વી નારાયણન ભારતીય અવકાશ સંશોધન સંસ્થા (ISRO)ના નવા અધ્યક્ષ બનશે. ભારત સરકારે મંગળવારે આ જાણકારી આપી. વી નારાયણન ઇસરોના અધ્યક્ષ તરીકે ડૉ. એસ સોમનાથનું સ્થાન લેશે. વી નારાયણન અવકાશ વિભાગના સચિવ તરીકે પણ કાર્યભાર સંભાળશે. કેબિનેટની નિમણૂક સમિતિના આદેશ મુજબ, વી નારાયણન 14 જાન્યુઆરીએ વર્તમાન ઈસરો (ISRO)ના વડા એસ સોમનાથના સ્થાને ચાર્જ સંભાળશે. તેઓ આગામી બે વર્ષ સુધી અથવા આગળની સૂચના ન મળે ત્યાં સુધી આ પદની જવાબદારી સંભાળશે.

વિજ્ઞાનના ક્ષેત્રમાં ડોક્ટર વી નારાયણનનું મોટું નામ છે. 1989 માં આઈઆઈટી ખડગપુરથી તેમણે ક્રાયોજેનિક એન્જીનિયરિંગમાં એમટેક કર્યું છે. તેમણે એરોસ્પેસ એન્જીનિયરિંગમાં પીએચડીની ડિગ્રી લીધી છે. નારાયણન 1984 માં ઈસરોમાં જોઈન થયા હતા. ઈસરોમાં ચાર દાયકા કરતાં વધુ સમયગાળાના અનુભવ દરમિયાન તેઓ અનેક મહત્વના પદ પર ફરજ બજાવી ચુક્યા છે.

તેમણે આદિત્ય અંતરિક્ષ યાન અને GSLV MK III મિશનો, ચંદ્રયાન 3 અને ચંદ્રયાન 3 માં પ્રોપલ્શન સિસ્ટમમાં પણ યોગદાન આપી ચુક્યા છે. તેઓ મેનેજમેન્ટ કાઉન્સિલ સ્પેસ ટ્રાન્સપોર્ટેશન સિસ્ટમ પ્રોજેક્ટના અધ્યક્ષ પણ છે. સાથે જ તેઓ ગગનયાન માટેના હ્યુમન રેટેડ સર્ટિફિકેશન બોર્ડના અધ્યક્ષ પણ છે. તેઓ હાલ લિક્વિડ પ્રોપ્શન સિસ્ટમ સેન્ટરના ડાયરેક્ટર છે.

વી નારાયણને એબ્લેટીવ નોઝલ સિસ્ટમ, કોમ્પોઝિટ મોટર કેસ અને કોમ્પોઝિટ ઇગ્નીટર કેસના પ્રક્રિયા આયોજન, પ્રક્રિયા નિયંત્રણ અને અમલીકરણમાં યોગદાન આપ્યું હતું. હાલમાં નારાયણન LPSC ના નિયામક છે, જે ISROના મુખ્ય કેન્દ્રોમાંનું એક છે, જેનું મુખ્ય મથક વાલીયામાલા, તિરુવનંતપુરમ ખાતે છે, જેમાં બેંગલુરુમાં એક યુનિટ છે. નારાયણન પાસે 40 વર્ષનો અનુભવ છે. તે રોકેટ અને સ્પેસક્રાફ્ટ ઓપરેશનમાં નિષ્ણાત છે.

નેપાળ-તિબેટ સરહદ પર 7.1ની તીવ્રતાના ભૂકંપના લીધે સમગ્ર ચીન, ભારત, ભૂટાન અને બાંગ્લાદેશમાં આંચકા અનુભવાયા હતા. જેમાં જાનહાનિ અને સંપત્તિના નુકસાનના પ્રથમ અહેવાલો તિબેટમાંથી આવ્યા હતા. વહેલી સવાર 6.35 વાગ્યાથી છેલ્લા છ કલાકમાં ભૂકંપના કુલ 14 આચંકાઓના કારણે ભારે તારાજી સર્જાઈ છે.

ચીનની સમાચાર એજન્સીના અહેવાલ મુજબ 95 લોકો મૃત્યુ પામ્યા હતા અને 130 ઘાયલ થયા હતા. જયારે તિબેટમાં ઘર પડવાના અને નુકશાનના અનેક વિડીયો સ્થાનિકોએ શેર કર્યા છે. દર મિનિટે ભૂકંપના નાના-મોટા આચંકાઓ આવી રહ્યા છે. નેપાળના કાઠમાંડૂમાં પણ શક્તિશાળી ભૂકંપના આંચકાના કારણે લોકો ભયભીત બન્યા હતા. સવારે સાતથી આઠ વાગ્યા સુધીમાં જ ઓછામાં ઓછા છ વખત ભૂકંપના આંચકાઓ આવ્યા હતા.

નેશનલ સેન્ટર ફોર સિસ્મોલોજીના જણાવ્યા અનુસાર, ગત રાત્રે દક્ષિણ ઈરાનમાં ભૂકંપ આવ્યો હતો. આ ભૂકંપની તીવ્રતા રિક્ટર સ્કેલ પર 5.5 માપવામાં આવી હતી. આ ભૂકંપનું કેન્દ્ર પૃથ્વીની નીચે 10 કિલોમીટરની ઊંડાઈએ જોવા મળ્યું હતું. જો કે આ ભૂકંપને કારણે કોઈ જાન-માલના નુકસાનના સમાચાર નથી, પરંતુ ભૂકંપના આંચકાથી લોકોમાં ભયનો માહોલ સર્જાયો હતો.

સુરત રેલવે સ્ટેશનને મલ્ટીમોડેલ ટ્રાન્સપોર્ટેશન હબ બનાવવાની કામગીરી ચાલી રહી છે. રિડેવલોપમેન્ટ માટે પ્લેટફોર્મ નંબર 2 અને 3ને 60 દિવસ માટે બંધ રાખવામાં આવશે. બન્ને પ્લેટફોર્મ પરથી પસાર થતી ટ્રેનો ઉધનાથી ડાયવર્ટ કરાઈ. સુરતથી મુંબઈ જતી 122 ટ્રેન હવે ઉધના રેલવે સ્ટેશનથી ઓપરેટ થશે. વડોદરા તરફ જતી 79 ટ્રેન પણ ઉધના રેલવે સ્ટેશન તરફ ડાયવર્ટ કરાઈ. ટ્રેનનો સમય અને પ્લેટફોર્મ અંગે તમામ માહિતી માટે ક્યુઆર કોડ જાહેર કરાયો. હવે લોકો ડાયવર્ટ થયેલ ટ્રેનની માહિતી ક્યુઆર કોડની મદદથી મેળવી શકશે.

ભારતીય રેલ્વે આ મુસાફરીને વધુ સુવિધાજનક બનાવવા માટે સતત પ્રયાસો કરી રહી છે. આ માટે રેલ્વે સતત તેનું નેટવર્ક વિસ્તરી રહ્યું છે. રેલ્વે સ્ટેશનોને વધુ સુધારવા અને વિકસાવવા માટે સતત કામ કરે છે. આ માટે રેલવેએ કેટલીકવાર કેટલાક રેલવે સ્ટેશનોના પ્લેટફોર્મ બંધ કરવા પડે છે. જેથી ત્યાં વિકાસના કામો થઈ શકે. જેના કારણે અનેક મુસાફરોને મુશ્કેલીનો સામનો કરવો પડે છે. કારણ કે તે રેલવે સ્ટેશનના પ્લેટફોર્મ પરથી પસાર થતી ઘણી ટ્રેનોને શિફ્ટ કરવી પડે છે. રેલ્વે પાસેથી મળેલી તાજેતરની માહિતી મુજબ, ગુજરાતમાં સુરત રેલ્વે સ્ટેશનના બે પ્લેટફોર્મ 60 દિવસથી બંધ છે.

આ ટ્રેનો ડાઇવર્ટ થશે

• અમદાવાદ-બાન્દ્રા ટર્મિનસ લોકશક્તિ અમદાવાદ -ચેન્નાઇ સેન્ટ્રલ નવજીવન એક્સપ્રેસ
• અમદાવાદ-પુને દુરન્તો એક્સપ્રેસ અમદાવાદ-દાદર ગુજરાત મેલ
• અમદાવાદ-હાવડા એક્સપ્રેસ અમદાવાદ-બરૌની એક્સપ્રેસ
• અમદાવાદ-આસનસોલ એક્સપ્રેસ- અમદાવાદ-બોરીવલી એક્સપ્રેસ
• અમદાવાદ-મુંબઇ સેન્ટ્રલ કર્ણાવતી એક્સપ્રેસ અમદાવાદ-મુંબઇ સેન્ટ્રલ ડબલ ડેક્કર અમદાવાદ-તિરુચિલ્લાપલ્લી સ્પેશિયલ
• અમદાવાદ-નાગપુર પ્રેરણા એક્સપ્રેસ અમદાવાદ-પુરી સુપરફાસ્ટ
• અમદાવાદ-પુરી એક્સપ્રેસ- અમદાવાદ-યશવંતપુર સુપરફાસ્ટ
• એક્સપ્રેસ અમદાવાદ-વલસાડ ગુજરાત ક્વીન સહિતની ૧૦૮ ટ્રેનોને ઉધના સ્ટેશને ડાયવર્ટ કરાઇ છે.

પ્લેટફોર્મ નંબર ૨ અને ૩ બંધ થવાના કારણે, આ પ્લેટફોર્મ પર આવતી કેટલીક ટ્રેનોને અન્ય પ્લેટફોર્મ પરથી ચલાવવામાં આવશે. પ્લેટફોર્મ નંબર ૨ પર આવતી અપ લાઇન ની ૧૨૨ મેલ એક્સપ્રેસ અને પ્લેટફોર્મ નંબર ૩ પર આવતી ડાઉન લાઇન ની ૭૯ ટ્રેનો સુરત શહેરના અન્ય રેલવે સ્ટેશનો, ખાસ કરીને ઉધના સ્ટેશન પર થોભશે. ૮ જાન્યુઆરી પછી સુરત રેલવે સ્ટેશન પર પ્લેટફોર્મ નંબર ૧ અને ૪ પરથી ટ્રેનો ઉપલબ્ધ રહેશે.