T૨૦ વર્લ્ડ કપ જીતવા છતાં ભારતીય ક્રિકેટ ટીમ હાલમાં ખરાબ હવામાનના કારણે બાર્બાડોસમાં ફસાઈ છે. ખેલાડીઓ હોટલમાં બંધ છે. આવી સ્થિતિમાં વિરાટ કોહલીએ પત્ની અનુષ્કા શર્માને વીડિયો કોલ કરીને બાર્બાડોસનું હવામાન બતાવ્યું હતુ. કારણ કે. વિરાટ કોહલી પણ વાવાઝોડામાં ટીમ સાથે ફસાઈ ગયો છે. આખી ભારતીય ટીમ,સપોર્ટ સ્ટાફ, bcciના અધિકારીઓ બાર્બાડોસમાં ફસાઈ છે.બાર્બાડોસમાં ૩૦ જુલાઈના રોજ એરપોર્ટ પર અવર-જવર બંધ થઈ છે.
સમગ્ર T૨૦ વર્લ્ડ કપ દરમિયાન વિરાટ કોહલીનું બેટ શાંત રહ્યું, પરંતુ તેણે ફાઇનલમાં મેચ વિનિંગ ઇનિંગ રમી હતી. ભારતે ૫૦ રનમાં ૩ વિકેટ ગુમાવી દીધી હતી. જોકે, વિરાટ એક છેડે ઊભો રહીને પોતાની વિકેટ બચાવ્યો હતો. આવી સ્થિતિમાં કોહલીએ ૫૯ બોલનો સામનો કરીને ૭૬ રનની શાનદાર ઇનિંગ રમી હતી. આ દરમિયાન તેના બેટમાંથી ૬ ચોગ્ગા અને ૨ છગ્ગા પણ જોવા મળ્યા હતા. કોહલીને તેની ઇનિંગ માટે પ્લેયર ઓફ ધ મેચનો એવોર્ડ પણ મળ્યો હતો.
મીડિયા રિપોર્ટ્સ અનુસાર, ટીમ ઈન્ડિયાને સીધુ દિલ્હી લઈ જતું ચાર્ટર પ્લેન બાર્બાડોસમાં ઉતરી શક્યું ન હતું. આ કારણે પરત ફરવામાં વધુ વિલંબ થઈ શકે છે. હાલ એરપોર્ટને ખુલ્લુ મુકવામાં આવ્યું છે, પરંતુ હજુ સુધી ફ્લાઈટ શરૂ થઈ નથી. એવું માનવામાં આવે છે કે આગામી થોડા કલાકોમાં ફ્લાઈટ ટ્રાફિક શરૂ થઈ જશે.
આ પણ વાંચો :-