દેશભરમાં ચકચાર મચાવનારા કરોડોના કૌભાંડની તપાસ ઇકો સેલને કરી રહી હતી.હાલ ઝડપાયેલા ચારે આરોપીઓને રિમાન્ડ પૂર્ણ થતા સુરત કોર્ટમાં રજૂ કરાયા હતા. કોર્ટ દ્વારા આરોપીઓને જ્યુડિશિયલ કસ્ટડીને હુકમ કરાયો હતો.પોલીસ તપાસમાં ૭૮૦૦ કરોડના ઓનલાઇન ટ્રાન્જેક્શન મળી આવ્યા હતા. શિવ એન્ટરપ્રાઇઝ નામની ઓનલાઇન કાપડની ઓફિસની આડમાં ધમધમતા ઓનલાઇન સટ્ટાકાંડ નું કૌભાંડ ઝડપી પાડ્યું હતું.
એકાદ વર્ષ પહેલાં ઈકોસેલે ૭૮૦૦ કરોડનું સટ્ટાકાંડ ડિંડોલીમાં રાજમહલ મોલમાં પકડી પાડ્યું હતું. આ ગુનામાં ઈકોસેલે બે દિવસ પહેલાં ૪ને પકડી પાડ્યા હતા.ચકચારી સટ્ટાકાંડમાં પકડાયેલા આરોપીમાં બકુલ કિર્તીપાલ શાહ (૪૦) (રહે, ક્રિષ એપાર્ટ, પાલ, મૂળ રહે, નવા ડીસા, જી.બનાસકાંઠા), હર્ષ કમલેશ શાહ(૨૫)(રહે, અંકુર એપાર્ટ, કૈલાશનગર, મજુરાગેટ, મૂળ રહે, ચંદીસર, જી.બનાસકાંઠા), પાર્થ શૈલેષ જોષી (૩૦) (રહે, વાડી, આદીપુર, ગાંધીધામ, કચ્છ, મૂળ રહે, બિલખા, જુનાગઢ) અને આકાશ પ્રવિણચંદ્ર પારેખ (૩૦)(રહે, ભાગ્યરત્ન હાઇટ્સ, પાલ, મૂળ રહે, વાવ, બનાસકાંઠા) છે. ચારેયને ઈકોસેલે કોર્ટમાં રજૂ કરી રિમાન્ડ મેળવ્યા હતા. એક આરોપીનો ફોટો નેતાના પુત્ર સાથે છે.
દુબઈમાં બેસી કિશન સટ્ટાંના કરોડોના હવાલા કરતો હતો. કિશને ૩૦થી ૪૦ હજારના પગાર પર ૪ જણાને નોકરીએ રાખ્યા હતા. કિશનના કહેવાથી ૪ આરોપી એક બેંક ખાતામાંથી બીજા બેંક ખાતામાં નાણાં ટ્રાન્સફર અંગે જણાવતો હતો. હજુ કિશન સહિત ૧૫ આરોપીઓ વોન્ટેડ છે. જેમાં મોટેભાગના આરોપી દુબઈ ભાગી ગયા હોવાની વાત છે. તે વખતે શરૂઆતમાં સૂત્રધાર સહિત ૪ પકડાયા હતા. જેમાં કુલ ૯ પકડાયા છે. આરોપી પાસેથી બેંકોના ૭૬ ડમી ખાતાઓ પોલીસે ફ્રીજ કર્યા હતા. આરોપીના IDBI બેંકના ૩ ખાતામાંથી ૧૨૧૭ કરોડ ૮૦ લાખ ટ્રાન્જેક્શનો થયેલા હોવાની ચોંકાવનારી વિગતો મળી છે. સાથે ૧.૭૨ કરોડ ફ્રીઝ કર્યા હતા. હુઝેફાને ઓનલાઇન બેટીંગ એપમાં ગેરકાયદે લેવડદેવડ માટે બેંક ખાતાઓ નાણાકીય વ્યવહારો કરતો હતો. પોલીસે આરોપીના બેંકના ખાતાઓનું સ્ટેટમેન્ટ બેંકમાંથી કઢાવ્યું હતું. જેમાં માત્ર એક જ એકાઉન્ટનું સ્ટેટમેન્ટ ૬૦૦ પાનાનું હતું, જે જોઈને પોલીસ અધિકારીઓ પણ ચોંકી ઊઠ્યા હતા.
આ પણ વાંચો :-
