ઉત્તર પ્રદેશ-બિડાર હોય કે દિલ્હી-એનસીઆર દેશભરમાં હવામાન બદલાવા લાગ્યું છે. તહેવારોની સિઝન પૂરી થતાં જ ઉત્તર ભારતમાં ઠંડીએ દસ્તક આપી છે. હવે સ્વેટર અને ધાબળા વગર દિવસ-રાત પસાર કરવું મુશ્કેલ છે. સવાર-સાંજ સર્વત્ર ધુમ્મસ છવાયેલું રહે છે. તાપમાનમાં પણ સતત ઘટાડો નોંધાઈ રહ્યો છે.
દિલ્હી, નોઈડા, ગાઝિયાબાદ અને ગુરુગ્રામમાં હવામાનનો બેવડો ફટકો જોવા મળી રહ્યો છે. એક તરફ ઠંડી વધી રડી છે તો બીજી તરફ પ્રદૂષણના કારણે લોકોનું જીવન મુશ્કેલ બની ગયું છે. ખરાબ હવામાનની અસર હવે ટ્રેન અને પ્લેન પર પડી રહી છે. વિઝિબિલિટીમાં નોંધપાત્ર ઘટાડો થયો છે, જેના કારણે ટ્રેનો મોડી ચાલી રહી છે. દરમિયાન, હવામાન વિભાગે તીવ્ર ઠંડી અને ગાઢ ધુમ્મસનું એલર્ટ જાહેર કર્યુ છે.
હવામાનની માહિતી આપતી વેબસાઈટ સ્કાયમેટ વેધરના જણાવ્યા અનુસાર આજે અને આવતીકાલે પંજાબ, હરિયાણા, દિલ્હી, ઉત્તર રાજસ્થાન, ઉત્તર પ્રદેશ અને બિડારના કેટલાક ભાગોમાં ગાઢ ધુમ્મસ છવાઈ શકે છે. ગુજરાતમાં પણ સવારે અને રાત્રીના સમયે ઠંડી જોવા મળી રહી છે. આ રાજ્યોમાં દિવસના તાપમાનમાં વધુ ઘટાડો થવાની સંભાવના છે. ઉત્તર-પશ્ચિમ અને મધ્ય ભારતમાં લઘુત્તમ તાપમાનમાં થોડો ઘટાડો થશે. તમિલનાડુમાં કેટલાક સ્થળોએ ભારે વરસાદની સાથે હળવોથી મધ્યમ વરસાદ પડી શકે છે. આંતરિક તમિલનાડુ, કેરળ, લક્ષદ્વીપ અને આંદામાન અને નિકોબાર ટાપુઓમાં હળવાથી મધ્યમ વરસાદની શક્યતા છે.
દિલ્હી અને એનસીઆરનો હવા ગુણવત્તા સૂચકાંક ખૂબ જ ખરાબથી ગંભીર શ્રેણીમાં રહેશે. હવામાન વિભાગે મંગળવારે ગાઢ ધુમ્મસની આગાડી કરી છે અને મહત્તમ અને લઘુત્તમ તાપમાન અનુક્રમે 24 અને 15 ડિગ્રી સેલ્સિયસ રહેવાની સંભાવના છે. અગાઉ સોમવારે દિલ્હીમાં આ સિઝનનું સૌથી નીચું મડત્તમ તાપમાન નોંધાયું હતું. તાપમાન 16.2 ડિગ્રી સેલ્સિયસ હતું જે સામાન્ય કરતાં ચાર ડિગ્રી સેલ્સિયસ વધુ હતું.
આ પણ વાંચો :-
