સેમસંગે પોતાની F-Series નો લેટેસ્ટ સ્માર્ટફોન ગેલેક્સી એફ 17 5જી ભારતમાં લોન્ચ કર્યો છે. સેમસંગ ગેલેક્સી એફ 17 5જી એ કંપનીનો લેટેસ્ટ ફોન છે અને તેમાં 5000mAh ની મોટી બેટરી છે. આ સેમસંગ હેન્ડસેટનું IP54 રેટિંગ મળે છે એટલે કે ડસ્ટ અને સ્પ્લેશ રેઝિસ્ટન્સ છે.
ડિવાઇસમાં 50MP રિઅર કેમેરા, 13MP ફ્રન્ટ કેમેરા અને ઘણા બધા Galaxy AI ફિચર્સ પણ છે. સેમસંગ ગેલેક્સી એફ 17 5જી સ્માર્ટફોનની કિંમત અને ફિચર્સ વિશે વધુ જાણો.
સેમસંગ ગેલેક્સી F17 5G કિંમત
સેમસંગ ગેલેક્સી એફ 17 5જીને વાયોલેટ પોપ અને નિયો બ્લેક કલરમાં લોન્ચ કરવામાં આવ્યો છે. ફોનના 4 જીબી રેમ અને 128 જીબી સ્ટોરેજ વેરિઅન્ટની કિંમત 14,499 રૂપિયા અને 6 જીબી રેમ અને 128 જીબી સ્ટોરેજ વેરિઅન્ટની કિંમત 15,999 રૂપિયા છે. આ ફોનને આજથી દેશભરના ઓફલાઇન રિટેલ સ્ટોર્સ, Samsung.com અને ફ્લિપકાર્ટ પર વેચાણ માટે ઉપલબ્ધ કરવામાં આવ્યો છે.
લોન્ચ ઓફરની વાત કરીએ તો તમને એચડીએફસી બેંક અને યુપીઆઈ ટ્રાન્ઝેક્શન દ્વારા ફોન ખરીદવા પર 500 રૂપિયાનું કેશબેક મળશે. આ સિવાય 6 મહિના સુધી નો-કોસ્ટ ઇએમઆઈ ઓફર પણ છે.
