થાઇલેન્ડમાં શાનદાર ફિનાલે પછી, મેક્સિકોની 25 વર્ષીય ફાતિમા બોશે મિસ યુનિવર્સ 2025નો તાજ પહેરીને ઇતિહાસ રચ્યો. તેના વીડિયો સોશિયલ મીડિયા પર ફરતા થઈ રહ્યા છે, અને તેના ચાહકો તેને હૃદયપૂર્વક અભિનંદન આપી રહ્યા છે.
મિસ યુનિવર્સ ૨૦૨૫નો ફિનાલે 21 નવેમ્બરના રોજ થાઇલેન્ડના બેંગકોકમાં યોજાઈ રહ્યો છે અને ભારતીય સમય મુજબ સવારે 6:30 વાગ્યે શરૂ થયો હતો. અહેવાલો અનુસાર, મિસ મેક્સિકોને મિસ યુનિવર્સનો તાજ પહેરાવવામાં આવ્યો છે. ચોથી રનર-અપ કોટ ડી’આઇવોર હતી, ત્યારબાદ થાઇલેન્ડ ફર્સ્ટ રનર-અપ, વેનેઝુએલા સેકન્ડ રનર-અપ અને ફિલિપાઇન્સ થર્ડ રનર-અપ રહી હતી.
ભારતની 22 વર્ષીય મણિકા વિશ્વકર્મા આ સ્પર્ધામાં વિવિધ દેશોની 100 થી વધુ બ્યુટી ક્વીન્સ સામે સ્પર્ધા કરી હતી, પરંતુ એવું જાણવા મળ્યું છે કે તે ટોપ 12 માટે ક્વોલિફાય થઈ શકી નથી. મિસ યુનિવર્સ 2025ના ફાઇનલિસ્ટમાં ચિલી, કોલંબિયા, કયુબા, ગ્વાડેલુપ, મેક્સિકો, પ્યુઅર્ટો રિકો, વેનેઝુએલા, ચીન, ફિલિપાઇન્સ, થાઇલેન્ડ, માલ્ટા અને કોટ ડી’આઇવોરની સુંદરીઓનો સમાવેશ થાય.
મિસ યુનિવર્સ ૨૦૨૪, ડેનમાર્કની વિક્ટોરિયા કજેર થેલ્વિગને 16 નવેમ્બર, 2024 ના રોજ મિસ યુનિવર્સનો તાજ પહેરાવવામાં આવ્યો હતો, જે આ ખિતાબ જીતનાર ડેનમાર્કની પ્રથમ મહિલા બની હતી. તેમણે ફાતિમાને મિસ યુનિવર્સ 2024 તરીકે તાજ પહેરાવ્યો હતો.
1942 માં સ્થપાયેલ, મિસ યુનિવર્સ ઓર્ગેનાઇઝેશન વિશ્વભરની મહિલાઓ માટે એક પ્લેટફોર્મ છે જે સ્પર્ધકોમાં નેતળત્વ, શિક્ષણ, સામાજિક પ્રભાવ, વિવિધતા અને વ્યક્તિગત વિકાસને પ્રોત્સાહન આપે છે. આ વર્ષની સ્પર્ધામાં ગોટાળા અને વિવાદના આરોપો હતા. જજ અને સંગીતકાર ઓમર હાૌંચે ફાઇનલના માત્ર ત્રણ દિવસ પહેલા રાજીનામું આપવાની જાહેરાત કર્યા પછી, મિસ યુનિવર્સ જજ, ફ્રેન્ચ ફૂટબોલ મેનેજર ક્લાઉડ મેકેલેલેએ પણ રાજીનામું આપ્યું.
આ મહિનાની શરૂઆતમાં મિસ યુનિવર્સનો ખિતાબ જીતવા બદલ ફાતિમા બોશને મોટા વિવાદનો સામનો કરવો પડ્યો હતો. અહેવાલો અનુસાર, બે અઠવાડિયા પહેલા મિસ યુનિવર્સ હોસ્ટ નવાત ઇટસારાગ્રીસિલે એક મીટિંગ દરમિયાન જાહેરમાં તેમની ટીકા કર્યા પછી ફાતિમા બોશ નાટકીય રીતે વોકઆઉટ કરી ગયા હતા. લાઇવ સ્ટ્રીમ સત્ર દરમિયાન, નવાતે તેમના માટે ડમ્બહેડ શબ્દનો ઉપયોગ કર્યો હતો.
