સુરતના રાંદેર મોરા ભાગળ નજીક ઢળતી સાંજે બાઇક સવાર બે જણા એ જાહેર રોડ પર આગડિયા પેઢીના કર્મચારીને કોઈ હથિયાર વડે આંતરી રૂપિયા 35 લાખની લૂંટ ચલાવી મોપેડ સવાર બે અજાણ્યા ઈસમો ભાગી ગયા હોવાની ચોંકાવનારી ઘટના સામે આવી છે. એટલું જ નહીં પણ ઘટનાની જાણ થતાં જ રાંદેર પોલીસ દોડતી થઈ ગઈ હોવાનું પણ જાણવા મળ્યું છે.
પોલીસે તાત્કાલિક ફરિયાદી પાસે પ્રાથમિક માહિતી લઈ નાકાબંધી કરી મોપેડ સવાર લૂંટારુઓને ઝડપી પાડવાની દિશામાં ચક્રો ગતિમાન કર્યા છે. જોકે લૂંટારું બન્ને ઇસમોના CCTV માં કેદ થઈ જતા પોલીસે બન્ને લૂંટારુઓ ઓળખ દિશામાં પણ તપાસ હાથ ધરી હોવાનું જાણવા મળ્યું છે.
સ્થાનિક લોકોના જણાવ્યા અનુસાર લૂંટારુઓ મોપેડ ઉપર આવ્યા હતા અને આંખના પલકારે આગદિયા પેઢીના કર્મચારી પાસે રૂપિયા ભરેલો થેલો ઝૂંટવી ભાગી ગયા હતા. લૂંટારુંઓનો ભોગ બનેલા ઇસમે બુમાબુમ કરી દેતા લોકો ભેગા થઈ ગયા હતા.
આ ઘટના રાંદેર રામનગર પાસે મોબાઇલની દુકાન બહાર બની હતી. લૂંટારું બન્ને ઈસમો એક્ટિવા પર આવ્યા હતા. લોકોએ પોલીસને જાણ કરતા રાંદેર પોલીસ સહીત ક્રાઇમ બ્રાન્ચ ની ટિમ પણ ઘટના સ્થળે દોડી આવી હતી. પોલીસે તપાસ કરતા લૂંટારુઓ કાર ના કાચ તોડી લૂંટ ચલાવી હોવાનું બહાર આવ્યું હતું.
