બોલિવૂડ સ્ટાર સલમાન ખાનના પિતા સલીમ ખાનને આજે ગુરુવારે સવારે ધમકી મળી છે. મોર્નિંગ વોક માટે નીકળેલા સલીમ ખાન જ્યારે બેન્ચ પર આરામ કરી રહ્યા હતા, તે જ સમયે ગેલેક્સી એપાર્ટમેન્ટથી બેન્ડસ્ટેન્ડ તરફ એક વ્યક્તિ સ્કૂટર પર જઈ રહ્યો હતો. જેની પાછળ બુરખો પહેરેલી એક મહિલા પણ બેઠી હતી. મહિલાએ યુ-ટર્ન લઈને સલીમ ખાન પાસે આવી અને પૂછ્યું કે, “શું લોરેન્સ બિશ્નોઈને મોકલું?” આ સ્કૂટીનો નંબર 7444 હતો. પોલીસ હાલ સ્કૂટર ચાલકને શોધવામાં વ્યસ્ત છે. આ ઘટના સવારે 8.45 કલાકે બની હતી.
સમાચારો મુજબ અભિનેતા સલમાન ખાનના પિતાને બુરખો પહેરેલી એક મહિલા દ્વારા ધમકી આપવામાં આવી છે. સૂત્રોના જણાવ્યા અનુસાર, સલીમ ખાન ગેલેક્સી એપાર્ટમેન્ટની બહાર મોર્નિંગ વોક કરી રહ્યા હતા. ત્યારે એક સ્કૂટી પર બે લોકો આવ્યા અને બુરખા પહેરેલી મહિલાએ પૂછ્યું, લોરેન્સ બિશ્નોઈને ભેજુ ક્યાં ? પોલીસને આ મામલાની માહિતી મળતાં જ તેમણે અજાણી મહિલા વિરુદ્ધ કેસ નોંધ્યો હતો.
ઉલ્લેખનીય છે કે એપ્રિલ મહિનામાં જ્યારે સલમાન ખાનના ઘરે ફાયરિંગ થયું હતું ત્યારે પણ મામલો ગરમાયો હતો. જો કે, સલમાનની સુરક્ષા વધારવાની સાથે પોલીસે આ કેસ પર ખૂબ જ સાવધાની સાથે કામ કર્યું હતું. આ કેસમાં પોલીસ હજુ આ મામલે તપાસ કરી રહી છે. આવી સ્થિતિમાં સલીમ ખાનના ચાહકો આવી ધમકીઓ મળ્યા બાદ ચિંતામાં મુકાઈ ગયા છે. આટલું જ નહીં, સલમાન ખાનના ઘરે ફાયરિંગનો મામલો હજુ પણ ચર્ચામાં છે કારણ કે આ કેસ સાથે જોડાયેલા એક આરોપીએ હાલમાં જ આરોપ લગાવ્યો છે કે ડોક્ટરે તેની તૂટેલી આંગળીની સારવાર માટે પૈસા માંગ્યા છે.
આ પણ વાંચો :-
