Home Blog Page 727

CIDની કોન્સ્ટેબલ નીતા ચૌધરી બુટલેગર સાથે પકડાઈ

News Editor
-
0

ગુજરાતમાં દારૂબંધીના ધજાગરા ઉડી રહ્યાં છે. કચ્છમાં CIDમાં કોન્સ્ટેબલ તરીકે કામ કરતી નીતા ચૌધરી એક બૂટલેગર સાથે દારૂની હેરાફેરીમાં પકડાઈ છે. એલસીબીએ જ્યારે નીતા ચૌધરીને અને બૂટલેગર યુવરાજ સિંહ જાડેજાને પકડ્યા હતાં. તેમણે પોલીસની ટીમ પર જીપ ચઢાવી દેવાનો પ્રયાસ કર્યો હતો.આરોપીઓએ પોલીસની આઈ ૨૦ અને ફોર્ચ્યુનર કારને પણ ટક્કર મારી હોવાનું જાણવા મળે છે જેમાં પોલીસે સ્વ-બચાવમાં એક રાઉન્ડ ફાયર કર્યું હોવાનું પણ મીડિયા રીપોર્ટમાં જાણવા મળ્યું છે.

લોકલ ક્રાઈમ બ્રાન્ચ ભચાઉના ચોપડવા પુલ પાસે ગોલ્ડન હોટેલમાં ચેકિંગ કરી રહી હતી. ત્યારે ચેકિંગ દરમિયાન થાર કારમાંથી વિદેશ દારૂ મળી આવ્યો હતો. પોલીસના હાથે પકડાઈ જવાના ડરથી નીતા ચૌધરી અને બૂટલેગરે પોલીસ પર થાર ચઢાવી દેવાનો પ્રયાસ કર્યો હતો. કોન્સ્ટેબલ નીતા ચૌધરી બુટલેગર યુવરાજ સિંહ જાડેજા સાથે મળીને શરાબની હેરાફેરી કરતી હતી. પોલીસે જ્યારે વાહન રોકીને તપાસ કરી તો તેમાંથી વિદેશી દારૂની ૧૬ બોટલો અને બે બિયરના કેન મળી આવ્યા હતા. પોલીસે આ બંને વિરુદ્ધ હત્યાના પ્રયાસ અને દારૂબંધી હેઠળ ગુના દાખલ કર્યા હતા.

નીતા ચૌધરી પોલીસનો યુનિફોર્મ પહેરીને સોશિયલ મીડિયા પર ડાન્સના વીડિયો બનાવવાની મનાઈ હોવા છતાં વીડિયો બનાવ્યા હતા અને વર્દીનું અપમાન કર્યું હતું. ભૂતકાળમાં તેને સસ્પેન્ડ પણ કરવામાં આવેલી છે. નીતા ચૌધરીની સાથે જે કુખ્યાત બૂટલેગર યુવરાજસિંહ જાડેજા પકડાયો તેની સામે પણ અગાઉ ૧૬ કેસ નોંધાયેલા છે.પોલીસે જણાવ્યા પ્રમાણે નીતા ચૌધરી અને યુવરાજસિંહ પાસેથી ભારતીય બનાવટનો વિદેશી દારૂ મળી આવ્યો હોવાને પગલે પોલીસે હત્યાનો પ્રયાસ અને પ્રોહીબીશનનો ગુન્હો દાખલ કર્યો છે.

આ પણ વાંચો :-

નવા ક્રિમિનલ કાયદા લાગુ થતાં જ કોંગ્રેસનો વિરોધ, જાણો મલ્લિકાર્જુન ખડગે કહ્યું ?

News Editor
-
0

દેશભરમાં આજથી અમલમાં આવેલા ત્રણ ફોજદારી કાયદાઓને લઇને કોંગ્રેસે વિરોધ નોંધાવ્યો છે. જેમાં કોંગ્રેસ અધ્યક્ષ મલ્લિકાર્જુન ખડગેએ જણાવ્યું હતું કે સાંસદોને સસ્પેન્ડ કરીને ફોજદારી કાયદાઓ બળજબરીથી પસાર કરવામાં આવ્યા હતા. તેમણે કહ્યું કે ઇન્ડી ગઠબંધન સંસદીય પ્રણાલી પર બુલડોઝર જસ્ટિસ નહિ ચાલવા દે. કોંગ્રેસ અધ્યક્ષે વડાપ્રધાન નરેન્દ્ર મોદી પર પણ પ્રહારો કર્યા છે અને કહ્યું છે કે આ દિવસોમાં પીએમ મોદી અને ભાજપના લોકો બંધારણનું સન્માન કરવાનું નાટક કરી રહ્યા છે.

ભારતીય ચૂંટણીમાં રાજનીતિક અને નૈતિક ઝટકા પછી મોદીજી અને ભાજપ બંધારણનો આદર કરવાનો ખૂબ દેખાડો કરી રહ્યા છે, પણ સત્ય તો એ છે કે જે અપરાધિક ન્યાય પ્રણાલીના ત્રણ કાયદા લાગુ થઈ રહ્યા છે. એ ૧૪૬ સાંસદોને સસ્પેન્ડ કરીને જબરદસ્તી પસાર કરવામાં આવ્યા છે. ઇન્ડિયા હવે એ બુલડોઝર ન્યાય સંસદીય પ્રણાલી પર નહીં ચાલવા દે, એમ કોંગ્રેસઅધ્યક્ષ ખડગેએ કહ્યું હતું.

કોંગ્રેસના વરિષ્ઠ નેતા પી. ચિંદબરમે ત્રણ નવા અપરાધિક કાયદાઓના લાગુ થવા દરમ્યાન સરકારની ટીકા કરતાં કહ્યું હતું કે એ હાલના કાયદાઓને ધ્વસ્ત કરવા અને એને સ્થાને વિના પર્યાપ્ત ચર્ચા અને વિચારવિમર્શ ત્રણ નવા કાયદાઓ લઈને આવવાનું એક વધુ ઉદાહરણ છે.

આ પણ વાંચો :-

National Doctor Day: પીએમ મોદીએ દેશના તબીબોને પાઠવી શુભેચ્છા

News Editor
-
0

ડોક્ટરોને ભગવાનનું સ્વરૂપ કહેવામાં આવે છે, કારણ કે તેઓ આપણા જીવનનું રક્ષણ કરે છે. કોવિડ-૧૯ રોગચાળા દરમિયાન આપણે ડોકટરોનું એવું રૂપ જોયું, જે તેમના માટે અમારું સન્માન વધારે છે. પોતાના જીવની પરવા કર્યા વિના તેમણે દર્દીઓના જીવ બચાવવાનો પ્રયાસ ચાલુ રાખ્યો. કલાકો સુધી PPE કીટમાં પરસેવાથી લથબથ રહેવા છતાં તે પોતાની ફરજ નિભાવવામાંથી પાછી પાની ન કરી.

National Doctors' Day 2021: How these Doctors See Digital Health amidst Covid-19 Pandemic - Elets eHealthઅમર ઉજાલાના અહેવાલ પ્રમાણે એક ડૉકટર કહે છે કે, લોકોને ડૉક્ટરો દ્વારા સામનો કરવામાં આવતા પડકારો વિશે જાણ કરવી, તેમના અથાક પ્રયત્નોની પ્રશંસા કરવી અને વધુ સારા સંસાધનો અને કામ કરવાની અનુકૂળ પરિસ્થિતિઓ સુનિશ્ચિત કરવી મહત્વપૂર્ણ છે. ભારતમાં આરોગ્ય ક્ષેત્રને પ્રોત્સાહિત કરવામાં અદભૂત સ્વપ્નદ્રષ્ટા નેતાઓ છે જેમના અગ્રણી પ્રયાસોએ દેશભરમાં દવાની પ્રેક્ટિસ, તેની પહોંચ અને સંભાળને આગળ વધારી છે.

જો કે, આ બધાની વચ્ચે, ડોકટરો સાથે મારપીટ અને ગેરવર્તણૂકની વારંવારની ઘટનાઓને રોકવાની, તેમના અંગત જીવનમાં જગ્યા આપવાની અને ડોકટરોના શારીરિક અને માનસિક સ્વાસ્થ્ય પ્રત્યે સંવેદનશીલ બનવાની જરૂર છે.

પીએમ મોદીએ #DoctorsDay પર શુભેચ્છાઓ આપી. આ અમારા આરોગ્ય સંભાળના નાયકોના અતુલ્ય સમર્પણ અને કરુણાને માન આપવાનો દિવસ છે. તેઓ નોંધપાત્ર કૌશલ્ય સાથે સૌથી પડકારરૂપ જટિલતાઓને નેવિગેટ કરી શકે છે. અમારી સરકાર ભારતમાં હેલ્થ ઈન્ફ્રાસ્ટ્રક્ચરને સુધારવા અને ડોકટરોને તેઓને લાયક વ્યાપક સન્માન મળે તે સુનિશ્ચિત કરવા માટે સંપૂર્ણપણે પ્રતિબદ્ધ છે.

આ પણ વાંચો :-

અમદાવાદમાં રિંગ રોડ પર ફોર્ચ્યુનર અને થાર વચ્ચે અકસ્માત, ત્રણ લોકોના મોત

News Editor
-
0

અમદાવાદના એસ.પી રિંગ રોડ પર ભયાનક અકસ્માત થયા હોવાની ઘટના સામે આવી છે. મોડી રાત્રે ફોર્ચ્યુનર કાર અને થાર વચ્ચે ટક્કર થતા ગમખ્વાર અકસ્માત સર્જાયો છે. આ અકસ્માતમાં ઘટનાસ્થળે જ ત્રણ લોકોના મોત થયાના થયાના સમાચાર છે. મહત્વનું છે કે, ફોર્ચ્યુનર કારમાંથી મોટા પ્રમાણમાં બિયરના ટીન અને દારૂની બોટલોનો જથ્થો મળી આવ્યો છે. ફોર્ચ્યુનર કાર અને થાર વચ્ચે થયેલા આ અકસ્માતમાં બંને વાહનો સંપૂર્ણપણે નષ્ટ થયા છે.

ઇસ્કોન બ્રિજ પર એક વર્ષ પહેલાં થયેલા અકસ્માતમાં જેગુઆર કાર હતી, તે સમયે કારમાં સ્પીડ અને ફીચર્સ વિશે અનેક વાતો ઉભી થઇ હતી, ત્યારબાદ હવે ફરીથી હાઈ સિક્યુરિટી અને સેફ્ટી ધરાવતાં કારના અકસ્માત થયા પણ આ વખતે એરબેગ ખુલી ગઈ, પણ જે મજબૂત ગણાય છે, તેવી થાર વચ્ચેથી વળીને કોકડું થઈ ગઈ હતી, જ્યારે ફોર્ચ્યુનરની પણ એવી જ હાલત છે. બંને કારના અકસ્માતમાં ત્રણના મોત થયા છે. બંને હાઇ ફીચર અને સેફ્ટી કારની એર બેગ ખુલી પણ કોઈ બચી શક્યા નહીં.

ફોર્ચ્યુનર ગાડીની નંબર પ્લેટમાં GJ૧૮ BK ૯૮૦૮ નંબર છે. આ નંબર પ્લેટમાં મારુતિ કંપનીની અલ્ટો ગાડી છે. એક જ નંબરની બે ગાડી હોવી શક્ય નથીસ, જેથી ફોર્ચ્યુનર ગાડીની નંબર પ્લેટ ખોટી લગાવવામાં આવી છે. ઓન પેપર આ નંબરથી અલ્ટો ગાડીની છે, જેના માલિકનું નામ પણ જયંતિ હોય તેવી શક્યતા છે.પોલીસે આ દિશામાં પણ તપાસ હાથ ધરી છે.

અકસ્માતમાં મૃત્યુ પામેલા ત્રણેય લોકોની ઓળખ થઇ ગઈ છે જેમાં વિરમગામના રહેવાસી અજિત ભરત કાઠી (ઉ.વર્ષ ૩૦) અને અમદાવાદ સાબરમતી વિસ્તારના મનીષ ભગવતી પ્રસાદ થાર કારમાં સવાર હતા. જયારે ફોર્ચ્યુનર કારમાં મૃતક ઓમપ્રકાશ ( ઉ.વર્ષ ૩૭) સવાર હતા. જણાવી દઈએ કે, ફોર્ચ્યુનરનો ડ્રાઈવર રાજેન્દ્ર સાહુ ગંભીર રીતે ઘાયલ થતા હાલ સારવાર હેઠળ છે.

નવા ફોજદારી કાયદા હેઠળ દિલ્હીમાં પ્રથમ કેસ નોંધાયો, જાણો મામલો

News Editor
-
0

દેશમાં આજથી ત્રણ નવા ફોજદારી કાયદા લાગુ કરવામાં આવ્યા છે. ત્યારે દિલ્હીમાં નવા કાયદા હેઠળ પ્રથમ કેસ પણ નોંધવામાં આવ્યો છે. ભારતીય ન્યાયિક સંહિતા ૨૦૨૩ મુજબ દિલ્હીના કમલા માર્કેટમાં પહેલી FIR નોંધવામાં આવી છે. અહીં જાહેર સ્થળોએ સામાન વેચતા યુવક વિરુદ્ધ કલમ ૨૮૫ હેઠળ કેસ નોંધવામાં આવ્યો છે. આરોપ છે કે દિલ્હી રેલવે સ્ટેશન પર યુવકે અડચણ ઉભી કરીને સામાન વેચ્યો.

RECOGNITION OF ARBITRAL AWARDS IN UKRAINE: TIPS ON THEIR EFFECTIVE ENFORCEMENT

સોમવાર (૧ જુલાઈ)થી દેશમાં ત્રણ નવા કાયદા અમલમાં આવ્યા છે. આવી સ્થિતિમાં પોલીસકર્મીઓ અને વકીલો માટે નવો કાયદો યાદ રાખવો ખૂબ મુશ્કેલ બન્યું છે. આ કારણોસર, વહીવટીતંત્ર પોલીસકર્મીઓ માટે સતત બેઠકો અને તાલીમનું આયોજન કરી રહ્યું છે. લોકોમાં જાગૃતિ લાવવાના પ્રયાસો પણ કરવામાં આવી રહ્યા છે.

આ અંગે દિલ્હીના સ્પેશિયલ સીપી, ટ્રેનિંગ, છાયા શર્માએ ​​૧ જુલાઈ ૨૦૨૪થી લાગુ થનારા ત્રણ ફોજદારી કાયદાઓ વિશે માહિતી આપી હતી. તેમણે કહ્યું, “ભારતીય ન્યાયિક સંહિતા, ભારતીય નાગરિક સંરક્ષણ સંહિતા અને ભારતીય પુરાવા અધિનિયમ આજથી અમલમાં આવી રહ્યા છે. આજથી આ કલમો હેઠળ એફઆઈઆર નોંધવામાં આવશે. આ માટેની અમારી તાલીમ ૫ ફેબ્રુઆરીથી શરૂ થઈ છે.અમે એક પુસ્તિકા તૈયાર કરી જેની મદદથી જેમાંથી અમે પોલીસકર્મીઓને આવનારા ફેરફારોની તૈયારી માટે સરળતાથી તાલીમ આપી હતી.

આ પણ વાંચો :-

LPG ગેસ સિલિન્ડરના ભાવમાં મોટો ઘટાડો, જાણો લેટેસ્ટ રેટ

News Editor
-
0

મોંઘવારીના માર વચ્ચે રાહતના સમાચાર મળી રહ્યા છે. ઓઇલ માર્કેટિંગ કંપનીઓએ કોમર્શિયલ એલપીજી સિલિન્ડરના ભાવમાં ફેરફાર કર્યા છે. ૧૯ કિલોગ્રામવાળા કોમર્શિયલ એલપીજી ગેસ સિલિન્ડરના ભાવ આજથી ૩૧ રૂપિયા સુધી ઘટી ગયા છે. દિલ્હીમાં હવે કોમર્શિયલ સિલિન્ડર ૧૬૬૭ ના બદલે ૧૬૪૬ રૂપિયામાં મળશે. કલકત્તામાં આ સિલિન્ડર હવે ૧૭૫૬ રૂપિયામાં મળી રહ્યો છે. પહેલાં તેના ભાવ ૧૭૮૭ રૂપિયા હતો.

નવા વર્ષના પહેલા જ દિવસે મળી રાહત, રસોઈ ગેસ સિલિન્ડરના ભાવ ઘટ્યા - lpg gas cylinder price cut for commercial know domestic price too for january 2024 – News18 ગુજરાતી

મુંબઇમાં સિલિન્ડરનો જૂનો ભાવ ૧૬૨૯ રૂપિયા હતો જે હવે ૧૫૯૮ રૂપિયા થઇ ગયો છે. ચેન્નઇમાં સિલિન્ડર ૧૮૦૯.૫૦ રૂપિયામાં મળી રહ્યો છે. જોકે ૧૪.૨ KG વાળા ઘરેલૂ ગેસ સિલિન્ડરના ભાવમાં કોઇ ફેરફાર કરવામાં આવ્યો નથી. દિલ્હીમાં આ ₹૮૦૩ અને મુંબઇમાં ₹૮૦૨.૫૦ નો મળી રહ્યો છે.

બિહારની રાજધાની પટનામાં ૧૪.૨ કિલોનું ઇન્ડેનનું એલપીજી સિલિન્ડર આજે ૯૦૧ રૂપિયામાં મળી રહ્યું છે. જ્યારે ૧૯ કિલોનું કોમર્શિયલ સિલિન્ડર ૧૯૧૫.૫ રૂપિયા થઈ ગયું છે. ગુજરાતના અમદાવાદમાં ૧૯ કિલોનું નીલું સિલિન્ડર હવે માત્ર ૧૬૬૫ રૂપિયામાં મળશે. જ્યારે ૧૪ કિલોનું ઘરેલુ એલપીજી લાલ સિલિન્ડર ૮૧૦ રૂપિયાનું છે.

૧ જૂન ૨૦૨૩ના રોજ ઘરેલુ એલપીજી સિલિન્ડરની કિંમત દિલ્હીમાં ૧૧૦૩ રૂપિયા હતી. ૩૦ ઓગસ્ટ ૨૦૨૩ના રોજ ૨૦૦ રૂપિયાની રાહત મળી અને ભાવ થઈ ગયો 903 રૂપિયા. ૯ માર્ચ ૨૦૨૪ના રોજ ફરી એકવાર સિલિન્ડર ૧૦૦ રૂપિયા સસ્તું થઈ ગયું. આજથી મુંબઈમાં કોમર્શિયલ સિલિન્ડર ૧૫૯૮ રૂપિયાનું થઈ ગયું છે. પહેલા આ ૧૬૨૯ રૂપિયામાં મળી રહ્યું હતું.

આ પણ વાંચો :-

દેશભરમાં આજથી ત્રણ નવા ફોજદારી કાયદા અમલમાં આવ્યા

News Editor
-
0

દેશભરમાં આજે સોમવારથી ત્રણ નવા ફોજદારી કાયદા અમલમાં આવ્યા છે, જેમાં ભારતની ફોજદારી ન્યાય પ્રણાલીમાં વ્યાપક ફેરફારો લાવી અને સંસ્થાનવાદી યુગના કાયદાનો અંત થઈ જશે . ભારતીય ન્યાય સંહિતા, ભારતીય નાગરિક સુરક્ષા સંહિતા અને ભારતીય સાક્ષ્ય (પુરાવા) અધિનિયમ, ૨૦૨૩ અનુક્રમે બ્રિટિશ સમયના ભારતીય દંડ સંહિતા, ફોજદારી કાર્યવાહી સંહિતા અને ભારતીય પુરાવા અધિનિયમ(૧૮૭૨)નું સ્થાન લેશે. નવા કાયદાઓથી એકઆધુનિક ન્યાય પ્રણાલી સ્થાપિત થશે, જેમાં ‘ઝીરો FIR’, પોલીસમાં ફરિયાદ ઓનલાઈન નોંધાવી, ‘SMS’ (મોબાઈલ ફોન સંદેસ) દ્વારા સમન્સ મોકલવા જેવા ઇલેક્ટ્રોનિક માધ્યમ અને તમામ જઘન્ય ગુનાઓના ઘટના સ્થળે ફરજિયાત વીડિયોગ્રાફી જેવી જોગવાઈઓનો સમાવેશ થાય છે.

આ અંગે દિલ્હીના સ્પેશિયલ સીપી, ટ્રેનિંગ, છાયા શર્માએ ​​૧ જુલાઈ ૨૦૨૪થી લાગુ થનારા ત્રણ ફોજદારી કાયદાઓ વિશે માહિતી આપી હતી. તેમણે કહ્યું, “ભારતીય ન્યાયિક સંહિતા, ભારતીય નાગરિક સંરક્ષણ સંહિતા અને ભારતીય પુરાવા અધિનિયમ આજથી અમલમાં આવી રહ્યા છે. આજથી આ કલમો હેઠળ એફઆઈઆર નોંધવામાં આવશે. આ માટેની અમારી તાલીમ ૫ ફેબ્રુઆરીથી શરૂ થઈ છે.અમે એક પુસ્તિકા તૈયાર કરી જેની મદદથી જેમાંથી અમે પોલીસકર્મીઓને આવનારા ફેરફારોની તૈયારી માટે સરળતાથી તાલીમ આપી હતી.

નવા કાયદાઓ સંગઠિત અપરાધ અને આતંકવાદના કૃત્યોને વ્યાખ્યાયિત કરે છે, દેશદ્રોહને રાજદ્રોહથી બદલે છે અને તમામ સર્ચ અને જપ્તી કામગીરીની વીડિયોગ્રાફી ફરજિયાત બનાવે છે. મહિલાઓ અને બાળકો સામેના ગુનાઓ પર એક નવો અધ્યાય ઉમેરવામાં આવ્યો છે, બાળકની ખરીદ-વેચાણને જઘન્ય અપરાધ બનાવવામાં આવ્યો છે અને સગીર સાથે સામૂહિક દુષ્કર્મ માટે મૃત્યુદંડ અથવા આજીવન કેદની જોગવાઈ ઉમેરવામાં આવી છે. સૂત્રોમાંથી મળતી માહિતી મુજબ, ‘ઓવરલેપ’ જોગવાઈઓને મર્જ કરીને સરળ બનાવવામાં આવી છે અને ભારતીય દંડ સંહિતામાં ૫૧૧ કલમોની સામે માત્ર ૩૫૮ કલમો હશે.

નવા કાયદા અને જોગવાઇઓ

  • ઝિરો ફરિયાદને અપરાધવાળા પોલીસ સ્ટેશનમાં ૧૫ દિવસમાં મોકલવાની રહેશે
  • ક્રોસ એક્ઝામિનેશન સહિત પુરી સુનાવણી વીડિયો કોન્ફરન્સિંગથી કરવામાં આવશે
  • તમામ પ્રકારના ગેંગરેપના કેસોમાં ૨૦ વર્ષ કે આજીવનની સજા થશે
  • સગીરા પર રેપના કેસમાં ફાંસીની સજાનો પણ સમાવેશ
  • ફરિયાદના ૯૦ દિવસની અંદર ચાર્જશીટ દાખલ કરવાની રહેશે, જેને કોર્ટ ૯૦ દિવસ માટે લંબાની શકશે
  • આરોપપત્ર મળ્યાના ૬૦ દિવસની અંદર કોર્ટે આરોપો ઘડવાનું કામ પૂર્ણ કરવાનું રહેશે
  • સુનાવણી પૂર્ણ થયાના ૩૦ દિવસની અંદર ચુકાદો આપવાનો રહેશે
  • ચુકાદો આપ્યા બાદ સાત દિવસમાં ફરજિયાત કોપી ઓનલાઇન અપલોડ કરવાની રહેશે
  • દરોડા કે જપ્તી દરમિયાન વીડિયોગ્રાફી ફરજિયાત કરવાની રહેશે
  • સાત વર્ષ કે તેથી વધુની સજાના અપરાધોમાં ફોરેંસિક ટીમોંએ ફરજિયાત અપરાધ સ્થળે જવાનું રહેશે
  • જિલ્લા સ્તરે મોબાઇલ એફએસએલની તૈનાતી કરાશે
  • સાત વર્ષ કે તેથી વધુની સજાના કેસમાં પીડિતને સુનાવણીની તક આપ્યા વગર પરત નહી લેવાય
  • સંગઠીત અપરાધો માટે અલગથી કડક સજાની જોગવાઇ
  • નોકરી કે લગ્ન વગેરેની લાલચ આપીને શારીરિક સંબંધ બાંધ્યા બાદ મહિલાને ત્યજી દેવી ગંભીર અપરાધ ગણાશે
  • ચેઇન, મોબાઇલ સ્નેચિંગ માટે અલગથી જોગવાઇ
  • બાળકો વિરુદ્ધના અપરાધોમાં સજાને સાત વર્ષથી વધારીને ૧૦ વર્ષની કરાઇ
  • ફાંસીને આજીવન કેદ, આજીવન કેદને સાત વર્ષ અને સાત વર્ષને ત્રણ વર્ષ સુધી જ બદલી શકાશે
  • કોઇ પણ અપરાધમાં જપ્ત કરાયેલા વાહનોની વીડિયોગ્રાફી ફરજિયાત કરવાની રહેશે

આ પણ વાંચો :-

૦૧ જુલાઈ, ૨૦૨૪/ આજ સોમવારના દિવસે આ રાશિમાં સંતાન તરફથી ચિંતા રહે, ધાર્મિક કાર્યોનું આયોજન બને, જાણો આજનું રાશિ ભવિષ્ય

News Editor
-
0

મેષ

દિવસ દરમ્યાન આનંદ રહે, પણ સ્વભાવમાં ઉગ્રતા, તામસી પ્રકૃતિ વધતી જણાય. નાણાંકીય પાસુ મજબૂત થતું જણાય. માતાની તબિયત સાચવવી. માતૃપક્ષ તરફ મુશ્કેલી પેદા થાય. વાહન સાચવીને ચલાવવું.

વૃષભ

આત્મબળ વધે. યોગ્ય નિર્ણયો લેવાની ક્ષમતા વધે. નાણાંકીય બાબતોમાં સાવધાની રાખવી જરૂરી. પરિવારના સભ્યોના આરોગ્યની ચિંતા રહે. માથાના દુઃખાવાની સમસ્યા સર્જાય. ભાગ્ય બળવાન. ધંધાકીય ક્ષેત્રે લાભ.

મિથુન

સ્વભાવમાં જડતાપણું આવે. આવક વધતી જણાય. નાના-ભાઇ બહેનોને સ્વાસ્થ્ય સંબંધી ચિંતા રહે. સંતાન તરફથી સારા સમાચાર મળે. આરોગ્ય જળવાય. ભાગ્યમાં વૃધ્ધિ જણાય. આકસ્મિક ધનલાભના યોગ છે.

કર્ક

દિવસ દરમ્યાન વ્યગ્રતા રહે. ગુસ્સા ઉપર કાબુ રાખવો. માનસિક અસ્થિરતા વાળી વ્યક્તિનો રોગ વધતો જણાય. આર્થિક ક્ષેત્રે લાભ મળે. મિત્રો તરફથી સહકાર મળે. દામ્પત્ય જીવનમાં આનંદ. સત્તા, હોદ્દો, માન વધતા જણાય.

સિંહ

રાજકીયક્ષેત્રે પ્રગતિ થતી જણાય. સત્ય વાત બોલવાને કારણે અપ્રિય થવાય. નાણાંકીય વ્યવહારો સફળ થતા જણાય. પરિવારમાં આનંદ. માતા-પિતા સાથે મતભેદની શક્યતા છે. સંતાન સંબંધી પ્રશ્નોનો સામનો કરવો પડે.

કન્યા

વિમા, વકીલાત, બેંક ચાર્ટડ એકાઉન્ટન્ટને વ્યવસાય ધરાવતી વ્યક્તિ માટે પ્રગતિ. પરિવારમાં મનમેળ રહેશે. જળથી થતા રોગોથી સાચવવું. શરદી-કફ રહે. માતૃપક્ષ તરફથી અસંતોષ રહે. નોકરી-ધંધામાં સાનુકુળતા રહે.

તુલા

ધારેલા શોખ પૂરા કરવામાં મુશ્કેલી આવે. જલ્દી ખોટંુ લાગી જાય. આર્થિક ક્ષેત્રે ફાયદો. પરિવારના સભ્યો વચ્ચે અસંતોષ પેદા થાય. જીવનસાથી સાથે પ્રેમ જળવાય. પરંતુ જીવનસાથીના આરોગ્યની કાળજી રાખવી જરૂરી.

વૃશ્ચિક

દિવસની શરૂઆત આનંદથી થાય, પણ પત્નિના ગુસ્સાનો સામનો કરવો પડે. આર્થિક બાબતો અંગે અસંતોષ રહે. ધારેલી આવક અટકતી જણાય. લોહી અંગેના રોગો-બ્લડપ્રેશરની તકલીફ અનુભવાય.

ધન

નાણાંકીય બાબતો અંગે શુભ દિવસ. કરેલા કાર્યો સફળ થતા જણાય. સંતાન તરફથી પ્રેમ મળે, પરંતુ સંતાનની તબિયત અંગેના પ્રશ્નો ઉભા થતા જણાય. જીવનસાથીની જીદ વધે. ધંધામાં પ્રગતિ થતી જણાય.

મકર

આજે આપ સુખ-શાંતિ-સમૃધ્ધિનો અનુભવ કરશો. નાણાંનો બગાડ થાય.માતાની તબિયત સાચવવી જરૂરી છે. સંતાન સંબંધી ચિંતા રહે. આરોગ્ય જળવાય.પત્નિની તબિયતની કાળજી રાખવી. હાડકાનો સામાન્ય દુઃખાવો અનુભવાય.

કુંભ

પોતાનો કક્કો ખરો કરવાની વૃત્તિ વધે. આર્થિક મોરચે સફળતા. પરિવારમાં આનંદ-ઉત્સાહ વધે. પરિવારના સ્ત્રી સભ્યોના આરોગ્યની કાળજી જરૂરી. ધંધાકીય ક્ષેત્રે યોગ્ય આયોજન કરી શકાય.

મીન

સમાજસેવાની ભાવના પ્રબળ બને. પ્રતિષ્‍ઠામાં વધારો થાય. નાણાંકીય બાબતોથી ફાયદો થાય. કરેલા કાર્ય સફળ થતા જણાય. સંતાનનું આરોગ્ય સાચવવું. ભાગ્યમાં વૃધ્ધિ થતી જણાય. દિવસ આનંદમાં વ્યતિત થતો જણાય.

ભારતે સાઉથ આફ્રિકાને ૭ રનથી હરાવી જીત્યો T૨૦ વર્લ્ડ કપ

News Editor
-
0

T20 વર્લ્ડ કપ 2024ની ફાઇનલમાં ભારતે દક્ષિણ આફ્રિકાને 7 રનથી હરાવીને ટાઇટલ જીત્યું હતું. 176 રનના ટાર્ગેટ સામે સાઉથ આફ્રિકાની ઉત્કૃષ્ટ શરૂઆત રહી હતી. સામાપક્ષે ભારતીય બોલરોએ પણ જોરદાર પ્રદર્શન કર્યું હતું. અંતિમ ઓવર સુધી પહોંચેલ મેચમાં ભારતનો રોમાંચક વિજય થયો હતો.

મળતી માહિતી મુજબ, બાર્બાડોસના બ્રિજટાઉનના કેન્સિંગ્ટન ઓવલ સ્ટેડિયમમાં ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતે 20 ઓવરમાં 7 વિકેટે 176 રન બનાવ્યા હતા. જેમાં વિરાટ કોહલીએ 76, અક્ષર પટેલે 47 અને શિવમ દુબેએ 27 રન બનાવ્યા હતા. દક્ષિણ આફ્રિકા તરફથી કેશવ મહારાજ અને એનરિચ નોરખિયાએ 2-2 વિકેટ ઝડપી હતી. માર્કો યાનસેન અને કાગીસો રબાડાએ 1-1 વિકેટ લીધી હતી.

177 રનના ટાર્ગેટના જવાબમાં દક્ષિણ આફ્રિકાએ 20 ઓવરમાં 8 વિકેટે 169 રન બનાવ્યા હતા. હેનરિક ક્લાસને 52 રન બનાવ્યા હતા. ક્વિન્ટન ડી કોકે 39 રન બનાવ્યા હતા. ટ્રિસ્ટન સ્ટબ્સે 31 રન બનાવ્યા હતા. ડેવિડ મિલરે 21 રન બનાવ્યા હતા. હાર્દિક પંડ્યાએ 3 વિકેટ લીધી હતી. અર્શદીપ સિંહ અને જસપ્રિત બુમરાહે 2-2 વિકેટ લીધી હતી. અક્ષર પટેલે 1 વિકેટ લીધી હતી.

અક્ષર પટેલની ઓવરમાં હેનરિક ક્લાસને 24 રન બનાવ્યા હતા. દક્ષિણ આફ્રિકાએ 15 ઓવરમાં 4 વિકેટે 147 રન બનાવ્યા હતા. જીતવા માટે 5 ઓવરમાં 30 રનની જરૂર હતી. આ પછી ભારતે જબરદસ્ત વાપસી કરી હતી. જસપ્રીત બુમરાહે આગલી ઓવરમાં માત્ર 4 રન આપ્યા હતા. 24 બોલમાં 26 રનની જરૂર હતી. હાર્દિક પંડ્યાએ હેનરિક ક્લાસેનને પેવેલિયન મોકલ્યો હતો. આ પછી મેચમાં પલટો આવ્યો. ડેવિડ મિલર ક્રિઝ પર હતો. છેલ્લી ઓવરમાં 16 રનની જરૂર હતી. સૂર્યકુમાર યાદવે બાઉન્ડ્રી પર ડેવિડ મિલરનો શાનદાર કેચ લીધો હતો. આ પછી ભારત ચેમ્પિયન બન્યું હતું. કોચ રાહુલ દ્રવિડની વિદાય વર્લ્ડ કપ સાથે જ થઈ હતી.

CBI કેસમાં કેજરીવાલને ૧૨ જુલાઈ સુધી ન્યાયિક કસ્ટડી

News Editor
-
0

દિલ્હીની રાઉઝ એવન્યુ કોર્ટે એક્સાઈઝ પોલિસી સંબંધિત CBI કેસમાં દિલ્હીના મુખ્યમંત્રી અરવિંદ કેજરીવાલને ૧૨ જુલાઈ સુધી ન્યાયિક કસ્ટડીમાં મોકલી દીધા છે. CBIએ ૨૬ જૂને દિલ્હી લિકર પોલિસી કેસમાં અરવિંદ કેજરીવાલની ધરપકડ કરી હતી. સીબીઆઈને કોર્ટમાંથી અરવિંદ કેજરીવાલના ૩ દિવસના રિમાન્ડ મળ્યા હતા જેમાં તે અરવિંદ કેજરીવાલની પૂછપરછ કરવા માંગતી હતી.

ડીપી સિંહે કહ્યું કે સીબીઆઈ પાસે પુરાવા છે કે સાઉથ ગ્રુપે એક્સાઈઝ પોલિસી કેવી રીતે તૈયાર કરવી તે જણાવ્યું હતું. સાઉથ ગ્રુપ દિલ્હી આવ્યું તે સમયે કોરોના ચરમસીમાએ હતો અને લોકો મરી રહ્યા હતા. તેણે રિપોર્ટ બનાવી અભિષેક બોઈનપલ્લીને આપ્યો. આ રિપોર્ટ વિજય નાયર દ્વારા મનીષ સિસોદિયાને આપવામાં આવ્યો હતો. ડીપી સિંહે કહ્યું કે કોરોના દરમિયાન ઉતાવળમાં નોટિફિકેશન બહાર પાડવામાં આવ્યું હતું. તેની પાછળ અરવિંદ કેજરીવાલનો હાથ હતો.

ગઈ સુનાવણીમાં કેજરીવાલની તબિયત બગડી હતી ૨૬ જૂને CBIએ કેજરીવાલને કોર્ટમાં રજૂ કર્યા હતા. સુનાવણી દરમિયાન કેજરીવાલે કહ્યું કે મીડિયામાં એવા સમાચાર પ્રસારિત થઈ રહ્યા છે કે મેં સિસોદિયા પર લિકર પોલિસી મામલે આરોપો લગાવ્યા છે. આ ખોટું છે. મેં કહ્યું કે કોઈ દોષિત નથી. સિસોદિયા પણ દોષિત નથી. તેના પર સીબીઆઈના વકીલે કહ્યું કે મીડિયામાં જે પણ ચાલી રહ્યું છે તે સાચું છે. બધું તથ્યો પર આધારિત છે.

આપને જણાવી દઈએ કે ૨૧ માર્ચે અરવિંદ કેજરીવાલને દિલ્હી હાઈકોર્ટમાંથી ધરપકડથી રક્ષણ ન મળતાં ૨૧ માર્ચે મોડી સાંજે ઈડીએ અરવિંદ કેજરીવાલની પૂછપરછ કર્યા બાદ તેમની ધરપકડ કરી હતી. ૧૦ મેના રોજ સુપ્રીમ કોર્ટે અરવિંદ કેજરીવાલને લોકસભા ચૂંટણીમાં પ્રચાર કરવા માટે ૧ જૂન સુધી વચગાળાના જામીન આપ્યા હતા અને ૨ જૂને તેમને આત્મસમર્પણ કરવાનો આદેશ આપ્યો હતો. કેજરીવાલે ૨ જૂને આત્મસમર્પણ કર્યું હતું. ૨૧મી જૂને રાઉઝ એવન્યુ કોર્ટે કેજરીવાલને નિયમિત જામીન આપ્યા હતા, જેના પર દિલ્હી હાઈકોર્ટે રોક લગાવી દીધી છે.

આ પણ વાંચો :-

1...726727728...1,482Page 727 of 1,482