હરિયાણાના પંચકૂલામાં સોમવારે મોડી રાત્રે સામૂહિક આપઘાતના કારણે ચકચાર મચી છે. મૂળ ઉત્તરાખંડના પરિવારના સાત લોકોના મૃતદેહ મળી આવ્યા. આશંકા છે કે દંપતી, તેમના ત્રણ બાળકો અને બે વૃદ્ધોએ એકસાથે ઝેર ખાઈને આપઘાત કર્યો છે.

ઘટનાની જાણ થતાં જ તમામને સૌપ્રથમ એક પ્રાઇવેટ હોસ્પિટલમાં લઈ જવાયા હતા, જ્યાં એક જ વ્યક્તિને છોડી તમામને મૃત જાહેર કરવામાં આવ્યા. જે બાદ જે વ્યક્તિ બચી ગઈ હતી તેણે પણ સિવિલ હોસ્પિટલમાં દમ તોડ્યો. પંચકૂલા પોલીસના ડીસીપી સહિતનો કાફલો ઘટનાસ્થળે પહોંચ્યો હતો. FSLની ટીમ દ્વારા તમામ પૂરાવા એકત્ર કરવામાં આવ્યા છે.

સ્થાનિક રહેવાસીએ જણાવ્યું, “હું તે માણસ પાસે ગયો અને તેને તેના ઠેકાણા વિશે પૂછ્યું. તેણે મને કહ્યું કે તેનો પરિવાર બાગેશ્વર ધામથી પાછો ફરી રહ્યો છે. તેમને કોઈ હોટેલ મળી નહીં અને તેમણે કારમાં રાત વિતાવવાનું નક્કી કર્યું ત્યાર બાદ તેણે કહ્યું કે કારમાં બધા મરી ગયા છે અને હું પણ 5 મિનિટમાં મરી જઈશ. આ પછી તે માણસે કારમાં નજર નાખી તો અંદર 6 લાશ પડેલી દેખાય ત્યાર બાદ તેણે પોલીસને એલર્ટ કર્યું હતું.

પોલીસને ઘટનાસ્થળેથી એક સુસાઈટ નોટ મળી છે જેમાં સામૂહિક આપઘાતનું કારણ લખાયેલું હતું. પરિવારે ભારે દેવાના કારણે આત્મહત્યા કરી હતી. દેવું હદ બહાર જતાં રહેતાં ભરપાઈ શકે તેવો કોઈ માર્ગ જ રહ્યો નહોતો તેથી પરિવારને મોત વ્હાલું લાગ્યું અને બધાએ ભેગા મળીને ઝેર પી લીધું. પ્રવિણ મિત્તલે થોડા સમય પહેલાં દેહરાદૂનમાં ટૂર્સ એન્ડ ટ્રાવેલ્સનો ધંધો શરુ કર્યો હતો પરંતુ તેમાં પણ કંઈ ન વળ્યું અને દેવું હદ બહાર જતાં રહ્યું હતું.

ઓપરેશન સિંદૂરની સફળતા બાદ વડાપ્રધાન નરેન્દ્ર મોદી ગુજરાતની બે દિવસીય મુલાકાતે છે. આ તેમની ઓપરેશન સિંદૂર પછીની પ્રથમ ગુજરાત મુલાકાત છે, જે દરમિયાન તેઓ રૂ. 82,950 કરોડથી વધુના વિકાસ પ્રકલ્પોનું લોકાર્પણ અને ખાતમુહૂર્ત કરશે. વડોદરામાં તેમના આગમન પર સિંદૂર સન્માન યાત્રા યોજાઈ, જેમાં હજારો નાગરિકોએ ઉત્સાહભેર ભાગ લીધો. આ યાત્રા દરમિયાન શહીદ જવાનોના પરિવારજનો અને કર્નલ સોફિયા કુરેશીના પરિવારે પણ હાજરી આપી, જે રાષ્ટ્રીય એકતા અને નારીશક્તિનું પ્રતીક બન્યું.

વડાપ્રધાન મોદીએ વડોદરાથી શરૂઆત કરી દાહોદમાં રૂ. 24,000 કરોડના પ્રોજેક્ટ્સનું ઉદ્ઘાટન કર્યું, જેમાં 9000 એચપીનું ઇલેક્ટ્રિક લોકોમોટિવ એન્જિન અને રેલવે મેન્યુફેક્ચરિંગ પ્લાન્ટનો સમાવેશ થાય છે. તેમણે સાબરમતી-વેરાવળ વંદે ભારત એક્સપ્રેસ અને વલસાડ-દાહોદ એક્સપ્રેસને લીલી ઝંડી બતાવી. આ ઉપરાંત, આણંદ-ગોધરા, મહેસાણા-પાલનપુર સહિતની રેલ લાઇનનું ડબલિંગ અને સાબરમતી-બોટાદ રેલ લાઇનનું ઇલેક્ટ્રિફિકેશન પૂર્ણ થયું. મહીસાગર અને દાહોદના 193 ગામો અને એક શહેરની 4.62 લાખ વસ્તીને શુદ્ધ પીવાનું પાણી પૂરું પાડવા રૂ. 181 કરોડની યોજનાઓનું લોકાર્પણ થયું.

પીએમ મોદીએ અમદાવાદ-સોમનાથ વંદે ભારત ટ્રેન, વલસાડ-દાહોદ નવી ટ્રેન અને કલોલ-કટોસણ વચ્ચે નવી ફ્રેઈટ ટેન સેવાનો શુભારંભ કરાવ્યો હતો. આ ટ્રેમથી યાત્રાળુઓની સુવિધા વધશે, માલસામાનનું વહન ઝડપી બનવાનું છે. પીએમ મોદી નરેન્દ્ર મોદી રેલ મંત્રાલય દ્વારા દાહોદમાં ₹21,405 કરોડના ખર્ચે નિર્માણ થયેલ લોકો મેન્યુફેક્ચરીંગ શોપ – રોલિંગ સ્ટોક વર્કશોપનું લોકાર્પણ કર્યું હતું.

નોંધનીય છે કે, PMએ દાહોદમાં રેલવે મેન્યૂફેક્ચરિંગ પ્લાન્ટનું લોકાર્પણ કરી નિરીક્ષણ પણ કર્યું હતું. રેલવે મેન્યૂફેક્ચરિંગ પ્લાન્ટના લોકાર્પણ સાથે સાબરમતીથી વેરાવળની વંદેભારત ટ્રેનને લીલી ઝંડી આપી હતી. પીએમ મોદી નવ નિર્મિત પ્લાન્ટનું નિરીક્ષણ કર્યું તે દરમિયાન પીએમની સાથે ગુજરાતના મુખ્યમંત્રી ભૂપેન્દ્ર પટેલ પણ કાર્યક્રમમાં પહોંચ્યા હતાં. એટલું જ નહીં પરંતુ વડા પ્રધાન દ્વારા દાહોદ નગરપાલિકા ભવન, આદિવાસી મ્યુઝિયમ, સ્માર્ટ લાઈબ્રેરી, સ્માર્ટ પ્રા. શાળા, ટ્રક ટર્મિનલ-ડોરમેટરી, દૂધમતી રિવરફ્રન્ટ જેવા અનેક પ્રકલ્પોની ભેટ આપવામાં આવી છે.