મેષઃ
દિવસ દરમ્યાન આનંદ રહે. પણ સ્વભાવમાં ઉગ્રતા, તામસી પ્રકૃતિ વધતી જણાય. નાણાંકીય પાસુ મજબૂત થતું જણાય. માતાની તબિયત સાચવવી. માતૃપક્ષ તરફ મુશ્કેલી પેદા થાય. વાહન સાચવીને ચલાવવું.
વૃષભઃ
આત્મબળ વધે. યોગ્ય નિર્ણયો લેવાની ક્ષમતા વધે. નાણાંકીય બાબતોમાં સાવધાની રાખવી જરૂરી. પરિવારના સભ્યોના આરોગ્યની ચિંતા રહે. માથાના દુઃખાવાની સમસ્યા સર્જાય. ભાગ્ય બળવાન. ધંધાકીય ક્ષેત્રે લાભ.
મિથુનઃ
સ્વભાવમાં જડતાપણું આવે. આવક વધતી જણાય. નાના-ભાઇ બહેનોને સ્વાસ્થ્ય સંબંધી ચિંતા રહે. સંતાન તરફથી સારા સમાચાર મળે. આરોગ્ય જળવાય. ભાગ્યમાં વૃિધ્ધ જણાય. આકસ્મિક ધનલાભના યોગ છે.
કર્કઃ
દિવસ દરમ્યાન વ્યગ્રતા રહે. ગુસ્સા ઉપર કાબુ રાખવો. માનસિક અસ્થિરતા વાળી વ્યક્તિનો રોગ વધતો જણાય. આર્થિક ક્ષેત્રે લાભ મળે. મિત્રો તરફથી સહકાર મળે. દામ્પત્ય જીવનમાં આનંદ. સત્તા, હોદ્દો, માન વધતા જણાય.
સિંહઃ
રાજકીયક્ષેત્રે પ્રગતિ થતી જણાય. સત્ય વાત બોલવાને કારણે અપ્રિય થવાય. નાણાંકીય વ્યવહારો સફળ થતા જણાય. પરિવારમાં આનંદ. માતા-પિતા સાથે મતભેદની શક્યતા છે. સંતાન સંબંધી પ્રશ્નોનો સામનો કરવો પડે.
કન્યાઃ
વિમા, વકીલાત, બેંક, ચાર્ટર્ડ એકાઉન્ટન્ટનો વ્યવસાય ધરાવતી વ્યિક્ત માટે પ્રગતિ. પરિવારમાં મનમેળ રહેશે. જળથી થતા રોગોથી સાચવવું. શરદી-કફ રહે. માતૃપક્ષ તરફથી અસંતોષ રહે. નોકરી-ધંધામાં સાનુકુળતા રહે.
તુલાઃ
ધારેલા શોખ પૂરા કરવામાં મુશ્કેલી આવે. જલ્દી ખોટું લાગી જાય. આર્થિક ક્ષેત્રે ફાયદો. પરિવારના સભ્યો વચ્ચે અસંતોષ પેદા થાય. જીવનસાથી સાથે પ્રેમ જળવાય. પરંતુ જીવનસાથીના આરોગ્યની કાળજી રાખવી જરૂરી.
વૃશ્ચિકઃ
દિવસની શરૂઆત આનંદથી થાય, પણ પત્નિના ગુસ્સાનો સામનો કરવો પડે. આર્થિક બાબતો અંગે અસંતોષ રહે. ધારેલી આવક અટકતી જણાય. લોહી અંગેના રોગો-બ્લડપ્રેશરની તકલીફ અનુભવાય.
ધનઃ
નાણાંકીય બાબતો અંગે શુભ દિવસ. કરેલા કાર્યો સફળ થતા જણાય. સંતાન તરફથી પ્રેમ મળે, પરંતુ સંતાનની તબિયત અંગેના પ્રશ્નો ઉભા થતા જણાય. જીવનસાથીની જીદ વધે. ધંધામાં પ્રગતિ થતી જણાય.
મકરઃ
આજે આપ સુખ-શાંતિ-સમૃધ્ધિનો અનુભવ કરશો. નાણાંનો બગાડ થાય. માતાની તબિયત સાચવવી જરૂરી છે. સંતાન સંબંધી ચિંતા રહે. આરોગ્ય જળવાય. પત્નિની તબિયતની કાળજી રાખવી. હાડકાનો સામાન્ય દુઃખાવો અનુભવાય.
કુંભઃ
પોતાનો કક્કો ખરો કરવાની વૃત્તિ વધે. આર્થિક મોરચે સફળતા. પરિવારમાં આનંદ-ઉત્સાહ વધે. પરિવારના સ્ત્રી સભ્યોના આરોગ્યની કાળજી જરૂરી. ધંધાકીય ક્ષેત્રે યોગ્ય આયોજન કરી શકાય.
મીનઃ
સમાજસેવાની ભાવના પ્રબળ બને. પ્રતિષ્ઠામાં વધારો થાય. નાણાંકીય બાબતોથી ફાયદો થાય. કરેલા કાર્ય સફળ થતા જણાય. સંતાનનું આરોગ્ય સાચવવું. ભાગ્યમાં વૃિધ્ધ થતી જણાય. દિવસ આનંદમાં વ્યતિત થતો જણાય.
૪ માર્ચ, ૨૦૨૫/ આ રાશિ માટે મંગળવારના દિવશે પરિવારના તમામ સભ્યો સાથે આનંદ-ઉત્સાહ વધતો, આજ દિવસે દરમ્યાન આવકનું પ્રમાણ ઘટતું, જાણો આજનું રાશિ ભવિષ્ય
ભારતીય ટીમના કેપ્ટન અંગે કોંગ્રેસી નેતાનાં નિવેદન પછી ‘બબાલ’, BCCIએ આપ્યો જવાબ
ભારતીય ટીમના કેપ્ટન અને સિક્સર કિંગ રોહિત શર્મા માટે કોંગ્રેસના નેતાએ કરેલી ટિપ્પણી પછી જોરદાર વિવાદનું નિર્માણ થયું છે. કોંગ્રેસનાં નેતા ડોક્ટર શમા મોહમ્મદે રોહિત શર્મા અંગે (બોડી શેમિંગ)ની કરેલી ટિપ્પણી પછી વિવાદનું નિર્માણ થયું છે. આ મુદ્દે અનેક રાજકીય પ્રતિક્રિયાઓ મળી છે, જ્યારે કોંગ્રેસ પાર્ટીએ પણ શમા મોહમ્મદના નિવેદનથી અંતર રાખ્યું છે, ત્યારે બીસીસીઆઈએ આકરો જવાબ આપ્યો છે.
બીસીસીઆઈના સેક્રેટરી દેવજીત સૈકિયાએ પણ શમા મોહમ્મદના નિવેદનની ટીકા કરી છે. દેવજીત સૈકિયાએ કહ્યું છે ભારતીય ટીમના કેપ્ટન અંગે આ પ્રકારનું નિવેદન આપવાનું નિંદનીય છે. કેપ્ટન વિના પણ રોહિત શર્મા ટીમ ઈન્ડિયામાં મોટી જવાબદારી નિભાવી રહ્યા છે. અત્યારના તબક્કે ભારતીય ટીમ આઈસીસી ટૂર્નામેન્ટની સેમી ફાઈનલ રમવા સજ્જ છે ત્યારે આ પ્રકારનું નિવેદન હકીકતમાં નિંદનીય છે.
આ મામલે TMC સાંસદ સૌગત રોયે કહ્યું, ‘રોહિત શર્મા વિશે જે કહેવામાં આવ્યું તેની સાથે હું સંપૂર્ણ રીતે સંમત છું. શમા મોહમ્મદે આ એક રાજકારણી તરીકે નહીં પરંતુ એક દર્શક તરીકે કહ્યું છે. રોહિત શર્માને કેટલા દિવસ માટે છૂટ આપવામાં આવશે. તેણે બે વર્ષમાં એકવાર સદી ફટકારી છે અને તે 2, 5, 10 અને 20 રનમાં આઉટ થાય છે.’
કોંગ્રેસ પ્રવક્તા ડૉ. શમા મોહમ્મદે રોહિત શર્મા વિશે ટિપ્પણી કરતા સોશિયલ મીડિયા પોસ્ટમાં કહ્યું હતું કે, ‘રોહિત એક ખેલાડી તરીકે જાડો છે. તેને વજન ઘટાડવાની જરૂર છે અને હા, તે ભારતનો અત્યાર સુધીનો સૌથી નિરાશાજનક કેપ્ટન.’
કોંગ્રેસ નેતા ડૉ. શમા મોહમ્મદે વિવાદ વધવા પર પોતાની પોસ્ટને લઈને સ્પષ્ટતા આપતા કહ્યું હતું કે ‘મારી ટ્વીટ એક ખેલાડીની ફિટનેસને લઈને સામાન્ય ટ્વિટ હતી. જેમાં કોઈના મેદસ્વીપણાને મજાક બનાવવામાં આવી નથી. મારું હંમેશાથી માનવું રહ્યું છે કે ખેલાડીએ ફિટ હોવું જોઈએ અને મને લાગે છે કે રોહિત શર્મા થોડો જાડો છે. તો મે આ વિશે ટ્વિટ કરી દીધી. મારી ઉપર કારણ વિના નિશાન સાધવામાં આવી રહ્યું છે. મે તેમની પૂર્વ કેપ્ટન સાથે સરખામણી કરી અને આ મારો અધિકાર છે. આ કહેવામાં શું ખોટું છે? આ લોકશાહી છે.’
સુરતના ઉધના રેલવે સ્ટેશન પર મુસાફરોની ભીડના લીધે સર્જાઈ અવ્યવસ્થા
હોળીના પર્વને હવે માત્ર 11 દિવસ બાકી છે ત્યારે સુરત શહેરમાં વસવાટ કરતા યુપી-બિહારના લાખો શ્રમિકો અને પરપ્રાંતિય લોકો પોતાના વતન જવા તૈયારી કરી રહ્યા છે. આ જ કારણે ઉધના રેલવે સ્ટેશન પર ભીડ જોવા મળી રહી છે. પરંતુ સૌથી મોટી સમસ્યા વ્યવસ્થાના અભાવની છે. હોળી મનાવવા વતનમાં જવા લોકો ભારે ઉત્સાહી હોય છે.
ઉધના રેલવે સ્ટેશન પરસોમવારે ભારે હાલાકી જોવા મળી હતી. જેમાં હોળી ઉજવવા પોતાના વતન જવા ઉત્સાહિત શ્રમિકો અને અન્ય મુસાફરો રાત્રિભર ટ્રેનની રાહ જોઈ લાંબી કતારમાં ઊભા રહે છે અને જ્યારે ઉધના રેલવે સ્ટેશન પર ટ્રેન આવે ત્યારે ભારે ભીડના કારણે અવ્યવસ્થા પણ સર્જાય છે. ઉધના રેલવે સ્ટેશન પર આવી અવ્યવસ્થા આ પહેલીવાર જોવા મળી નથી.
ઉધના રેલ્વે સ્ટેશન પર 100 જેટલી ટ્રેનો ડાયવર્ટ કરાતા મુસાફરોને પડકારોનો સામનો કરવો પડી રહ્યો છે. ટ્રેનમાં જગ્યા મેળવવા માટે શ્રમિકો અને પરપ્રાંતીય લોકો મોડી રાતથી જ સ્ટેશન પર પહોંચી રહ્યા છે અને રાતોવાસ કરી રહ્યા છે. સુરત શહેરમાં ઉત્તર ભારતીય સમુદાયની અંદાજિત વસ્તી 20 લાખથી વધુ છે. દર વર્ષની જેમ, ચાલુ વર્ષે પણ હજારો લોકો હોળી પર્વની ઉજવણી માટે પોતાના વતન જવા સ્ટેશન પર ઉમટી રહ્યા છે, જેનાથી મુસાફરી મુશ્કેલ બની રહી છે.
અત્રે ઉલ્લેખનીય છે કે સુરત રેલવે સ્ટેશન પર રી-ડેવલોપમેન્ટની કામગીરી ચાલી રહી હોવાથી વધુ ટ્રેનો ઉધના રેલવે સ્ટેશન પર ડાયવર્ટ કરવામાં આવી છે. ઉધના રેલવે સ્ટેશન પર પહેલાથી જ મર્યાદિત સુવિધાઓ છે. યાત્રીઓના જણાવ્યા મુજબ ત્યાં એડવાન્સ બુકિંગ કાઉન્ટર ઓછાં છે, પ્લેટફોર્મ પર પૂરી સુવિધાઓ ઉપલબ્ધ નથી.
IIT બાબાની હોટલમાંથી ધરપકડ, જયપુર પોલીસની મોટી કાર્યવાહી
મહાકુંભ દરમિયાન સોશિયલ મીડિયા પર વાયરલ થયેલા IIT બાબા અભય સિંહને જયપુર પોલીસે કસ્ટડીમાં લીધો છે. અભય સિંહે સોશિયલ મીડિયા પર આત્મહત્યા કરવાની ધમકી આપી હતી. પ્રાપ્ત માહિતી અનુસાર, શિપ્રા પથ પોલીસ સ્ટેશનની ટીમે રિદ્ધિ સિદ્ધિ પાર્ક ક્લાસિક હોટેલમાં દરોડો પાડીને સોમવારે (માર્ચ 3) IIT બાબા અભય સિંહની અટકાયત કરી હતી. આ કાર્યવાહી બાબા અભય સિંહે સોશિયલ મીડિયા પર આત્મહત્યા કરવાની ધમકી આપ્યા બાદ કરવામાં આવી હતી. પોલીસે હોટલમાંથી બાબાની અંગઝડતી કરતા ગાંજો મળી આવ્યો હોવાનું જાણવા મળ્યું છે.
પોલીસે બાબા અભય સિંહ વિરુદ્ધ NDPS એક્ટ હેઠળ કેસ દાખલ કરવાની પ્રક્રિયા શરૂ કરી છે અને હાલમાં તેમની પૂછપરછ કરવામાં આવી રહી છે. આ ઘટનાક્રમ અંગે બાબા અભય સિંહે સોશિયલ મીડિયા પ્લેટફોર્મ ઇન્સ્ટાગ્રામ પર એક વીડિયો પણ શેર કર્યો છે. જેમાં તેમણે હોટલમાં પોલીસ આવી હોવાની અને પોતાની ધરપકડ થઈ રહી હોવાની માહિતી આપી છે. વીડિયોમાં બાબાએ જણાવ્યું છે કે, “પોલીસ હોટલમાં આવી ગઈ છે અને તેઓ મારી વસ્તુઓ પેક કરી રહ્યા છે. પોલીસ FIR નોંધી રહી છે.”
IIT બાબાએ કહ્યું, “મહાદેવનો પ્રસાદ છે, બધા બાબાઓ પીવે છે. હવે પોલીસ મારા પર કેસ કરી રહી છે. પોલીસ કહે છે કે આ ગેરકાયદેસર છે. સાધુઓએ જાહેરમાં પીઆ છે, બધાંએ જોયું છે, પ્રૂફ છે. તો પછી બધાંને પકડો.”
IIT બાબાએ વધુમાં કહ્યું, “બધાં ભૂલી ગયા ને, ભોલેનાથનો પ્રસાદ બધું ખતમ. હું કશું સમજાવી રહ્યો નથી. અહીં કોઈ મને મદદ નથી કરી રહ્યું. લોકો ફક્ત મેસેજ કરે છે. હું આખી રાત નદી સુતો. લાઈવ જવા દેતા નહોતા, હવે પરમિશન આપી છે. સંભાળો તમારું સનાતન. હું બીજાં દેશમાં જઈને પણ સનાતન બની શકું છું. સત્યની કમી નથી. પોલીસ મારા સાથે હેપ્પી બર્થડે સેલિબ્રેટ કરી રહી છે. હું થાકી ગયો છું. હવે મારા પાસે ન પૈસા છે, ન જ કોઈ કોન્ટેક્ટ છે.”
વીડિયોમાં બાબા અભય સિંહ વિવાદાસ્પદ નિવેદન આપતા પણ જોવા મળ્યા હતા. તેમણે ગાંજાને ‘ભોલેનાથનો પ્રસાદ’ ગણાવ્યો હતો. તેમણે કહ્યું હતું કે, “બધા ભૂલી ગયા છે, ભોલેનાથનો પ્રસાદ પૂરો થઈ ગયો છે.” તેમણે વધુમાં ઉમેર્યું હતું કે, “હું કોઈને કંઈપણ સમજાવતો નથી. મને અહીં કોઈ મદદ કરતું નથી. લોકો માત્ર મેસેજ કરે છે. મને આખી રાત ઊંઘ નથી આવતી. મને જીવવા દેતા નથી. હવે તેણે પરવાનગી આપી દીધી છે. તમારા સનાતનનું ધ્યાન રાખો. હું બીજા દેશમાં જઈને પણ સનાતન બની શકું છું. સત્યની કોઈ કમી નથી. પોલીસકર્મી મારી સાથે જન્મદિવસની શુભકામનાઓ મનાવી રહ્યો છે. હું થાકી ગયો છું. મારી પાસે કંઈ બચ્યું નથી, ન પૈસા કે સંપર્કો.”
પોલીસ દ્વારા ગાંજો જપ્ત કરવા અંગે બાબા અભય સિંહે વિવાદાસ્પદ રીતે કહ્યું હતું કે, “આ મહાદેવનો પ્રસાદ છે, અને બધા લોકો તેનું સેવન કરે છે.” તેમણે પોલીસને પડકાર ફેંકતા કહ્યું હતું કે, “સાધુઓએ ખુલ્લામાં પ્રસાદ પીધો છે, તેના પુરાવા સૌની સામે છે. તો પહેલા તે બધાને પકડો.”
આ વર્ષ 2025માં હોળી કઈ તારીખે છે? જાણો હોળિકા દહન પર ભદ્રાકાળનો સમય
હોળી ભારતના સૌથી મોટા અને મડત્વપૂર્ણ તહેવારોમાંનો એક છે, જે દર વર્ષે ધામધૂમથી ઉજવવામાં આવે છે. દિવાળીની જેમ, હોળી (Holi 2025) પણ આનંદ અને એકતા પ્રદર્શિત કરતો તહેવાર છે. તે ખાસ કરીને હોળિકા દડન પછી ઉજવવામાં આવે છે અને સારા પર ખરાબના વિજયનું પ્રતીક છે.
આ તહેવાર ફાલ્ગુન માસમાં આવે છે અને તેની સાથે વિવિધ પૌરાણિક કથાઓ અને લોકવિશ્વાસ જોડાયેલા છે. ઘણા લોકો માટે, હોળી એક આધ્યાત્મિક મહત્વ ધરાવતો તહેવાર છે. આ વર્ષ 2025માં હોળી કઈ તારીખે છે? ડોળિકા દહન માટે શુભ મુહૂર્ત શું છે? અને ભદ્રાકાળનો સમય કયો રહેશે? સંપૂર્ણ જાણકારી અહીં મેળવો.
દ્રિક પંચાંગ અનુસાર, ફાલ્ગુન મહિનાના શુક્લ પક્ષની પૂર્ણિમા તિથિ 13 માર્ચ, 2025ના સવારે 10:35 વાગ્યે શરૂ થશે અને 14 માર્ચ, 2025ના બપોરે 12:35 વાગ્યે સમાપ્ત થશે. ઉદયતિથિ મુજબ, હોળી 14 માર્ચે ઉજવવામાં આવશે, જ્યારે હોલિકા દહન 13 માર્ચની રાત્રે કરવામાં આવશે.
આ વર્ષે હોલિકા દહનનો શુભ મુહૂર્ત 13 માર્ચે રાત્રે 11:26 થી 12:30 વાગ્યા સુધી રહેશે. આ સમય દરમિયાન હોલિકા દહન કરી શકાય છે.
13 માર્ચના રોજ હોલિકા દહનના દિવસે સવારે 10:35થી રાત્રે 11:26 સુધી ભદ્રકાળ રહેશે. આ દરમિયાન હોલિકા દડન કરવાથી બચો.
જ્યોતિષ શાસ્ત્ર અનુસાર, ચંદ્ર અને સૂર્ય ગ્રહણનો પ્રભાવ તમામ વ્યક્તિના જીવન પર કોઈને કોઈ રીતે જરૂર પડે છે. જણાવી દઈએ કે, આ વર્ષે 14 માર્ચ 2025ના રોજ હોળીના દિવસે ચંદ્ર ગ્રહણ લાગશે. આ ગ્રહણ સવારે 9 વાગ્યાને 29 મિનિટથી લઇ બપોરે 3 વાગ્યાને 29 મિનિટ સુધી રહેશે.
સુરતમાં ટેન્કરમાંથી કેમિકલ કાઢવાના રેકેટનો પર્દાફાશ, કરોડોનો માલ પકડાયો
સુરત ગ્રામ્ય એલસીબી પોલીસે સાવા ગામની ડદમાં ચૌધરી પેલેસ હોટલના પાર્કિંગમાં ને.હા.48 ઉપર કેમિકલ ભરી પસાર થતા ટેન્કર સાથે મળીને કેમિકલ ભરેલા ટેન્કરો હોટેલના પાર્કિંગમાં લાવીને ટેન્કરમાંથી કેમિકલની ચોરી કરીને ચોરીના કેમિકલ વેચાણ કરવાનું નેટવર્ક ઝડપી પાડયું છે. પોલીસે 4 લોકોને પકડી પાડયા છે અને 2 કરોડ 17 લાખથી વધુનો મુદામાલ જપ્ત કર્યો છે.
મળતી માહિતી મુજબ સવા ગામની હદમાં મુંબઈ અમદાવાદ ને.હા. નં.48 ઉપર આવેલા ચૌધરી પેલેસ નામની હોટલના પાર્કિંગમાં જાલિમ તથા ઈમરાન નામના બે ઇસમોએ ચૌધરી પેલેસ હોટલ ઉપર સતાર ખાન સમાનામના ઈસમને વોચમેન તરીકે નોકરી ઉપર રાખ્યો હતો. ડાઇવે ઉપર કેમિકલ ભરી પસાર થતા ટેન્કર ચાલકો સાથે મળીને કેમિકલ ભરેલા ટેન્કરો હોટલના પાર્કિંગમાં લાવી ટેન્કરમાંથી કેમિકલની ચોરી કરી ચોરીના કેમિકલ વેચાણ કરવાનું નેટવર્ક ચલાવે છે. આ બાતમીના આધારે સુરત ગ્રામ્ય એલસીબી પોલીસે ત્યાં દરોડો પાડયો હતો.
ચૌધરી હોટલના પાર્કિંગમાં નોકરી કરતો ચોકીદાર અલગ અલગ ટેન્કરોના ડ્રાઈવરો સાથે મળીને ટેન્કરના વાલ્વ ખોલી ટેન્કરના વાલ્વ બોક્ષની નીચે પ્લાસ્ટિકના કેરબાઓ મુકીને ટેન્કરમાં ભરેલું પ્રવાહી વાલ્વ ખોલી ટેન્કરમાં રહેલ પ્રવાડી ચોરી કરી રહ્યાં હતા.
જિલ્લા પોલીસે ત્રણ ટેન્કર ચાલક સહીત ચોકીદારને ઝડપી પાક્યા હતા. મુખ્ય આરોપી કેમિકલ ચોરી કરાવનાર જાલિમ તથા ઈમરાનને વોન્ટેડ જાહેર કરી કેમિકલ ચોરીના રેકેટનો પર્દાફાશ કર્યો હતો. પોલીસે ટેન્કર, કેમિકલ કેરબા, પ્લાસ્ટિકની પાઈપ, મોબાઈલ અને રોકડા રૂપિયા સહીત કુલ 2,17,98,560 રૂપિયાનો મુદામાલ જપ્ત કર્યો હતો અને આ સમગ્ર મામલે કોસંબા પોલીસ મથકમાં ગુનો નોંધવામાં આવ્યો છે.
ભારતીય શેરબજારમાં આજે સેન્સેક્સમાં 800 પોઇન્ટનો કડાકો, રિલાયન્સ 3 ડાઉન
શેરબજાર સેન્સેક્સ નિફ્ટીમાં મંદી યથાવત છે. સેન્સેક્સમાં 800 પોઇન્ટનો કડાકો બોલાયો છે અને 73000નું સપોર્ટ લેવલ તોડી 72900 નીચે ટ્રેડ કરી રહ્યો છે. નિફ્ટી પણ ઘટીને 22000ના સપોર્ટ લેવલ આસપાસ ટ્રેડ કરી રહ્યો છે. રિલાયન્સ, અદાણી પોર્ટ્સ સહિત બેંક ફાઇનાન્સ શેરમાં વેચવાલીથી શેરબજાર તૂટ્યું છે. તમને જણાવી દઇયે કે, સેન્સેક્સ નિફ્ટી સતત પાંચમાં મહિને તૂટ્યા છે, જે 29 વર્ષની સૌથી લાંબી મંદી છે. શેરબજારમાં લાંબી મંદીથી રોકાણકારોનું સેન્ટિમેન્ટ ખરડાયું છે.
બીએસઇ સેન્સેક્સ પાછલા બંધ 73198 સામે વધીને આજે 73427 ખુલ્યો હતો. ઉછાળે ખુલીને સેન્સેક્સ ઉપરમાં 73649 સુધી ગયો હતો. જો કે રિલાયન્સ, અદાણી પોર્ટ્સ અને બેન્કિંગ ફાઈનાન્સ શેરમાં વેચવાલીથી માર્કેટ ફરી તટ્યું. ઇન્ટ્રા-ડે ટોચથી સેન્સેક્સ 800 પોઇન્ટથી વધુ તુટ્યું અને 72788 લેવલ નીચે ઉતરી ગયું છે. 72800નું સપોર્ટ લેવલ તુટ્યા બાદ સેન્સેક્સ વધુ ઘટવાની આશંકા છે.
સ્થાનિક સ્તરે જીડીપીના મજબૂત ડેટા, તેમજ વૈશ્વિક રેટિંગ એજન્સીઓ દ્વારા દેશનો આર્થિક ગ્રોથ વેગવાન રહેવાની સંભાવનાઓને પગલે શેરબજારમાં ઉછાળો જોવા મળ્યો હતો. જો કે, એફઆઈઆઈનું વેચાણ પ્રેશર, તેમજ ટેરિફ વોર, જિઓ-પોલિટિકિલ ક્રાઈસિસે માર્કેટ પર પ્રેશર બનાવ્યું છે. અમેરિકાની ચીન પર 10 ટકા ટેરિફ લાદવાની નીતિ આ સપ્તાહે લાગુ થવાની છે. સામે ચીને પણ કૃષિ પ્રોડક્ટ્સ પર ટેરિફ લાદવાની તૈયારી દર્શાવી છે. બીજી તરફ યુક્રેન અને રશિયા વચ્ચે ચાલી રહેલા યુદ્ધમાં યુક્રેન શાંતિ કરાર કરવા તૈયાર ન હોવાની અટકળોએ જિઓ પોલિટિકલ ક્રાઈસિસ વધી છે.
વડાપ્રધાન નરેન્દ્ર મોદી આજે સાસણ ગીરમાં ‘વિશ્વ વન્યજીવન દિવસ’ ઉજવશે
વડાપ્રધાન નરેન્દ્ર મોદી આજે સાસણ ગીરમાં ‘વિશ્વ વન્યજીવન દિવસ’ ઉજવશે. 3 માર્ચને વિશ્વ વન્યજીવન દિવસ તરીકે ઉજવવામાં આવે છે. ગીર અભયારણ્યની મુલાકાત લીધા બાદ PM જૂનાગઢના સાસણ ખાતે રાષ્ટ્રીય વન્યજીવન બોર્ડની બેઠકની અધ્યક્ષતા કરશે.
સવારે 10 વાગ્યે સાસણના સિંહ સદન ખાતે વન્યજીવન બોર્ડના અધ્યક્ષસ્થાને બેઠક કરશે, જેમાં કુલ 47 સભ્યો છે. સેના પ્રમુખ, વિવિધ રાજ્યોના સભ્યો, NGO, વન સચિવ વગેરેનો આ બેઠકમાં સમાવેશ થાય છે. આ પછી તેઓ બપોરે 12 વાગ્યે સોમનાથ મંદિર પહોંચશે. ત્યાં દર્શન કર્યા પછી, પીએમ મોદી બપોરે 3 વાગ્યે રાજકોટથી દિલ્હી જવા રવાના થશે.
ગુજરાતના મુખ્યમંત્રી તરીકે, પીએમ મોદીએ એશિયાઈ સિંહોના એકમાત્ર ઘર, સાસણ ગીરના વિકાસ માટે મોટા નિર્ણયો લીધા હતા, જેના કારણે આજે દેશ-વિદેશથી લાખો પ્રવાસીઓ સિંહોને જોવા માટે સાસણ ગીરમાં આવે છે. હાલમાં, ગુજરાતના 9 જિલ્લાઓના 53 તાલુકાઓમાં લગભગ 30,000 ચોરસ કિલોમીટર વિસ્તારમાં સિંહોની વસ્તી છે. એક નિવેદનમાં ઉમેરવામાં આવ્યું છે કે કેન્દ્ર સરકારના પ્રોજેક્ટના ભાગ રૂપે, જૂનાગઢ જિલ્લાના નવા પીપળીયા ખાતે 20.24 હેક્ટરથી વધુ જમીન પર રાષ્ટ્રીય વન્યજીવન આરોગ્ય માટે રેફરલ સેન્ટર સ્થાપિત કરવામાં આવી રહ્યું છે. આ ઉપરાંત, સાસણમાં એક હાઇ-ટેક મોનિટરિંગ સેન્ટર અને વન્યજીવન ટ્રેકિંગ માટે એક અત્યાધુનિક હોસ્પિટલનું નિર્માણ કરવામાં આવ્યું છે.
ગીર અભયારણ્યમાં પ્રધાનમંત્રીનું સ્વાગત કરતા, રાજ્યસભાના સાંસદ પરિમલ નથવાણીએ X પર પોસ્ટ કર્યું, “રાષ્ટ્રના સિંહ અને ગુજરાતના ગૌરવશાળી પુત્ર, પીએમ મોદી, એશિયાઈ સિંહોની ભૂમિની મુલાકાત લઈ રહ્યા છે. સાસણ ગીરની તેમની મુલાકાત WorldWildlifeDay પર વન્યજીવન સંરક્ષણના પ્રયાસોને મજબૂત બનાવશે. તેમનું વિઝન ભારતના વન્યજીવન માટે ટકાઉ ભવિષ્યને આકાર આપવાનું ચાલુ રાખે છે.” તેમણે ઉમેર્યું, “પીએમ મોદીએ અગાઉ વિશ્વ સિંહ દિવસ પર મુખ્ય જાહેરાતો કરી હતી અને તેમની મુલાકાતથી વધુ પહેલ અને નવા વિકાસ થવાની અપેક્ષા છે.”
કોંગ્રેસ નેતા હિમાની નરવાલની હત્યારો પકડાયો, આ કારણથી થઈ હતી હત્યા
હરિયાણાના રોહતકમાં કોંગ્રેસ નેતા હિમાની નરવાલની હત્યા બાદ મૃતદેહને સૂટકેસમાં ફેંકી દેવામાં આવ્યો હતો. વળી, સોમવારે (3 માર્ચ) પોલીસે હત્યાકાંડ મામલે બહાદુર ગઢના રહેવાસી સચિન નામના એક યુવકની ધરપકડ પણ કરી છે.
મળતી માહિતી મુજબ, હિમાનીની હત્યા તેના જ ઘરમાં કરવામાં આવી હતી. જે સૂટકેસમાં હિમાનીની લાશ મળી હતી, તે સૂટકેસ પણ હિમાનીના ઘરનું જ હતું. હત્યારો હિમાનીનો ઓળખીતો છે. આરોપી પાસેથી હિમાનીનો મોબાઈલ પણ મળી આવ્યો છે. CIA 2ની ટીમે તેની દિલ્હીથી ધરપકડ કરી હતી.
મળતી માહિતી મુજબ, આરોપીએ દાવો કર્યો કે, ‘હું હિમાની સાથે રિલેશનશિપમાં હતો અને તે મને બ્લેકમેલ કરી રહી હતી. તે મારી પાસેથી લાખો રૂપિયા પણ ખંખેરી ચુકી છે.’ પોલીસે સમગ્ર મામલે જણાવ્યું કે, આ મામલે તપાસ શરૂ છે અને આરોપીની પૂછપરછ કરવામાં આવી રહી છે. તપાસ બાદ જ મોતના સાચા કારણ વિશે જાણ થશે. સોમવારે (3 માર્ચ) સવારે 11 વાગ્યે આ વિશે પ્રેસ કોન્ફરન્સ કરવામાં આવશે. જેમાં તમામ માહિતી વિશે જાણ કરાશે.
હિમાની નરવાલ હત્યાકાંડમાં રચાયેલી એસઆઈટીના ચીફ ડીએસપી રજનીશ કુમારે જણાવ્યું છે કે, હત્યાકાંડના મામલે પોલીસને મહત્વપૂર્ણ પુરાવા મળ્યા છે. મોબાઈલ ફોન પણ રિકવર થઈ ગયો છે. ખાસ કરીને જે સૂટકેસમાં ડેડ બોડી મળી હતી, તે પરિવારની જ હતી. પોલીસ આ મામલાની અનેક દિશાઓથી તપાસ કરી રહી છે. જલ્દી ખુલાસો કરશે. જણાવી દઈએ કે, આજે હિમાનીની પોસ્ટમોર્ટમ રિપોર્ટ પણ સામે આવશે, જેનાથી તેની હત્યાની રીતનો ખ્યાલ આવશે. હિમાનીની હત્યા અંગે રાજકીય બવાલ પણ મચી ગઈ છે, કારણ કે તે કોંગ્રેસ પાર્ટી સાથે જોડાયેલી હતી અને કોંગ્રેસની સક્રિય કાર્યકર હતી.
સમગ્ર હત્યાકાંડ મામલે હિમાની નરવાલની માતાનું પણ નિવેદન પણ સામે આવ્યું છે. તેમણે કહ્યું કે, ‘મને વિશ્વાસ છે કે, આરોપી કોઈ જાણીતું વ્યક્તિ જ છે અથવા પાર્ટીની કોઈ વ્યક્તિ અથવા તેની કોલેજની કોઈ વ્યક્તિ કે કોઈ સંબંધી. ફક્ત આ જ લોકો ઘરે આવી શકે છે. મને વિશ્વાસ છે કે, તેની સાથે કંઈક ખોટું કરવાનો પ્રયાસ કર્યો હતો અને તેણે તેનો વિરોધ કર્યો જેના કારણે આ થયું. તેણે ક્યારેય કંઈ ખોટું સહન નથી કર્યું. હું આરોપી માટે મૃત્યુદંડની સજા ઈચ્છું છું. સરકાર તરફથી અત્યાર સુધી કોઈએ અમારો સંપર્ક નથી કર્યો.’
જણાવી દઈએ કે, કોંગ્રેસ નેતા હિમાની નરવાલની હત્યા બાદ તેના મૃતદેહને સૂટકેસમાં ભરીને ફેંકી દેવાયો હતો. આ હત્યાકાંડ દેશભરમાં ચર્ચાનો વિષય બન્યો છે. હિમાનીની માતાએ આરોપ લગાવ્યો છે કે, ‘મારી દીકીરની હત્યા કરીને મૃતદેહને ફેંકી દેવામાં આવ્યો છે.’ હિમાની નરવાલ છેલ્લાં 10 વર્ષથી કોંગ્રેસ સાથે જોડાયેલી છે. તે ભારત જોડો યાત્રાનો પણ ભાગ રહી ચુકી છે. આ યાત્રા તેણે રોહતકમાં જોઇન કરી હતી અને શ્રીનગર સુધી સાથે ગઈ હતી. ભારત જોડો યાત્રા દરમિયાન હિમાનીનો રાહુલ ગાંધી સાથેનો ફોટો પણ વાઈરલ થયો હતો.
Oscars 2025માં હોસ્ટ કોનન ઓ’બ્રાયને હિન્દીમાં ભારતીય દર્શકોને કહ્યું…
97મા એકેડેમી એવોર્ડ્સને આ વખતે કોનન ઓ’બ્રાયન હોસ્ટ કર્યો હતો. કોનન ઓ’બ્રાયને પ્રથમ વખત ઓસ્કારની હોસ્ટિંગની કમાન સંભાળી હતી અને પોતાના ડેબ્યૂમાં જ ઈતિહાસ રચ્યો. ઓસ્કારનું લાઈવ ટેલિકાસ્ટ ઘણા દેશોમાં જોવાતું હોવાથી તેણે માત્ર અંગ્રેજીમાં જ નહીં પરંતુ સ્પેનિશ, હિન્દી, ચાઈનીઝ અને અન્ય ભાષાઓમાં પણ લોકોને આવકાર્યા હતા. એવામાં કોનન ઓ’બ્રાયને હિન્દીમાં શું કહ્યું હતું?
હોસ્ટ કરતી વખતે, હોસ્ટ કોનન ઓ’બ્રાયન હિન્દીમાં બોલ્યા, ‘નમસ્કાર, અત્યારે ભારતમાં સવાર છે, તેથી મને આશા છે કે તમે નાસ્તો કરતી વખતે 97મા એકેડેમી એવોર્ડનો આનંદ માણી રહ્યા હશો.’ મીડિયા રિપોર્ટ્સ અનુસાર કોનન ઓ’બ્રાયન એવા પ્રથમ હોસ્ટ છે જેમણે એકેડેમી એવોર્ડ સ્ટેજ પર હિન્દીમાં વાત કરી છે.
કોનન ક્રિસ્ટોફર ઓ’બ્રાયન એક અમેરિકન ટેલિવિઝન હોસ્ટ, હાસ્ય કલાકાર, અભિનેતા, લેખક અને નિર્માતા છે. તે NBC ટેલિવિઝન નેટવર્ક પર લેટ નાઈટ વિથ કોનન ઓ’બ્રાયન (1993–2009) અને ધ ટુનાઈટ શૉ વિથ કોનન ઓ’બ્રાયન (2009–2010) અને કેબલ ચેનલ TBS પર કોનન (2010–2021) થી શરૂ થતા લેટ-નાઈટ ટોક શૉ હોસ્ટ કરવા માટે જાણીતો છે.
