મનોરંજન જગતને આજે સવારે ખૂબ જ દુઃખદ સમાચાર મળ્યા છે. બીઆર ચોપરાની “મહાભારત” માં કર્ણની યાદગાર ભૂમિકા ભજવીને ઘરે ઘરે જાણીતી બનેલી પીઢ અભિનેતા પંકજ ધીરનું અવસાન થયું છે. 14 ઓક્ટોબરના રોજ અંતિમ શ્વાસ લીધા હતા. તેમના અચાનક અવસાનથી ફિલ્મ અને ટેલિવિઝન ઉદ્યોગમાં શોકની લહેર ફેલાઈ ગઈ છે.

મહાભારતમાં કર્ણ તરીકે સૌના દિલ જીતી લેનારા પંકજ ધીર હવે આપણી વચ્ચે નથી. તેમણે 68 વર્ષની ઉંમરે અંતિમ શ્વાસ લીધા. તેઓ ઘણા દિવસોથી હોસ્પિટલમાં દાખલ હતા અને લાંબા સમયથી કેન્સર સામે લડી રહ્યા હતા. પરંતુ આખરે તેઓ આ જંગ હારી ગયા અને ગઈકાલે રાત્રે તેમણે અંતિમ શ્વાસ લીધા.

મહાભારતમાં ‘કર્ણ’ બનીને તેઓ અમર થઈ ગયા.
પંકજ ધીર તેમના શાનદાર અભિનય કૌશલ્ય અને શક્તિશાળી અવાજ માટે જાણીતા હતા, પરંતુ 1988ના ઐતિહાસિક નાટક “મહાભારત” માં કર્ણનું તેમનું પાત્ર તેમને અમર બનાવી દીધું. તેમની ભૂમિકા એટલી લોકપ્રિય થઈ કે દેશના ઘણા ભાગોમાં તેમની મૂર્તિઓની પૂજા થવા લાગી. તેઓ “સડક”, “સોલ્જર” અને “બાદશાહ” સહિતની ઘણી ફિલ્મોમાં પણ દેખાયા અને ટેલિવિઝન પર સક્રિય રહ્યા. તેમના પુત્ર, નિકિતિન ધીર પણ એક જાણીતા અભિનેતા છે.

પવન હંસમાં અંતિમ સંસ્કાર કરવામાં આવશે
અહેવાલો અનુસાર, અભિનેતા પંકજ ધીરના અંતિમ સંસ્કાર આજે (૧૫ ઓક્ટોબર) ટૂંક સમયમાં મુંબઈના વિલે પાર્લે સ્થિત પવન હંસ સ્મશાનગૃહમાં કરવામાં આવશે. તેમના પરિવાર અને નજીકના મિત્રો, ઘણા પ્રખ્યાત ફિલ્મ સ્ટાર્સ સાથે, અંતિમ શ્રદ્ધાંજલિ આપવા માટે સ્મશાનગૃહમાં પહોંચી રહ્યા છે. પંકજ ધીરના નિધનથી ભારતીય ટેલિવિઝનમાં એક યુગનો અંત આવ્યો છે. તેમના ચાહકો અને દર્શકો તેમને હંમેશા “દાનવીર કર્ણ” તરીકે યાદ રાખશે.

પુત્ર અને પુત્રવધૂ પણ અભિનેતા છે
હકીકતમાં, પંકજ ધીરનો પુત્ર, નિકિતન ધીર, પણ બોલિવૂડ અભિનેતા છે જે અનેક ફિલ્મોમાં દેખાયો છે. નિકિતનના પ્રભાવશાળી અભિનયમાં “જોધા અકબર” અને “ચેન્નઈ એક્સપ્રેસ” જેવી ભૂમિકાઓનો સમાવેશ થાય છે. તેમની પુત્રવધૂ, કૃતિકા સેંગર પણ એક અભિનેત્રી છે જેમણે ટેલિવિઝન પર વ્યાપક કામ કર્યું છે. જોકે, પંકજ ધીરે પોતે જ પોતાના પુત્ર માટે કૃતિકાને પસંદ કરી હતી. આ વાર્તા પણ વાયરલ થઈ હતી.

૨૦૧૪ માં, નિકિતિનના પિતા, અભિનેતા પંકજ ધીર, તેમના દિગ્દર્શન ક્ષેત્રે પદાર્પણ કરી રહ્યા હતા. તે સમયે, કૃતિકા સેંગર ઓડિશન માટે આવી હતી. ફિલ્મમાં ભૂમિકા ઓફર કરવાની સાથે, પંકજ ધીરે કૃતિકાને પોતાના પુત્ર માટે પણ પસંદ કરી. તેઓ તેનાથી એટલા પ્રભાવિત થયા કે તેમણે આ નિર્ણય લીધો.

જળ શક્તિ મંત્રાલયે નવી ઇન્ટર્નશિપ પ્રોગ્રામની જાહેરાત કરી છે. આ કાર્યક્રમ હેઠળ પસંદ કરાયેલા માસ કોમ્યુનિકેશન અને જર્નાલિઝમના વિદ્યાર્થીઓને કેન્દ્રિય જળ શક્તિ મંત્રી સી. આર. પાટીલ સાથે મંત્રાલયમાં કામ કરવાની તક મળશે. ઇન્ટર્નશિપ દરમિયાન વિદ્યાર્થીઓને સોશિયલ મીડિયા અને અન્ય મીડિયા સંચાલન અંગે કામ સોંપવામાં આવશે અને દર મહિને રૂ. 15,000 સ્ટાઇપેન્ડ આપવામાં આવશે.

આ ઇન્ટર્નશિપ જળ સંસાધન, નદી વિકાસ અને ગંગા સંરક્ષણ વિભાગ (DoWR, RD & GR) હેઠળ ચલાવવામાં આવી રહી છે. અરજદાર એવા હોવા જોઈએ, જેમણે માન્યતા પ્રાપ્ત યુનિવર્સિટી/સંસ્થા પાસેથી ગ્રેજ્યુએશન, પોસ્ટ-ગ્રેજ્યુએશન અથવા રિસર્ચ સ્કોલર તરીકે માસ કોમ્યુનિકેશન અથવા પત્રકારિતા સાથે સંકળાયેલ અભ્યાસ પૂર્ણ કર્યો હોય.

ઇન્ટર્નશિપ પૂર્ણ કરનાર વિદ્યાર્થીઓને સર્ટિફિકેટ ઓફ ઇન્ટર્નશિપ પણ આપવામાં આવશે. કાર્યક્રમનો સમયગાળો 6થી 9 મહિનાનો રહેશે. અરજી કરવાની છેલ્લી તારીખ 24 નવેમ્બર, 2025 છે. ઇચ્છુક ઉમેદવાર ઑનલાઇન https://mowr.nic.in/internship પરથી અરજી કરી શકે છે.

ગયા અઠવાડિયે જળ શક્તિ મંત્રાલયના પેય જળ અને સ્વચ્છતા વિભાગ (DDWS) દ્વારા ગ્રામિણ વિસ્તારોમાં જળ પુરવઠા વ્યવસ્થા સુધારવા માટે નવી ડિજિટલ પહેલ શરૂ કરવામાં આવી છે. વિભાગે રૂરલ પાઇપ્ડ વોટર સપ્લાય સ્કીમ્સ (RPWSS) માટે અપગ્રેડેડ ડિજિટલ મૉડ્યૂલ રજૂ કર્યું, જે ગ્રામિણ જળ તંત્રને ડિજિટલ બનાવવામાં મહત્વપૂર્ણ પગલું છે.

ઇન્ટર્નશિપ માટે લાયકાત

• માસ કોમ્યુનિકેશન/પત્રકારિતામાં ગ્રેજ્યુએશન પૂર્ણ કર્યું હોય
• અથવા આ વિષયોમાં પોસ્ટ-ગ્રેજ્યુએશન/ડિપ્લોમા કરી રહ્યા હોય (શરત: ગ્રેજ્યુએશન પૂર્ણ હોવું)
• અથવા માન્યતા પ્રાપ્ત કોલેજ/યુનિવર્સિટીમાંથી MBA (Marketing) કરી રહ્યા હોય

ઇન્ટર્નશિપ દરમિયાન કરવાનું કામ

• સોશિયલ મીડિયા સંબંધિત કામકાજ શીખવું અને હાથ ધરવું
• મંત્રાલયના સોશિયલ મીડિયા હેન્ડલ્સ સંભાળવું
• પોસ્ટ્સ, સ્ટોરીઝ અને અન્ય ડિજિટલ કન્ટેન્ટ મેનેજ કરવું
• મંત્રાલયના સોશિયલ મીડિયા માટે ટ્રેન્ડિંગ મુદ્દાઓ અને કેમ્પેઈન્સ પર કામ કરવું
• ટીમ સાથે કો-ઓર્ડિનેશન કરીને ડિજિટલ પ્રોજેક્ટ્સ પર કામ કરવું
• નવી ડિજિટલ પહેલ અને યોજનાઓની માહિતી શીખવી અને પ્રમોટ કરવી

એન્ફોર્સમેન્ટ ડિરેક્ટોરેટ(ED)ની કાર્યવાહી પર વિપક્ષ સતત સવાલ ઉઠાવતું રહે છે, સુપ્રીમ કોર્ટ પણ ઘણી વાર EDને ફટકાર લગાવી ચુકી છે. આજે મંગળવારે તમિલનાડુ સ્ટેટ માર્કેટિંગ કોર્પોરેશન લિમિટેડ સાથે સંકળાયેલા કથિત દારૂ કૌભાંડની તપાસ મામલે EDની ઝાટકણી કાઢી હતી.

માર્ચમાં કરાયેલા કરેલા બે દરોડા અંગે સુપ્રીમ કોર્ટે EDને છ મહિનામાં બીજી વખત ખુલાસો કરવા કહ્યું છે. મુખ્ય ન્યાયાધીશ બી.આર. ગવઈની આગેવાની હેઠળની બેન્ચે EDને પૂછ્યું, “સંઘીય માળખાનું શું થયું? શું તમે રાજ્ય સરકારનો તપાસ કરવાનો અધિકાર છીનવી નથી રહ્યા? જ્યારે પણ તમને શંકા થાય છે કે રાજ્ય ગુનાની તપાસ નથી કરી રહ્યું તો શું તમે જાતે જઈને તે કરી શકો છો?”

સુનાવણી દરમિયાન મુખ્ય ન્યાયાધીશ ગવઈએ વધુ ટિપ્પણી કરવાનું ટાળ્યું હતું. તેમણે કહ્યું કે, ” મેં છેલ્લા છ વર્ષમાં ED ની તપાસ ઘણા કેસ જોયા છે… પરંતુ હવે હું કંઈ કહેવા માંગતો નથી, નહીં તો મીડિયા દ્વારા ફરીથી રિપોર્ટ કરવામાં આવશે.”

વરિષ્ઠ વકીલો કપિલ સિબ્બલ અને મુકુલ રોહતગીએ તમિલનાડુ સરકાર તરફથી કોર્ટમાં હાજર રહ્યા હતાં. EDએ રાજ્યની માલિકીને કંપની પર દરોડા પાડીને કમ્પ્યુટર અને અન્ય ઇલેક્ટ્રોનિકડિવાઈસ જપ્ત કાર્ય હતાં, જ્યારે કથિત ગુનાઓની તપાસ માટે પોલીસ કેસ પહેલાથી દાખલ કરવામાં આવેલા હતાં. બંને વકીલોએ EDની કાર્યવાહી સામે સવાલ ઉઠાવ્યા.

સિબ્બલે કહ્યું કે જ્યારે પહેલાથી જ FIR દાખલ કરેલી હતી, તેની તપાસ કરવામાં આવી રહી હતી ત્યારે (ED) વચ્ચે કેમ આવી રહી છે?” ED વતી હાજર થયેલા એડિશનલ સોલિસિટર જનરલ એસ.વી. રાજુએ દલિલ કે જો રાજ્યએ પહેલાથી જ 47 પોલીસ કેસ દાખલ કર્યા હોય અને છતાં ભ્રષ્ટાચાર થતો રહેતો હોય, તો ED તપાસ કરી શકે છે.

આ સમયે મુખ્ય ન્યાયાધીશે પણ એસ.વી. રાજુને પૂછ્યું, “દેશના સંઘીય માળખાનું શું થયું? તમે વ્યક્તિઓ સામે કેસ નોંધી શકો છો… પણ કોર્પોરેશનો સામે કેવી રીતે? ED બધી મર્યાદાઓ વટાવી રહી છે! નોટિસ પાઠવો.”