Home Blog Page 894

બનાસકાંઠામાં હાર્ટ ઍટેકથી BSFના જવાનનું મોત થતા ગામમાં શોકનું માહોલ

admin
-
0

ગુજરાતમાં હાર્ટઍટેકના કેસોમાં દિવસેને દિવસે ચિંતાજનક વધારો થઈ રહ્યો છે. પરિવાર અને ગામનું ગૌરવ વધારવા ભારતીય સેનામાં જોડાયેલ જવાનનું ફરજ ઉપર જતા સમયે હાર્ટઍટેકથી મોત થયું છે. આ તરફ જવાનના મોતથી પરિજનો અને ગ્રામજનો સહિત પંથકમાં શોકનો માહોલ છવાઈ ગયો છે. BSF દ્વારા ગાર્ડ ઓફ ઓનર આપીને મૃતક જવાનના અંતિમ સંસ્કાર કરવામાં આવ્યા છે.

બનાસકાંઠા જિલ્લાના દિયોદર તાલુકાના મકડાલા ગામના જવાનનું હાર્ટઍટેકથી નિધન થયું છે. વિગતો મુજબ BSFની ટ્રેનિંગ પૂર્ણ કરીને આવેલા જવાનનું હાર્ટએટેકથી મોત થયું હોવાનું સામે આવી છે. રાહુલ ચૌધરી નામનો જવાન ટ્રેનિંગ પૂર્ણ કરી પોતાના વતન મકડાલા આવ્ચો હતો. જે બાદમાં  રાહુલ ચૌધરી પ્રથમ પોસ્ટિંગ માટે અમદાવાદથી પશ્ચિમ બંગાળ જઈ રહ્યો હતો. આ દરમિયાન  અમદાવાદથી ફરજ પર જતા સમયે હાર્ટએટેક આવતા જવાનનું મોત થયું છે.

દિયોદરના મકડાલા ગામમાં જવાન રાહુલ ચૌધરીના મોતથી શોકનો માહોલ વ્યાપી ગયો છે. રાહુલ ચૌધરી પ્રથમ પોસ્ટિંગ માટે પશ્ચિમ બંગાળ જઈ રહ્યો હતો જોકે એ પહેલા જ રાહુલ ચૌધરીને હાર્ટઍટેક આવતા તેમનું મોત થયું છે. આ તરફ રાહુલ ચૌધરીના પાર્થિવ દેહને મકડાલા ગામે લવાયો હતો. જ્યાં BSF દ્વારા ગાર્ડ ઓફ ઓનર આપી અંતિમ સંસ્કાર કરાયા હતા. BSF જવાનની અંતિમ યાત્રામાં હજારો લોકો જોડાયા હતા.

આ પણ વાંચો :-

ચીનમાં ફેલાયેલી નવી બીમારીથી ગુજરાત સરકાર એલર્ટ, તમામ હોસ્પિટલોને મોટો આદેશ

admin
-
0

ચીનના બાળકોમાં જોવા મળેલી શ્વાસની બિમારીને લઇ રાજ્ય સરકાર સતર્ક બની છે. વાત જાણે એમ છે કે, કેન્દ્રીયઆરોગ્ય મંત્રાલયની સુચના બાદ રાજ્ય સરકાર પણ હવે એક્શનમાં આવી છે. મહત્વનું છે કે, હાલ દેશમાં આ રોગથી કોઈ ખતરો નથી છતા તૈયારીઓ શરુ કરી દેવાઈ છે. રાજ્ય સરકારે હોસ્પિટલમાં જરુરી બેડ, દવાઓ, સાધન સામગ્રી ઉપલબ્ધ કરાવવા સુચના આપી છે. આ સાથે રાજ્યના તમામ ઓક્સિજન પ્લાન્ટની કાર્યક્ષમતા અંગેનો રિપોર્ટ આપવા જણાવાયું છે.

ચીનના બાળકોમાં જોવા મળેલ શ્વાસની બિમારીને લઈ તાજેતરમાં જ કેન્દ્ર સરકારે સાવચેત રહેવા અને જરૂરી પગલાં લેવા કહ્યું હતું. આ દરમિયાન હવે કેન્દ્રીય આરોગ્ય મંત્રાલયની સૂચના બાદ રાજ્ય સરકારે આદેશ આપ્યા છે. જેમાં જરૂરી બેડ, દવાઓ અને ઓક્સિજન સહિતની સામગ્રી તૈયાર રાખવા સૂચના અપાઈ છે. આ સાથે રાજ્યના તમામ ઓક્સિજન પ્લાન્ટની કાર્યક્ષમતા અંગેનો રિપોર્ટ આપવા જણાવાયું તો તમામ હોસ્પિટલમાં ફાયર સેફ્ટી સહિતનું ઓડિટ કરવા આદેશ આપવામાં આવ્યો છે. પૂર્વ તૈયારીના ભાગરૂપે વેન્ટિલેટર, PPE કીટનો સ્ટોક ઉપલબ્ધ રાખવા સૂચના પણ અપાઈ છે.

ચીનમાં આ બીમારીથી હજુ સુધી કોઈ મૃત્યું નોંધાયું નથી. ગુજરાત કે ભારતના નાગરિકોએ ચિંતા કરવાની જરૂર નથી. કોવિડ સમયે સૌ કોઈ ડરી ગયા છતાં આપત્તતિમાંથી નીકળી ગયા છે. ફરીથી કોઈ આવી આપત્તિ આવે તેમ લાગતું નથી. આપત્તિ આવશે તો પણ એનો સામનો કરવા આપણે સૌ સજ્જ છીએ. ચીનમાં વધુ એક રહસ્યમય બીમારીમાં લોકો સપડાઈ રહ્યા છે. જેમાં ખાસ કરીને બાળકો આ રોગની ચપેટમાં આવી રહ્યા છે. તેવામાં માયકોપ્લાઝ્મા ન્યુમોનિયા અને ઈન્ફલ્યુએન્ઝા ફ્લૂના કેસોને લઈને વર્લ્ડ હેલ્થ ઓર્ગેનાઈઝેશનને પણ ચિંતા વ્યક્ત કરી છે અને ચીન સાથે સંબંધિત માહિતી માંગી છે. બીજી તરફ ભારત સરકાર પણ આ મામલે અત્યારથી જ સતર્કતા દાખવી રહી છે અને આગમચેતીના ભાગરૂપે કાર્યવાહી હાથ ધરી છે.

આ પણ વાંચો :-

અમેરિકામાં ખલીસ્તાની સમર્થકોએ ગુરુદ્વારામાં ભારતીય રાજદૂત સાથે કર્યું ગેરવર્તન

admin
-
0

કેનેડામાં હરદીપ સિંહ નિજ્જરની હત્યા બાદ હવે ખાલિસ્તાની આતંકવાદી ગુરુપતવંત સિંહ પન્નૂને હત્યાનો ડર સતાવી રહ્યો છે. એવામાં ગઈકાલની ઘટના બાદ અમેરિકાના એક શીખ સંગઠને દેશમાં ભારતીય રાજદૂત તરનજીત સિંહ સંધુ પર ન્યૂયોર્કના ગુરુદ્વારામાં હુમલાની ઘટનાની નિંદા કરી છે. આ સિવાય શીખ સંગઠને ગુરુદ્વારા મેનેજમેન્ટ પાસે સામેલ લોકો સામે કડક કાર્યવાહી કરવાની માંગ કરી હતી.

ગઈકાલના રોજ જારી કરાયેલા એક નિવેદનમાં શીખ્સ ઑફ અમેરિકા નામની સંસ્થાએ કહ્યું કે, ગુરુદ્વારા એક ઘાર્મિક સ્થળ છે અને અહીં આવતા લોકોએ વ્યક્તિગત રાજકીય વિચારોને દૂર રાખવા જોઈએ. ઘટના એવી છે કે ગઈકાલે ગુરુ પર્વના અવસર પર તરનજીત સિંહ સંધુએ ન્યૂયોર્કના લોંગ આઈલેન્ડ સ્થિત હિક્સવિલે ગુરુદ્વારામાં પ્રાર્થના કરવા માટે ગયા હતા. ત્યારે તેમની સાથે ખાલિસ્તાની સમર્થકોએ દુર્વ્યવહાર કર્યો હતો.

સંધૂને ખાલિસ્તાની સમર્થકોને રાજદૂત સાથે ધક્કા-મુક્કી કરતા દેખાઈ રહ્યા હતા જેઓ ભારત દ્વારા નામિત આતંકવાદીઓ હરદીપ સિંહ નિજ્જર અને ગુરપતવંત સિંહ પન્નુ વિશે નિવેદન આપી રહ્યા હતા. રાજદૂત તરનજીત સિંહ સંધૂ સાથે ધક્કા-મુક્કીનો આ વીડિયો બીજેપી નેતા આરપી સિંહે શેર કર્યો હતો.

ટીમ ઈન્ડિયાની હારની ઉજવણી કરતાં સાત કાશ્મીરી વિદ્યાર્થીઓની ધરપકડ

admin
-
0

જમ્મુ અને કાશ્મીરના ગાંદરબલમાં શેર-એ-કાશ્મીર યુનિવર્સિટી ઓફ એગ્રીકલ્ચરલ સાયન્સ એન્ડ ટેક્નોલોજીના સાત કાશ્મીરી વિદ્યાર્થીઓની ૧૯ નવેમ્બરે વર્લ્ડ કપમાં ઓસ્ટ્રેલિયાએ ભારતને હરાવ્યા બાદ પાકિસ્તાન ઝિંદાબાદના નારાઓ વચ્ચે ઉજવણી કરવા બદલ ધરપકડ કરવામાં આવી છે. ગેરકાનૂની પ્રવૃત્તિઓ એક્ટ હેઠળ ધરપકડ કરવામાં આવી છે.

પોલીસે ધરપકડ કરાયેલા લોકોની ઓળખ તૌકીર ભટ, મોહસિન ફારૂક વાની, આસિફ ગુલઝાર વાર, ઓમર નઝીર ડાર, સૈયદ ખાલિદ બુખારી, સમીર રાશિદ મીર અને ઉબેદ અહેમદ તરીકે કરી છે. UAPA જમાનત કડક શરતો લાગુ કરવામાં આવે છે અને આ કાયદા હેઠળ પકડાયેલા શકમંદો માટે નીચલી અદાલતોમાંથી રાહત મેળવવી ઘણીવાર મુશ્કેલ હોય છે.  વિદ્યાર્થીઓ પર ગેરકાયદેસર પ્રવૃત્તિઓ નિવારણ અધિનિયમની કલમ ૧૩ અને ભારતીય દંડ સંહિતાની કલમ ૫૦૫ અને ૫૦૬ હેઠળ જાહેર દુષ્કર્મ અને ગુનાહિત ડરાવવાનો આરોપ મૂકવામાં આવ્યો છે.

જમ્મુ અને કાશ્મીર પોલીસના વરિષ્ઠ અધિકારીઓએ આ કેસમાં સટીક પુરાવાના આધારે UAPA લાદવામાં આવ્યો હતો . ફરિયાદમાં બિન-કાશ્મીરી વિદ્યાર્થીએ આરોપ લગાવ્યો છે કે જોરથી ઉજવણી દરમિયાન જીવે જીવે પાકિસ્તાન જેવા સૂત્રોચ્ચાર અને ધમકીઓએ જમ્મુ અને કાશ્મીરની બહારથી આવતા અન્ય લોકોમાં ભય પેદા કર્યો હતો. ફરિયાદી કૃષિ યુનિવર્સિટીમાં વેટરનરી સાયન્સ અને પશુપાલન અભ્યાસક્રમનો અભ્યાસ કરે છે. જે વિદ્યાર્થીઓમાં મોટાભાગના જમ્મુ-કાશ્મીરના છે. ઓસ્ટ્રેલિયાની જીત બાદ શ્રીનગર શહેરના ઘણા વિસ્તારોમાં ઉજવણી પણ કરવામાં આવી હતી, જેમાં કેટલીક જગ્યાની ફટાકડાની તસવીરો પણ સોશિયલ મીડિયા પર પોસ્ટ કરવામાં આવી હતી.

આ પણ વાંચો :-

ભારતના બે પાડોશી દેશ ચીન અને પાકિસ્તાનમાં ૬.૫ની તીવ્રતાના ભૂકંપના આંચકા

admin
-
0

આજે સવાર-સવારમાં પાપુઆ ન્યૂ ગીની ઉપરાંત ભારતના બે પાડોશી દેશ ચીન અને પાકિસ્તાનમાં ભૂકંપના આંચકા અનુભવાયા હતા. યુએસ જિયોલોજિકલ સર્વેએ આ માહિતી આપી હતી. પાપુઆ ન્યૂ ગિનીના ઉત્તરી કિનારે ૬.૫ની તીવ્રતાના જોરદાર ભૂકંપના આંચકા અનુભવાયા હતા. આ ભૂકંપ પેસિફિક ટાપુના વેવાક શહેરથી થોડે દૂર દરિયાકિનારે લગભગ ૨૦ કિલોમીટર દૂર અનુભવાયો હતો.

પાકિસ્તાન અને ચીન પણ જોરદાર ભૂકંપથી હડકંપ મચી ગયો હતો. ચીનના જિજાંગમાં ૫.૦ની તીવ્રતાના ભૂકંપના આંચકા અનુભવાયા હતા, તો બીજી તરફ પાકિસ્તાનમાં લોકોએ ૪.૩ની તીવ્રતાના ભૂકંપના આંચકા અનુભવ્યા હતા. હાલમાં હજુ સુધી આ ત્રણ દેશોમાંથી કોઈ જાનહાનિના સમાચાર નથી.

આ પણ વાંચો :-

ઉત્તરકાશી ટનલ રેસ્ક્યૂ ઓપરેશન યથાવાત, જાણો કામ ક્યાં સુધી પહોંચ્યું

admin
-
0

ઉત્તરાખંડના ઉત્તરકાશીમાં સિલ્ક્યારા ટનલમાં સર્જાયેલ દુર્ઘટનાનો આજે ૧૭મો દિવસ છે. સુરંગમાં ફસાયેલા ૪૧ મજૂરોને બહાર કાઢવા માટે રેસ્ક્યુ ઓપરેશન સતત ચાલી રહ્યું છે. હવે વર્ટિકલની સાથે મેન્યુઅલ ડ્રિલિંગ પણ કરવામાં આવી રહ્યું છે. એવામાં વધુ એક મુશ્કેલીરૂપી સમાચાર એવા છે કે હવામાન વિભાગે હિમવર્ષા અને વરસાદને લઇ એલર્ટ જારી કર્યું છે. જેના કારણે ઓપરેશન દરમિયાન વધુ પડકારોનો સામનો કરવો પડી શકે છે.

આજ સવારે ટનલની અંદર ચાલી રહેલા મેન્યુઅલ ડ્રિલિંગની તસવીરો પણ સામે આવી છે. પાઇપને દબાણ કરવા માટે ઓગર મશીનનો ઉપયોગ કરવામાં આવી રહ્યો છે. અત્યાર સુધીમાં લગભગ ૨ મીટર મેન્યુઅલ ડ્રિલિંગનું કામ પૂર્ણ થયું છે. માઈક્રો ટનલીંગ એક્સપર્ટના જણાવ્યા અનુસાર, હોરીઝોન્ટલ ડ્રિલિંગનું કામ ગઈકાલે રાત્રે ખૂબ જ સારી રીતે ચાલ્યું હતું. સાથે વર્ટિકલ ડ્રિલિંગ દ્વારા પણ ૪૨ મીટર અને રેટ માઇનિંગ દ્વારા ૧૨ મીટર ખોદકામ પૂર્ણ થયું છે.

ઉત્તરકાશી સુરંગમાં ફસાયેલા લોકોને બહાર કાઢવા માટે યુદ્ધ સ્તરે રેસ્ક્યૂ ઓપરેશન ચાલી રહ્યું છે. આ સમગ્ર ઓપરેશનની સમીક્ષા કરવા માટે સોમવારે પ્રધાનમંત્રીના મુખ્ય સચિવ ડૉ. પીકે મિશ્રા, ગૃહ સચિવ અજય કુમાર ભલ્લા, ઉત્તરાખંડના મુખ્ય સચિવ સુખબીર સિંહ સંધૂ અને અન્ય કેટલાક સીનિયર અધિકારી ઘટના સ્થળે હાજર રહ્યા હતા. આ વાતની માહિતી ઉત્તરાખંડ સરકારના સચિવ નીરજ ખૈરવાલે આપી હતી.

૨૮ નવેમ્બર, ૨૦૨૩ / ખર્ચનું પ્રમાણ અધિક, પ્રતિષ્ઠાને પહોંચશે હાનિ, આ રાશિના જાતકો દુખના દ’હાડા શરૂ, જુઓ આજનું રાશિ ભવિષ્ય

admin
-
0

મેષઃ

આત્મવિશ્વાસમાં વધારો થાય. ધારેલું કાર્ય કરી શકાય. આવકમાં વૃધ્ધિ શક્ય બને. માતૃપક્ષ તરફથી સારા સમાચાર મળે. નવી ઓળખાણ શક્ય બને. સાંસારીક જીવનમાં પ્રેમ વધે. ધંધામાં નવી તક ખુલતી જણાય.

વૃષભઃ

નવા કપડાં ધારણ કરવાથી નવા સંબંધો વિકસે કલા કારીગરીમાં પ્રગતિ. આર્થિક સ્થિરતા વધે. ભાગ્ય બળવાન થતું જણાય. મિત્રો તરફથી લાભ. ખર્ચમાં ઘટાડો જણાય.

‌મિથુનઃ

આકસ્મિક ધનહાનિના યોગ બને છે. શેરબજારમાં રોકાણ ટાળવું. કોર્ટ-કચેરી, સરકારી કામકાજમાં સાવધાની જરૂરી. માનસિક ચિંતા રહે. પરિવારમાં શાંતિ જળવાશે. દુર્વા સાથે રાખવાથી અશુભતા દૂર થશે.

કર્કઃ

દિવસ દરમ્યાન મન પ્રફુલ્લીત રહેશે. આવકનું પ્રમાણ વધતું જણાશે. ભાઇ-બહેન-પરિવારના સભ્યો સાથે મનમેળ રહેશે. માતૃસુખ સારૂ. સ્ત્રીવર્ગ તરફથી લાભ. સંતાનો તરફથી થોડી ચિંતા રહે. આરોગ્ય સારૂ રહેશે.

‌સિંહઃ

અભિમાનમાં વધારો થાય. સિધ્ધાંતવાદી વલણ રહે. ભાઇ-બહેન-પરિવારના સભ્યો તરફથી આનંદ. કાર્યક્ષેત્રે સફળતા મળતી જણાય. યોગ્ય રોકાણ કરવાની વ્યવસ્થા સરળ બને. નોકરી-ધંધામાં પ્રગતિ થાય. અજાણી વ્યક્તિથી સાચવવું.

કન્યાઃ

દિવસ દરમ્યાન ભાગ્ય સાથ આપતું જણાય. અટકેલા કાર્યો પૂર્ણ થા. સાહિત્યનો શોખ વધે. વાણી થકી નવા સંબંધો બને. માતાની તબિયતની કાળજી જરૂરી. સંતાન કહ્યું કરે. સ્વાસ્થ્ય જળવાય. આંખની કાળજી જરૂરી.

તુલાઃ

સફળતા માટે સંઘર્ષ કરવો જરૂરી બને. લાંચ-રૂશ્‍વત લેવાથી દૂર રહેવું, અન્યથા પકડાઇ જવાશે. લીવર નબળુ રહે. પાચન શક્તિ મંદ પડે. પ્રવાસ-યાત્રા શક્ય બને. આવક વધતી જણાય. નોકરી-ધંધાના ક્ષેત્રમાં અસંતોષ રહે.

વૃ‌શ્ચિકઃ

વિવેકપૂર્ણ, મીઠીવાણી રહેશે. અત્તર-પરફ્યુમની ખરીદી શક્ય બને. મનમાં અનિશ્ચિતતા રહે. અભિમાન-ઘમંડ વધે. સ્ત્રીવર્ગ સાથે કાર્ય કરવાની ઇચ્છા વધારે થાય. જીવનસાથી સાથે પ્રેમમાં વધારો થાય.

ધનઃ

મન ઉપર ખોટા-નકારાત્મક વિચારો હાવી થાય. પરિવારમાં શાંતિ-સ્નેહ જળવાય. કાર્યમાં સફળતા મળતી જણાય. શરદી-ખાંસી રહે. ‌દિવસ દરમ્યાન થાકનો અનુભવ થાય. ભાગ્યનો સાથ છૂટતો જણાય.

મકરઃ

દિવસન શરૂઆત આનંદથી થાય. થોડી ઉદાસીનતા જણાય. આર્થિક બાબતોથી લાભ. કુટુંબમાં મતભેદ થવાની શક્યતા છે. સંતાન તરફથી સારા સમાચાર મળે. જો આપ પ્રેમ સંબંધમાં હો, તો પ્રેમનો એકરાર શક્ય બને.

કુંભઃ

નિર્ણય શક્તિ વધતી જણાય. નવા વાહનની ખરીદી શક્ય બને. સુખ-શાંતિ-આનંદનો અનુભવ થાય. પતિ-પત્નિના સંબંધોમાં મધુરતા જણાય. ઉધાર-ઉછીના નાણાં આપવાનું ટાળવું. અન્યથા નાણાં ફસાઇ જાય.

મીનઃ

પરિવાર સાથે જલસો. મનની ઉચ્ચ કોટીની ભાવના પેદા થાય. સંતાન તરફથી સારા સમાચાર મળે. સાંધાનો દુઃખાવો રહે. ધનલાભનો યોગ બને છે. નોકરીમાં દિવસ શાંતિથી પસાર કરી દેવો.

આ પણ વાંચો :-

• માવઠામાં મૃતકોના વારસદારોને સહાયની જાહેરાત

• ગઝવા-એ-હિંદ મોડ્યુલ કેસમાં ગુજરાતના ગીર સોમનાથમાં NIAના દરોડા

ભારતના ઓપનિંગ બેટ્સમેન શુભમન ગિલ બન્યો ગુજરાત ટાઇટન્સનો નવો કેપ્ટન

admin
-
0

ગુજરાત ટાઇટન્સ ટીમે IPL ૨૦૨૪ માટે તેના નવા કેપ્ટનની જાહેરાત કરી છે. ભારતીય ટીમના યુવા ઓપનિંગ બેટ્સમેન શુભમન ગિલને ગુજરાત ટાઇટન્સનો નવો કેપ્ટન જાહેર કરવામાં આવ્યો છે. શુભમન ગિલ વર્ષ ૨૦૨૪ IPLમાં ગુજરાતની કેપ્ટનશીપ કરતો જોવા મળશે. શુભમન ગિલ પહેલા ગુજરાત ટાઇટન્સની કપ્તાની હાર્દિક પંડ્યાના હાથમાં હતી. હાર્દિક પંડયાએ પોતાની કેપ્ટનશીપમાં ગુજરાત ટાઇટન્સને એકવાર ચેમ્પિયન બનાવવાની સિદ્ધિ હાંસલ કરી છે.

ટાઈટન્સ ટીમે સુમન ગિલ પર વિશ્વાસ વ્યક્ત કર્યો છે.શુબમન ગિલ તેની કેપ્ટનશિપમાં ગુજરાત ટાઈટન્સને ટાઈટલ અપાવવાનો પ્રયાસ કરશે.હાર્દિક પંડ્યા છેલ્લા કેટલાક દિવસોથી મુશ્કેલીમાં છે. ચર્ચાઓનું વાતાવરણ ગરમાયું હતું પરંતુ સોમવારે ૨૭ નવેમ્બરે ગુજરાત ટાઈટલ્સની ટીમે પુષ્ટિ કરી હતી કે હાર્દિક પંડ્યા તેમની ટીમનો ભાગ નથી.

ગુજરાત ટાઇટન્સ ટીમ ચોક્કસપણે તેના મેચ વિજેતા ખેલાડીની ખોટ કરશે. હાર્દિક પંડ્યા બોલ અને બેટ બંનેથી ટીમ માટે મહત્વપૂર્ણ યોગદાન આપી રહ્યો છે. કેપ્ટન તરીકે તેનો રેકોર્ડ પણ શાનદાર રહ્યો છે. હાર્દિક પંડ્યાની કપ્તાનીમાં ગુજરાત ટાઇટન્સ ટીમ એક વખત ટાઇટલ જીતવામાં સફળ રહી હતી અને બીજી વખત ફાઇનલમાં પહોંચી હતી. ગુજરાત ટાઇટન્સ ટીમ હવે હાર્દિક પંડ્યાના સ્થાને નવા ઓલરાઉન્ડરની શોધ કરશે.

આ પણ વાંચો :-

• માવઠામાં મૃતકોના વારસદારોને સહાયની જાહેરાત

• ટાટા કંપનીને અમેરિકન જ્યુરી દ્વારા ૧૭૫૦ કરોડનો દંડ! આ કેશમાં TSC કોર્ટમાં જશે

ભોજપુરી અભિનેત્રી અક્ષરા સિંહની રાજકારણમાં એન્ટ્રી, જાણો કઈ પાર્ટીમાં જોડાવ્યા

admin
-
0

ભોજપુરી ફિલ્મોની દુનિયામાં પોતાની સુંદરતા-અવાજ અને એકટિંગના બળે મજબૂત સ્થાન જમાવનાર અભિનેત્રી અક્ષરા સિંહ હવે રાજકારણમાં પગ મુકવા જઇ રહી છે. અભિનેત્રી પ્રશાંત કિશોરના પક્ષ જનસુરાજ પાર્ટીમાં જોડાઇને રાજકીય કારકિર્દીનો શુભારંભ કર્યો છે. અક્ષરા સિંહે ભોજપુરી ઇન્ડસ્ટ્રીમાં પોતાની કારકિર્દીની શરૂઆત રવિ કિશન સાથેની ફિલ્મ સત્યમેવ જયતેથી કરી હતી. તે વર્ષ ૨૦૧૦થી ભોજપુરી ઇન્ડસ્ટ્રી સાથે સંકળાયેલી છે. તેની ગણના ઇન્ડસ્ટ્રીની ટોપ અભિનેત્રીઓમાં થાય છે.

રાજકારણના માસ્ટરમાઇન્ડ ગણાતા પ્રશાંત કિશોરના પક્ષ જનસુરાજ પાર્ટીનું સભ્યપદ મેળવતા પહેલા અક્ષરાએ પ્રશાંત કિશોર સાથે મુલાકાત પણ કરી હતી. એવું પણ શક્ય છે કે ૨૦૨૪ની લોકસભા ચૂંટણીમાં પણ તે પોતાનું ભાગ્ય અજમાવશે. બિહારની રાજધાની પટનાના પાટલિપુત્ર સ્થિત જનસુરાજ પાર્ટીના કાર્યાલયમાં પ્રશાંત કિશોરની હાજરીમાં તેઓ વિધિવત રીતે પક્ષમાં જોડાયા છે.

દક્ષિણ ભારતની જેમ યુપી બિહારના રાજકારણમાં પણ ભોજપુરી ઇન્ડસ્ટ્રીમાંથી ઘણા અભિનેતાઓ અભિનય છોડીને રાજકારણમાં પ્રવેશતા હોય છે. આ અભિનેતાઓ એક પક્ષના સભ્યથી લઇને સાંસદ તથા મંત્રી પદ પણ ભોગવતા હોવાના અનેક દાખલાઓ ભૂતકાળમાં બન્યા છે. ફિલ્મ કલાકારોની લોકપ્રિયતાનો ફાયદો સીધી રીતે પક્ષને મળતો હોવાથી પરસ્પર રાજનૈતિક સંબંધો સચવાતા હોય છે.

આ પણ વાંચો :-

ગઝવા-એ-હિંદ મોડ્યુલ કેસમાં ગુજરાતના ગીર સોમનાથમાં NIAના દરોડા

admin
-
0

નેશનલ ઇન્વેસ્ટિગેશન એજન્સીએ (NIA) પાકિસ્તાન સમર્થિત ગઝવા-એ-હિંદ મોડ્યુલ કેસમાં ગુજરાત સહિત અન્ય 4 રાજ્યોમાં દરોડા પાડયા છે. NIAએ ગુજરાતના ગીર સોમનાથ જિલ્લામાં, મધ્ય પ્રદેશના દેવાસ જિલ્લામાં, ઉત્તર પ્રદેશના આઝમગઢ જિલ્લામાં અને કેરળના કોઝિકોડ જિલ્લામાં શંકાસ્પદ સ્થળોએ સર્ચ ઓપરેશન આદર્યું છે. NIAએ ગુજરાતના ગીર સોમનાથ જિલ્લામાં તથા અન્ય ૪ રાજ્યોમાં ઈસ્લામિક આતંકી મોડ્યુલ ગઝવા-એ-હિંદ સાથેના કનેક્શન મામલે કાર્યવાહી હાથ ધરી છે. આ દરોડા દરમિયાન કેટલીક શંકાસ્પદ બાબતો પણ સામે આવી છે. આ સિવાય પણ તપાસ એજન્સીએ ઘણા શંકાસ્પદ ડોક્યુમેન્ટ્સ પણ જપ્ત કર્યા છે.

NIAએ પાકિસ્તાન સમર્થિત ગઝવા-એ-હિંદ સાથે આતંકી કનેક્શન મામલે ગંભીરતાથી કાર્યવાહી હાથ ધરીને ઘણી જગ્યાએ દરોડા પાડયા હતા. સમગ્ર મિશનને ગુપ્ત રીતે કરવામાં આવ્યું હોવાના અહેવાલ છે. જે અંતર્ગત ગુજરાતના ગીર સોમનાથ જિલ્લાના વેરાવળમાં પણ દરોડા પાડવામાં આવ્યા હતા. આ ઉપરાંત અન્ય ૩ રાજ્યો મધ્ય પ્રદેશ, ઉત્તર પ્રદેશ અને કેરળમાં પણ NIAએ સર્ચ ઓપરેશન હાથ ધર્યું હતું. NIAને ઘણા શંકાસ્પદ ડોક્યુમેન્ટ્સ હાથ લાગ્યા છે. જેને ટીમ દ્વારા જપ્ત કરવામાં આવ્યા છે.

NIAની ટીમો દ્વારા ચાલી રહેલા દરોડામાં કેટલાક શંકાસ્પદ દસ્તાવેજો પણ સામે આવ્યા છે. જેનાથી પાકિસ્તાની કનેક્શન સામે આવ્યું છે. NIAની રિપોર્ટ મુજબ શંકાસ્પદો સંચાલકોના સંપર્કમાં હતા અને પાકિસ્તાન સમર્થિત ગઝવા-એ-હિંદ જેવા ઈસ્લામિક આતંકી મોડ્યુલની ભારત વિરુદ્ધની પ્રવૃતિઓનો પ્રચાર પણ કરતાં હતા. હાલ તો દરોડા દરમિયાન શંકાસ્પદ દસ્તાવેજો અને મોબાઈલ ફોન, સીમ કાર્ડ જેવા ડિજિટલ ઉપકરણો જપ્ત કરવામાં આવ્યા છે. NIAની ટીમ તથા અન્ય સરકારી એજન્સીઓ આ ગઝવા-એ-હિંદ મોડ્યુલ વિશે વધુ તપાસ હાથ ધરશે.

આ પણ વાંચો :-

1...893894895...1,485Page 894 of 1,485