ગેટકો અને એલએમયુ દ્વારા પ્રાપ્ત અહેવાલ મુજબ, ઉકાઈ થર્મલ પાવર સ્ટેશન (TPS)ના ચાર યુનિટ અચાનક બંધ થતા 500 મેગાવોટ વિજ ઉત્પાદન ઘટાડાયું છે. આ પરિસ્થિતિને નિયંત્રિત કરવા માટે ડીજીવીસીએલ દ્વારા વિવિધ સબ-સ્ટેશનો પર શૂન્ય પાવર લોડ ઘટાડવા માટે પગલાં લેવાયા છે.
સુરત શહેર જિલ્લા સહિત દક્ષિણ ગુજરાતમાં ભરબપોરે પાવર કટ થયો હતો. તાપી, ભરૂચ, રાજપીપળા, સુરત, નવસારીમાં પાવર કટ થયો હતો. અચાનક વીજ પુરવઠો કટ થતા જનજીવન થંભી ગયું હતું. લોકો ઘર-ઓફિસમાં પરસેવે રેબઝેબ થવા લાગ્યા હતા. બીજી તરફ પાવર સપ્લાય અટકી જતા રેલ વ્યવહાર પણ ઠપ્પ થઈ ગયો હતો. સુમલ ડેરીનો પ્લાન્ટ પણ બંધ થયો હતો. પ્લાન્ટ શરૂ કરવા જનરેટર ચાલુ કરવા પડ્યા હતા.
વિજળીના અચાનક ઘટાડાને કારણે સિસ્ટમ અંધારામાં ન જાય તે માટે SPS (સિસ્ટેમ પ્રોટેક્શન સ્કીમ) કાર્યરત કરવામાં આવી છે. જો કે, રાજ્યના વિજ વ્યવસ્થાપન માટે જવાબદાર SLDC (સ્ટેટ લોડ ડિસ્પેચ સેન્ટર) સિસ્ટમને પુનઃસ્થાપિત કરવા માટે સતત પ્રયાસ કરી રહ્યું છે.
આ મુદ્દાને ધ્યાનમાં રાખીને, અધિકારીઓ અને તંત્ર ઝડપથી કામ કરી રહ્યું છે જેથી વપરાશકર્તાઓને લાંબા સમય સુધી તકલીફ ન થાય. લોકોને ગભરાશ ન રાખવાની અને વિજ વ્યવસ્થાની નવીનતમ માહિતી મેળવતી રહેવાની અપીલ કરવામાં આવી છે.
