ગુજરાતથી મોટી સંખ્યામાં લોકો ચાર ધામ યાત્રાએ ગયા છે. ગુજરાતી શ્રદ્ધાળુઓથી ભરેલી બસ ઉત્તરકાશીથી કેદારનાથ જતી વખતે પલટી ગઈ હતી. જેમાં 18 લોકો ઈજાગ્રસ્ત થયા હતા. બસમાં 30થી વધુ લોકો હતા. સ્થાનિક પોલીસના કહેવા પ્રમાણે યાત્રીઓએ ત્રણ દિવસ પહેલા હરિદ્વારથી ચાર-ધામની યાત્રા માટે વાહન બુક કરાવ્યું હતું અને દુર્ઘટના સમયે કેદારનાથ જઈ રહ્યા હતા.

નવી ટિહરી-ઘનસાલી મોટર માર્ગ પર એક બસ પલટી જવાની માહિતીથી ખળભળાટ મચી ગયો હતો. ઘટનાની જાણ થતાં જ પોલીસ ટીમ અને એસડીઆરએફની ટીમ ઘટનાસ્થળે પહોંચી અને ઘાયલોને હોસ્પિટલ પહોંચાડ્યા હતા.

જાણકારી અનુસાર, આજે બુધવાર, 11 જૂનના રોજ એક બસ ઉત્તરકાશીથી કેદારનાથ તરફ જઈ રહી હતી. નવી ટિહરી-ઘનસાલી મોટર માર્ગ પર ટિપરીથી લગભગ 1.5 કિલોમીટર આગળ ડબા ખાલે નામે તોકે નામના સ્થળે પહોંચતા જ બસ અનિયંત્રિત થઈને રસ્તા પર પલટી ગઈ હતી. દુર્ઘટના દરમિયાન બસમાં લગભગ 35 યાત્રીઓ સવાર હતા, જેમાંથી લગભગ 18 લોકો ઘાયલ થયા હતા.

ત્રણ યાત્રી ગંભીર રીતે ઘાયલ
સ્થાનિક લોકોએ પોલીસ પ્રશાસનને આ દુર્ઘટનાની જાણ કરી હતી. અકસ્માતની જાણ થતાં જ પોલીસ ટીમ અને એસડીઆરએફની ટીમ ઘટનાસ્થળે પહોંચી હતી. પોલીસ ટીમ અને એસડીઆરએફ ટીમે ઘટનાસ્થળે પહોંચીને ઘાયલોને બચાવ્યા હતા. બસમાં સવાર ત્રણ યાત્રીઓ આ અકસ્માતમાં ગંભીર રીતે ઘાયલ થયા હતા. તેમને તાત્કાલિક 108 એમ્બ્યુલન્સ સેવાની મદદથી પ્રાથમિક સ્વાસ્થ્ય કેન્દ્ર નંદગાંવમાં સારવાર માટે મોકલી આપવામાં આવ્યા હતા.

રાજસ્થાનના જયપુર નેશનલ હાઇવે પર ભીષણ અકસ્માત સર્જાયો છે. આ અકસ્માતમાં પાંચ લોકોના મોત નીપજ્યા છે, જ્યારે છ લોકો ગંભીર રીતે ઇજાગ્રસ્ત થયા છે. આ માર્ગ અકસ્માતમાં વરરાજા અને નવવધૂનું પણ મોત નીપજ્યું છે. જયપુર નજીક જમવારાગઢ પાસે નેશનલ હાઇવે નંબર 148 (દૌસા-મનોહરપુર હાઇવે) પર જાનૈયા ભરેલી ગાડી અને ટ્રક વચ્ચે ટક્કર સર્જાઇ હતી.

મધ્ય પ્રદેશથી લગ્ન કરીને પરત ફરી રહ્યો હતો પરિવાર
વરરાજા અને નવવધૂ પોતાના પરિવાર અને સંબંધીઓ સાથે મધ્ય પ્રદેશથી લગ્ન સમારોહ બાદ પરત ફરી રહ્યા હતા. ત્યારે જાનૈયા ભરેલી ગાડી ટ્રક સાથે ટકરાઇ હતી. આ ટક્કર એટલી ભયાનક હતી કે જાનૈયા ભરેલી ગાડીનો કચ્ચરખાણ વળી ગયો હતો અને તેમાં સવાર લોકોએ બૂમાબૂમ મચાવી હતી. ગાડીમાં 15 જેટલા જાનૈયા સવાર હતા, અકસ્માતના પગલે ખુશી માતમમાં ફેરવાઇ ગઇ હતી. અકસ્માતની જાણ થતાં પોલીસ ઘટનાસ્થળે પહોંચી હતી મૃતકોના મૃતદેહ અને ઇજાગ્રસ્તનો હોસ્પિટલ ખસેડ્યા હતા.

હનીમૂન હત્યાનો રહસ્ય ઉકેલાયો છે, ઇન્દોર ક્રાઇમ બ્રાન્ચ સામે પૂછપરછમાં ચારેય આરોપીઓએ સ્વીકાર્યું છે કે તેમણે રાજા રઘુવંશીની હત્યા કરી હતી અને બાદમાં તેનો મૃતદેહ ઊંડી ખાડામાં ફેંકી દીધો હતો. મોટી વાત એ છે કે પૂછપરછમાં એ પણ સ્પષ્ટ થયું છે કે જે સમયે રાજાની હત્યા કરવામાં આવી હતી, તે સમયે સોનમ ત્યાં હાજર હતી. તેના પતિની તેની સામે હત્યા કરવામાં આવી હતી. આ સમગ્ર કેસમાં સોનમ રઘુવંશીને મુખ્ય આરોપી અને કાવતરાખોર તરીકે વર્ણવવામાં આવ્યું છે.

હત્યામાં કોણે શું ભૂમિકા ભજવી હતી?
પૂછપરછ દરમિયાન, ક્રાઇમ બ્રાન્ચને ખબર પડી કે વિશાલ ઉર્ફે વિકી ઠાકુર રાજા પર હુમલો કરનારો સૌપ્રથમ હતો. આકાશ અને આનંદે પણ રાજા પર હુમલો કર્યો અને પછી તેનો મૃતદેહ ખાડામાં ફેંકી દીધો. આ સમગ્ર કાવતરામાં, સોનમને સૌથી વધુ ટેકો રાજ કુશવાહાએ આપ્યો હતો જે આખો સમય ઇન્દોરમાં રહીને સક્રિય હતો. તેણે વિશાલ, આકાશ અને આનંદને મેઘાલય જવા માટે 40 થી 50 હજાર આપ્યા હતા.

આરોપી મેઘાલય કેવી રીતે પહોંચ્યો?
મોટી વાત એ છે કે આ બધા આરોપીઓ ટ્રેન દ્વારા મેઘાલય પહોંચ્યા હતા. પૂછપરછ દરમિયાન, આ લોકોએ જણાવ્યું છે કે પહેલા તેઓ ગુવાહાટી પહોંચ્યા હતા, ત્યારબાદ તેઓ ત્યાંથી શિલોંગ જવા રવાના થયા હતા. હાલમાં, ઇન્દોરથી મેઘાલય કોઈ સીધી ટ્રેન જતી નથી, તેથી આ લોકો ઘણી ટ્રેનો બદલીને તેમના ગંતવ્ય સ્થાને પહોંચ્યા હતા.