અમદાવાદ સાઇબર ક્રાઇમ દ્વારા મહારાષ્ટ્રથી પાયલ હોસ્પિટલ CCTV કાંડમાં બે આરોપીની ધરપકડ કરવામાં આવી છે. પ્રજ્ઞેશ પાટીલ અને પ્રજવલ તેલી નામના બે શખ્સના ડિવાઇસમાંથી સંખ્યાબંધ બિભત્સ વીડિયો મળી આવ્યા છે. ગુજરાતની અનેક હોસ્પિટલના CCTV હેક થયા હોવાની આશંકા છે. અનેક રાજ્યોના અલગ અલગ પ્રકારના વીડિયો આરોપીઓ પાસેથી મળી આવ્યા છે. અમદાવાદ સાઇબર ક્રાઇમની પ્રાથમિક તપાસમાં પાયલ હોસ્પિટલના CCTV હેક થયા હોવાનું સામે આવ્યું હતું અને તે બાદ તપાસ હાથ ધરવામાં આવી છે.

આ રેકેટમાં અત્યાર સુધી 7થી 8 લોકોની પૂછપરછ ચાલી રહી છે. ઉત્તર પ્રદેશ અને મહારાષ્ટ્રથી ટેલિગ્રામ અને યુ ટ્યુબ ચેનલ હેન્ડલર્સનું નામ સામે આવ્યું છે. મહારાષ્ટ્રથી પકડાયેલા બે શખ્સોને અમદાવાદ લાવવામાં આવશે અને વધુ પૂછપરછ કરવામાં આવશે. આ કૌભાંડ ઇન્ટરનેશનલ હોવાનું સુત્રો પાસેથી જાણવા મળ્યું છે.

પ્રાપ્ત માહિતી અનુસાર રાજકોટની પાયલ મેટરનીટી હોમ હોસ્પિટલમાંથી મહિલા દર્દીઓની સોનોગ્રાફી, બ્રેસ્ટ ચેક, ગાયનેક સારવાર, બાળકનાં જન્મથી લઈને સિટી સ્કેન ચેકઅપ સહિતની સારવારના અંગત સંવેદનશીલ વીડિયો ટેલિગ્રામ અને યુટ્યુબ પર અપલોડ કરવાના કેસમાં અમદાવાદ સાયબર ક્રાઇમ અને ક્રાઇમ બ્રાન્ચને મોટી સફળતા પ્રાપ્ત થઇ છે.

અમદાવાદ સાયબર બ્રાન્ચ અને ક્રાઈમ બ્રાન્ચની ટીમે અલગ-અલગ રાજ્યોમાં દરોડા પાડતાં તપાસના તાર મહારાષ્ટ્ર અને ઉત્તર પ્રદેશ પહોંચ્યા હતા. આ કેસમાં મહારાષ્ટ્રના સાંગલી અને લાતુરથી આ બે લોકોની ધરપકડ કરવામાં આવી છે. જેમના નામ પ્રજ્ઞેશ પાટીલ અને પ્રજ્વલ તેલી હોવાનું પણ સામે આવ્યું છે. જ્યારે વધુ એક આરોપીની ધરપકડ ઉત્તર પ્રદેશથી કરવામાં આવી છે. આ ઉપરાંત અન્ય 7 લોકોની પૂછપરછ ચાલી રહી છે. ટૂંંક સમયમાં આ ત્રણેય આરોપીઓને અમદાવાદ લાવવામાં આવશે.

મેટરનીટી હોસ્પિટલોમાં પ્રસૂતાઓની સારવાર અને તપાસના વીડિયો યુટ્યુબ અને ટેલિગ્રામ ચેનલો ઉપર અપલોડ કરીને કમાણીનો દેશવ્યાપી ગંદો ધંધો ચાલી રહ્યો છે. આવો ચોંકાવનારો ઘટસ્ફોટ અમુક વીડિયો રાજકોટના રૈયા સર્કલ પાસે આવેલી પાયલ મેટરનીટી હોમના હોવાનો ખુલાસો થયા બાદ થયો છે. ફરિયાદ નોંધીને અમદાવાદ સાયબર ક્રાઈમ પોલીસની ટીમે રાજકોટમાં ધામા નાખી હોસ્પિટલમાં તબીબો અને સ્ટાફના નિવેદનો નોંઘ્યાં હતાં.

આજે દિલ્લીના મુખ્યપ્રધાનના નામની જાહેરાત થશે. પ્રદેશ કાર્યાલયમાં ભાજપના ધારાસભ્ય દળની બેઠક મળશે. મુખ્યપ્રધાન ચૂંટાયેલા ધારાસભ્યમાંથી એક હોવાની ચર્ચા છે. પાર્ટીએ 15 ધારાસભ્યના નામ જાહેર કર્યા છે. જેમાંથી 9 નામ શોર્ટલિસ્ટ કરાયા છે. બેઠકમાં કેબિનેટ મંત્રીઓના નામની પણ જાહેરાત થઈ શકે. આવતીકાલે રામલીલા મેદાનમાં શપથ સમારોહ યોજાશે. તૈયારીઓની જવાબદારી પાર્ટીના મહાસચિવોને સોંપાઈ.

નેતાઓનું કહેવું છે કે બુધવારે સવારે ધારાસભ્ય પક્ષની બેઠક પહેલા નિરીક્ષકની જાહેરાત કરવામાં આવશે. દરમિયાન, દિલ્હી પ્રદેશ ભાજપ પ્રમુખ વીરેન્દ્ર સચદેવાએ ભાજપના રાષ્ટ્રીય મહાસચિવો વિનોદ તાવડે અને તરુણ ચુઘ, જેઓ શપથ ગ્રહણ સમારોહના પ્રભારી છે, સાથે રામલીલા મેદાનનું નિરીક્ષણ કર્યું. ત્યારબાદ, તેમની બેઠક રાજ્ય કાર્યાલયમાં યોજાઈ, જેમાં રાષ્ટ્રીય સંગઠન મહાસચિવ બીએલ સંતોષે પણ ભાગ લીધો. બેઠક પછી, તાવડે, ચુઘ અને સચદેવે લેફ્ટનન્ટ ગવર્નરને મળ્યા.

મુખ્યમંત્રી પદના દાવેદારોમાં, ચર્ચામાં રહેલા નામોમાં નવી દિલ્હીથી ભૂતપૂર્વ મુખ્યમંત્રી અરવિંદ કેજરીવાલને હરાવનારા પ્રવેશ વર્મા, ભૂતપૂર્વ વિપક્ષી નેતા વિજેન્દ્ર ગુપ્તા, નવી દિલ્હી મ્યુનિસિપલ કાઉન્સિલના ભૂતપૂર્વ ઉપાધ્યક્ષ સતીશ ઉપાધ્યાય, ભૂતપૂર્વ રાજ્ય સંગઠન મહાસચિવ પવન શર્મા, જમ્મુ કાશ્મીર અને ગોવાના સહ-પ્રભારી આશિષ સૂદ, ભાજપના રાષ્ટ્રીય સચિવ મનજિંદર સિંહ સિરસા, રેખા ગુપ્તા, શિખા રાય, અજય મહાવર, જીતેન્દ્ર મહાજન, રવિન્દ્ર ઇન્દ્રજ, કૈલાશ ગંગવાલ અને કરનૈલ સિંહ સૈનીનો સમાવેશ થાય છે. જો કોઈ સાંસદને આ જવાબદારી મળે છે તો મનોજ તિવારી પણ આ રેસમાં છે.