સુરતના અલથાણ વિસ્તારમાં આવેલા મેડિકલ સ્ટોરમાં ચોરીની ઘટના બની છે. ત્રણ તસ્કરો મેડિકલ સ્ટોરનું શટર તોડી અંદર પ્રવેશ્યા હતા, અને મેડિકલ સ્ટોરમાંથી રૂ. 48 હજાર રોકડા તેમજ 6 નંગ આઈસ્ક્રીમની ચોરી કરી ફરાર થયા હતા. આ સમગ્ર બનાવ સ્ટોરના CCTV કેમેરામાં કેદ થયો છે. બીજી તરફ આ મામલે અલથાણ પોલીસ મથકમાં ફરિયાદ નોંધાઈ છે.
મૅડિકલ સ્ટોરમાં તસ્કરો ત્રાટકયા
સુરત શહેરના અલથાણ વિસ્તારમાં આવેલા મહાવીર ડાઈટ્સમાં સ્થિત ડરિઓમ મૅડિકલ કેર ફાર્મસીમાં ચોરીની ઘટના બની છે. ગત 27 તારીખે વહેલી સવારે 4 વાગ્યા બાદ તસ્કરોએ મેડિકલ સ્ટોસ્તે નિશાન બનાવ્યું હતું. મેડિકલ સ્ટોરનું શટર તોડી અંદરના કાચના દરવાજાનું લોક તોડી તસ્કરો અંદર પ્રવેશ્યા અને ચોરીની ઘટનાને અંજામ આપ્યો હતો.
રોકડ રકમ અને મોબાઈલની ચોરી
બીજા દિવસે મેડીકલ સ્ટોરના માલિકને ચોરીની જાણ થઈ હતી. તસ્કરો મેડીકલ સ્ટોરમાં રહેલા રોકડા રૂપિયા 48 હજાર, એક મોબાઈલ ફોન તેમજ 6 નંગ ચોકોબાર આઈસ્ક્રીમની પણ ચોરી કરી ગયા હતા. તસ્કરો મેડિકલ સ્ટોરમાંથી કુલ 56,175 રૂપિયાની ચોરી કરી ફરાર થઈ ગયા હતા.
બીજા દિવસે મેડીકલ સ્ટોરના માલિકને ચોરીની જાણ થઈ હતી. તસ્કરો મેડીકલ સ્ટોરમાં રહેલા રોકડા રૂપિયા 48 હજાર, એક મોબાઈલ ફોન તેમજ 6 નંગ ચોકોબાર આઈસ્ક્રીમની પણ ચોરી કરી ગયા હતા. તસ્કરો મૅડિકલ સ્ટોરમાંથી કુલ 56,175 રૂપિયાની ચોરી કરી ફરાર થઈ ગયા હતા.
