Home Blog Page 625

જમ્મુ-કાશ્મીરના સીએમ બન્યા ઓમર અબ્દુલ્લા, બીજી વખત લીધા શપથ

News Editor
-
0

કલમ 370 હટાવ્યા બાદ ઓમર અબ્દુલ્લાએ આજે ​​કેન્દ્રશાસિત પ્રદેશ જમ્મુ અને કાશ્મીરના મુખ્યમંત્રી તરીકે શપથ લીધા. આ ઉપરાંત સુરેન્દ્ર ચૌધરીએ જમ્મુ-કાશ્મીરના નાયબ મુખ્યમંત્રી તરીકે શપથ લીધા છે. લેફ્ટનન્ટ ગવર્નર મનોજ સિન્હાએ શ્રીનગરમાં શેર-એ-કાશ્મીર ઇન્ટરનેશનલ કન્વેન્શન સેન્ટર ખાતે ઓમર અને તેમના મંત્રીઓને પદ અને ગુપ્તતાના શપથ લેવડાવ્યા હતા.

ઓમર અબ્દુલ્લા હશે જમ્મુ-કાશ્મીરના આગામી CM, પિતા ફારૂકે NCની ભવ્ય જીત પર કરી જાહેરાત – Gujaratmitra Daily Newspaper

શેર એ કાશ્મીર ઈન્ટરનેશનલ કન્વેન્શન સેન્ટરમાં આ કાર્યક્રમ યોજાયો હતો. રાહુલ ગાંધી અને પ્રિયંકા ગાંધી પણ આ કાર્યક્રમમાં જોવા મળ્યા હતા. ઉલ્લેખનીય છે કે આ પહેલા એવા અહેવાલ સામે આવ્યા હતા કે કોંગ્રેસ નેશનલ કોન્ફરન્સની સરકારને બહારથી ટેકો કરશે. તેમનો કોઈ નેતા મંત્રી પદ ગ્રહણ નહીં કરે. જેના પર ઓમર અબ્દુલ્લાહનું રિએક્શન સામે આવ્યું હતું અને તેમણે કહ્યું હતું કે કોંગ્રેસ અને અમારી વચ્ચે બધું બરાબર છે, કોઈ ગરબડ નથી.

નેશનલ કોન્ફરન્સના ઉપાધ્યક્ષ ઓમર અબ્દુલ્લા પ્રથમ વખત કેન્દ્રશાસિત પ્રદેશ અને બીજી વખત જમ્મુ-કાશ્મીરના મુખ્યમંત્રી બન્યા છે. આ અવસર પર INDIA ગઠબંધને તાકાતનું પ્રદર્શન કર્યું. કોંગ્રેસના નેતા રાહુલ ગાંધી અને પ્રિયંકા ગાંધી, NCP ના શરદ જૂથમાંથી સુપ્રિયા સુલે, PDP પ્રમુખ મહેબૂબા મુફ્તી, CPI ના ડી રાજા અને સમાજવાદી પાર્ટીના અધ્યક્ષ અખિલેશ યાદવ પણ શપથ ગ્રહણ સમારોહમાં હાજર રહ્યા હતા.

આ પણ વાંચો :-

મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટ બેઠક

News Editor
-
0

રાજ્યના પાટનગર ગાંધીનગરમાં આજે મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટ બેઠક મળી છે જેમાં PM મોદીના કાર્યક્રમો સંદર્ભે કેબિનેટમાં સમીક્ષા કરવામાં આવશે. PM મોદીના 28 ઓક્ટોબર તથા એકતા દિવસ કાર્યક્રમો બાબતે ચર્ચા કરાશે. ઉપરાંત રાજ્યમાં અતિવૃષ્ટિ બાદ બાકી સહાય સંદર્ભે તથા કૃષિ વિભાગે સર્વે પૂર્ણ કર્યા બાદ સહાય સંદર્ભે ચર્ચા કરવામાં આવશે. રાજ્યમાં યુરીયા ખાતરની ઘટ સંદર્ભે પણ ચર્ચા થશે તો રાજ્ય સરકારના આગામી આયોજનો અને નીતિગત બાબતો પર ચર્ચા કરવામાં આવશે.

CM Bhupendra Patel will go to Mumbai to pay tribute to Ratan Tata.CM Bhupendra Patel રતન ટાટાને શ્રદ્ધાંજલિ આપવા જશે મુંબઈ | Sandesh

આજે મુખ્યમંત્રી ભુપેન્દ્ર પટેલની અધ્યક્ષતામાં કેબિનેટ બેઠક શરૂ થઇ ગઇ છે. મહારાષ્ટ્ર પ્રવાસ હોવાથી બે મંત્રીઓ ઋષિકેશ પટેલ અને જગદીશ પંચાલ કેબિનેટમાં હાજર રહ્યા નથી. બેઠકમાં પીએમ મોદી ના કાર્યક્રમો સંદર્ભે સમીક્ષા કરવામાં આવી રહી છે. પીએમ મોદી ના ૨૮ ઓક્ટોબર તથા એકતા દિવસ કાર્યક્રમો બાબતે આ ચર્ચા થઇ રહી છે.

બીજી તરફ સરકારે મધ્યાહન ભોજનના સુપરવાઇઝરના માસિક વેતનમાં વધારો કર્યો છે. કરાર આધારીત સુપરવાઇઝરનું વેતન 25 હજાર કરાયું છે. ઉલ્લેખનિય છે કે સુપરવાઇઝરને અગાઉ 15 હજાર રુપિયા વેતન અપાતું હતું . આ કર્મચારીઓને ઓક્ટોબર માસના વેતનથી લાભ મળશે. આ મામલે શિક્ષણ વિભાગે સત્તાવાર પરિપત્ર કર્યો છે.

આ પણ વાંચો :-

મસ્જિદમાં ‘જય શ્રી રામ’ના નારા લગાવવા ગુનો નથી, કર્ણાટક હાઈકોર્ટે અરજી ફગાવી દીધી

News Editor
-
0

કર્ણાટક હાઈકોર્ટે મસ્જિદની અંદર ‘જય શ્રી રામ’ના કથિત નારા લગાવવાના મામલામાં મહત્ત્વનો ચુકાદો આપ્યો છે. હકીકતમાં, કોર્ટે બે લોકો સામે પોલીસ દ્વારા નોંધાયેલ ફોજદારી કેસને ફગાવી દીધો હતો. હાઈકોર્ટે કહ્યું કે, મસ્જિદમાં જય શ્રી રામના નારા લગાવવા બિલકુલ ખોટું નથી.

karnataka-high-court

આરોપીઓની અપીલ અરજી પર વિચાર કરીને આદેશ પસાર કરતી વખતે, જસ્ટિસ એમ. નાગપ્રસન્નાની આગેવાની હેઠળની સિંગલ બેંચે કહ્યું કે ‘જય શ્રી રામ’ના નારા લગાવવાથી કોઈ પણ સમુદાયની ધાર્મિક લાગણીઓને કેવી રીતે ઠેસ પહોંચશે તે સમજની બહાર છે. મસ્જિદમાં કથિત રીતે ‘જય શ્રી રામ’ના નારા લગાવવા બદલ આરોપીઓ પર IPCની કલમ 295A હેઠળ આરોપ મૂકવામાં આવ્યો હતો.

જોકે કન્નડ પોલીસ દ્વારા આ બંને વ્યક્તિઓ વિરુદ્ધ ભારતીય ન્યાય સહિતા અનુસાર કલમ 295 એ, 447 અને 506 સહિત અનેક કલમો દાખલ કરીને કેસ તૈયાર કર્યો હતો. ત્યારે આરોપીઓએ પોતાના ઉપર લગાવવામાં આવેલા ગુનાઓને પડકાર આપતી અરજી કર્ણાટક હાઈકોર્ટેમાં કરી હતી. તેથી કર્ણાટક હાઈકોર્ટેએ કેસની જીણવટ તપાસ કરીને તેમને નિર્દોષ જાહેર કર્યો છે. તે ઉપરાંત કન્નડ પોલીસે તેમની વિરુદ્ધ દાખલ કરાવમાં આવેલા તમામ ગુનાઓને રદ કરવાની સૂચના પાઠવી છે.

હાઈકોર્ટની બેન્ચે તેના ચુકાદામાં કહ્યું કે ફરિયાદી જ કહે છે કે સંબંધિત ક્ષેત્રમાં હિન્દુ અને મસ્લિમો સદભાવના સાથે રહે છે. બેન્ચે ધ્યાન દોરતાં કહ્યું કે અરજદારો વિરુદ્ધ આગળની કાર્યવાહીની મંજૂરી આપવી એ કાનૂની પ્રક્રિયાનો દુરુપયોગ ગણાશે. સુપ્રીમકોર્ટના આદેશનો હવાલો આપતાં બેન્ચે કહ્યું કે કોઈ પણ અને દરેક કાર્ય આઈપીસીની કલમ 295 એ હેઠળ ગુનો નહીં ગણાય. કર્ણાટક પોલીસે પણ આરોપ મૂક્યો હતો કે આરોપી વ્યક્તિ 24 સપ્ટેમ્બર 2023ની રાત્રે મસ્જિદની અંદર ઘૂસ્યો અને જય શ્રી રામની નારેબાજી કરવા લાગ્યો હતો. તેના પર ધમકી આપવાનો પણ આરોપ હતો. જ્યારે ફરિયાદ નોંધવામાં આવી તો આરોપીઓને અજાણ્યા વ્યક્તિ તરીકે બતાવાયો અને બાદમાં ધરપકડ કરવામાં આવી.

આ પણ વાંચો :-

૧૬ ઓક્ટોબર, ૨૦૨૪/ આ રાશિ માટે બુધવારના દિવશે પરિવારના તમામ સભ્યો સાથે આનંદ-ઉત્સાહ વધતો, આજ દિવસે દરમ્યાન આવકનું પ્રમાણ ઘટતું, જાણો આજનું રાશિ ભવિષ્ય

News Editor
-
0

મેષઃ

આત્મવિશ્વાસમાં વધારો થાય. આર્થિક બાબતો માટે સામાન્ય દિવસ. પરિવારમાં આનંદનું વાતાવરણ પેદા થાય. માતાની તબિયત જળવાય. માતૃસુખ વધે. નવા રોકાણો ટાળવા. વાહન ચલાવતી વખતે કાળજી જરૂરી. આરોગ્ય સાચવવું. દામ્પત્ય જીવનમાં સ્નેહ વધે.

વૃષભઃ

નાણાંકીય બાબતો અંગે શુભ. પરિવારના સભ્યોથી આનંદ. નવા રોકાણો યોગ્ય રીતે કરી શકાય. સંતાન સંબંધી ચિંતા રહે. સ્વાસ્થ્ય અંગે સાવધાની જરૂરી. દામ્પત્ય સુખમાં મિશ્રફળ. ભાગ્ય બળવાન. ધંધાકીય ક્ષેત્રે રાહત. લક્ષ્મીનો વખતસર લાભ મળે.

‌મિથુનઃ

સ્વભાવમાં સરળતા, નિખાલસતા વર્તાય. આવકનું પાસુ મજબૂત બને. ધંધામાં પ્રગતિ થતા આવકનું પ્રમાણ વધે. પરિવારમાં થોડી ઉગ્રતા વર્તાય. લોહી સંબંધી રોગોથી સાવચેતી જરૂરી. સાંસારિક બાબતોમાં અસંતોષ. આકસ્મિક ધનલાભ શક્ય.

કર્કઃ

નસીબ બળવાન બને છે. ભાગ્યના જોરે કાર્યમાં વધુ સફળતા મળતી જણાય. આદ્યાત્મિકતામાં વધારો થાય. યાત્રા-પ્રવાસના યોગ બને છે. માતૃપક્ષથી લાભ. ધંધાકીય ક્ષેત્રે સફળતા. આરોગ્ય બાબતે આનંદ દામ્પત્ય ક્ષેત્રે મધ્યમ.

‌સિંહઃ

માનસિક ઉચાટ રહે. આવકનું પ્રમાણ ઘટે. પરિવારમાં શાંતિ રહે. અગત્યના નાણાંકીય રોકાણો મુલતવી રાખવી. માતાની તબિયતની કાળજી જરૂરી. સંચાન સંબંધીચિંતા રહે. શરદી-ખાંસીનો ઉપદ્રવ રહે.

કન્યાઃ

બુધ્ધિથી કાર્યસફળતા મળતી જણાય. એડવોકેટ, વિમા સંબંધી ક્ષેત્રોથી વધુ લાભની શક્યતા. પરિવારના તમામ સભ્યો સાથે સ્નેહનું વાતાવરણ રહે. હૃદયમાં અકારણ અજંપો રહે. આરોગ્ય સારૂ રહે.

તુલાઃ

અણગમતા પ્રસંગો બને. આર્થિક બાબતો અંગે સામાન્ય દિવસ. પરિવારમાં અસંતોષનું વાતાવરણ રહે. માતૃસુખ સારૂં. નવા રોકાણો ટાળવા. પરિવારની તબિયત સાચવવી. ભાગ્ય જળવાય. ધાર્મિક યાત્રા-પ્રવાસ શક્ય બને. પેટના રોગોથી સાચવવું.

વૃ‌શ્ચિકઃ

આવક જળવાય. ઉત્સાહ વધે. પરિવારમાં શાંતિ રહે. નવા રોકાણો યોગ્ય રીતે થાય. સ્થાવર જંગમ મિલકતથી લાભ. સંતાન સુખ ઉત્તમ સંતાનની પ્રગતિથી આનંદ. વિદ્યાર્થીવર્ગને સફળતા. આરોગ્ય સારૂ.

ધનઃ

દિવસ દરમ્યાન આનંદનો અનુભવ થશે. આવકનો સ્ત્રોત જળવાશે. પરિવારમાં થોડો વાદ-વિવાદ રહે. કાર્યક્ષેત્રે સફળતા મળતી જણાય. આર્થિક રોકાણો ફાયદાકારક નીવડશે. નોકરી-ધંધામાં પ્રગતિ થતી જણાય. શરદી-ખાંસી રહે.

મકરઃ

માનસિક રીતે આનંદ ઉમંગ જળવાય. ઉદાર દીલ તથા પરોપકારની ભાવના પ્રબળ બને. ખોટા ખર્ચા ટાળવા. પરિવારમાં આનંદ ઉત્સાહ વધે. શુભ પ્રસંગનું આયોજન શક્ય બને. જીવનસાથી સાથે પ્રેમભાવમાં વધારો થાય.

કુંભઃ

આત્મવિશ્વાસમાં વધારો થાય. આર્થિક પાસુ મજબૂત બને. નવી આવકના રસ્તા ખુલે. સ્થાવર-જંગમ મિલકતથી લાભ. ભાગ્ય બળવાન બને છે. ધંધાકીયક્ષેત્રે સફળતા.

મીનઃ

અંતર્મુખી, થોડો સ્વાર્થી અને થોડો અભિમાની સ્વભાવ રહે. અનાજ, ઓઇલ, પેટ્રોલ, ન્યાયક્ષેત્રે સંબંધિત કાર્યોમાં વિશેષ લાભ. દામ્પત્ય જીવનમાં આનંદમાં વધારો. પિતાની કાળજી રાખવી જરૂરી. સંતાન સુખ સારૂ આરોગ્ય મધ્યમ.

સુરતમાં વેપારી જીમના ટ્રેડમિલ પર ચાલતા અચાનક ઢળી પડ્યો, CPR આપવા છતાં ન બચ્યો જીવ

News Editor
-
0

સુરતમાં કાપડના વેપારી જીમમાં કસરત કરતી વખતે અચાનક ઢળી પડ્યા હતા. વેપારીને CPR આપ્યા છતાં જીવ બચી શક્યો નહોતો. વેપારીને કસરત કરતી વખતે હાર્ટ એટેક આવતા ટ્રેડમિલ પરથી નીચે પડી ગયા હતા. આ સમગ્ર ઘટના સીસીટીવી કેમેરામાં કેદ થઈ છે.

મળતી માહિતી અનુસાર, સુરતના ભટાર વિસ્તારમાં કાપડના વેપારી દ્વારકાદાસ મારુ (60 વર્ષ) જીમમાં ટ્રેડમિલ પર ચાલી રહ્યા હતા. આ દરમિયાન તે અચાનક ઢળી પડતા જીમમાં હાજર લોકો ભેગા થયા હતા અને વેપારીને CPR આપી ભાનમાં લાવવાનો પ્રયાસ કરવામાં આવ્યો હતો. જો કે, વેપારીને ભાનમાં ન આવતા તેને હોસ્પિટલ લઈ જવાયા હતા. પરંતુ તબીબે વેપારીને મૃત જાહેર કર્યા હતા. હાર્ટ એટેક આવ્યો હોવાથી દ્વારકાદાસનું મૃત્યુ થયું હોવાનું જાણવા મળ્યું હતું.

જીમમાં હાજર કોઈને પણ ખ્યાલ ન હતો કે અચાનક શું થઈ ગયું? દરરોજની જેમ, તેઓ સામાન્ય રીતે ટ્રેડમિલ પર ચાલી રહ્યા હતા અને તેની બાજુમાં એક વ્યક્તિ પણ તે જ રીતે ટ્રેડમિલ પર ચાલી રહ્યો હતો. પરંતુ અચાનક જ તેઓ નીચે ઢળી પડ્યા હતા. તેમને જોઈ જીમમાં તમામ લોકો દોડીને તેમની પાસે આવી ગયા. તેમને સતત સીપીઆર આપવાનો પ્રયાસ પણ કરવામાં આવ્યો હતો. પરંતુ તેમનું મોતની થયું હતું. 14મીએ સવારે 6:55 કલાકે બનેલી કઇ ઘટના CCTV કેમેરામાં કેદ થઇ હતી.

આ પણ વાંચો :-

વિદેશ મંત્રી જયશંકર મંગળવારે SCO સમિટમાં ભાગ લેવા પહોંચ્યા પાકિસ્તાન

News Editor
-
0

ભારતના વિદેશ મંત્રી ડૉ. જયશંકર SCO પરિષદની 23મી બેઠકમાં ભાગ લેવા પાકિસ્તાન પહોંચ્યા છે. શાંઘાઈ કોઓપરેશન ઓર્ગેનાઈઝેશનની બેઠકમાં ભાગ લેવા માટે 9 વર્ષ બાદ કોઈ ભારતીય વિદેશ મંત્રી પ્રથમ વખત પાકિસ્તાન પહોંચ્યા છે. ભારતીય વિદેશ મંત્રીની આ મુલાકાત ઘણી મહત્ત્વપૂર્ણ છે. તેમણે હાલમાં જ કહ્યું હતું કે, કોઈપણ પાડોશી દેશની જેમ ભારત પણ પાકિસ્તાન સાથે વધુ સારા સંબંધો ઈચ્છે છે. પરંતુ, સરહદ પારના આતંકવાદને નજરઅંદાજ કરીને આ કરી શકાય નહીં.

એસ જયશંકર જશે પાકિસ્તાન, સુષ્મા સ્વરાજે 9 વર્ષ પહેલા પાડોશી દેશની મુલાકાત લીધી હતી |S Jaishankar will go to Pakistan Sushma Swaraj visited the neighboring country 9 years ago

પાકિસ્તાનના વડાપ્રધાન શહેબાઝ શરીફ ડિનરનું આયોજન કરશે અને તેની સાથે જ SCO સમિટ શરૂ થશે. છેલ્લા ઘણા સમયથી બંને પાડોશી દેશોના સંબંધોમાં ચાલી રહેલા તણાવ વચ્ચે ભારત તરફથી પાકિસ્તાનની આ પ્રથમ ઉચ્ચ સ્તરીય મુલાકાત છે.

મહત્ત્વપૂર્ણ છે કે, બંને પક્ષોએ SCO સરકારના વડાઓની સમિટ સિવાય ડૉ. જયશંકર અને તેમના પાકિસ્તાની સમકક્ષ ઇશાક ડાર વચ્ચે કોઈપણ દ્વિપક્ષીય વાતચીતનો ઇનકાર કર્યો છે. પાકિસ્તાનની મુલાકાત લેનાર ભારતના છેલ્લા વિદેશ મંત્રી સુષ્મા સ્વરાજ હતા. તે અફઘાનિસ્તાન પર યોજાયેલી એક કોન્ફરન્સમાં ભાગ લેવા માટે ડિસેમ્બર 2015માં ઈસ્લામાબાદ ગયા હતા. પાકિસ્તાને ઓગસ્ટમાં વડાપ્રધાન નરેન્દ્ર મોદીને SCO સમિટમાં ભાગ લેવા આમંત્રણ આપ્યું હતું.

આ પણ વાંચો :-

મહારાષ્ટ્ર અને ઝારખંડમાં વિધાનસભા ચૂંટણીની તારીખ જાહેર

News Editor
-
0

દિલ્હીના વિજ્ઞાન ભવન ખાતે ચૂંટણી પંચની પ્રેસ કોન્ફરન્સ શરૂ થઈ ગઈ છે. મુખ્ય ચૂંટણી કમિશનર રાજીવ કુમાર, ચૂંટણી કમિશનર જ્ઞાનેશ કુમાર અને ચૂંટણી કમિશનર સુખબીર સિંહ સંધુની ઉપસ્થિતિમાં આજે મહારાષ્ટ્ર વિધાનસભા ચૂંટણી અને ઝારખંડ વિધાનસભા ચૂંટણીની તારીખો જાહેર કરાશે. આ પહેલા ચૂંટણી પંચે 16મી ઓગસ્ટે હરિયાણા વિધાનસભા અને જમ્મુ-કાશ્મીર વિધાનસભાની ચૂંટણી જાહેર કરી ત્યારે એવી ચર્ચા હતી કે, પંચ મહારાષ્ટ્ર અને ઝારખંડ વિધાનસભા ચૂંટણીની પણ તારીખ જાહેર કરશે. જોકે પંચે બંને રાજ્યો માટે કોઈ જાહેરાત કરી ન હતી.

Election Commission - ભારતીય ચૂંટણી પંચ, ભારત અને રાજ્ય ચૂંટણી સંબંધિત સમાચાર

LIVE: મહારાષ્ટ્રની 288 બેઠક પર 20 નવેમ્બરે, તો ઝારખંડમાં 13 અને 20 નવેમ્બરે મતદાન; 23મીએ પરિણામ 2 - image

ચૂંટણી પંચ કમિશનરની મહત્ત્વની વાતો

  • મહારાષ્ટ્રમાં મહિલા બુથ બનાવીશું
  • સીનિયર નાગરિક ઘરેથી મત આપી શકશે.
  • મહારાષ્ટ્રમાં 9 કરોડ 63 લાખ મતદાર
  • ઝારખંડમાં કૂલ 2.6 કરોડ મતદારો
  • હરિયાણા અને જમ્મુ કાશ્મીરના લોકોનો આભાર,લોકોએ ભારે સંખ્યામાં મતદાન કર્યું.
  • ભારત દરેક ચૂંટણીમાં રેકોર્ડ બનાવી રહ્યું છે.
  • ECએ સોશિયલ મીડિયાના દૂરઉપયોગને રોક્યો

મહારાષ્ટ્ર અને ઝારખંડ વિધાનસભા ચૂંટણીની તારીખો જાહેર કરવામાં આવી છે. બંને રાજ્યોના ચૂંટણી પરિણામો 23 નવેમ્બરે એક સાથે જાહેર કરવામાં આવશે. ઝારખંડના ઘણા જિલ્લાઓ નક્સલ પ્રભાવિત છે અને ત્યાં સુરક્ષાની ચિંતા છે. જેના કારણે બે રાઉન્ડમાં મતદાન કરાવવાનો નિર્ણય લેવામાં આવ્યો છે. તેમ છતાં, આ એક મોટો નિર્ણય છે કારણ કે 2019 માં, અહીં 5 તબક્કામાં મતદાન થયું હતું. આ બંને રાજ્યોની સાથે વાયનાડ લોકસભા સીટ પર પણ 13 નવેમ્બરે મતદાન થશે. રાહુલ ગાંધીના રાજીનામાના કારણે આ બેઠક ખાલી પડી છે.

LIVE: મહારાષ્ટ્રની 288 બેઠક પર 20 નવેમ્બરે, તો ઝારખંડમાં 13 અને 20 નવેમ્બરે મતદાન; 23મીએ પરિણામ 4 - image

મહારાષ્ટ્રમાં ક્યારે થશે ચૂંટણી
મહારાષ્ટ્રમાં 20મી નવેમ્બરે મતદાન થશે અને પરિણામ 23મીએ આવશે. રાજ્યની તમામ 288 બેઠકો પર એક જ તબક્કામાં મતદાન થવાનું છે. ચૂંટણી પંચના જણાવ્યા અનુસાર, નામાંકન માટેની છેલ્લી તારીખ 29 ઓક્ટોબર છે.

ઝારખંડમાં બે તબક્કામાં મતદાન
ઝારખંડમાં 13-20 નવેમ્બરે બે તબક્કામાં મતદાન થશે. પરિણામ મહારાષ્ટ્રની સાથે 23 નવેમ્બરે જાહેર કરવામાં આવશે.

81 સીટોવાળી ઝારખંડ વિધાનસભાનો કાર્યકાળ 5 જાન્યુઆરી, 2025 ના રોજ સમાપ્ત થશે. આ વખતે મહારાષ્ટ્રમાં એક તબક્કામાં જ્યારે ઝારખંડમાં 2 કે 3 તબક્કામાં મતદાન થવાની સંભાવના છે.

આ પણ વાંચો :-

ચૂંટણી પહેલાં અપાતી ફ્રી યોજનાઓ લાંચ જેવી, SCએ માગ્યો જવાબ

News Editor
-
0

સુપ્રીમ કોર્ટમાં રાજકીય પક્ષો દ્વારા અપાતી રેવડીઓ મુદ્દે એક અરજી દાખલ કરવામાં આવી છે. જેના પર કેન્દ્ર અને ચૂંટણી પંચને નોટિસ પાઠવી છે. આ પિટિશનમાં ચૂંટણી પહેલાં રાજકીય પક્ષો દ્વારા આપવામાં આવતી મફત રેવડીઓનાં વચનોને લાંચ તરીકે જાહેર કરવાની માગ કરવામાં આવી છે.

કર્ણાટકના રહેવાસી શશાંક જે શ્રીધરે પોતાની અરજીમાં કહ્યું કે ચૂંટણી પહેલા મફત યોજનાઓની જાહેરાતને લાંચરુશ્વત તરીકે જાહેર કરવી જોઈએ. મતદારને લાંચની લાલચ આપવાનો આ એક પ્રકાર છે. એવું પણ કહેવામાં આવ્યું હતું કે મફત યોજનાથી સરકારી તિજોરી પર મોટો બોજ પડે છે. રાજકીય પક્ષો ઘણીવાર આવી મફત યોજનાઓની જાહેરાત કરે છે અને તેઓ તેનો અમલ કેવી રીતે કરશે તે પણ જણાવતા નથી.અરજીમાં એમ પણ કહેવામાં આવ્યું છે કે પારદર્શિતાનો અભાવ આવા વચનોની પરિપૂર્ણતાને સક્ષમ કરતું નથી. જેના કારણે મતદારો સાથે છેતરપિંડી થાય છે.

અરજદારે કહ્યું કે આવી યોજનાથી ચૂંટણી પ્રક્રિયા ગીવ એન્ડ ટેકની પ્રક્રિયા બની જાય છે. ફ્રીની સ્કીમ્સ અને ચૂંટણી પહેલાંના વચનોની વધતી ધમકીઓ છતાં, ચૂંટણી પંચ આ પ્રથાને રોકવામાં સફળ રહ્યું નથી. તેમાં કહેવામાં આવ્યું છે કે લોકશાહીની અખંડિતતા જળવાઈ રહે તે રીતે ચૂંટણી યોજવી જોઈએ. અરજદારે એવી પણ માગણી કરી હતી કે ચૂંટણીના થોડા સમય પહેલા મફત યોજનાઓ પર પ્રતિબંધ મૂકવો જોઈએ. આવો પ્રતિબંધ માત્ર સરકારને જ નહીં પરંતુ તમામ રાજકીય પક્ષોને લાગુ પડવો જોઈએ.

સુપ્રીમ કોર્ટમાં સુનાવણીમાં ચૂંટણી પંચે કહ્યું હતું કે પક્ષો દ્વારા ફ્રીબીઝ પર અપનાવવામાં આવેલી નીતિનું નિયમન કરવું ચૂંટણી પંચની સત્તામાં નથી. ચૂંટણી પહેલાં મફત આપવાનું વચન આપવું કે ચૂંટણી પછી આપવાનું એ રાજકીય પક્ષોનો નિર્ણય છે. આ અંગે નિયમો બનાવ્યા વિના કોઈ પણ પગલાં લેવાથી ચૂંટણી પંચની સત્તાનો દુરુપયોગ થશે. માત્ર કોર્ટે નક્કી કરવું જોઈએ કે ફ્રી સ્કીમ શું છે અને કંઈ નથી. આ પછી અમે તેનો અમલ કરીશું.

આ પણ વાંચો :-

ગુજરાતમાં ‘વિકાસ સપ્તાહ’ અંતર્ગત નવી ટેક્સટાઈલ પોલિસી 2024 લોન્ચ

News Editor
-
0

ગુજરાતમાં ‘વિકાસ સપ્તાહ’ અંતર્ગત ઉદ્યોગ સાહસિકતા દિવસની ઉજવણી અંતર્ગત રાજ્યમાં ઉદ્યોગોને પ્રોત્સાહન આપવાના ભાગરૂપે વિવિધ ઉપક્રમોનું આયોજન કરવામાં આવ્યું છે. ગુજરાતના CM ભૂપેન્દ્ર પટેલના હસ્તે ‘નવી ગુજરાત ટેક્સટાઈલ પોલિસી-2024’ લોન્ચ કરવામાં આવી છે. ઉદ્યોગોને પ્રોત્સાહન આપવાના ભાગરૂપે વિવિધ ઉપક્રમોનું આયોજન કરવામાં આવ્યું છે.

ગાંધીનગરથી સરકારે ટેક્સટાઈલ પોલિસી જાહેર કરી છે. ગાંધીનગર મહાત્મા મંદિરમાં CMની અધ્યક્ષતામાં કાર્યક્રમનું આયોજન કરવામાં આવ્યું હતું. આ કાર્યક્રમમાં ઉદ્યોગ મંત્રી બલવંતસિંહ, ગૃહ રાજ્યમંત્રી હર્ષ સંઘવી હાજર રહ્યા હતા. રાજ્યમાં ઉદ્યોગોને પ્રોત્સાહન આપવા માટે આયોજન કરાયું હતું. રાજ્યમાં ઉદ્યોગોને પ્રોત્સાહન આપવા માટે ગાંધીનગરથી ઈ-લોકાર્પણ અને ઈ-ખાતમુહૂર્ત કરવામાં આવ્યું છે.

GIDCના રૂ.564 કરોડના વિવિધ વિકાસ કામોના ઈ-લોકાર્પણ તથા ઈ-ખાતમુહૂર્ત કરાયું. 5,500 ઉદ્યોગ યુનિટ્સને રૂ.1 હજાર કરોડથી વધુ મૂલ્યની સહાયનું વિતરણ કરવામાં આવ્યું છે. પ્રધાનમંત્રી નરેન્દ્ર મોદીએ 2001થી રાજ્યનું શાસન દાયિત્વ સંભાળીને નીતિ આધારિત વિકાસનો મજબૂત પાયો નાંખીને ગુજરાતને પોલિસી ડ્રિવન સ્ટેટ બનાવ્યું છે. તેમના સફળ સુશાસનના 23 વર્ષ પૂર્ણ થવા અવસરે મુખ્યમંત્રી ભૂપેન્દ્ર પટેલના માર્ગદર્શનમાં રાજ્યવ્યાપી ‘વિકાસ સપ્તાહ’ ઉજવાઈ રહ્યું છે. આ વિકાસ સપ્તાહ દરમિયાન વિવિધ થીમ આધારિત દિવસોની પણ ઉજવણી કરવામાં આવી રહી છે.

હાલના ભૂ-રાજનૈતિક પરિપ્રેક્ષ્યમાં આ નવી ટેક્સટાઈલ પોલિસીનું લૉન્ચીંગ એક મહત્વપૂર્ણ કદમ પુરવાર થશે. મુખ્યમંત્રી ભૂપેન્દ્ર પટેલના નેતૃત્વ અને દિશાદર્શનમાં આ વિકાસ સપ્તાહ દરમિયાન વિવિધ વિકાસ કામોના લોકાર્પણ-ખાતમુહૂર્ત, નવા વિકાસ કામોની મંજૂરીના ઉપક્રમ યોજાઈ રહ્યાં છે.

આ પણ વાંચો :-

પરમેશ શિવમણિ બન્યા ભારતીય કોસ્ટ ગાર્ડના નવા ડિરેક્ટર જનરલ

News Editor
-
0

પરમેશ શિવમણિને ઈન્ડિયન કોસ્ટ ગાર્ડ (ICG)ના નવા ડાયરેક્ટર જનરલ બનાવવામાં આવ્યા છે. તેમણે મંગળવારે (15 ઓક્ટોબર) મહાનિર્દેશક તરીકેનો ચાર્જ સંભાળ્યો હતો. પરમેશ શિવમણિને ભારતીય કોસ્ટ ગાર્ડના 26 માં મહાનિર્દેશક બનાવવામાં આવ્યા છે. સંરક્ષણ મંત્રાલયે મંગળવારે તેમની નિમણૂકને લઈને આ સત્તાવાર માહિતી આપી છે. સંરક્ષણ મંત્રાલયના જણાવ્યા અનુસાર, પરમેશ શિવમણિ સાડા ત્રણ દાયકાથી વધુની તેમની શાનદાર કારકિર્દી દરમિયાન નૌકાદળની નિમણૂકોમાં વિવિધ ક્ષમતાઓમાં સેવા આપી છે. તેઓ નેવિગેશન અને ડિરેક્શનમાં નિષ્ણાત છે અને તેમની મેરીટાઇમ કમાન્ડમાં ICG ના તમામ મોટા જહાજો સામેલ છે.

Director General S Paramesh takes charge as Indian Coast Guard Chief - India News News

નેશનલ ડિફેન્સ કૉલેજ અને ડિફેન્સ સર્વિસિસ સ્ટાફ કૉલેજના ભૂતપૂર્વ વિદ્યાર્થી, શિવમણીને સપ્ટેમ્બર 2022માં અધિક મહાનિર્દેશકના હોદ્દા પર ઉન્નત કરવામાં આવ્યા હતા, અને ત્યાર બાદ અહીં કોસ્ટ ગાર્ડ હેડક્વાર્ટરમાં પોસ્ટ કરવામાં આવ્યા હતા.

તેમના મેરીટાઇમ કમાન્ડમાં ઉન્નત ઓફશોર પેટ્રોલ શિપ ‘સમર‘ અને ઓફશોર પેટ્રોલ શિપ ‘વિશ્વ’નો પણ સમાવેશ થાય છે. તેમની સેવા દરમિયાન પરમેશ શિવમણિએ કોસ્ટ ગાર્ડ એરિયા (પૂર્વ), કોસ્ટ ગાર્ડ એરિયા (વેસ્ટ), કોસ્ટ ગાર્ડ કમાન્ડર (પૂર્વ સીબોર્ડ)ના ટોચના હોદ્દા સંભાળ્યા છે. સંરક્ષણ મંત્રાલયે કહ્યું કે ભારતીય કોસ્ટ ગાર્ડના નવા ડાયરેક્ટર જનરલ નેશનલ ડિફેન્સ કોલેજ, નવી દિલ્હી અને ડિફેન્સ સર્વિસ સ્ટાફ કોલેજ, વેલિંગ્ટનના ભૂતપૂર્વ વિદ્યાર્થી છે.

આ પણ વાંચો :-

1...624625626...1,478Page 625 of 1,478