આજે એપ્રિલ મહિનાની શરૂઆત સાથે જ LPG ગેસ સિલિન્ડરના ભાવમાં ઘટાડો થયો છે. નવા નાણાકીય વર્ષના પ્રથમ મહિનાની શરૂઆતમાં LPG ગેસના ભાવમાં ઘટાડો પણ મોટા ફેરફારો પૈકી એક છે. ઓઈલ કંપનીઓએ LPG સિલિન્ડરના નવા દર જાહેર કર્યા છે. નવા દર પ્રમાણે સિલિન્ડરના ભાવમાં રૂ. 45નો ઘટાડો થયો છે. જો કે, આ ઘટાડો માત્ર 19 કિલોના કોમર્શિયલ એલપીજી સિલિન્ડરના ભાવમાં આવ્યો છે.
ઓઇલ માર્કેટિંગ કંપનીઓએ 19 કિલોગ્રામના કોમર્શિયલ LPG સિલિન્ડરના ભાવમાં 41 રૂપિયાનો ઘટાડો કર્યો છે. આ નિર્ણયથી હોટલ, રેસ્ટોરન્ટ અને ઢાબા જેવા વ્યવસાયોને સીધો ફાયદો થશે. નવા દરો 1 એપ્રિલ 2025થી અમલમાં આવી ગયા છે, અને તેની સત્તાવાર જાહેરાત પણ કરવામાં આવી છે. જોકે, 14 કિલોગ્રામના ઘરેલુ LPG સિલિન્ડરના ભાવમાં કોઈ ફેરફાર થયો નથી. ઘરેલુ સિલિન્ડરની કિંમત 1 ઓગસ્ટ 2024થી સ્થિર છે અને તેમાં હાલ કોઈ ઘટાડો કે વધારો કરવાની યોજના નથી. આનો અર્થ એ થયો કે સામાન્ય ગ્રાહકોને આ રાહતનો લાભ નહીં મળે, પરંતુ વ્યાપારી ગ્રાહકો માટે આ નિર્ણય ખૂબ ફાયદાકારક સાબિત થશે.
આ ભાવ ઘટાડાનો સૌથી મોટો ફાયદો વ્યાપારી ગ્રાહકોને થશે, જેમાં ખાસ કરીને ઢાબા, રેસ્ટોરન્ટ, હોટલ અને અન્ય ખાદ્ય ઉદ્યોગોનો સમાવેશ થાય છે. આ સ્થળોએ રસોઈ માટે 19 કિલોગ્રામના કોમર્શિયલ LPG સિલિન્ડરનો ઉપયોગ થાય છે, અને ભાવમાં ઘટાડો થતાં તેમના ઉત્પાદન ખર્ચમાં નોંધપાત્ર બચત થશે. આનાથી નાના અને મધ્યમ ઉદ્યોગોને પણ આર્થિક રીતે થોડી રાહત મળી શકે છે. જોકે, સામાન્ય ઘરોમાં ઉપયોગમાં લેવાતા 14 કિલોગ્રામના સિલિન્ડરની કિંમતમાં કોઈ ફેરફાર ન થતાં સામાન્ય ગ્રાહકોને આ લાભ મળશે નહીં. ઘરેલુ સિલિન્ડરના ભાવ ગયા વર્ષના ઓગસ્ટ મહિનાથી સ્થિર છે અને તેમાં હજુ સુધી કોઈ બદલાવની જાહેરાત થઈ નથી.
