પ્રધાનમંત્રી નરેન્દ્ર મોદીએ નવી મુંબઈ આંતરરાષ્ટ્રીય એરપોર્ટ (NMIA)નું ઉદ્ઘાટન કર્યું, જે દેશના સૌથી મહત્વાકાંક્ષી માળખાગત પ્રોજેક્ટ્સમાંનું એક છે અને ભારતની ઉડ્ડયન યાત્રામાં એક સીમાચિહ્નરૂપ છે.
આ પ્રસંગે, પ્રધાનમંત્રીએ કહ્યું, “મુંબઈની લાંબી રાહ પૂરી થઈ ગઈ છે. હવે મુંબઈનું બીજું આંતરરાષ્ટ્રીય એરપોર્ટ છે. નવી મુંબઈ આંતરરાષ્ટ્રીય એરપોર્ટ સમગ્ર પ્રદેશને એશિયાનું સૌથી મોટું કનેક્ટિવિટી હબ બનાવવામાં મુખ્ય ભૂમિકા ભજવશે.”
તેમણે વધુમાં કહ્યું —“આ એરપોર્ટ ‘વિકસિત ભારત’ ના વિઝનનું જીવંત પ્રતીક છે। તે છત્રપતિ શિવાજી મહારાજની ધરતી પર બનાવાયો છે અને તેની કમળથી પ્રેરિત ડિઝાઇન આપણી સંસ્કૃતિ, સમૃદ્ધિ અને આધુનિકતાનું પ્રતિબિંબ છે। આ એરપોર્ટ મહારાષ્ટ્રના ખેડૂતોને યુરોપ અને મધ્ય પૂર્વના સુપરમાર્કેટ્સ સાથે સીધા જોડશે, જેના કારણે ખેડૂતો, માછીમારો અને બાગાયતોની તાજી પેદાશો વૈશ્વિક બજારમાં ઝડપી પહોંચશે। તે નાના અને સૂક્ષ્મ ઉદ્યોગો માટે લોજિસ્ટિક્સ ખર્ચમાં ઘટાડો કરશે અને નવા રોકાણ અને રોજગારીના દ્વાર ખોલશે.
નવી મુંબઈ આંતરરાષ્ટ્રીય વિમાનમથક એક નોંધપાત્ર જાહેર-ખાનગી ભાગીદારી મોડેલ હેઠળ વિકસાવવામાં આવ્યો છે. આ પ્રોજેક્ટ અદાણી એરપોર્ટ હોલ્ડિંગ્સ લિમિટેડ (AAHL) ની પેટાકંપની મુંબઈ આંતરરાષ્ટ્રીય એરપોર્ટ લિમિટેડ અને CIDCO વચ્ચેની ભાગીદારી છે. તે ભારતના માળખાગત વિઝન અને 2047 સુધી વિકસિત ભારત પ્રત્યેની પ્રતિબદ્ધતાને રજૂ કરે છે.
આ માત્ર એરપોર્ટ નથી : ગૌતમ અદાણી
અદાણી ગ્રુપના ચેરમેન ગૌતમ અદાણીએ જણાવ્યું હતું કે, “આ ફક્ત એક એરપોર્ટ નથી, પરંતુ ભારતને વૈશ્વિક પ્રવેશદ્વાર તરીકે સ્થાપિત કરવા તરફ એક મહત્વપૂર્ણ પગલું છે. આ ઈન્ફ્રાસ્ટ્રક્ચર માત્ર આજની જરૂરિયાતોને પૂર્ણ કરતું નથી, પરંતુ આવનારા દાયકાઓ માટે સંભાવના પણ બનાવે છે. આવનારી પેઢીઓ માટે, આ એરપોર્ટ ફક્ત મુસાફરોને જ નહીં, પરંતુ ઉભરતી મહાસત્તાના હૃદયના ધબકારા, સપના અને આકાંક્ષાઓને પણ વહન કરશે.”
NIMAએ એક સીમાચિહ્નરૂપ : જીત અદાણી
અદાણી એરપોર્ટ્સ હોલ્ડિંગ્સ લિમિટેડના ડિરેક્ટર જીત અદાણીએ જણાવ્યું હતું કે, “NMIA ભારતની ઉડ્ડયન યાત્રામાં એક સીમાચિહ્નરૂપ છે, જે આધુનિક ટેકનોલોજી અને મુસાફરોના અનુભવને જોડે છે. તે છત્રપતિ શિવાજી મહારાજ આંતરરાષ્ટ્રીય એરપોર્ટ (CSMIA) ને પૂરક બનાવીને વૈશ્વિક ઉડ્ડયન કેન્દ્ર તરીકે મુંબઈની સ્થિતિને મજબૂત બનાવે છે.”
વિકસિત ભારત માટે નવી ફ્લાઇટ
NMIA ને મુંબઈ મેટ્રોપોલિટન રિજન (MMR) માટે ટ્વીન એરપોર્ટ સિસ્ટમના ભાગ રૂપે વિકસાવવામાં આવ્યું છે. એરપોર્ટ શરૂઆતમાં 20 મિલિયન મુસાફરો પ્રતિ વર્ષ (MPPA) ની ક્ષમતા સાથે કાર્યરત થશે અને ભવિષ્યમાં 90 મિલિયન મુસાફરો પ્રતિ વર્ષ (MPPA) સુધી વિસ્તરશે. એરપોર્ટની ડિઝાઇન કમળના આકારથી પ્રેરિત છે, જે ભારતના સાંસ્કૃતિક મૂળ અને આધુનિક ટેકનોલોજીકલ અભિગમોનું આકર્ષક મિશ્રણ છે. ઝાહા હદીદ આર્કિટેક્ટ્સ દ્વારા ડિઝાઇન કરાયેલ, આ માળખું કુદરતી પ્રકાશ, ઉર્જા કાર્યક્ષમતા અને પર્યાવરણીય ટકાઉપણાને ધ્યાનમાં રાખીને ડિઝાઇન કરવામાં આવ્યું છે.
સ્માર્ટ કનેક્ટિવિટી અને મલ્ટી-મોડલ હબ
NMIA મુંબઈ ટ્રાન્સ-હાર્બર લિંક (અટલ સેતુ), નવી મુંબઈ અને મુંબઈ મેટ્રો, ઉપનગરીય રેલ નેટવર્ક અને પ્રસ્તાવિત જળમાર્ગો સાથે જોડાયેલ છે. આ નેટવર્ક પશ્ચિમ ભારતના વિશાળ પ્રદેશમાં મુસાફરો અને કાર્ગો બંનેની સીમલેસ અને ઝડપી હિલચાલને સરળ બનાવશે. શરૂઆતના બે તબક્કામાં, એરપોર્ટ એક રનવે અને એક ટર્મિનલ સાથે કાર્યરત રહેશે, જેની ક્ષમતા 20 MPPA હશે. બાદમાં, તેમાં ચાર રનવે, બહુવિધ ટર્મિનલ અને અત્યાધુનિક કાર્ગો સુવિધાઓ હશે, જેમાં નાશવંત માલ અને એક્સપ્રેસ કાર્ગો માટે સમર્પિત ટર્મિનલનો સમાવેશ થાય છે.
નવી મુંબઈ ઇન્ટરનેશનલ એરપોર્ટ લિમિટેડ વિશે માહિતી
નવી મુંબઈ ઇન્ટરનેશનલ એરપોર્ટ પ્રાઇવેટ લિમિટેડ (NMIAL) એ આ ગ્રીનફિલ્ડ એરપોર્ટના વિકાસ, નિર્માણ, સંચાલન અને જાળવણી માટે રચાયેલ ખાસ હેતુ વાહન છે. આ એક જાહેર-ખાનગી ભાગીદારી પ્રોજેક્ટ છે, જેમાં અદાણી એરપોર્ટ હોલ્ડિંગ્સ લિમિટેડ (AAHL) ની પેટાકંપની, મુંબઈ ઇન્ટરનેશનલ એરપોર્ટ લિમિટેડ (MIAL) 74% હિસ્સો ધરાવે છે, જ્યારે મહારાષ્ટ્ર સરકારના ઉપક્રમ, CIDCO 26% હિસ્સો ધરાવે છે. NMIAL મહારાષ્ટ્રના નવી મુંબઈમાં સ્થિત છે અને મુંબઈ મેટ્રોપોલિટન પ્રદેશ અને પશ્ચિમ ભારતની વધતી જતી હવા માંગને પૂર્ણ કરશે.
