વડોદરા જિલ્લામાં કલેક્ટર કચેરીને બોંબથી ઉડાડવાની ધમકી મળતા ખળભળાટ મચી ગયો હતો. મળેલી માહિતી મુજબ ૧ વાગ્યા સુધીમાં કચેરી ખાલી નહીં કરાય તો બોંબથી ઉડાડવાની ધમકી આપવામાં આવી હતી. ઈ-મેઈલ મારફતે ધમકી મળતા જ તાત્કાલિક અસરથી કચેરીમાં ચેકિંગ શરૂ કરવામાં આવ્યું હતું. ઘટનાની ગંભીરતાને ધ્યાનમાં રાખી સ્થાનિક પોલીસ સહિત અન્ય સુરક્ષા એજન્સીઓ ઘટનાસ્થળે પહોંચી તપાસમાં જોડાઈ હતી અને કચેરી પરિસરમાં સઘન તપાસ હાથ ધરવામાં આવી છે.
1 વાગ્યા સુધી બ્લાસ્ટ સુધીમાં બ્લાસ્ટ થશે
શહેરની મધ્યમાં આવેલી કલેકટર કચેરીને વધુ એક વખત બોમ્બથી ઉડાવી દેવાનો ધમકીભર્યો ઈમેલ મોકલવામાં આવ્યો છે. જે આજે સવારે કચેરી ખુલતાજ ધ્યાને આવ્યો હતો. જે અંગે સ્થનિક પોલીસ અને એજન્સીઓને જાણ કરતા બોમ્બ સ્કોડ, ડોગ સ્કોડ સાથે કલેકટર કચેરીમાં તપાસ કરવામાં આવી રહી છે.
કલેકટર કચેરીને વધુ એક વખત બોમ્બથી ઉડાવી દેવાની ધમકી
પ્રાથમિક માહિતી પ્રમાણે શહેરના દિવાળીપુરા વિસ્તારમાં આવેલી કલેકટર કચેરીને વધુ એક વખત બોમ્બથી ઉડાવી દેવાની ધમકી ભર્યો ઈમેલ મળ્યો છે. ઇમેલમાં ઉલ્લેખ કરાયો છે કે, ” કલેકટર ઓફિસમાં RDK મુકવામાં આવ્યા છે, 1 વાગ્યા સુધી બ્લાસ્ટ સુધીમાં બ્લાસ્ટ થશે, જેથી ઓફિસ ખાલી કરવી દો”.
