વીર નર્મદ દક્ષિણ ગુજરાત યુનિવર્સિટીના યુવક કલ્યાણ અને શારીરિક શિક્ષણ વિભાગ દ્વારા આજ રોજ શનિવારના પાવન દિવસે હનુમાન જયંતી નિમિત્તે વીર નર્મદ દક્ષિણ ગુજરાત યુનિવર્સિટીના માનનીય કુલપતિશ્રી ડૉ. કિશોરસિંહ એન. ચાવડા સાહેબના માર્ગદર્શન હેઠળ કુલસચિવશ્રી ડૉ. આર.સી. ગઢવી તથા યુવક કલ્યાણ અને શારીરિક શિક્ષણ વિભાગના ઓ.એસ.ડી. ડૉ. યોગેશ વાંસિયાની ઉપસ્થિતિમાં હનુમાન જયંતીની ઉજવણી કરવામાં આવી હતી.
યુનિવર્સિટી દ્વારા હનુમાન જયંતીની ઉજવણી કરવામાં આવતી હોય તે સાંસ્કૃતિક અને ધાર્મિક પરંપરાનું મહત્વ દર્શાવતું એક મહત્વપૂર્ણ અંશ બની શકે છે. કાર્યક્રમમાં ઉપસ્થિત સર્વ દ્વારા હનુમાનજીની પૂજા, મહિમા, આદર-ભક્તિ અને એકતા સાથે મહોત્સવની ઉજવણી કરવામાં આવી હતી. કાર્યક્રમમાં હનુમાન ચાલીસા અને હનુમાનજીના ભજનોથી વાતાવરણ ભક્તિમય બન્યું હતું.
આ કાર્યક્રમ સ્પોર્ટ્સ વિભાગમાં એટલા માટે કરવામાં આવ્યો હતો કેમ કે, હનુમાનજીની તાકાત માનવ શરીરની સાક્ષાત્કાર કરાવે છે, જે રમતગમત અને વ્યાયામના ક્ષેત્રે મહત્વપૂર્ણ અસ્તિત્વ છે. હનુમાનજી એક વીર અને ઉત્કૃષ્ટ યોદ્ધાઓનું પ્રતિનિધિત્વ કરે છે, અને તેની મહાનતા અને સાહસની ઘટનાઓ રમતવીરોને પ્રેરણા આપે છે તથા યોગા, પ્રાણાયામ, રાજયોગ અને અન્ય શારીરિક અભ્યાસો સાથે સંમન્વય ધરાવે છે, જે રમતના ક્ષેત્રે ઉચ્ચ પરિણામો મેળવવામાં મદદ કરે છે એટલે જ જયારે રમતવીરો કોઈ પણ રમતની શરૂઆત કરે તો તેઓ સૌપ્રથમ હનુમાનજીને યાદ કરીને પોતાની રમતની શરૂઆત કરતા હોય છે.
