મુંબઈના મલાડ વિસ્તારમાંથી એક ચોંકાવનારો કિસ્સો સામે આવ્યો છે. અહીં એક વ્યક્તિએ ઓનલાઈન આઈસ્ક્રીમ ઓર્ડર કર્યો હતો, જેમાંથી એક આંગળી મળી આવી છે. અહેવાલ અનુસાર, મુંબઈના મલાડ વિસ્તારમાં એક મહિલાને આઈસ્ક્રીમ કોનની અંદર માનવ આંગળીનો ટુકડો મળ્યો જે તેણે ઓનલાઈન ઓર્ડર કર્યો હતો.
મહિલાએ દાવો કર્યો હતો કે, તેણે અડધાથી વધુ આઈસ્ક્રીમ ખાઈ લીધી હતી, પરંતુ જેવી તેને ખબર પડી કે તેમાં કંઈક ગડબડ છે, તેણે આઈસસ્ક્રીમમાં માણસની એક કપાયેલી આંગળી જોઈ. પોલીસે કહ્યું, “ઓનલાઈન ઓર્ડર કરાયેલ આઈસક્રીમ કોનની અંદર એક મહિલાને માણસની આંગળીનો ટુકડો મળ્યો.” જે બાદ મહિલા મલાડ પોલીસ સ્ટેશન પહોંચી હતી.
આઈસ્ક્રીમ માનવ આંગળીનો ટુકડો મળ્યા બાદ મહિલાએ મલાડ પોલીસ સ્ટેશનમાં ફરિયાદ નોંધાવી હતી, જ્યાં યમ્મો આઈસ્ક્રીમ કંપની વિરુદ્ધ કેસ નોંધવામાં આવ્યો અને ખાદ્યપદાર્થના નમૂનાને ફોરેન્સિક તપાસ માટે મોકલવામાં આવ્યા. આ મામલો સામે આવ્યા બાદ વિસ્તારના લોકો ચોંકી ઉઠ્યા છે અને બહારથી ખાદ્યપદાર્થો મંગાવતા ગભરાઈ રહ્યા છે. તેણે આ ઘટના અંગે મલાડ પોલીસને જાણ કરી છે. એક વરિષ્ઠ પોલીસ અધિકારીએ જણાવ્યું કે, આઈસક્રીમ જ્યાં બનાવવામાં આવ્યો હતો અને પેક કરવામાં આવ્યો હતો તેની પણ તપાસ કરવામાં આવશે.
આ પણ વાંચો :-
