દિલ્હીની એક અદાલતે નેશનલ હેરાલ્ડ મની લોન્ડરિંગ કેસમાં કોંગ્રેસની નેતા સોનિયા ગાંધી અને રાહુલ ગાંધીને નોટિસ પાઠવી છે. આ પહેલા પણ આ કેસમાં ઈડી (એન્ફોર્સમેન્ટ ડિરેક્ટોરેટ) દ્વારા કાર્યવાહી હાથ ધરવામાં આવી હતી અને હવે આ મામલે કોર્ટમાં આરોપપત્ર પણ દાખલ કરવામાં આવ્યો છે.
એન્ફોર્સમેન્ટ ડિરેક્ટોરેટ દ્વારા દિલ્હી સ્થિત રાઉઝ એવેન્યુ કોર્ટમાં મની લોન્ડરિંગ કેસમાં સોનિયા ગાંધી અને રાહુલ ગાંધી સામે આરોપપત્ર રજૂ કરવામાં આવ્યું છે. ઈડીના આરોપ મુજબ, આ કેસમાં પૈસાની હેરફેર કરવામાં આવી હતી અને તેમાં કોંગ્રેસના ટોચના નેતાઓ સામેલ હતા.
આ કેસનો મુખ્ય મુદ્દો AJLના સંપાદન સાથે સંબંધિત છે, જે એક સમયે નેશનલ હેરાલ્ડ અખબારનું સંચાલન કરતું હતું. આરોપો અનુસાર, કોંગ્રેસે AJL ને 90 કરોડ રૂપિયાની વ્યાજમુક્ત લોન આપી હતી, જે પાછળથી યંગ ઈન્ડિયનને માત્ર 50 લાખ રૂપિયામાં ટ્રાન્સફર કરવામાં આવી હતી. સોનિયા અને રાહુલ ગાંધી બંને યંગ ઈન્ડિયનમાં 38-38% હિસ્સો ધરાવે છે. આનાથી કંપનીને AJL ની 2,000 કરોડ રૂપિયાથી વધુની મિલકતો પર નિયંત્રણ મળ્યું, જે દેશના મુખ્ય શહેરોમાં દિલ્હી, લખનૌ અને મુંબઈમાં સ્થિત છે.
કોર્ટે કહ્યું કે ચાર્જશીટ પર ધ્યાન આપતા સોનિયા અને રાહુલને પોતાનો પક્ષ રજૂ કરવાનો અધિકાર છે. સ્પેશીયલ કોર્ટના જજ વિશાલ ગોગણેએ કહ્યું કે કોઈપણ તબક્કે કેસ રજૂ કરવાનો અધિકાર એ નિષ્પક્ષ ટ્રાયલનો જીવ છે. કોર્ટે કહ્યું કે આજે સાંજ સુધીમાં આરોપીઓને નોટિસ મોકલવામાં આવે
