Home Blog Page 678

૨૦ ઓગસ્ટ, ૨૦૨૪/ આ રાશિ માટે બુધવારના દિવસે પરિવારમાં આનંદ, કાર્યક્ષેત્રે સફળતા મળતી જણાય વિદ્યાર્થી મિત્રો માટે શુભ, જાણો આજનું રાશિ ભવિષ્ય

News Editor
-
0

મેષઃ

ધારેલી આવક અટકતી જણાય. મોજશોખ માં ખર્ચ નંુ પ્રમાણ વધે. માતાની તબિયત સાચવવી. અગત્યના નાણાંકીય રોકાણો મુલતવી રાખવા. ભાગ્ય સારૂં છે. નોકરી, ધંધામાં દિવસ શાંતિ થી પસાર કરી દેવો.

વૃષભઃ

આવક જળવાય. ધંધઆમાં ભાગીદારો સાથે આનંદ વર્તાય. જીવન સાથી સાથે પ્રેમ વધે. પ્રેમી પાત્રનું મિલન શકય બને રોમાંસ નો અનુભવ થાય. અપચન, પેટની તકલીફો રહે. મિત્રોનો સાથ મળતો જણાય.

મિથુનઃ

આવકનું પ્રમાણ ધટતું જણાય. નાના ભાઇ-બહેનો થી ચિંતા રહે. કાર્યક્ષેત્રે સફળતા મળતી જણાય. નવા રોકાણો નંુ આયોજન યોગ્ય રીતે કરી શકાય. આરોગ્ય ની કાળજી રાખવી જરૂરી. દામ્પત્ય ક્ષેત્રે આનંદ.

કર્કઃ

આર્થિક પાસુ મજબૂત બનતું જણાય. કાર્યક્ષેત્રે સફળતા મળે. જુના રોકાણો ફળદાયી નીવડે તથા નવા રોકાણો ફાયદાકારક સા‌િબત થતા જણાય. સંતાનની પ્રગતિથી આનંદ સ્નાયુના દુઃખાવા ક્ષાનતંતુ ની સમસ્યા થી સાચવવું.

સિંહઃ

વિચારો માં નકારાત્મકતા ટાળવી. આવક જળવાય. નાણાંકીય બાબતો અંગે શુભ દિવસ. નવા રોકાણો ફાયદાકારક નીવડતા જણાય. માતૃપક્ષ તરફથી લાભ. કાર્યક્ષેત્રે સફળતા.

કન્યાઃ

આવક વધતી જણાય. પરિવારના સભ્યો ની ચિંતા દૂર થતી જય. પરિવારમાં સન્હેનું વાતાવરણ પેદા થાય. કાર્યક્ષેત્રે સફળતા મળતી જણાય. અગત્યના કાર્યની શરૂઆત કરી શકો. અારોગ્ય જળવાય. ધંધામાં વિવાદ ટાળવો.

તુલાઃ

માન, સન્માન માં વધારો થતો જણાય. સ્ત્રી શણગાર તથા આઇસક્રીમ, ઠંડાપીણા ના વ્યાપારમાં વિશેષ લાભ. આવકનું પ્રમાણ વધે. પરિવારના સભ્યો ની પ્રગતિ શકય બને. કાર્યક્ષેત્રે સફળતા અનુભવાય. સ્વાસ્થય સારૂં રહેશે.

વૃશ્ચિકઃ

સંગીત પ્રત્યે નો પ્રેમ તથા વિજાતિય વ્યકિત તરફનું આકર્ષણ વધે. ઉન, વાળ, ધાતુને લાગતા ધંધા અને શિક્ષક, જ્યોતિષિ, મેનેજર જેવા વ્યવસાય માં વિશેષ લાભ. પેટના રોગો થી સાવધાની જરૂરી. દામ્પત‌્ય જીવનમાં સ્નેહ વધે.

ધનઃ

સેવાકીય પ્રવૃષિને કારણે યશ. પતિષ્ઠા વધતી જણાય. આવક મર્યાદીત રહે. સંતાનના પ્રશ્ર્નો નું નિરાકરણ આવતું જણાય. ભાગ્યનો સાથ મળે છે. ધાર્મિક યાત્રા-પ્રવાસ શકય બને. માનસિક રોગોના કાળજી રાખવી.

મકરઃ

મિત્રો થી લાભ. જુના મિત્રો ની મુલાકાત થાય. નવી મિત્રતા શુભ ફળદાયી નીવડે લક્ષ્મી ના વખત સર હેરફેર શકય બને. સંતાન સુખમાં વૃધ્ધિ થાય. વિધાથી મિત્રો માટે શુભ. હાડકાના રોગો થી સાચવવું.

કુંભઃ

નકારાત્મક કે વિચારો ત્યાગવા. નાણાંકીય બાબતો અંગે મધ્યમ દિવસ. નવી નોકરી કે ધંધા ની શરૂઆત શકય બને. હાલના નોકરી. ધંધામાં આનંદ વર્તાય. માતા-પિતાનું આરોગ્ય જળવાય. પત્નિ સાથે વાદ વિવાદ ટાળવો.

મીનઃ

આત્મવિશ્વાસમાં વધારો થાય. ભાગ્યના બળે ઓછી મહેનતે વધુ કામ કરી શકાય. આવક જળવાય. પરિવારમાં આનંદ-ઉત્સાહ વધે. પ્રિન્ટીંગ, સ્ટેશનરી અેક્ષ્નપોર્ટ- ઇમ્પોટનો ધંધામાં લાભ. આંખની કાળજી રાખવી.

કોલકાતાની મહિલા ડોક્ટરના દુષ્કર્મ અને હત્યાના આરોપી સંજયની ધરપકડ

News Editor
-
0

કોલકાતાની મહિલા ડોક્ટર સાથે દુષ્કર્મ કરીને બર્બરતાપૂર્વક હત્યા કરવાના બનાવમાં રોજ નવા ચોંકાવનારા ખુલાસા થઇ રહ્યા છે. હૈવાનિયતની હદ પાર કરનારો આરોપી સંજય રોય ગુનાઇત ભુતકાળ ધરાવે છે અને ભુતકાળમાં જો તેની સામે પોલીસે કડક કાર્યવાહી કરી હોત તો કદાચ મહિલા ડોક્ટર સાથે આ ખરાબ બનાવ ના બન્યો હોત.

પશ્ચિમ બંગાળમાં કોલકાતાની આરજી કાર મેડિકલ કોલેજ અને હોસ્પિટલની ઘટના ખૂબ જ દર્દનાક છે. તે ખુબ જ ભયાવહ છે. એક જુનિયર લેડી ડોક્ટર, જે પોતાનું કામ પતાવીને સૂઈ રહી હતી, તેની સાથે એવી નિર્દયતાથી વર્તન કરવામાં આવ્યું કે સાંભળનારાઓ પણ કંપી જાય. ઘાતકી સંજય રોયે પહેલા લેડી ડોક્ટર પર દુષ્કર્મ કર્યું અને પછી તેની હત્યા કરી હતી. મહિલા ડૉક્ટરનો પોસ્ટમોર્ટમ રિપોર્ટ જણાવે છે કે સંજય રોયે તેના પર કેવી રીતે અત્યાચાર કર્યો હતો. તે જ સમયે, આ કેસ ખુલ્યા પછી, સંજય રોયની આખી કુંડળી પણ ખુલ્લેઆમ સામે આવી છે.

પોલીસની પૂછપરછમાં જાણવા મળ્યું કે સંજયે ઘણીવાર લગ્ન કરેલા છે પરંતુ હવે તેની કોઈ પત્ની તેની સાથે રહેતી નથી. તેમાંથી તેની એક પત્ની તો એવી છે કે જે ગર્ભવતી હતી ત્યારે સંજયે તેની પર અત્યાચાર ગુજાર્યો હતો. અહેવાલ મુજબ, આ કેસની તપાસ કરી રહેલા પોલીસ અધિકારીઓને સંજય વિરુદ્ધ તેની પૂર્વ પત્ની દ્વારા કાલીઘાટ પોલીસ સ્ટેશનમાં નોંધાયેલી બે વર્ષ જૂની ફરિયાદ મળી છે. આ ફરિયાદ અંગે સંજયની પૂર્વ સાસુ દુર્ગા દેવીએ જણાવ્યું કે જ્યારે તેની પુત્રી ત્રણ મહિનાની ગર્ભવતી હતી ત્યારે સંજય તેને રોજ મારતો હતો.

દુર્ગા દેવીના જણાવ્યા અનુસાર, ‘તેણે 4 ઓગસ્ટ 2022ના રોજ કાલીઘાટ પોલીસ સ્ટેશનમાં તેની પુત્રી વતી ફરિયાદ નોંધાવી હતી. આ ફરિયાદ બે વખત આગળ કરવામાં આવી હતી, પરંતુ સંજય સામે કોઈ કાર્યવાહી કરવામાં આવી ન હતી. આવી સ્થિતિમાં, સ્પષ્ટ છે કે જો તે સમયે સંજય વિરુદ્ધ કાર્યવાહી કરવામાં આવી હોત અને તેને સજા થઈ હોત, તો કોલકાતાના જુનિયર ડૉક્ટરનો જીવ બચી ગયો હોત. એવું કહેવામાં આવી રહ્યું છે કે તે સમયે સંજય પોલીસ કલ્યાણ બોર્ડના કેટલાક અધિકારીઓની તેના પર કૃપા દ્રષ્ટી હતી અને તેથી જ તેની વિરુદ્ધ કોઈ કાર્યવાહી કરવામાં આવી ન હતી.

સીસીટીવી ફૂટેજ પરથી પોલીસને ખબર પડી કે સંજય ગુરુવારે બે વખત હોસ્પિટલમાં ગયો હતો. પહેલા રાત્રે 11 વાગ્યે અને પછી એ જ રાત્રે 3:30 વાગ્યે. સંજયના મિત્રનો એક પરિચિત હોસ્પિટલમાં દાખલ હતો અને તે તેને જોવાના બહાને હોસ્પિટલમાં દાખલ થયો હતો. તે પોલીસમાં નાગરિક સ્વયંસેવક હોવાથી, જ્યારે તે હોસ્પિટલમાં આવ્યો ત્યારે તેની પૂછપરછ કરવામાં આવી ન હતી. સંજય કોલકાતાના સોલ્ટ લેકમાં સિટી પોલીસની ચોથી બટાલિયનની બેરેકમાં રહેતો હતો. પોલીસે જણાવ્યું કે ઘટના બાદ સંજય શુક્રવારે સવારે બેરેકમાં સુઈ ગયો હતો.

આ પણ વાંચો :-

યોદ્ધાના અવતારમાં છવાયો વિક્કી કૌશલ, ફિલ્મ ‘છાવા’નું ટીઝર રિલીઝ

News Editor
-
0

વિક્કી કૌશલ હવે તેની મોસ્ટ અવેટેડ ફિલ્મ ‘છાવા’થી દર્શકોમાં હલચલ મચાવવા માટે તૈયાર છે. બોલિવૂડ સ્ટારની આગામી ફિલ્મ ‘છાવા’નું એક પાવરફુલ ટીઝર રિલીઝ કરવામાં આવ્યું છે, જેમાં વિક્કી કૌશલનો એકદમ અલગ અને પાવરફુલ લુક જોવા મળી રહ્યો છે. આ ફિલ્મનું ટીઝર રિલીઝ થતા જ મેકર્સે વિક્કીકૌશલના ફેન્સને વધુ એક જબરદસ્ત સરપ્રાઈઝ આપી છે. આ ફિલ્મનું ટીઝર રિલીઝ કરવાની સાથે મેકર્સે ફિલ્મની રિલીઝ ડેટ પણ જાહેર કરી દીધી છે. છાવાનું ટીઝર રિલીઝ કરતી વખતે કહેવામાં આવ્યું છે કે આ ફિલ્મ આ વર્ષે 6 ડિસેમ્બરે રિલીઝ થશે.

ફિલ્મના ટીઝરમાં વિકી કૌશલ છત્રપતિ શિવાજી મહારાજના મોટા પુત્ર છત્રપતિ સંભાજી મહારાજના રોલમાં જોવા મળશે. સંભાજી મહારાજની બહાદુરી, હિંમત, બલિદાન અને લશ્કરી વ્યૂહરચના ઉપરાંત છાવા તેની પત્ની સાથેની તેની હૃદયસ્પર્શી પ્રેમકથા રજૂ કરે છે.

વિક્કી કૌશલ આગામી પીરિયડ ડ્રામા ફિલ્મમાં બહાદુર છત્રપતિ સંભાજી મહારાજનું પાત્ર ભજવતો જોવા મળશે. ‘સ્ત્રી 2’ પહેલા ટીઝર બતાવવામાં આવ્યું હતું અને ચાહકો તેને જોયા પછી પહેલેથી જ ખુશ હતા. ટીઝરના સત્તાવાર લોન્ચિંગ પહેલા, વિક્કી કૌશલે બહુપ્રતિક્ષિત ફિલ્મનું પહેલું પોસ્ટર Instagram પર શેર કર્યું છે. છાવાનું નિર્દેશન લક્ષ્મણ ઉતેકર દ્વારા કરવામાં આવ્યું છે અને મેડૉક ફિલ્મ્સ હેઠળ દિનેશ વિજન દ્વારા નિર્મિત છે.

વિક્કી કૌશલ ‘છાવા’માં છત્રપતિ શિવાજી મહારાજના પુત્ર સંભાજીની ભૂમિકામાં જોવા મળશે. જ્યારથી ફિલ્મનો તેનો લુક સામે આવ્યો છે, ત્યારથી જ અભિનેતાના ચાહકો ઉત્સાહિત થઈ ગયા હતા અને હવે જ્યારે ફિલ્મનું ટીઝર રિલીઝ થયું છે, ત્યારે ઘણા યુઝર્સે આ ટીઝર પર પ્રતિક્રિયા આપતા વિક્કી કૌશલના વખાણ કર્યાં છે.

આ પણ વાંચો :-

અમદાવાદમાં કોલકાતાની ઘટનાને લઈ ડોક્ટર્સનો વિરોધ યથાવત

News Editor
-
0

અમદાવાદમાં કોલકાતાની ઘટનાને લઈ ડોક્ટર્સનો વિરોધ યથાવત છે. પીડિતાને ન્યાય મળે તે માટે ડોક્ટર્સનો વિરોધ છે. સતત ચાર દિવસથી બી.જે મેડિકલ ખાતે તબીબોનો વિરોધ છે. તબીબોને માર્શલ આર્ટ અને સેલ્ફ ડિફેન્સની ટ્રેનિંગ અપાઈ. જુનિયર મહિલા તબીબોને માર્શલ આર્ટ અને જૂડોની ટ્રેનિંગ અપાઈ. સેન્ટ્રલ ડોક્ટર પ્રોટેક્શન એક્ટ બનાવવા જુનિયર તબીબોની માગ છે.

ગુજરાત સહિત દેશમાં કોલકાત્તાની ટ્રેઈની ડૉક્ટર સાથે દુષ્કર્મ-હત્યાના ઘેરા પ્રત્યાઘાત, તબીબોની 24 કલાકની હડતાળ, CBI ટીમે તપાસ શરૂ કરી - ima calls for ...

સુરતમાં કોલકાતાની ઘટનાને લઈ રેસીડેન્ટ તબીબોનો વિરોધ યથાવત છે. રક્ષાબંધનનાં દિવસે રેસીડેન્ટ તબીબોએ એકબીજાને કાળી પટ્ટી બાંધી વિરોધ કર્યો હતો. રેસીડેન્ટ તબીબો સાથે નર્સિંગ સ્ટાફની બહેનોએ રક્ષાબંધનની ઉજવણી કરી હી. નર્સિંગ સ્ટાફે રેસીડેન્ટ તબીબોને રક્ષા કવચ બાંધ્યું હતુ. કડક કાયદાની અમલવારી અને તબીબોની સુરક્ષાની માંગ સાથે વિરોધ યથાવત છે.

દેશભરમાં તબીબોની સુરક્ષા મુદ્દે વિવાદ ચાલી રહ્યો છે. ત્યારે અમદાવાદમાં તબીબ પર હુમલાનો બનાવ બન્યો હતો. જેમાં અમદાવાદની એલજી હોસ્પિટલમાં ડોક્ટર પર દર્દીનાં સગાએ હુમલો કર્યો હતો. સારવાર કરવા ડોક્ટર પર દબાણ કરી દર્દીનાં સગાએ ડોક્ટર સાથે ઝપાઝપી કરી હતી. કેસ કાઢવાનું કહેતા ઉશ્કેરાયેલા દર્દીનાં પરિવારજનોએ તબીબ પર હુમલો કર્યો હતો. કેસ કઢાવવાનું કહેતા ઉશ્કેરાયેલા દર્દીનાં પરિવારજનોએ તબીબ પર હુમલો કર્યો હતો.

આ પણ વાંચો :-

અમદાવાદમાં અમિત શાહે નાગરિકતા કાયદા હેઠળ 188 લોકોને પ્રમાણપત્ર આપ્યાં

News Editor
-
0

કેન્દ્રીય ગૃહ પ્રધાન અમિત શાહે રવિવારે (18 ઓગસ્ટ 2024) CAA હેઠળ 188 પાકિસ્તાની હિન્દુઓને ભારતીય નાગરિકતા પ્રદાન કરી હતી. આ દરમિયાન તેમણે અમદાવાદમાં આયોજિત એક કાર્યક્રમમાં લોકોને સંબોધિત પણ કર્યા હતા. તેમણે કહ્યું, “જ્યારે બાંગ્લાદેશમાં વિભાજન થયું ત્યારે ત્યાં 27 ટકા હિંદુઓ હતા, આજે 9 ટકા છે. આટલા બધા હિંદુઓ ક્યાં ગયા? પડોશી દેશમાંથી હિંદુ કયા ગયા. અમે 2019માં CAA લાવ્યા હતા. CAAને કારણે, કરોડો હિન્દુ, જૈન અને શીખ ધર્મના લોકોને નાગરિકતા મળશે.

અમિત શાહ, ગુજરાત, નાગરિકતા કાયદો, બીબીસી ગુજરાતી

અમિત શાહે વધુમાં કહ્યું કે CAA વિશે મુસ્લિમોને ઉશ્કેરવામાં આવ્યા હતા. CAA કાયદો કોઈની નાગરિકતા છીનવી શકતો નથી. કેટલીક રાજ્ય સરકારો CAA વિશે લોકોને ગેરમાર્ગે દોરી રહી છે. ઈન્ડિયા એલાયન્સ અને કોંગ્રેસ CAAને લઈને શરણાર્થીઓને ગેરમાર્ગે દોરી રહ્યા છે.

આ નાગરિકોને અન્ય પાડોશી દેશોમાં તો અપમાન સહન કરવું પડતું હતું પણ અહીં આવીને પણ તેમની તકલીફો ઓછી થઈ ન હતી. વિપક્ષની તુષ્ટિકરણની નીતિઓ ત્રણ પેઢીઓથી તેમને ન્યાય મળ્યો નથી. વડા પ્રધાન મોદીએ લાખો અને કરોડો લોકોને ન્યાય અપાવ્યો હતો. અહીં ઉલ્લેખનીય છે કે સિટિઝનશિપ ઍમન્ડમેન્ટ ઍક્ટ– CAA એ 11 ડિસેમ્બર, 2019ના રોજ સંસદમાં પસાર કરવામાં આવ્યો હતો. આ કાયદાના વિરોધમાં દેશભરમાં વ્યાપક પ્રદર્શનો થયાં હતાં. ત્યારબાદ આ કાયદાનો તત્કાળ અમલ કરવામાં આવ્યો ન હતો, માર્ચ, 2024માં જ તેને સંપૂર્ણપણે લાગુ કરવામાં આવ્યો હતો.

આ પણ વાંચો :-

IMAની સુરત બ્રાન્ચના તબીબો પણ દેશવ્યાપી વિરોધમાં જોડાયા

News Editor
-
0

કલકત્તામાં ટ્રેઈની ડોક્ટર સાથે દુષ્કર્મ અને હત્યા બાદ સમગ્ર દેશમાં તબીબો હડતાલ પર ઉતર્યા છે. છેલ્લા ચારેક દિવસથી આ હડતાલ ચાલુ રહી છે. ત્યારે આજે સુરત મેડિકલ કોલેજમાં આંદોલન છાવણીમાં જ રક્ષાબંધન પર્વની ઉજવણી કરવામાં આવી હતી. હડતાલ પર ઉતરેલા તબીબોએ નર્સિંગ સ્ટાફની બહેનો પાસે રાખડી બંધાવી હતી. દેશભરમાં કામ કરતા તમામ તબીબો અને મહિલા તબીબોની સુરક્ષાને લઈને સરકાર દ્વારા આકરા પગલાં લેવામાં આવે તેવી માંગ કરવામાં આવી હતી

ઉપવાસ પર ઉતરેલા ડોક્ટર સન્મુખે કહ્યું કે, અમારી માંગ છે કે, દેશમાં આ પ્રકારના અત્યાચાર થાય છે. તેને તાત્કાલિક આકરામાં આકરી સજા કરવામાં આવે. પરિવારની ફરિયાદ લેવામાં પણ વિલંબ થયો હતો. ત્યારે હાલ તેમને ન્યાય મળે તે હેતુથી આ ઉપવાસ કરવામાં આવી રહ્યા છે. અમને આંશિક સફળતા પણ મળી ગઈ છે. જોકે પૂર્ણ ન્યાય મળે અને આ પ્રકારની ઘટના ન બને તે માટે અમે આંદોલન કરી રહ્યા છીએ.

રેસીડન્ટ ડોક્ટરોએ રોષ ઠાલવી કહ્યું કે, જ્યાં સુધી દુષ્કર્મ-હત્યા કેસમાં મહિલા ડોકટર અને તેમના પરિવારનજનોને ન્યાય નહીં મળી અને આરોપી સામે કડક કાર્યવાહી કરવામાં આવશે નહિં ત્યાં સુધી હડતાળ પર રહીશું. જયારે સિવિલના કિડની બિલ્ડીંગ પાસે આજે સવારે માર્શલ આર્ટ દ્વારા મહિલા રેસીડન્ટ ડોકટરો અને પુરૃષ રેસીડન્ટ ડોકટરોને સેલ્ફ ડિફેન્સની તાલિમ આપવાનું આયોજન કરવામાં આવ્યું હતું.

સિવિલ ખાતેના જુનિયર ડોકટર એસોસીયેશનના પ્રમુખ ડૉ.પ્રતિક પરમારે કહ્યુ કે, કોલકતાના બનાવ બાદ મહિલા ડોકટરો પોતાનું રક્ષણ જાતે કરી શકે અને તેઓ કોઇ પણ પરિસ્થિતિનો સામનો કરવાની હિંમત દાખવી શકે તે માટે મહિલા રેસીડન્ટ ડોકટરો અને પુરૃષ રેસીડન્ટ ડોકટરોને સેલ્ફ ડિફેન્સની તાલિમ આપવામાં આવી હતી.

આ પણ વાંચો :-

દેશમાં દર 15 મિનિટે થાય છે એક મહિલા સાથે રેપ! NCRBનો રિપોર્ટમાં મોટો ખુલાસો

News Editor
-
0

તાજેતરમાં કોલકાતાની આરજી કર મેડિકલ કોલેજ અને હોસ્પિટલમાં એક મહિલા તાલીમાર્થી ડોક્ટર સાથે બળાત્કાર અને હત્યાની ઘટનાએ સમગ્ર દેશને ચોંકાવી દિધો છે. ન્યાયની માંગણી સાથે જુનિયર તબીબોએ વિરોધ પ્રદર્શન કરી કામ બંધ કરી દીધું હતું. પોલીસે આ કેસમાં આરોપી સંજય રોયની ધરપકડ કરી છે. કલકત્તા હાઈકોર્ટે આ કેસ સીબીઆઈને ટ્રાન્સફર કરી દીધો છે.

NCRBના રિપોર્ટ અનુસાર, મહિલાઓ સામેના અપરાધિક કેસોમાં ‘પતિ કે તેના સંબંધીઓ દ્વારા ક્રૂરતા’, ‘મહિલાઓનું અપહરણ અને બળજબરીથી લઈ જવા’, ‘મહિલાઓ પર હુમલા‘ ‘બળાત્કાર’ જેવા કેસો મોટો હિસ્સો ધરાવે છે.

લગ્નના બહાને સગીરા પર ગુજાર્યો બળાત્કાર, પોલીસ કોન્સ્ટેબલ સામે નોંધાયો ગુનો - Gujarati News | Rape of a minor girl on the pretext of marriage, crime registered against police constable - Rape

2012ની દિલ્હીની ઘટનાની આસપાસના વર્ષોમાં, NCRBએ સમગ્ર ભારતમાં વાર્ષિક 25,000 જેટલા બળાત્કારના કેસ નોંધ્યા હતા. ત્યારથી 2016 માં લગભગ 39,000 કેસોની નોંધપાત્ર ટોચ સાથે, સંખ્યા સતત 30,000 ને વટાવી ગઈ છે. COVID-19 રોગચાળા દ્વારા ચિહ્નિત થયેલ વર્ષ 2020 માં અસ્થાયી ઘટાડો જોવા મળ્યો, પરંતુ આંકડાઓ ઝડપથી ફરી વધી ગયા. એક સરકારી અહેવાલ મુજબ, 2018માં દર 15 મિનિટે સરેરાશ એક મહિલાએ બળાત્કારની ફરિયાદ કરી હતી. 2022માં, સૌથી તાજેતરના વર્ષ કે જેના માટે ડેટા ઉપલબ્ધ છે, 31,000 થી વધુ બળાત્કાર નોંધાયા હતા.

NCRB રિપોર્ટ દર્શાવે છે કે 2022 માં ભારતમાં મહિલાઓ વિરુદ્ધ 4,45,256 કેસ નોંધાયા હતા, જે દર કલાકે 51 કેસની સમકક્ષ છે. આ આંકડાઓ પરથી સ્પષ્ટ થાય છે કે મહિલાઓ વિરુદ્ધના ગુનાઓમાં ન્યાયિક પ્રક્રિયામાં માત્ર વિલંબ જ નથી થતો પરંતુ દોષિત ઠેરવવાનો દર પણ ઘણો ઓછો છે. આ સ્થિતિ સુધારવા માટે, પોલીસ અને ન્યાયતંત્ર બંનેએ સાથે મળીને કામ કરવાની જરૂર છે જેથી કરીને મહિલાઓ સામેના ગુનાઓને રોકવા માટે અસરકારક પગલાં લઈ શકાય. 2022માં સમગ્ર દેશમાં બળાત્કારના કુલ 31,516 કેસ નોંધાયા હતા, જેનો અર્થ છે કે દર 16 મિનિટે એક કેસ નોંધાયો હતો. નીચેના રાજ્યોમાં સૌથી વધુ કેસ નોંધાયા છે.

આ પણ વાંચો :-

‘હું ફિલ્મો છોડવા માંગુ છું’ કહીને ઈમોશનલ થયો આમિર ખાન, કઈ બાબતથી છે પરેશાન?

News Editor
-
0

બોલિવૂડ એક્ટ્રેસ રિયા ચક્રવર્તી અત્યારે મોટા પડદાથી દૂર છે. દરમિયાન, તેણે પોતાનું પોડકાસ્ટ શરૂ કર્યું છે. રિયાના પોડકાસ્ટની પ્રથમ ગેસ્ટ સુષ્મિતા સેન હતી. હવે તેના શોનો ગેસ્ટ આમિર ખાન છે. રિયાએ આવનારા એપિસોડનો પ્રોમો ઈન્સ્ટાગ્રામ પર શેર કર્યો છે. પ્રોમોમાં આમિર રિયા સાથે ખુલીને વાત કરતો જોવા મળ્યો હતો.

Aamir Khan wants to quit film career | આમિર ખાન ફિલ્મી કરિયર છોડવા માંગે છે: રિયા ચક્રવર્તીના પોડકાસ્ટમાં ભાવુક થયો અભિનેતા, કહ્યું- લોકો મારાં કપડાંની ...

રિયાએ આમિરને પૂછ્યું- જ્યારે તમે અરીસામાં જુઓ છો, તો શું તમને લાગે છે કે ‘હું ખૂબ જ સુંદર છું’. હું સ્ટાર છું કે આમિર ખાન? આ સાંભળીને આમિર હસ્યો. આમિર કહે છે, ‘સાચું કહું તો મને રિતિક રોશન, શાહરૂખ ખાન અને સલમાન ખાન હેન્ડસમ લાગે છે.’ રિયા કહે, ‘ના, તમે હેન્ડસમ છો. દરેક વ્યક્તિ મારી સાથે આ બાબતે સહમત થશે. ત્યારે આમિર કહે, ‘હું ક્યાં સારો દેખાઉં છું?’ મારા કપડા માટે લોકો મને કેટલી વાર ટ્રોલ કરતા રહે છે.

રિયા હસીને કહે છે, ‘મેં તમારા દેખાવને સારો કહ્યો છે, તમારી ફેશન સેન્સને નહીં.’ આગળ, આમિરે રિયાના વખાણ કર્યા અને કહ્યું કે તેણે મુશ્કેલ સમયમાં ખૂબ હિંમતથી કામ કર્યું. આમિર કહે છે કે ‘હું જાદુમાં વિશ્વાસ કરું છું.’ વાતચીત આગળ વધે છે. આમિર કહે છે કે ‘મારે ફિલ્મોમાંથી ખસી જવું પડશે.’ રિયાએ કહ્યું ‘જૂઠું.’ તો આમિરે કહ્યું, ‘ના, હું સાચું કહું છું.’ રિયાએ કહ્યું, ‘લાઇ ડિટેક્ટર ટેસ્ટ કરાવો.’ આમિરે કહ્યું- કરો.

આમિર અને રિયા બંને જીવન વિશે ગહન વાતો કરતા જોવા મળ્યા હતા. એક ક્ષણ આવી જ્યારે આમિર રડ્યો. અભિનેતાએ કહ્યું કે તેને થેરાપી દ્વારા તેના જીવનનો બીજો અધ્યાય શરૂ કરવાનો મોકો મળ્યો છે. આમિરને ઈમોશનલ જોઈને ફેન્સ ઈમોશનલ થઈ રહ્યા છે. દરેક વ્યક્તિ જાણવા માંગે છે કે તેઓ શા માટે ચિંતિત છે અને શા માટે તેમની આંખોમાં આંસુ આવી ગયા.

આ પણ વાંચો :-

‘સ્ત્રી 2’નું બોક્સ ઓફિસ પર વર્ચસ્વ જારી, 4 દિવસમાં 200 કરોડનો આંકડો પાર

News Editor
-
0

બોલિવૂડ એક્ટ્રેસ શ્રદ્ધા કપૂર અને રાજકુમાર રાવની ફિલ્મ ‘સ્ત્રી 2’ એ બોક્સ ઓફિસ પર ધૂમ મચાવી છે. રિલીઝ થઈ ત્યારથી આ ફિલ્મ અપેક્ષા કરતાં વધુ કમાણી કરી રહી છે. ગ્રાન્ડ ઓપનિંગ પછી હોરર-કોમેડી ફિલ્મ ‘સ્ત્રી 2‘ એ વીકેન્ડ પર પણ જંગી કમાણી કરીને નવો રેકોર્ડ બનાવ્યો છે. ફિલ્મને દર્શકોનો જબરદસ્ત પ્રતિસાદ મળી રહ્યો છે.

Stree 2 Review

15મી ઓગસ્ટના ખાસ અવસર પર રિલીઝ થયેલી ‘સ્ત્રી 2’એ કમાણીના મામલામાં ઘણી આગળ નીકળી ગઈ છે. ‘સ્ત્રી 2’ને વીકેન્ડની રજાનો પૂરો લાભ મળ્યો છે. ફિલ્મે વીકેન્ડમાં શાનદાર કમાણી કરી છે. ફિલ્મના ચોથા દિવસનું કલેક્શન પણ સામે આવ્યું છે, જે અપેક્ષા કરતાં ઘણું સારું છે.

ટ્રેડ એનાલિસ્ટ તરણ આદર્શના જણાવ્યા અનુસાર શનિવારે ‘સ્ત્રી 2’નું નેટ ઈન્ડિયા કલેક્શન 45.70 કરોડ રૂપિયા હતું. તે જ સમયે, ચોથા દિવસે, રવિવારે, ફિલ્મે 58.20 કરોડ રૂપિયાની જોરદાર કમાણી કરી. 4 દિવસની કમાણી સહિત, ફિલ્મનું કુલ નેટ ઈન્ડિયા કલેક્શન 204 કરોડ રૂપિયા થઈ ગયું છે. ‘સ્ત્રી 2’ એ 4 દિવસમાં રૂ. 200 કરોડનો આંકડો પાર કરીને એક નવો ક્રમ સ્થાપિત કર્યો છે.

‘સ્ત્રી 2’ના તોફાનમાં અક્ષય-જ્હોનની ફિલ્મો પટકાઈ

તમને જણાવી દઈએ કે શ્રદ્ધા અને રાજકુમાર રાવની ફિલ્મ સાથે વધુ બે મોટી ફિલ્મો રિલીઝ થઈ હતી. અક્ષય કુમારની ‘ખેલ ખેલ મેં’ અને જોન અબ્રાહમની ‘વેદા’, પરંતુ ‘સ્ત્રી 2’ના તોફાનમાં બંને ફિલ્મો ઉંધા માથે પટકાઈ. ‘સ્ત્રી 2’ નો ધ્વજ ટોચ પર લહેરાયો છે.

શ્રદ્ધા કપૂર અને રાજકુમાર રાવની હોરર-કોમેડી ફિલ્મે બોક્સ ઓફિસ પર નવી ક્રાંતિ લાવી છે. વીકએન્ડ બાદ ફિલ્મને પણ રક્ષાબંધનની રજાનો પૂરેપૂરો લાભ મળવાની આશા છે. પહેલા સોમવારે ફિલ્મ કેટલું કલેક્શન કરે છે તે જોવું રસપ્રદ રહેશે.

ફિલ્મના કલાકારોની વાત કરીએ તો, રાજકુમાર રાવ અને શ્રદ્ધા કપૂર સિવાય પંકજ ત્રિપાઠી, અપારશક્તિ ખુરાના અને અભિષેક બેનર્જી ‘સ્ત્રી 2’માં મહત્ત્વની ભૂમિકામાં જોવા મળ્યા છે.

આ પણ વાંચો :-

મહારાષ્ટ્ર ATSએ નાસિકમાંથી ત્રણ બાંગ્લાદેશીઓની ધરપકડ કરી

News Editor
-
0

મહારાષ્ટ્ર ATSએ નાસિકમાંથી ત્રણ બાંગ્લાદેશી નાગરિકોની ધરપકડ કરી છે. આ લોકો ભારતમાં ગેરકાયદેસર રીતે રહેતા હતા. તેમાંથી એક નકલી દસ્તાવેજો બનાવવામાં સામેલ હતો.

Maharashtra ATS nabs Nashik resident over links with ISIS

મુંબઈ પોલીસે ગયા મહિના પહેલા આવી જ કાર્યવાહી કરી હતી અને ગેરકાયદેસર રહેતા બાંગ્લાદેશી નાગરિકોની ધરપકડ કરી હતી. મીરા-ભાઈંદર, વસઈ-વિરાર પોલીસે મીરા રોડમાં દસ મહિલાઓની અટકાયત કરી હતી. આમાંથી નવ મહિલાઓ બાંગ્લાદેશની છે અને તેઓને યોગ્ય દસ્તાવેજો વિના ભારતમાં રહેવાના આરોપમાં અટકાયતમાં લેવામાં આવી હતી. એક દસમી મહિલા, જેણે જૂથને આવાસ પૂરું પાડ્યું હતું, તેની સંડોવણી બદલ ધરપકડ કરવામાં આવી હતી.

હુસૈન શેખ ઇલેક્ટ્રિશિયનનું કામ કરે છે. તેણે જણાવ્યું કે આરોપીઓ બાંગ્લાદેશના વતની શહેરના અલગ-અલગ વિસ્તારોમાં રહેતા હતા. ઘણા વર્ષો પહેલા ગેરકાયદેસર રીતે દેશમાં પ્રવેશ કર્યો હતો. અધિકારીએ જણાવ્યું હતું કે તપાસમાં જાણવા મળ્યું છે કે આરોપીઓએ ભારતીય પાસપોર્ટ મેળવવા માટે ગુજરાતના સુરતના રહેવાસી હોવાના નકલી દસ્તાવેજોનો ઉપયોગ કર્યો હતો.

આ પણ વાંચો :-

1...677678679...1,477Page 678 of 1,477