઝિન મેન્યુફેક્ચરિંગ પ્લાન્ટના ફેઝ-1નું ઉદઘાટન મુખ્યમંત્રી ભૂપેન્દ્રભાઈ પટેલના વરદ્હસ્તે કરવામાં આવ્યું.
આ પ્રસંગે મુખ્યમંત્રીશ્રીએ જણાવ્યું હતું કે વડાપ્રધાન નરેન્દ્ર મોદીએ ગુજરાતને પોલિસી-ડ્રિવન સ્ટેટ તરીકે વૈશ્વિક સ્તરે ઓળખ અપાવી છે. તેમણે કહ્યું કે ગુજરાત આજે દરેક ક્ષેત્રના ઉદ્યોગોને આવકારવા સંપૂર્ણ રીતે સજ્જ છે અને આ નવો CPVC પ્લાન્ટ રાજ્યના મજબૂત ઔદ્યોગિક માળખા તથા રોકાણ-મૈત્રીપૂર્ણ અભિગમનું ઉત્તમ ઉદાહરણ છે.
મુખ્યમંત્રીશ્રીએ વધુમાં જણાવ્યું કે વડાપ્રધાનના “મેક ઇન ઇન્ડિયા, મેક ફોર ધી વર્લ્ડ” વિઝનને આ પ્રોજેક્ટ વધુ મજબૂત બનાવે છે. આ પ્લાન્ટ સસ્ટેનેબલ ડેવલપમેન્ટને પ્રોત્સાહન આપશે અને ગુજરાતને વૈશ્વિક મેન્યુફેક્ચરિંગ હબ તરીકે વધુ મજબૂત બનાવશે, તેમજ “વિકસિત ભારત માટે વિકસિત ગુજરાત”ના લક્ષ્યને આગળ ધપાવશે તેવો વિશ્વાસ તેમણે વ્યક્ત કર્યો.
આ પ્રોજેક્ટને ગુજરાતના ઔદ્યોગિક વિકાસ માટે એક મહત્વપૂર્ણ માઈલસ્ટોન તરીકે જોવામાં આવી રહ્યો છે.
