દિલ્હી વિધાનસભા ચૂંટણીની તૈયારીઓ પૂરજોશમાં ચાલી રહી છે. રાજધાની દિલ્હીમાં ચાલી હલચલ વચ્ચે કોંગ્રેસે પોતાનો મેનિફેસ્ટો બહાર પાડયો છે. કોંગ્રેસે પોતાના મેનિફેસ્ટોમાં મહિલાઓ અને યુવાનો માટે ઘણા વચનો આપ્યા છે. કોંગ્રેસે પોતાના ચૂંટણી ઢંઢેરામાં કહ્યું છે કે અમે દરેક ગરીબ પરિવારની એક મહિલાને દર મહિને 2,500 રૂપિયા આપીશું. અમે આ યોજના કર્ણાટકમાં લાગૂ કરી છે, અમે દિલ્હીમાં પણ કરીશું. કોંગ્રેસના ચૂંટણી ઢંઢેરામાં વમ્ફ બોર્ડ માટે સૌથી મોટી જાહેરાત કરવામાં આવી છે.

કોંગ્રેસના મેનિફેસ્ટોમાં કહેવામાં આવ્યું છે કે તેઓ વમ્ફ બોર્ડની રચના કરશે અને ઈમામોને સમયસર ભથ્થા આપશે. આ સાથે, કોંગ્રેસે પોતાના મેનિફેસ્ટોમાં વચન આપ્યું કે સચ્ચર સમિતિના અહેવાલના આધારે લઘુમતીઓ પર ધ્યાન આપવામાં આવશે. અમે 100 ઇન્દિરા કેન્ટીન ખોલીશું, તેમાં 5 રૂપિયામાં ભોજન પૂરું પાડીશું.

કોંગ્રેસના ઘોષણાપત્રની વિશેષતાઓ:-

• દિલ્હીના લોકો માટે ‘ફાઇનાન્સિયલ બોર્ડ’ બનાવશે.
• ‘જાતિ વસ્તી ગણતરી’ હાથ ધરશે.
• સચ્ચર સમિતિની ભલામણોનો અમલ કરશે.
• ‘જૈન કલ્યાણ બોર્ડ’ની રચના માટે કામ કરશે.
• છઠ પર્વ મહાકુંભની જેમ ઉજવાશે.
• પૂર્વાંચલના લોકો માટે અલગ મંત્રાલય બનાવવામાં આવશે.
• નવી હોસ્પિટલો અને દરેક વોર્ડમાં 24 કલાક દવાખાના ખોલશે.
• નવી શાળાઓ અને 700 જાહેર પુસ્તકાલયો પણ ખોલવામાં આવશે.
• યુવાનોને કરિયર કાઉન્સેલિંગની સુવિધા આપશે.
• લોકોને 24 કલાક પાણી પુરવઠો આપવામાં આવશે.
• યમુનાને સાફ કરશે અને જાહેર શૌચાલય બનાવશે.
• દિલ્હીમાં મજબૂત લોકપાલ બિલ લાવશે.
• દારૂ કૌભાંડ, દિલ્હી જલ બોર્ડ કૌભાંડ અને દિલ્હી આરોગ્ય કૌભાંડની તપાસ કરશે
• છઠપૂજા, કંવર શિબિરો, રામલીલા અને સરસ્વતી પૂજાના કાર્યક્રમો માટે સબસિડી આપશે.
• શહીદ સૈનિકો અને અર્ધલશ્કરી દળોના પરિવારોને 2-2 કરોડ રૂપિયાની સહાય આપવામાં આવશે.
• ધાર્મિક પૂજારીઓને કોઈપણ ભેદભાવ વિના લાભ આપવામાં આવશે.
• અનુસૂચિત જાતિઓને આર્થિક રીતે મજબૂત કરવા માટે તેમને 15% સરકારી કોન્ટ્રાક્ટ આપવામાં આવશે.
• દલિત સમાજ માટે વિનામૂલ્યે ચાર ધામ યાત્રા યોજાશે.
• દિલ્હીમાં અનુસૂચિત જાતિ આયોગની રચના કરવામાં આવશે.

દિલ્હી માટે કોંગ્રેસના વચનો

• કોંગ્રેસે 500 રૂપિયામાં એલપીજી સિલિન્ડર આપવાનું વચન આપ્યું છે.
• દર મહિને 5 કિલો ચોખા, 2 કિલો ખાંડ, 1 કિલો રસોઈ તેલ, 6 કિલો કઠોળ, 250 ગ્રામ ચાની પત્તી સહિત મફત રાશન કીટ આપવાનું વચન આપવામાં આવ્યું છે.
• કોંગ્રેસે કહ્યું કે અમે દરેક ગરીબ પરિવારની એક મહિલાને દર મહિને 2500 રૂપિયા આપીશું.
• દિલ્હીના લોકોને 25 લાખ રૂપિયાનો સ્વાસ્થ્ય વીમો આપવામાં આવશે. આ ગેરંટીમાં દરેકનું ધ્યાન રાખવામાં આવશે. બાળક હોય કે
• વૃદ્ધ, દરેક વ્યક્તિને 25 લાખ રૂપિયાના વીમાનો લાભ મળશે.
• તમામ બેરોજગાર યુવાનોને જાહેર અથવા ખાનગી ક્ષેત્રમાં એક વર્ષની એપ્રેન્ટિસશીપ આપવામાં આવશે. આ સમયગાળા દરમિયાન તેને દર મહિને 8,500 રૂપિયા મળશે.
• કોંગ્રેસે પણ 300 યુનિટ મફત વીજળીની ખાતરી આપી છે.

મહારાષ્ટ્રના પુણેથી એક ચોંકાવનારો કિસ્સો સામે આવ્યો છે. અહીં શાળાના એક વિદ્યાર્થીએ સાથી વિદ્યાર્થીની પર દુષ્કર્મ બાદ હત્યા કરવા માટે 100 રૂપિયામાં સોપારી આપી હતી. સેન્ટ સેબેસ્ટિયન ઈંગ્લિશ સ્કૂલની વિદ્યાર્થીનિએ પોતાના શિક્ષકોને એવું કહી દીધું હતું કે, એક વિદ્યાર્થીએ પોતાના માતા-પિતાની ખોટી સહી કરી દીધી હતી. જ્યારે તેણે આ અંગે ફરિયાદ કરી તો વિદ્યાર્થી ભડકી ગયો અને તેણે રોષમાં આવીને 100 રૂપિયામાં અન્ય વિદ્યાર્થીને વિદ્યાર્થિની પર દુષ્કર્મ બાદ હત્યા કરવા માટે સોપારી હતી. હવે આ સમગ્ર મામલે સ્કૂલ વહીવટી તંત્ર પર પણ સવાલો ઉઠી રહ્યા છે. પ્રિન્સિપાલ અને બે ટીચર્સ પર શાળાની પ્રતિષ્ઠા બચાવવાના નામે મામલો દબાવવાનો પ્રયાસ કરવાનો આરોપ છે. જોકે, હવે આ મામલે દૌંડ પોલીસ સ્ટેશનમાં કેસ નોંધવામાં આવ્યો છે.

FIRમાં પ્રિન્સિપાલ, ક્લાસ ટીચર અને અન્ય એક શિક્ષકને પણ આરોપી બનાવવામાં આવ્યા છે. આરોપ છે કે આ લોકોએ સગીર વિદ્યાર્થિની પર માનસિક અત્યાચાર કર્યો હતો. અહીં સુધી કે તેના એકેડેમિક પરફોર્મન્સને પણ નુકસાન પહોંચાડવાના પ્રયાસો કરવામાં આવ્યો હતો. આ કરવા પાછળનું કારણ એ હતું કે, તે આ મુદ્દો ઉઠાવવાથી પાછળ હટી જાય. સગીર શાળાના વિદ્યાર્થીઓમાં આ પ્રકારનું ષડયંત્ર અને દુશ્મનાવટ ચોંકાવનારું છે. તે પણ પુણે શહેરની એક ટોપ સ્કૂલમાં આ પ્રકારની ઘટનાઓ વાલીઓની ચિંતા પણ વધારો કરે છે. હજુ સુધી આ મામલે શાળા પ્રશાસન તરફથી કોઈ નિવેદન આપવામાં નથી આવ્યું.

રિપોર્ટ અનુસાર, પોલીસે જણાવ્યું હતું કે 26 સપ્ટેમ્બરના રોજ, 9 વર્ષના બાળકનો મૃતદેહ સ્કૂલ ડિરેક્ટરની કારની પાછળની સીટ પરથી મળી આવ્યો હતો. પહેલી શંકા ડિરેક્ટર પર પડી. લોકો માનતા હતા કે તેણે કૌટુંબિક સમસ્યા ઉકેલવા અને શાળાનું નામ પ્રખ્યાત કરવા માટે બાળકની બલી આપી છે. બાદમાં આ કેસમાં પાંચ લોકોની ધરપકડ કરવામાં આવી હતી. તેમના પર પુરાવા સાથે છેડછાડ કરવાનો આરોપ હતો. આ પછી ખબર પડી કે એક છોકરો જાણવાનો પ્રયાસ કરી રહ્યો હતો કે શાળા કેવી રીતે બંધ થશે. જ્યારે તેની પૂછપરછ કરવામાં આવી ત્યારે તેણે હત્યાની કબૂલાત પણ કરી લીધી. તેણે ટુવાલ વડે વિદ્યાર્થીનીનું ગળું દબાવીને હત્યા કરી નાખી.