ગુજરાતમાં સ્માર્ટ વીજ મીટર લગાવાનું શરૂ થયું છે આ મીટરને લઇ શરૂઆતથી જ વિરોધ થઇ રહ્યો છે. સ્થાનિકોનો દાવો છે કે આ મીટરમાં વપરાશથી પણ વધુ બીલ આવે છે. વડોદરા અને સુરતમાં આ મીટર લગાવ્યા બાદ સ્થાનિકોએ તેનો સામુહિક વિરોધ કર્યાં છે. મોબાઇલમાં મેસજ આવતા ગ્રાહકના પગ નીચેથી જમીન સરકી ગઈ હતી. તેમાં ૯,૨૪,૨૫૪નું બિલ આવતા MGVCLમાં ફરિયાદ કરી છે.
સ્માર્ટ મીટરને લઇને હાલ લોકોમાં ભારે રોષ જોવા મળી રહ્યો છે. જ્યાં જુઓ ત્યાં સ્માર્ટ મીટરનો વિરોધ થઇ રહ્યો છે. ગોરવા વિસ્તારના ગ્રાહકનું રૂપિયા ૯,૨૪,૨૫૪નું બિલ આવ્યુ છે.સામાન્ય રીતે તેમનું બીલ દર મહિને ૨ હજારની આસપાસ આવે છે અને અને સ્માર્ટ મીટર લગાવતાની સાથેજ લાખોનું બિલ જોતા સમગ્ર મામલે ઉગ્ર વિરોધ થઇ રહ્યો છે. તમારા ઘરનું લાઇટ બીલ૯,૨૪,૨૫૪ રૂપિયા બાકી છે, તેવો મેસેજ આવ્યો હતો. વડોદરા શહેરના ગોરવા વિસ્તારમાં રહેતા મૃત્યુંજય સાથે આવું જ કંઇક બન્યું છે.
ત્યારે સ્માર્ટ મિટર મામલે રાજનીતિ પણ થવા લાગી છે. સ્થાનિક સ્વરાજની ચૂંટણીઓ અંગે અમિત ચાવડાએ પ્રેસ કોન્ફરન્સ યોજી હતી. સરકાર પર વાર કરતા કહ્યું હતું કે, ગુજરાતમાં ચૂંટણી પૂરી થઈ અને પ્રજા મોંઘવારી ઓછી થવાની રાહ જોઈ રહી હતી પરંતુ સરકારે રાહત આપવાને બદલે સ્માર્ટ મીટર લગવવની શરૂઆત કરી દીધી. રાજ્યમાં તમામ જગ્યાએ વિરોધ થઈ રહ્યો છે, તેમ છતાં ૧.૬૪ કરોડ મીટર ગુજરાત ની વિંજ કંપનીઓ લગાવવાની છે, આ મીટરમાં મીનીમમ ૩૦૦ રૂપિયાનું બેલેન્સ એડવાન્સ રાખવાનો નિયમ છે, ગુજરાત ની જનતા પાસેથી ૫૦૦ કરોડ રૂપિયા એડવાન્સ લઈ લુટવાનું કામ કરી રહી છે.
આ પણ વાંચો :-