હવામાન વિભાગે દેશમાં અસહ્ય ગરમી અને લૂની ચેતવણી આપી છે. વેસ્ટર્ન ડિસ્ટર્બન્સના દિવસોને બાદ કરતાં ચાલુ વર્ષે ઉનાળાની શરૂઆતમાં જ તીવ્ર ગરમી પડી રહી છે. મહારાષ્ટ્રના કેટલાય જિલ્લામાં એકાએક તાપમાન વધી જતાં એલર્ટ આપવામાં આવ્યું છે. વિદર્ભનું અકોલા શહેર 44 ડિગ્રી તાપમાન સાથે વિશ્વના સૌથી ગરમ શહેરોમાં સામેલ થયું હતું. હવામાન વિભાગે ગુજરાતમાં આગામી સપ્તાહે ફરી વાતાવરણમાં પલટો આવવાની આગાહી કરી હતી.
ગુજરાતમાં કેવું રહેશે હવામાન
ગુજરાતના પ્રાદેશિક હવામાન વિભાગ દ્વારા 7 દિવસની કરવામાં આવેલી આગાહી મુજબ, આજે રાજ્યમાં વાતાવરણ શુષ્ક રહેશે. તાપમાનમાં કોઈ ફેરફાર નહીં થાય. રવિવાર, સોમવાર અને મંગળવાર એમ ત્રણ દિવસ રાજ્યના કેટલાક ભાગોમાં વરસાદી છાંટા થવાની શક્યતાઓ વ્યક્ત કરી છે. આ કમોસમી વરસાદનું જોર સામાન્ય હશે તેમ પણ હવામાન વિભાગ દ્વારા જણાવવામાં આવ્યું છે. હવામાન વિભાગ દ્વારા 7 દિવસની આગાહી કરવામાં આવી છે તેમાં રવિવાર, સોમવાર અને મંગળવાર એમ ત્રણ દિવસ રાજ્યના કેટલાક ભાગોમાં વરસાદી છાંટા થવાની શક્યતાઓ વ્યક્ત કરી છે. આ કમોસમી વરસાદનું જોર સામાન્ય હશે તેમ પણ હવામાન વિભાગ દ્વારા જણાવવામાં આવ્યું છે.
21 તારીખે તાપી, ડાંગ અને સૌરાષ્ટ્રના અમરેલી તથા ભાવનગરમાં હળવાથી સામાન્ય વરસાદની શક્યતાઓ છે, જેમાં થંડરસ્ટ્રોર્મ એક્ટિવિટીની સામાન્ય શક્યતાઓ જોવાઈ રહી છે. 22 તારીખે એટલે કે મંગળવારે ભરૂચ અને સુરતની સાથે અમરેલી અને ભાવનગરમાં કમોસમી વરસાદની શક્યતાઓ છે.
અંબાલાલ પટેલે શું કરી છે આગાહી
હવામાન નિષ્ણાંત અંબાલાલ પટેલના અનુમાન મુજબ 19થી 21 એપ્રિલ વચ્ચે રાજ્યના અલગ અલગ જિલ્લાઓમાં પ્રિ-મોનસૂન એક્ટિવિટીના ભાગરૂપે વરસાદ વરસી શકે છે. સૌરાષ્ટ્ર, ઉત્તર ગુજરાત, મધ્ય ગુજરાત અને દક્ષિણ ગુજરાતના અલગ અલગ જિલ્લાઓમાં વરસાદનું અંબાલાલ પટેલે અનુમાન વ્યક્ત કર્યુ છે. વરસાદની સાથે રાજ્યમાં 40થી 50 કિલોમીટર પ્રતિ કલાકની ઝડપે પવન ફુંકાવાની પણ શક્યતા વ્યક્ત કરાઈ છે. જો કે 25થી 29 એપ્રિલ દરમિયાન રાજ્યમાં ગરમીનું પ્રમાણ વધવા અને 29 એપ્રિલથી મે મહિનાની શરૂઆતમાં ફરીથી રાજ્યના વાતાવરણમાં પલટો આવશે. 11થી 20 મે દરમિયાન રાજ્યના કેટલાક વિસ્તારોમાં આંધી-વંટોળનું પ્રમાણ વધશે. કાચા મકાનોના પતરા ઊડી જાય તેવો પવન ફૂંકાવવાની અંબાલાલ પટેલે શક્યતા વ્યક્ત કરી છે.
ભારતીય હવામાન વિભાગે દેશના અનેક રાજ્યોમાં આંધી-વરસાદનું એલર્ટ જાહેર કર્યું છે. 30 થી 70 કિમી પ્રતિ કલાકની ઝડપે પવન ફૂંકાશે. ઉપરાંત વીજળીના કડાકા ભડાકા પણ થશે. અરૂણાચલ પ્રદેશ, આસામ, મેઘાલય, મિઝોરમ, ત્રિપુરામાં આગમી 5 દિવસ ભારે પવન સાથે હળવાથી મધ્યમ વરસાદની શક્યતા છે. ઉત્તર પશ્ચિમ ભારતમાં જમ્મુ-કાશ્મીર, હિમાચલ પ્રદેશ અને ઉત્તરાખંડમાં ગાજવીજ સાથે વરસાદ અને કેટલીક જગ્યાએ કરાનું એલર્ટ છે. હરિયાણા, પંજાબ, બિહાર, ઝારખંડ, ઓડિશામાં પણ હવામાન વિભાગે હળવા વરસાદની શક્યતા વ્યક્ત કરી છે.
મધ્ય પ્રદેશ, વિદર્ભ, છત્તીસગઢ, ઓડિશા, ઝારખંડ, તેલંગાણા અને મહારાષ્ટ્રના કેટલાક વિસ્તારમાં 17 થી 21 એપ્રિલ વચ્ચે લૂ નું એલર્ટ અપાયું છે. હાલ અહીં અનેક વિસ્તારોમાં તાપમાન 40 થી 44 ડિગ્રી સેલ્સિયસ સુધી પહોંચી ચુક્યું છે. ઓડિશા, પશ્ચિમ બંગાળ અને દક્ષિણ ભારતના દરિયાકાંઠાના વિસ્તારોમાં ભેજ અને બફારો લોકોને પરેશાન કરી શકે છે. રાતના સમયે પણ ગરમીથી રાહતની શક્યતા ઓછી છે.
પશ્ચિમ રાજસ્થાનમાં ભીષણ ગરમીનો પ્રકોપ ચાલુ રહેશે. હવામાન વિભાગે લૂ નું એલર્ટ જાહેર કર્યું છે. જેસલમેર, બીકાનેર અને આસપાસના વિસ્તારમાં તાપમાન સામાન્યથી વધારે છે. આજે રાજ્યમાં કેટલાક વિસ્તારમાં ભારે પવન સાથે આંધીનું એલર્ટ છે. હિમાચલ પ્રદેશમાં 18 અને 19 એપ્રિલના રોજ ગાજવીજ સાતે હળવો વરસાદ વરસી શકે છે. જ્યારે કેટલાક વિસ્તારમાં કરા પડી શકે છે.
