ભારતમાં પશુચિકિત્સા ક્ષેત્રે ઇતિહાસ રચાયો છે. ભારતીય પશુચિકિત્સા અનુસંધાન સંસ્થાના વૈજ્ઞાનિક ડૉ. રોહિત કુમાર અને તેમની ટીમે મળીને દેશમાં પહેલી વખત એક કૂતરાની હિપના ટ્રાન્સપ્લાન્ટ માટે સ્વદેશી ટેક્નોલોજીનો ઉપયોગ કરીને સફળ સર્જરી કરી છે. અત્યાર સુધી આવા કેસમાં વિદેશી ટેક્નોલોજી અને ઉપકરણો પર આધાર રાખવો પડતો હતો, જેને કારણે ખર્ચ પણ ખૂબ જ ઊંચો આવતો હતો.

આर्टિફિશિયલ હિપની જરૂર પડે તેવા પાળતુ પ્રાણીઓ માટે પહેલાં વિદેશથી ઇમ્પોર્ટ કરેલી ડિવાઈસિસનો ઉપયોગ થતો હતો, જેના કારણે દર્દીનાં માલિકોને લગભગ પાંચ લાખ રૂપિયાનો ખર્ચ સહન કરવો પડતો. પરંતુ હવે ભારતે પોતાનું સ્વદેશી વિકલ્પ ઊભું કર્યું છે, જે માત્ર ખર્ચ ઘટાડશે નહીં પણ ભારતમાં વિજ્ઞાન અને ટેક્નોલોજીની આત્મનિર્ભરતાને વધુ મજબૂત બનાવશે.

અનુસંધાન સંસ્થાના વૈજ્ઞાનિક ડૉ. રોહિત અને તેમની ટીમ છેલ્લા ત્રણ વર્ષથી આ ટેક્નોલોજી વિકસાવવા માટે અભ્યાસમાં જોડાયેલી હતી. તેમણે ખાસ કરીને ભારતીય નસલના ડૉગીને અનુકૂળ રહે એવી “સિમેન્ટેડ ટેક્નિક” અપનાવી છે. આ પદ્ધતિ અંતર્ગત બનાવવામાં આવેલા કૃત્રિમ હિપ ઉપરાંત સર્જરીમાં ઉપયોગી બીજાં ઉપકરણો પણ સ્વદેશી સ્તરે વિકસાવવામાં આવ્યા છે.

આ સર્જરી પૂર્ણપણે સફળ રહી છે અને કૂતરો હવે સામાન્ય રીતે ચાલી શકે છે. આ નાનકડું પગલુ હોય તેમ લાગે, પણ દેશની વેટરનરી સાઇન્સમાં આ એક મોટી કૂદક વાચકોની સંખ્યા ગણાય. હવે અપેક્ષા રાખી શકાય કે આવનારા સમયમાં આ પ્રકારના ઉપચાર વધુ પાળતુ પ્રાણીઓ માટે ઉપલબ્ધ થશે એ પણ ઓછા ખર્ચે અને ઊંચી ગુણવત્તા સાથે.

દેશના કાપડ અને હીરા શહેર તરીકે પ્રખ્યાત સુરત શહેરમાં આત્મહત્યાના કેસોમાં ચિંતાજનક વધારો જોવા મળી રહ્યો છે. ફરી એકવાર શહેરમાં એક મોડેલ દ્વારા આત્મહત્યાનો કિસ્સો પ્રકાશમાં આવ્યો છે. લગભગ એક મહિના પહેલા સારોલી વિસ્તારમાં એક મોડેલે આત્મહત્યા કરી હતી, જ્યારે હવે શહેરના નવસારી બજાર વિસ્તારમાં રહેતી બીજી એક મોડેલે ઘરે ગળે ફાંસો ખાઈને આત્મહત્યા કરી હતી. આ ઘટનાથી સમગ્ર વિસ્તારમાં ખળભળાટ મચી ગયો છે. માનસિક તણાવ કે પ્રેમ પ્રકરણને કારણે તેણીએ ફાંસી લગાવી હોવાની શંકા છે.

2 વર્ષ પહેલા સગાઈ, હવે આત્મહત્યા, શું છે આખો મામલો?
પોલીસના જણાવ્યા અનુસાર, નવસારી બજારમાં કાર્તિક એપાર્ટમેન્ટમાં રહેતી 23 વર્ષીય અંજલી વરમોરા તેની માતા, ભાઈ અને એક બહેન સાથે રહેતી હતી. અંજલી અલગ અલગ કંપનીઓમાં મોડેલ તરીકે કામ કરતી હતી. છેલ્લા કેટલાક મહિનાઓથી અંજલી એક મોડેલિંગ એજન્સીમાં કામ કરતી હતી જેના માટે તે કામ માટે સુરત અને અમદાવાદ જતી હતી. અંજલીની 2 વર્ષ પહેલા સગાઈ પણ થઈ હતી. દરમિયાન, 7 જૂનના રોજ રાત્રે 2:30 વાગ્યે, અંજલીએ તેના રૂમમાં છતના પંખા સાથે દુપટ્ટો બાંધીને ફાંસી લગાવી લીધી. પરિવારના સભ્યો દ્વારા વારંવાર ખખડાવવા છતાં દરવાજો ન ખુલતાં તેઓ દરવાજો તોડીને અંદર પ્રવેશ્યા. ત્યારબાદ અંજલી ફાંસીથી લટકતી હાલતમાં મળી આવી, જેના પછી પરિવાર શોકમાં ડૂબી ગયો.

આત્મહત્યા પહેલા પોસ્ટ કરેલી ઇન્સ્ટાગ્રામ પોસ્ટ
આત્મહત્યા કરતા પહેલા, અંજલિએ તેના ઇન્સ્ટાગ્રામ પર વિવિધ ભાવનાત્મક રીલ્સ પોસ્ટ કરી હતી. તેમાંથી એકમાં, તેણીએ લખ્યું હતું કે, “જો બધા ગયા હોત તો ઠીક હોત, પરંતુ જ્યારે પ્રિય વ્યક્તિ ગયો હોય છે, ત્યારે તે દુ:ખ છે.” બીજી પોસ્ટમાં, તેણીએ લખ્યું હતું કે, “આજે તેણે મને અહેસાસ કરાવ્યો કે હું તમારા માટે કંઈ નથી.”

ગુજરાત હાઈકોર્ટને બોમ્બથી ઉડાવવાની ધમકી મળી છે. હાઇકોર્ટના ઈ-મેલ પર અજાણી વ્યક્તિએ ઈ-મેલ કર્યો છે. પોલીસને જાણ કરતા પોલીસ હાઈકોર્ટ પહોંચી છે. હાઇકોર્ટના ગેટ બંધ કરી ચેકિંગ શરૂ કરવામાં આવ્યું છે. ડોગ સ્કવોડ અને બોમ્બ સ્કવોડ દ્વારા ચેકિંગ શરૂ કરાયું છે.

હાઇકોર્ટના ઈ-મેલ પર બોમ્બથી ઉડાવવાની ધમકી મળી: સફીન હસન

ઝોન 1 ઈનચાર્જ ડીસીપી સફીન હસને જણાવ્યું કે હાઇકોર્ટના ઈ-મેલ પર બોમ્બથી ઉડાવવાની ધમકી મળી છે જેને લઈને તપાસ કરવામાં આવી છે. હાઇકોર્ટના ગેટ બંધ કરી પોલીસ દ્વારા તપાસ કરવામાં આવી રહી છે. ઈ-મેલ કરનારની પણ તપાસ કરવામાં આવી રહી છે.