Monday, Dec 8, 2025

મહિલા એશિયા કપ 2024 આજે ભારત vs પાકિસ્તાન વચ્ચે પ્રથમ મુકાબલો

2 Min Read

એશિયાની આઠ ટીમ વચ્ચે શ્રીલંકા ખાતે મહિલા એશિયા કપ 2024 ટી 20 મુકાબલો શરુ થયો છે. શુક્રવાર, 19 જુલાઇ એ બે મેચ રમાશે. એશિયા કપ 2024 પ્રારંભે બપોરે 2 વાગે નેપાળ વિ યુએઇ વચ્ચે મેચ રમાશે. જ્યારે સાંજે 7 કલાકે ભારત વિ પાકિસ્તાન વચ્ચે મેચ રમાશે. બંને મેચ દામ્બુલા સ્થિત રંગીરી દામ્બુલા ઇન્ટરનેશનલ સ્ટેડિયમ ખાતે રમાશે.

 મહિલા એશિયા કપનું આયોજન આ વખતે શ્રીલંકામાં કરવામાં આવી રહ્યું છે ટૂર્નામેન્ટની શરુઆત 19 જુલાઈથી થશે. આ વખતે એશિયા કપમાં કુલ 8 ટીમ ભાગ લઈ રહી છે. આ 8 ટીમને બે ગ્રુપમાં વહેંચવામાં આવી છે. જેમાં ભારત, પાકિસ્તાન,યુએસઈ અને નેપાલની ટીમ ગ્રુપ એમાં છે.

ભારતીય મહિલા ક્રિકેટર હરમનપ્રીત કૌરની આગેવાની હેઠળ મહિલા ટીમ ઇન્ડિયા પાકિસ્તાન ટીમ સામે મેચ રમી મહિલા એશિયા કપ 2024 મુકાબલાની શરુઆત કરશે. મહિલા ટીમ ઇન્ડિયામાં શેફાલી વર્મા, સ્મૃતિ મંધાના, દીપ્તિ શર્મા સહિત દિગ્ગજ ખેલાડીઓ ટીમ ઇન્ડિયાને ચેમ્પિયન બનાવવા માટે સજ્જ છે.

મહિલા એશિયા કપ 2024 ગ્રુપ ટીમ
ગ્રુપ A : ભારત, પાકિસ્તાન, યુએઈ અને નેપાળ
ગ્રુપ B : શ્રીલંકા, બાંગ્લાદેશ, મલેશિયા અને થાઇલેન્ડ

શ્રીલંકાની યજમાનીમાં મહિલા એશિયા કપ 2024 19 જુલાઇથી શરુ થયો છે. એશિયાની આઠ ટીમ વચ્ચે ટી 20 ફોરમેટમાં મુકાબલો છે. આઠ ટીમોને ગ્રુપ એ અને ગ્રુપ બી માં વહેંચવામાં આવી છે. જેમાં ગ્રુપ એ માં ભારત, પાકિસ્તાન, નેપાળ અને યુએઇ છે જ્યારે ગ્રુપ બી માં બાંગ્લાદેશ, મલેશિયા, શ્રીલંકા અને થાઇલેન્ડ ટીમને રાખવામાં આવી છે.

ભારતીય મહિલા ટીમ
હરમનપ્રીત કૌર (કેપ્ટન), દયાલન હેમલતા, જેમિમાહ હોડ્રિગ્ઝ, શેફાલી વર્મા, શ્વેતા સેહરાવત, સ્મૃતિ મંધાના, દીપ્તિ શર્મા, સજીવન સજના, રિયા ઘોષ, ઉમા ચેત્રી, અરુંધતી રેડ્ડી, આશા શોભના, મેઘના સિંહ, પૂજા વસ્ત્રાકર, રાધા યાદવ, રેણુકા સિંહ, સાયકા ઇશાક, શ્રેયંકા પાટીલ અને તનુજા કંવર

પાકિસ્તાન મહિલા ટીમ
ગુલ ફિરોઝા, ઇરમ જાવેદ, સિદરા આમીન, આલિયા રિયાઝ, ફાતિમા સના, નિદા ડાર, ઓમાઇમા સોહેલ, સૈયદા અરુબ શાહ, નજીહા અલ્વી, મુનીબા અલી, નશરા સંધુ, ડાયના બેગ, સાદિયા ઈકબાલ, તસ્મિયા રુબાબ અને તુબા હસન

આ પણ વાંચો :-

Share This Article