આજે ભારતીય શેરબજારમાં જબરદસ્ત ઘટાડો નોંધાયો હતો. સેન્સેક્સ 148 પોઈન્ટ તૂટ્યો. સવારે 10:00 વાગ્યા સુધી સેન્સેક્સ લાલ નિશાનમાં ટ્રેડ થતો જોવા મળ્યો હતો. સેન્સેક્સે 78,319.45 પર ટ્રેડિંગ શરૂ કર્યું. ટ્રેડિંગ શરૂ થતાંની સાથે જ સેન્સેક્સમાં 600થી વધુ પોઈન્ટ્સનો ઘટાડો જોવા મળ્યો હતો, જે તેને 77,898.6ની નીચી સપાટીએ લઈ ગયો હતો. જોકે, સેન્સેક્સ સુધરીને ફરી 78,000ની સપાટીને સ્પર્શી ગયો હતો.
હાલમાં સેન્સેક્સ 674 પોઈન્ટના ઘટાડા સાથે 77,524 ના સ્તર પર ટ્રેડ કરી રહ્યો હતો. એ જ રીતે, નિફ્ટી પણ 23,746.65ના સ્તરથી ઘટીને ડાઉનવર્ડ પાથ પર ગયો હતો અને 200થી વધુ પોઈન્ટના ઘટાડા સાથે 23,506 પર ટ્રેડ થતો જોવા મળ્યો હતો.
સવારે 10:00 વાગ્યા સુધી નિફ્ટી 43 પોઈન્ટ લપસી ગયો હતો. નિફ્ટીએ 23,746 પોઈન્ટ પર ટ્રેડિંગ શરૂ કર્યું હતું. ટ્રેડિંગ દરમિયાન નિફ્ટીનું સૌથી નીચું સ્તર 23,622.20 હતું, જ્યારે 10:00 સુધી તે 23,751.85ના સર્વોચ્ચ સ્તરને સ્પર્શ્યું હતું. સવારે 10:00 વાગ્યા સુધીમાં નિફ્ટી 23,648.55 પોઈન્ટ પર ટ્રેડ કરી રહ્યો હતો. આજે ટ્રેડિંગ દરમિયાન સેન્સેક્સના 30 શેરોમાંથી 12માં ઉછાળો હતો
બૅન્કિંગ અને ફાઇનાન્સ શેર્સમાં વેચવાલી સતત વધી છે. બીએસઈ બેન્કેક્સ ખાતે ટ્રેડેડ તમામ 10 સ્ક્રીપ ઘટાડા તરફી ટ્રેડ થવા સાથે ઇન્ડેક્સમાં 570 પોઇન્ટનો કડાકો નોંધાયો હતો. ફેડરલ બૅન્ક 2 ટકા, યસ બૅન્ક 1.58 ટકા, ICICI બૅન્ક 1.48 ટકા અને એસબીઆઇ શેર 1.44 ટકા ઘટાડે ટ્રેડ થઈ રહ્યો હતો. આ સિવાય મેટલ, પાવર, રિયાલ્ટી શેર્સમાં પણ પ્રોફિટ બુકિંગ વધ્યું છે. અમેરિકામાં ડોનાલ્ડ ટ્રમ્પની શપથવિધિ પહેલાં શેરબજારમાં વોલેટિલિટી વધી છે. આઇટી અને ટૅક્નોલૉજી શેર્સમાં પણ મોટાપાયે વેચવાલી નોંધાઈ છે.
આ પણ વાંચો :-
