એશિયાની સૌથી મોટી સુગર ફેક્ટરીમાં જેની ગણના થાય છે, એ બારડોલી સુગર ફેક્ટરીની વ્યવસ્થાપક મંડળની ચૂંટણીમાં સહકાર પેનલની કારમી હાર થઈ છે. સહકાર પેનલને ફાળે એક જ બેઠક બિનહરીફ થઈ હતી. એ સિવાયની તમામ 14 બેઠકો પર કિસાન પરિવર્તન પેનલના વિજય સાથે સહકાર પેનલને મોટો ફટકો પડ્યો છે. બારડોલીના ભાજપી ધારાસભ્ય ઈશ્વર પરમાર અને જિલ્લા ભાજપ મહામંત્રી ભાવેશ પટેલનો કારમો પરાજય થયો છે. એ ઉપરાંત સુરત જિલ્લા ખેડૂત સમાજના પ્રમુખ પરીમલ પટેલ તેમજ સુરત જિલ્લા પંચાયતના માજી આરોગ્ય ચેરમેન રોશન પટેલનો પણ પરાજય થયો છે.
ગુજરાત ભારતીય જનતા પાર્ટીનો ગઢ રહ્યો છે, ત્યારે સહકાર મંત્રીના ગઢ ગણાતા ગુજરાતમાં આવેલી એશિયાની સૌથી મોટી સુગર ફેક્ટરી ગણાતી બારડોલીના બાબેન ખાતે આવેલી બારડોલી સુગર ફેક્ટરીની ચૂંટણીમાં મોટી ઉલટફેર જોવા મળી છે.

વર્તમાનમાં સહકાર પેનલ સત્તા સંભાળતી હતી. પરંતુ ચૂંટણીમાં સભાસદોએ કારમો ઘા આપ્યો છે. આજે થયેલી મતગણતરીમાં સહકાર પેનલનો પરાજય થયો છે. ભાજપ માટે આ મોટો ફટકો એટલા માટે છે કે વર્તમાન ધારાસભ્ય ઈશ્વર પરમારનો પણ પરાજય થયો છે. એ ઉપરાંત સુરત જિલ્લા ભાજપના મહામંત્રી, બારડોલી સુગરના વર્તમાન ઉપપ્રમુખ તથા સુરત જિલ્લા પંચાયતના પૂર્વ પ્રમુખ ભાવેશ પટેલે પણ પરાજય ખમવો પડ્યો છે.

જાહેર થયેલા પરિણામોમાં મોતા બેઠક પર સતીશ પટેલનો 323 મતથી, એના બેઠક પર અતુલ પટેલનો 263 મતથી, શામપુરા બેઠક પર કીરીટ પટેલનો 405 મતથી, ઓરણા બેઠક પર અનીલ પટેલનો 672 મતથી, સેવણી બેઠક પર ચેતન પટેલનો 465 મતથી, પૂણા બેઠક પ્રફુલ્લ પટેલનો 566 મતથી, તૂંડી બેઠક પર મુકેશ એન પટેલનો 567 મતથી, ખરવાસા બેઠક પર ભુપેન્દ્ર સોલંકીનો 544 મતથી, નિઝર બેઠક પર પેશ ભક્તનો 508 મતથી, બારડોલી બેઠક પર નિવોદચંદ્ર પટેલનો 403 મતથી અને મોટી ફળોદ બેઠક પર પંકજ પટેલનો 540 મતથી વિજય થયો છે. આ ઉપરાંત એક મહિલા અનામત બેઠક પર ઉષા પટેલનો 453 મત અને બીજી મહિલા અનામત બેઠક પર ઉષા પટેલનો 435 મતથી વિજય થયો છે, જ્યારે એસસી/એસટી અનામત બેઠક પર તરૂણ વાઘેલાનો 542 મતથી વિજય થયો છે.

આજે સુરતની સરદાર વલ્લભભાઈ પટેલ રાષ્ટ્રીય ઈન્સ્ટીટ્યુટ ઓફ ટેકનોલોજી (SVNIT) ખાતે કેન્દ્રીય જલશક્તિ મંત્રી સી.આર.પાટીલે વન ડે વન યુનિવર્સિટી કાર્યક્રમ હેઠળ દેશની યુવા શક્તિ સાથે સંવાદ કર્યો હતો. એસવીએનઆઈટી ખાતે યુવા વિદ્યાર્થીઓ સાથે સી.આર.પાટીલે વડાપ્રધાન નરેન્દ્ર મોદીના ‘હર ઘર જલ, હર ઘર સ્વચ્છતા’ના સંકલ્પ અને ‘જલ સંચય જન ભાગીદારી’ના માધ્યમથી જળ સંરક્ષણને જન આંદોલન બનાવવાના વિઝનની ચર્ચા કરી હતી. એસવીએનઆઈટીના વિદ્યાર્થીઓના જળ અને સ્વચ્છતા સાથે જોડાયેલી સમસ્યાઓના સમાધાન માટે કરેલા શોધ સંશોધનો અને નવા વિચારો જાણ્યા હતા. નવી પેઢીના વિચારો જાણીને કેન્દ્રીય મંત્રીએ પ્રસન્નતા વ્યક્ત કરી હતી.

કેન્દ્રીય જળશક્તિ મંત્રી સી.આર.પાટીલે જણાવ્યું હતું કે, આપણી યુનિવર્સિટી અને કોલેજો સંશોધન અને વૈજ્ઞાનિક સંશોધન કેન્દ્રો છે. આ સંસ્થાઓની દેશની સમસ્યાઓના વ્યવહારિક તથા ઓછા ખર્ચાળ ઉકેલ શોધવા માટે સક્રિય ભાગીદારી ખૂબ જ મહત્વની છે. મને વિશ્વાસ છે કે યુવા શક્તિ, વિજ્ઞાન, સંશોધન અને જનભાગીદારીથી આપણે પ્રધાનમંત્રી નરેન્દ્ર મોદીના જળ સુરક્ષા અને સ્વચ્છ ભારતના સંકલ્પને ઝડપથી આગળ વધારીશું.