અમેરિકાના કેન્ટકીમાં એક દર્દીને સારવાર માટે લઈ જઈ રહેલું મેડિકલ હેલીકોપ્ટર દુર્ઘટનાગ્રસ્ત થઈ ગયું હતું. આ દુર્ઘટનામાં 3 ક્રુ મેમ્બરના મોત થયા છે. કેન્ટકી સ્ટેટ પોલીસના જણાવ્યા પ્રમાણે દુર્ઘટના સોમવારે સાંજે ઓવેનટોનમાં સ્ટેટ હાઈવે-22 પાસે બની હતી. આ હેલીકોપ્ટર એર ઈવૈક લાઈફટીમનું માલિકીનું હતું, જેમાં ત્રણ કર્મીઓ સામેલ હતા.
આ ત્રણેક મૃતકો નામ – ગેલ એલેમેન, બેથની એકેન અને જેમ્સ વેલ્શ છે. એર ઈવેક લાઈફટીમે સોશ્યલ મીડિયા પર એક પોસ્ટ કરીને જણાવ્યું કે ગ્રાન્ટ કાઉન્ટી સ્થિત ક્રૂ મેમ્બર એક દર્દીને લઈ જઈ રહ્યા હતા, ત્યારે આ દુર્ઘટના બની હતી. આ દુર્ઘટનાની પોલીસ તપાસ કરી રહી છે. સાથે જ નેશનલ ટ્રાન્સપોર્ટ સેફ્ટી બોર્ડ અને ફેડરલ એવિએશન એડમિનિસ્ટ્રેશન પણ દુર્ઘટનાની તપાસ પોતાની રીતે કરી રહ્યા છે.
એર ઈવેક લાઈફટીમે કહ્યું કે આ એક ખૂબ દુખદ દુર્ઘટના છે અને અમારી સંવેદાન કર્મચારીઓના પરિવારો અને મિત્રો સાથે છે. એ તપાસ દરમિયાન એફએએ અને એનટીએસબીની સાથે મળીને કામ કરશે.
આ પણ વાંચો :-
