Cheapest and Best Colleges
- એન્જિયરિંગ અભ્યાસએ દુનિયાના સૌથી મોંઘા અંડરગ્રેજ્યુએટ અભ્યાસક્રમોમાંનો એક છે. આ કારણોસર મધ્યમ વર્ગના પરિવારોના ઘણા બાળકો એન્જિનિયર બનવાના સપના જોતા હોય છે. પરંતુ એન્જિનિયરિંગની ફીના કારણે તેઓ તેમના સપના પૂરા કરી શકતા નથી. આવી સ્થિતિને જોતા આજે અમે તમને કેટલીક એવી એન્જિનિયરિંગ કોલેજો વિશે જણાવીશું જ્યાં તમે 10 હજારથી 50 હજારની વાર્ષિક ફી ચૂકવીને એન્જિનિયરિંગની ડિગ્રી મેળવી શકો છો.
એન્જિયરિંગ અભ્યાસએ દુનિયાના સૌથી મોંઘા અંડરગ્રેજ્યુએટ (Undergraduate) અભ્યાસક્રમોમાંનો એક છે. આ કારણોસર મધ્યમ વર્ગના પરિવારોના ઘણા બાળકો એન્જિનિયર બનવાના સપના જોતા હોય છે. પરંતુ એન્જિનિયરિંગની (Engineering) ફીના કારણે તેઓ તેમના સપના પૂરા કરી શકતા નથી. આવી સ્થિતિને જોતા આજે અમે તમને કેટલીક એવી એન્જિનિયરિંગ કોલેજો વિશે જણાવીશું જ્યાં તમે 10 હજારથી 50 હજારની વાર્ષિક ફી ચૂકવીને એન્જિનિયરિંગની ડિગ્રી મેળવી શકો છો.
1. જાદવપુર યુનિવર્સિટી, કોલકાતા :
તમે જાદવપુર યુનિવર્સિટીમાંથી B.Tech ડિગ્રી મેળવી શકો છો. તે દેશની ટોચની B.Tech સંસ્થાઓમાંની એક છે. NIRF રેન્કિંગ 2023 અનુસાર આ સંસ્થાનું રેન્કિંગ દેશમાં 17મું છે. અહીં B.Tech કોર્સની વાર્ષિક ટ્યુશન ફી માત્ર 10 હજાર રૂપિયા છે. એકંદરે 4-વર્ષના B.Tech કોર્સની ફી લગભગ રૂ.1,20,000 સુધી જાય છે. આ સંસ્થામાં પ્રવેશ પશ્ચિમ બંગાળ સંયુક્ત પ્રવેશ પરીક્ષા (WBJEE) દ્વારા થાય છે.
2. મહારાજા સયાજીરાવ યુનિવર્સિટી, બરોડા :
મહારાજા સયાજીરાવ યુનિવર્સિટી દ્વારા વિવિધ ઈજનેરી શાખાઓમાં B.Tech કોર્સ ઓફર કરવામાં આવે છે. આ યુનિવર્સિટીની ટેક્નોલોજી અને એન્જિનિયરિંગ ફેકલ્ટી દેશની અગ્રણી ઉચ્ચ શિક્ષણ અને સંશોધન સંસ્થા છે. અહીં B.Tech કોર્સની એક વર્ષની ફી લગભગ 30,560 રૂપિયા છે. આ યુનિવર્સિટીમાં પ્રવેશ JEE મેઈન દ્વારા થાય છે.
3. રાષ્ટ્રીય ડેરી સંસ્થા, કરનાલ :
નેશનલ ડેરી સંસ્થા કરનાલ, હરિયાણામાં આવેલી છે. તેની સ્થાપના 1955માં થઈ હતી. આ સંસ્થામાંથી તમે ડેરી ટેકનોલોજીમાં B.Tech ડિગ્રી મેળવી શકો છો. સમગ્ર દેશમાં ડેરી એન્જિનિયરિંગમાં B.Tech માટે આ શ્રેષ્ઠ સંસ્થા છે. અહીં B.Tech કોર્સની એક વર્ષની ફી લગભગ 32 હજાર રૂપિયા છે. અહીં B.Tech કોર્સમાં પ્રવેશ માટે ઓલ ઈન્ડિયા એન્ટ્રન્સ એક્ઝામ દ્વારા પ્રવેશ આપવામાં આવે છે.
4. અલાગપ્પા ચેટ્ટિયાર કોલેજ ઓફ એન્જિનિયરિંગ એન્ડ ટેકનોલોજી :
અલાગપ્પા ચેટ્ટિયાર કોલેજ ઓફ એન્જિનિયરિંગ એન્ડ ટેક્નોલોજી તમિલનાડુના કરાઈકુડીમાં સ્થિત છે. આ સરકારી કોલેજ છે. તે તમિલનાડુની અન્ના યુનિવર્સિટી સાથે જોડાયેલ છે. આ કોલેજ 5 થી વધુ વિષયોમાં B.Tech અભ્યાસક્રમો પ્રદાન કરે છે. અહીં B.Tech કોર્સની વાર્ષિક ફી રૂ. 39,560 છે. આ કોલેજમાં એડમિશન લેવા માટે, તમારે તમિલનાડુ એન્જિનિયરિંગ એડમિશન ટેસ્ટ (TNEA)માંથી પસાર થવું પડશે. તે રાજ્ય કક્ષાની પ્રવેશ પરીક્ષા છે.
5. જામિયા મિલિયા ઈસ્લામિયા યુનિવર્સિટી :
જામિયા મિલિયા ઈસ્લામિયા યુનિવર્સિટીની ગણના દેશની ટોચની યુનિવર્સિટીઓમાં થાય છે. તે એક સેન્ટ્રલ યુનિવર્સિટી પણ છે. આ યુનિવર્સિટી દેશની રાજધાની દિલ્લીમાં આવેલી છે. B.Tech ઉપરાંત અન્ય ઘણા અભ્યાસક્રમો પણ અહીં ચલાવવામાં આવે છે. જો કે અહીં B.Tech કોર્સની ફી 43,400 રૂપિયા છે. અહીં આ કોર્સમાં પ્રવેશ જોઈન્ટ એન્ટ્રન્સ એક્ઝામિનેશન મેઈન (JEE Main) દ્વારા આપવામાં આવે છે.
આ પણ વાંચો :-
