છત્તીસગઢમાં પહેલા તબક્કાના મતદાનની વચ્ચે સુરક્ષા દળો અને નકસલીઓ વચ્ચે એન્કાઉન્ટર થયું હતું જેમાં ઘણા નકસલીઓ માર્યા ગયા હોવાનું જણાવાઈ રહ્યું છે. સુકમામાં તાડમેટલા અને ડૂલેદ વચ્ચે સીઆરપીએફ અને નક્સલીઓ વચ્ચે એન્કાઉન્ટર થયું હોવાના સમાચાર છે કોબ્રા ૨૦૬ સૈનિકો સાથે એન્કાઉન્ટર થઈ રહ્યું છે. મિંપામાં મતદાન દળને સુરક્ષા આપવા માટે જંગલોમાં સૈનિકો તૈનાત કરવામાં આવ્યા હતા. અહીં એન્કાઉન્ટર લગભગ ૨૦ મિનિટ સુધી ચાલ્યું હોવાનું સામે આવ્યું છે. આમાં કેટલાક સૈનિકો ઘાયલ પણ થયા છે.
બીએસએફ અને ડીઆરજીની એક ટીમ કાંકેર જિલ્લાના બાંદે પોલીસ સ્ટેશન વિસ્તારમાં મતદાન માટે એરિયા વર્ચસ્વ પર નીકળી હતી. આ દરમિયાન પનવાર પાસે ૧ વાગે ડીઆરજી સાથે એન્કાઉન્ટર થયું હતું. ઘટના સ્થળેથી AK-૪૭ મળી આવી છે. આ વિસ્તારમાં સર્ચ ઓપરેશન ચાલી રહ્યું છે. કેટલાક નક્સલવાદીઓ ઘાયલ અથવા મૃત્યુ પામે તેવી સંભાવના છે. બપોરે લગભગ ૧ વાગે પડેડાના દક્ષિણમાં સુરક્ષા દળો અને માઓવાદીઓ વચ્ચે એન્કાઉન્ટર થયું હતું. આ એન્કાઉન્ટર સેન્ટ્રલ રિઝર્વ પોલીસ ફોર્સ (સીઆરપીએફ)ની 85મી બટાલિયન અને માઓવાદીઓ વચ્ચે થયું હતું, જેઓ મતદાનના દિવસે એરિયા ડોમિનેશન ડ્યુટી પર હતા. આ એન્કાઉન્ટર લગભગ ૫-૧૦ મિનિટ સુધી ચાલ્યું હતું, માઓવાદીઓ ૨-૩ મૃતદેહો લઈને ભાગતા જોવા મળ્યા હતા. તમામ સૈનિકો સુરક્ષિત છે અને આસપાસ સર્ચ ઓપરેશન ચાલી રહ્યું છે.
આજથી પાંચ રાજ્યોમાં વિધાનસભાની ચૂંટણી શરૂ થઈ ગઈ છે. છત્તીસગઢ અને મિઝોરમમાં મતદાન ચાલી રહ્યું છે. જણાવી દઈએ કે છત્તીસગઢની ૧૦ સીટો પર મતદાન ખતમ થઈ ગયુ છે. બાદમાં ૧૦ બેઠકો માટે મતદાન શરૂ થયું હતું. મિઝોરમમાં એક જ તબક્કામાં તમામ ૪૦ બેઠકો પર મતદાન થઈ રહ્યું છે.ચૂંટણી પંચે મતદાનને કારણે નક્સલ પ્રભાવિત વિસ્તારોમાં ૬૦ હજાર સુરક્ષા દળોને તૈનાત કરી દીધા છે.
આ પણ વાંચો :-
