અમેરિકાના મિનિયાપોલિસ શહેરમાં સ્થિત એનન્સિએશન કેથોલિક સ્કૂલમાં બુધવારે (27 ઓગસ્ટ, 2025) સવારે ફાયરિંગની ઘટના બની હતી. આ હુમલામાં ત્રણ લોકો માર્યા ગયા હતા અને 20 ઘાયલ થયા હતા. એક અધિકારીએ જણાવ્યું હતું કે માર્યા ગયેલા લોકોમાં હુમલાખોર પણ સામેલ હતો.
અમેરિકન સ્કૂલમાં ગોળીબાર, બે લોકોના મોત
પોલીસ વડા અને મેયરે જણાવ્યું હતું કે, શાળામાં પ્રાર્થના દરમિયાન ગોળીબારમાં બે બાળકો માર્યા ગયા. ઉપરાંત 14 બાળકો સહિત 17 અન્ય લોકો ઘાયલ થયા. વધુમાં હુમલો કરનારનું પણ મૃત્યુ થયું છે. ગવર્નર ટિમ વોલ્ટ્ઝે સોશિયલ મીડિયા પર જણાવ્યું કે, ગોળીબારની માહિતી આપવામાં આવી છે. “હું એ બાળકો અને શિક્ષકો માટે પ્રાર્થના કરું છું જેમની શાળાના પહેલા અઠવાડિયામાં આ ભયાનક હિંસા થઈ હતી.”
મિનિયાપોલિસ પોલીસ વડા બ્રાયન ઓ’હારાએ જણાવ્યું હતું કે, પિસ્તોલ સહિતના હથિયારોથી સજ્જ હુમલાખોર ચર્ચ તરફ ચાલ્યો ગયો. એન્યુનિયેશન કેથોલિક સ્કૂલમાં પ્રાર્થના સભા દરમિયાન બેન્ચ પર બેઠેલા બાળકો પર બારીમાંથી ગોળીબાર કર્યો. ગોળીબાર કરનાર શંકાસ્પદ વ્યક્તિ મૃત્યુ પામ્યો છે, તે 20 વર્ષનો છે અને તેનો કોઈ વ્યાપક ગુનાહિત ઇતિહાસ નથી.
રાહત અને બચાવકાર્ય :બાળરોગ ટ્રોમા હોસ્પિટલ ચિલ્ડ્રન્સ મિનેસોટાએ એક નિવેદનમાં જણાવ્યું હતું કે, પાંચ બાળકોને સંભાળ માટે દાખલ કરવામાં આવ્યા હતા. મિનેસોટાના સૌથી મોટા કટોકટી વિભાગ, હેનેપિન હેલ્થકેરે જણાવ્યું હતું કે તે ગોળીબારમાં ઘાયલ થયેલા દર્દીઓની પણ સારવાર કરી રહી છે. પોલીસ, FBI અને અન્ય ફેડરલ એજન્ટો અને એમ્બ્યુલન્સ શાળામાં દોડી ગયા હતા.
