ઉદ્યોગપતિ મુકેશ અંબાણીની માતા કોકિલા બેન અંબાણીની તબિયત લથડા હોસ્પિટલમાં દાખલ કરવામાં આવ્યા છે. રિલાયન્સ ઇન્ડસ્ટ્રીઝના સ્થાપક ધીરુભાઇ અંબાણીના પત્ન કોકિલા બેનને શુક્રવારે સવારે એરલિફ્ટ કરાયા બાદ મુંબઇના એચએન રિલાયન્સ હોસ્પિટલમાં દાખલ કરાયા છે. જો કે તેમના સ્વાસ્થ્ય સંબંધિત સંપૂર્ણ જાણકારી હાલ મળી નથી.
તમને જણાવી દઇયે કે, કોકિલા બેનની ઉંમર 91 વર્ષ છે, તેમનો એક ગુજરાતી હિન્દુ પરિવારમાં જન્મ 24 ફેબ્રુઆરી 1934ના રોજ બ્રિટિશ કાઉન કોલોની એડેન યમનમાં થયો હતો.
સોશિયલ મીડિયા પર અમુક વીડિયો અને ફોટા વાયરલ થયા છે, જેમા અંબાણી પરિવારના સભ્યોને દક્ષિણ મુંબઇ સ્થિત રિલાયન્સ હોસ્પિટલ જતા દેખાયા હતા. આ સાતે જ તેમના સ્વાસ્થ્યને લઇ ચિંતાઓ વધી ગઇ છે. અત્યાર સુધી અંબાણી પરિવાર તરફથી કોઇ સત્તાવાર નિવેદન આપવામાં આવ્યું નથી. પરંતુ એવું જણાવાઇ રહ્યું છે કે, હાલ ડોક્ટરની દેખરેખ હેઠળ છે.
અબજો રૂપિયાની મિલકતના માલિક
કોકિલાબેન અંબાણી દેશના સૌથી ધનિક ઉદ્યોગપતિ પરિવારના વરિષ્ઠ સભ્ય છે. તેઓ રિલાયન્સ ઇન્ડસ્ટ્રીઝના 1.57 કરોડથી વધુ શેર ધરાવે છે, જેની કિંમત આશરે 18,000 કરોડ રૂપિયા હોવાનો અંદાજ છે. તેમના લગ્ન 1955માં રિલાયન્સ ઇન્ડસ્ટ્રીઝના સ્થાપક ધીરુભાઈ અંબાણી સાથે થયા હતા. આ દંપતીને ચાર બાળકો મુકેશ, અનિલ, નીના અને દીપ્તિ છે.
પરિવારમાં મુખ્ય ભૂમિકા નિભાવી
ધીરુભાઈ અંબાણીના મૃત્યુ પછી, જ્યારે પરિવારમાં વ્યવસાયના વિભાજન અંગે મતભેદો ઉભા થયા, ત્યારે કોકિલાબેન જ આગળ આવ્યા અને વિવાદનો ઉકેલ લાવ્યા. તેમણે જવાબદારીઓ અને સંપત્તિનું યોગ્ય રીતે વિતરણ કર્યું, જેનાથી પરિવારમાં શાંતિ સ્થાપિત કરવામાં મદદ મળી. તેઓ હંમેશા તેમના મોટા પુત્ર મુકેશ અને તેના પરિવાર સાથે એન્ટિલિયામાં રહે છે.
કોકિલા બેન સામાજીક સેવામાં પણ આગળ
કોકિલા બેન અંબાણી સામાસીજ સેવાકાર્યોમાં પણ આગળ છે. મુંબઇ સ્થિત કોકિલાબેન ધીરુભાઇ અંબાણી હોસ્પિટલનું નામ તેમના સમ્માનમાં રાખવામાં આવ્યું છે, જે એક મલ્ટિ સ્પેશિયાલિટી હોસ્પિટલ છે. જે સામાજીક કલ્યાણ પ્રત્યે તેમની જવાબદારી અને પ્રતિબદ્ધતાનો ઉત્તમ ઉદાહરણ છે.