સંસદમાં આવતીકાલે નવું આવકવેરા બિલ રજૂ કરવામાં આવી શકે છે. આવકવેરા કાયદાઓને સરળ બનાવવાના ઉદ્દેશ્યથી નાણામંત્રી નિર્મલા સીતારમણે પહેલી ફેબ્રુઆરી, 2025ના બજેટના ભાષણમાં નવું આવકવેરા બિલ રજૂ કરવાની જાહેરાત કરી હતી. આ નવું બિલ 1961ના 62 વર્ષ જૂના આવકવેરા કાયદાનું સ્થાન લેશે અને તેને આવકવેરા કાયદા 2025 તરીકે ઓળખવામાં આવશે.

નવા આવકવેરા બિલમાં પાનાની સંખ્યા ઓછી કરવામાં આવી છે. 63 વર્ષ અગાઉ 1961માં લાગુ કરાયેલા આવકવેરા બિલમાં 880 પાના હતા, જે હવે ઘટાડીને 622 કરી દેવાયા છે. અલબત્ત, બિલમાં પ્રકરણોની સંખ્યા જેમની તેમ જાળવી રખાઈ છે. આ બિલમાં પણ 23 પ્રકરણ છે. બિલમાં કુલ 536 વિભાગો છે.

નવું આવકવેરા બિલ જૂના બિલની તુલનામાં સરળ છે. જૂનામાં હતા એવા ઘણા અઘરા શબ્દોને સ્થાને સમજવામાં સરળ હોય એવા શબ્દોનો પ્રયોગ કરવામાં આવ્યો છે. જેમ કે, હવેથી નાણાંકીય વર્ષના આખા 12 મહિનાને ‘કરવેરા વર્ષ’ કહેવામાં આવશે; ‘આકારણી વર્ષ’ શબ્દોનો ઉપયોગ કરવામાં આવશે નહીં. એ ઉપરાંત આ બિલમાં ‘સ્ટાન્ડર્ડ ડિડક્શન’ અને ‘કેપિટલ ગેઈન ટેક્સ’ બાબતે સ્પષ્ટતા કરવામાં આવી છે.

સંસદમાં ખરડાને મંજૂરી મળ્યા બાદ આ કાયદો બની જાય, ત્યારે આ બિલ છ દાયકા જૂના આવકવેરા કાયદા, 1961નું સ્થાન લેશે. જૂનો કાયદો દાયકાઓનો સમય વિત્યા બાદ અને સમય સમય પર થયેલા વિવિધ સુધારાઓને કારણે તે ખૂબ જટિલ બની ગયો છે. સરકાર દ્વારા પ્રસ્તાવિત નવા કાયદામાં આવકવેરા અધિનિયમ, 1961માં ઉલ્લેખિત ‘પાછલું વર્ષ એટલે કે નાણાકીય વર્ષ શબ્દને ‘કર વર્ષ’ માં બદલી નાખવામાં આવ્યો છે. આ સાથે, મૂલ્યાંકન વર્ષ (AY)ની વ્યાખ્યા નાબૂદ કરવામાં આવી છે.

આ નવા બિલમાં, પાછલા વર્ષ અને મૂલ્યાંકન વર્ષના ખ્યાલને દૂર કરીને સરળ કરવા માટે ફક્ત કર વર્ષની વિભાવનાને સ્વીકારવામાં આવી છે. આ નવા બિલમાં વર્તમાન આવકવેરા કાયદાની 298 કલમોને સ્થાને 536 કલમો સમાવેશ કરવામાંઆ આવી છે. હાલના કાયદામાં 14 અનુસૂચીઓ છે જે નવા કાયદામાં વધીને 16 થશે. આ નવા બિલ મુજબ, CBDT હવે કલમ 533 મુજબ વારંવાર કાયદાકીય સુધારાની જરૂર વગર ટેક્સ વહીવટ નિયમો જાહેર કરી શકે છે, પાલન માટેના પગલાં રજૂ કરી શકે છે અને ડિજિટલ ટેક્સ મોનિટરિંગ સિસ્ટમ્સ લાગુ કરી શકે છે.

આજે માઘ પૂર્ણિમા છે. આ દિવસે નદીમાં સ્નાન કરવાનું અનેરુ મહત્વ છે. તેમાં પણ મહાકુંભ ચાલી રહ્યો છે. ત્યારે આજે અમૃત સ્નાનને લઈને આજે દેશભરમાંથી લોકો ઉમટ્યા છે. પ્રયાગરાજમાં જબરદસ્ત ભીડ છે. સંગમ તટથી 10 કિમી સુધી નજર પહોંચે ત્યાં શ્રદ્ધાળુઓ જ જોવા મળી રહ્યા છે. અત્યાર સુધી મહાકુંભમાં 45 કરોડ શ્રદ્ધાળુઓ આવી પહોંચ્યા છે. જ્યારે આજના દિવસે જ 1.30 કરોડ લોકોએ આસ્થાની ડૂબકી લગાવી છે. અનુમાન છે કે આજે 2.5 કરોડ શ્રદ્ધાળુઓ મહાકુંભમાં સ્નાન કરી શકે છે.

આજે માઘ પૂર્ણિમાના અમૃત સ્નાનને લઇને શ્રદ્ધાળુઓ પર હેલિકોપ્ટર દ્વારા 25 ક્વિન્ટલ કુલ વરસાવવામાં આવ્યા. પ્રયાગરાજ તરફ જતા રસ્તાઓ પર ભારે ટ્રાફિક જામ બાદ ટ્રાફિક પ્લાનમાં ફેરફાર કરવામાં આવ્યો છે. શહેરમાં વાહનોનો પ્રવેશ બંધ કરી દેવાયો છે. મહાકુંભ મેળા ક્ષેત્રમાં પણ કોઈ વાહન ચાલશે નહીં. આવી સ્થિતિમાં ભક્તોને સંગમ પહોંચવા માટે 8 થી 10 કિમી ચાલીને જવું પડે છે. વહીવટીતંત્ર પાર્કિંગમાંથી શટલ બસો ચલાવી રહ્યું છે. પરંતુ તે મર્યાદિત છે.

સંગમ ખાતે અર્ધલશ્કરી દળના જવાનો તૈનાત છે. ભીડ ન વધે તે માટે લોકોને ત્યાં રોકાવાની મંજૂરી નથી. મોટાભાગના લોકોને સ્નાન માટે અન્ય ઘાટ પર મોકલવામાં આવી રહ્યા છે. પહેલી વાર, ભીડને નિયંત્રિત કરવા માટે 15 જિલ્લાના ડીએમ. 20 આઈએએસ અને 85 પીસીએસ અધિકારીઓને મેળામાં તૈનાત કરવામાં આવ્યા છે.

સીએમ યોગીએ પાંચમા અમૃત સ્નાન નિમિત્તે સંગમ કિનારે પહોંચેલા ભક્તો અને રાજ્યના લોકોને અભિનંદન પાઠવ્યા છે. તેમણે ઇન્સ્ટાગ્રામ પર લખ્યું હતું કે, પવિત્ર સ્નાન પર્વ મહા પૂર્ણિમાની રાજ્યના તમામ ભક્તો અને લોકોને હાર્દિક શુભકામનાઓ! આજે પ્રયાગરાજમાં મહાકુંભ-2025માં સંગમમાં પવિત્ર સ્નાન કરવા આવેલા તમામ પૂજ્ય સંતો, ધાર્મિક નેતાઓ, કલ્પવાસીઓ અને ભક્તોને હાર્દિક શુભેચ્છાઓ! ભગવાન શ્રી હરિ ની કૃપાથી દરેકનું જીવન સુખ, સમૃદ્ધિ અને સૌભાગ્યથી ભરેલું રહે. માતા ગંગા, માતા યમુના અને માતા સરસ્વતી બધાની મનોકામના પૂર્ણ કરે, આ કામના છે.

પ્રયાગરાજ મહાકુંભમાં અમૃત સ્નાન માટે ભક્તોની ભીડ ઉમટી પડી છે. વહીવટીતંત્રે અમૃત સ્નાન માટે વિસ્તૃત વ્યવસ્થા કરી છે. સીએમ યોગી પોતે સવારે 4 વાગ્યાથી માઘ પૂર્ણિમાના સ્નાનનું નિરીક્ષણ કરી રહ્યા છે. ઉપરાંત, ભક્તોની ભારે ભીડને ધ્યાનમાં રાખીને, મેળા વહીવટીતંત્રે કડક સુરક્ષા વ્યવસ્થા કરી છે અને સમગ્ર પ્રયાગરાજ શહેરને નો વ્હીકલ ઝોન જાહેર કર્યું છે. મહાકુંભ દરમિયાન માઘ પૂર્ણિમા નિમિત્તે અત્યાર સુધીમાં 73 લાખથી વધુ ભક્તોએ સંગમમાં પવિત્ર ડૂબકી લગાવી છે, જેમાં 10 લાખથી વધુ કલ્પવાસીઓનો પણ સમાવેશ થાય છે.

મહાકુંભમાં એશિયાના સૌથી મોટા ઉદ્યોગપતિ અને રિલાયન્સ ઇન્ડસ્ટ્રીઝના માલિક, મુકેશ અંબાણીએ માઘ પૂર્ણિમાના એક દિવસ પહેલા સ્નાન કર્યું. આ પ્રસંગે, અંબાણી પરિવારની ચાર પેઢીઓ પ્રયાગરાજમાં હાજર હતી જેમણે 11 ફેબ્રુઆરીએ મહાકુંભમાં પવિત્ર સ્નાન કર્યું હતું. અંબાણી પરિવારે ત્યાં પૂજા અને સ્નાન કર્યા પછી કેટલાક પેકેટનું વિતરણ કર્યું.

મહાકુંભ ખાતે માઘી પૂર્ણિમાની પૂર્વસંધ્યાએ રિલાયન્સ ઇન્ડસ્ટ્રીઝના ચેરમેન મુકેશ અંબાણી હેલિકોપ્ટર દ્વારા સંગમ સ્થાને પહોંચ્યા હતા. હેલિપેડથી કાર દ્વારા સંગમ સ્થાને ક્રૂઝમાં બેસીને ગયા પછી સ્નાન કર્યું હતું. મુકેશ અંબાણીએ સપરિવાર પવિત્ર સ્નાન કર્યું. મુકેશ અંબાણીની બે બહેનોએ પરિવારના અન્ય સભ્યો સાથે પવિત્ર સ્નાન કર્યું.

સ્નાન કર્યા પછી, અંબાણી પરિવારે ત્યાં હાજર લોકોને કેટલાક પેકેટ વહેંચ્યા. કહેવામાં આવી રહ્યું છે કે આ પેકેટોમાં પુરી-શાક હતું, જે ત્યાં હાજર લોકોને આપવામાં આવ્યું હતું. આ પહેલી વાર નથી કે અંબાણી પરિવાર દ્વારા ભોજનનું વિતરણ કરવામાં આવ્યું હોય, તેઓ વારંવાર આવું કરતા રહે છે. આ ઉપરાંત, અંબાણી પરિવાર દ્વારા નાવ ચાલકોને લાઇફ જેકેટનું પણ વિતરણ કરવામાં આવ્યું હતું.

મુકેશ અંબાણી તેમના નાના પુત્ર અનંત અંબાણી સાથે પ્રયાગરાજ પહોંચ્યા છે. એક તરફ મુકેશ અંબાણી સંપૂર્ણપણે સુરક્ષિત છે, તો બીજી તરફ મોટી ગાડીઓનો કાફલો પણ તેમને લેવા માટે હેલિપેડ પર પહોંચી ગયો છે. જે પછી મુકેશ અંબાણી તેમના પુત્ર અનંત અંબાણી સાથે હેલિપેડમાંથી બહાર નીકળતા બતાવવામાં આવ્યા છે. હવે યુઝર્સે મુકેશ અંબાણીના કુંભમાં આગમન પર પ્રશ્નો ઉઠાવવાનું શરૂ કરી દીધું છે. લોકો VVIP સંસ્કૃતિ પ્રત્યે ગુસ્સે છે અને તેઓ કહે છે કે શું 300 કિમી લાંબો ટ્રાફિક જામ ફક્ત જનતા માટે જ છે?