ગાંધીનગરમાં રાજકીય ગરમાવો તેજ બન્યો છે. અચાનક દિલ્હીમાં યોજાયેલી એક ઉચ્ચસ્તરીય બેઠક બાદ ગુજરાતના મંત્રિમંડળમાં મોટા ફેરફારો થવાની સંભાવનાઓ પ્રબળ બની છે. આ બેઠકમાં વડાપ્રધાન નરેન્દ્ર મોદી, ગૃહમંત્રી અમિત શાહ, મુખ્યમંત્રી ભૂપેન્દ્ર પટેલ, ભાજપ પ્રદેશ અધ્યક્ષ અને સંગઠન મહામંત્રી સહિતના અગ્રણી નેતાઓ હાજર રહ્યા હતા, જેના પગલે હવે રાજ્યમાં મોટા રાજકીય ઓપરેશન થશે તેવી અટકળોએ જોર પકડ્યું છે.

સોમવારે કોઈપણ પૂર્વ નિર્ધારિત કાર્યક્રમ વિના જ મુખ્યમંત્રી ભૂપેન્દ્ર પટેલ, ભાજપના પ્રદેશ અધ્યક્ષ જગદીશ વિશ્વકર્મા અને સંગઠન મહામંત્રી રત્નાકર દિલ્હી પહોંચ્યા હતા. ત્યાં તેમણે વડાપ્રધાન નરેન્દ્ર મોદી અને ગૃહમંત્રી અમિત શાહ સાથે બેઠક કરી હતી. આ બેઠકમાં ભાજપના પૂર્વ પ્રમુખ સી.આર. પાટીલ પણ ખાસ ઉપસ્થિત રહ્યા હતા. છ કલાકથી વધુ સમય સુધી ચાલેલી આ બેઠક રાત્રે 11 વાગ્યા પછી પણ જારી રહી હતી, જેણે ગુજરાતના રાજકારણમાં મોટા ફેરબદલના સંકેતો આપ્યા છે.

દિલ્હીની આ મથામણ બાદ ગુજરાતના વર્તમાન મંત્રીમંડળમાં ભારે ઊચાટ જોવા મળી રહ્યો છે. કયા મંત્રીઓ ચાલુ રહેશે અને કયા મંત્રીઓની વિદાય થશે તેને લઈને તર્ક-વિતર્કો અને અટકળોનો દોર શરૂ થયો છે. દરેક મંત્રીને કંઈક મોટી નવા-જૂની થવાના અણસાર આવી ગયા છે. આજે મંગળવારે મુખ્યમંત્રી અને પ્રદેશ પ્રમુખ પરત ફર્યા બાદ સ્થિતિ વધુ સ્પષ્ટ થવાની રાહ જોવાઈ રહી છે.

મુખ્યમંત્રી ભૂપેન્દ્ર પટેલની છેલ્લા ત્રણ મહિનામાં વડાપ્રધાન સાથેની આ ત્રીજી મુલાકાત છે. અગાઉની મુલાકાતો બાદ પણ મંત્રિમંડળ વિસ્તરણની ચર્ચાઓ તેજ બની હતી, પરંતુ કોઈ નક્કર ઘટનાક્રમ જોવા મળ્યો ન હતો. જોકે, આ વખતે ભાજપ સંગઠનના નેતાઓ માની રહ્યા છે કે આ બેઠકનું મહત્ત્વ ખૂબ જ અલગ છે, કારણ કે ગુજરાતના નેતાઓને દિલ્હીથી અચાનક તેડું આવ્યું હતું. મુખ્યમંત્રીએ પોતાના ગુજરાતના કેટલાક કાર્યક્રમોમાં પણ ફેરફાર કર્યા છે, જે આ અટકળોને વધુ વેગ આપે છે.

મંત્રિમંડળમાં ફેરફાર દિવાળી પહેલા થશે કે પછી, તે મુદ્દે પણ ગાંધીનગરના રાજકીય વર્તુળોમાં અસમંજસ અને ઊચાટ છવાયેલો છે. આ બેઠકમાં બોટાદની ઘટના, જ્યાં ખેડૂતો દ્વારા થયેલા વિરોધ પ્રદર્શનો અને પોલીસ સાથેના ઘર્ષણ અંગે પણ ચર્ચા થઈ હોવાની શક્યતા વ્યક્ત કરાઈ રહી છે. સ્થિતિની ગંભીરતાને જોતાં સરકાર આગામી દિવસોમાં તેના નિવારણાત્મક પગલાં ભરવા માટે પણ મંથન કરી શકે છે.

આ બેઠકની ગુપ્તતા અને ગંભીરતા એ હકીકત પરથી સ્પષ્ટ થાય છે કે વડાપ્રધાન કે મુખ્યમંત્રીએ આ બેઠક અંગે કોઈ પણ તસવીર સોશિયલ મીડિયા પર શેર કરી ન હતી. ઉપરાંત, આ બેઠકમાં સી.આર. પાટીલને ખાસ હાજર રાખવામાં આવ્યા હતા, જે દર્શાવે છે કે ચર્ચાઓ અત્યંત મહત્ત્વપૂર્ણ અને ગંભીર પ્રકારની હતી. દિલ્હીમાં રાતભર ભાજપના અન્ય નેતાઓ પણ ગુજરાતમાં શું બનશે તે અંગે માહિતીના અભાવે આપસમાં ચર્ચા કરતા રહ્યા હતા. મુખ્યમંત્રી કાર્યાલયમાંથી મળતી અસામાન્ય માહિતીએ અન્ય વિભાગોમાં પણ હડકંપ મચાવ્યો હતો.

મુંબઈ-અમદાબાદ બુલેટ ટ્રેન પ્રોજેક્ટ અંતર્ગત નિર્માણાધીન બીલીમોરા બુલેટ ટ્રેન સ્ટેશનની સોમવાર બપોરે કેન્દ્રીય રેલવે મંત્રી અશ્વિની વૈષ્ણવએ મુલાકાત લીધી હતી. તેમની સાથે વલસાડના સાંસદ ધવલ પટેલ અને ગણદેવીના ધારાસભ્ય નરેશ પટેલ ઉપસ્થિત રહ્યા હતા. મંત્રીએ સ્થળ પર ચાલી રહેલા બાંધકામ તેમજ ટ્રેક બિછાવવાના કાર્યોની વિગતવાર સમીક્ષા કરી હતી.

બીલીમોરા સુરત વચ્ચે નાં 50 કીમી નાં સેક્શન માં સિવિલ વર્ક પૂર્ણ થયું છે. વર્ષ ૨૦૨૭ માં ટ્રેન ચાલુ કરાશે. વર્ષ 2029 માં પ્રોજેક્ટ પૂર્ણ થશે. ટ્રેન 320ની સ્પીડ એ દોડશે. જાપાની ટેકનોલોજી છે. વર્ષ 2028 માં ગુજરાત માં પ્રોજેકટ નું કામ અને સંપૂર્ણ પ્રોજેક્ટ વર્ષ ૨૦૨૯ માં પૂર્ણ થશે. આજે કારમાં 8-10 કલાક લાગે છે એ મુંબઈ-અમદાવાદ ની સફર બુલેટ ટ્રેન માં બે કલાક સાત મિનિટ માં પૂર્ણ થશે. બુલેટ ટ્રેન શરૂઆત માં અર્ધા કલાકે જે બાદ 20 મિનિટ એ તે બાદ 10 મિનિટ એ ટ્રેન ઉપલબ્ધ કરાવાશે.

બીલીમોરા પંથક કેરીના બગીચાઓ માટે પ્રસિદ્ધ હોવાથી સ્ટેશનની ડિઝાઇન પણ કેરીના બગીચાની પ્રેરણાથી તૈયાર કરાઈ હતી. આ ડિઝાઇન શહેરની કુદરતી સુંદરતા અને સાંસ્કૃતિક ઓળખને પ્રતિબિંબિત કરે છે. સ્ટેશનમાં કુદરતી પ્રકાશ અને હવાના પૂરતા પ્રવાહ માટે ખાસ આયોજન કરાયું છે. ફોલ્સ સીલિંગ એન્ટી-વાઇબ્રેશન હેંગરથી લગાવવામાં આવ્યા છે જેથી ટ્રેનની તેજ ગતિથી થતી કંપનથી માળખાને અસર ન થાય.

બીલીમોરા સ્ટેશન એ વેઇટિંગ લાઉન્જ, નર્સરી, શૌચાલય, રિટેઇલ આઉટલેટ, લિફ્ટ, એસ્કેલેટર જેવી સુવિધાઓની સાથે વરિષ્ઠ નાગરિકો, દિવ્યાંગો અને બાળકોવાળા પરિવારોને અનુકૂળ વ્યવસ્થાઓ ગોઠવવામાં આવી રહી છે. સ્ટેશન પર હરિયાળી વાતાવરણ સર્જવા માટે વ્યાપક રીતે વૃક્ષારોપણ હાથ ધરાયુ છે. પિકઅપ અને ડ્રોપ-ઓફ ઝોન, બસ, કાર તથા ઇલેક્ટ્રિક વાહનો માટે અલગ પાર્કિંગની સુવિધા પણ ઉપલબ્ધ રહેશે. પર્યાવરણને અનુરૂપતા જાળવવા IGBC ના ધોરણો અનુસાર પાણીનો કાર્યક્ષમ ઉપયોગ, વરસાદી પાણી સંચય, લો-ફ્લો સેનેટરી ફિટિંગ્સ તથા ઓછા તાપપ્રવેશવાળા ઈન્ટિરિયર જેવા ઉપાયો અપનાવવામાં આવ્યા છે.