તેલંગાણામાં પછાત વર્ગને 42 ટકા અનામત આપવા અંગેનો મુદ્દો હવે હિંસક સ્વરૂપ ધારણ કરી રહ્યો છે. આ મુદ્દે આજે રાજ્યવ્યાપી બંધનું એલાન કરવામાં આવ્યું છે. સ્થાનિક સ્વરાજ્ય સંસ્થાઓમાં અનામતની માંગને લઈ અનેક સ્થળોએ ઉગ્ર પ્રદર્શન અને અથડામણોની ઘટનાઓ નોંધાઈ છે. આ આંદોલનને સત્તાધારી કોંગ્રેસ ઉપરાંત વિપક્ષ બીઆરએસ અને ભાજપે પણ સમર્થન આપ્યું છે. પોલીસ અને પ્રશાસન શાંતિ જાળવવા તૈનાત કરવામાં આવ્યા છે.

તમામ ક્ષેત્રોને સહયોગ આપવા વિનંતી
આ સમિતિના પ્રમુખ અને ભાજપ ના રાજ્યસભા સાંસદ આર. કૃષ્ણૈયાએ પહેલાથી જ તમામ રાજકીય પક્ષો અને નાગરિક સમાજ સંગઠનોને બંધને ટેકો આપવા અપીલ કરી હતી. આ બંધ દરમિયાન આવશ્યક સેવાઓ પૂરી પાડતા ક્ષેત્રો સિવાય તમામ ક્ષેત્રોને સહયોગ આપવા વિનંતી કરવામાં આવી છે.

રાજય સરકારના આદેશ પર હાઈકોર્ટનો સ્ટે
ઉલ્લેખનીય છે કે, 9 ઓક્ટોબરના રોજ તેલંગાણા હાઈકોર્ટે સ્થાનિક સંસ્થાઓની ચૂંટણીમાં પછાત વર્ગ ને 42 ટકા અનામત આપવાના રાજ્ય સરકારના આદેશ પર વચગાળાનો સ્ટે મૂક્યો હતો. જેના આ વિરોધના ભાગ રૂપે વિવિધ રાજકીય પક્ષો અને પછાત વર્ગ સંગઠનોના નેતાઓ તેલંગાણા બસ ડેપોની બહાર ધરણા કરી રહ્યા છે. તેમજ બસોને રોકવામાં આવી રહી છે.

બીઆરએસ નેતા કે. કવિતાએ પણ ધરણા કર્યા
તેલંગાણા જાગૃતિના સ્થાપક અને બીઆરએસ નેતા કે. કવિતાએ પણ ધરણા કર્યા હતા અને મીડિયાને જણાવ્યું હતું કે સરકાર અનામતના પક્ષમાં કોર્ટને મનાવવામાં નિષ્ફળ રહી છે. તેમણે કહ્યું, “કોંગ્રેસ હોય કે ભાજપ, પછાત વર્ગને ગેરમાર્ગે દોરવાનું બંધ કરો. સ્થાનિક ચૂંટણીઓ ન થાય તો કોઈ ફેર નથી પડતો. પહેલા પછાત વર્ગો માટે અનામત સુનિશ્ચિત કરો.

મદ્રાસ હાઈકોર્ટે હવાઈ મુસાફરી દરમિયાન તેના ભોજનમાં વાળ મળ્યા. જેના કારણે એર ઈન્ડિયા પર રૂ 35,000 નો દંડ ફટકાર્યો છે. આ દંડ મુસાફરને ચૂકવવામાં આવશે. જોકે, હાઈકોર્ટે આ કેસમાં એર ઈન્ડિયાને થોડી રાહત આપી છે. કારણ કે નીચલી અદાલતે રૂ.1 લાખનો દંડ ફટકાર્યો હતો, જેની સામે એર ઈન્ડિયાએ અપીલ કરી હતી.

જસ્ટિસ પી.બી બાલાજીએ આ આદેશ જારી કર્યો છે. જેમાં એર ઈન્ડિયા લિમિટેડની અપીલને આંશિક રીતે માન્ય રાખવામાં આવી છે. ન્યાયાધીશે જણાવ્યું હતું કે, એર ઇન્ડિયાના અધિકારીઓ આ મામલે તેમના લેખિત નિવેદનોમાં અસંગત અને અનિા તિ રહ્યા છે. ઉદાહરણ તરીકે, તેઓએ એક વખત દાવો કર્યો હતો કે તે સમયે વિમાનમાં સાત કર્મચારીઓ હાજર હતા, પરંતુ મુસાફરે કોઈને ફરિયાદ કરી ન હતી. જોકે, તેમના સ્વૈચ્છિક લેખિત નિવેદનમાં, તેમણે સ્વીકાર્યું હતું કે મુસાફરે મૌખિક ફરિયાદ કરી હતી, જે તરત જ રેડિયો દ્વારા કંપનીને રીલે કરવામાં આવી હતી.

તેમણે વધુમાં જણાવ્યું હતું કે ફલાઇટ ઉતર્યા પછી, એક વરિષ્ઠ કેટરિંગ મેનેજરે મુસાફરને મળવાનો પ્રયાસ કર્યો હતો. પરંતુ મુસાફરે તેમને મળવાનો ઇનકાર કર્યો હતો. આ પછી, મુસાફરે એરપોર્ટ મેનેજર પાસે સીધી ફરિયાદ નોંધાવી હતી.

ન્યાયાધીશે કહ્યું. લેખિત નિવેદનોથી વિપરીત પ્રતિવાદીઓ ખરેખર સ્વીકારે છે કે મુસાફરને પીરસવામાં આવેલા ફૂડ પેકેટમાં વાળ હતા. આને ધ્યાનમાં રાખીને. હું માનતો નથી કે એકલા કેટરરને જવાબદાર ઠેરવવું જોઈએ. પ્રતિવાદીઓ આ મામલામાંથી પોતાને મુક્ત કરી શકતા નથી: એવું કહેવું કોઈ બહાનું નથી કે જો કોઈ વળતર ચૂકવવાનું હોય. તો તે ફક્ત કેટરર દ્વારા જ ચૂકવવામાં આવશે.

તેમણે કહ્યું કે એર ઇન્ડિયાએ આ મામલે સ્પષ્ટપણે બેદરકારી દાખવી છે. તેથી, તે પેકેટમાં મળેલા વાળ માટે વળતર ચૂકવવા માટે સ્પષ્ટપણે જવાબદાર છે. ન્યાયાધીશે નોંધ્યું કે જોકે ખોરાક પ્રતિવાદીઓ દ્વારા સીધો તૈયાર કરવામાં આવ્યો ન હતો. તે તેમના એજન્ટ, રાજદૂત પલ્લવ દ્વારા તૈયાર કરવામાં આવ્યો હતો.

જાબ નેશનલ બેંક સાથે આશરે ₹13,000 કરોડની છેતરપિંડી કરીને દેશ છોડીને ભાગી ગયેલા ઉદ્યોગપતિ મેહુલ ચોકસીને પરત લાવવાના પ્રયાસમાં એક મોટી સફળતા મળી છે. 18 ઓક્ટોબરના રોજ બેલ્જિયમની એક કોર્ટે તેમના પ્રત્યાર્પણને મંજૂરી આપી હતી. તેમને ભારત પાછા લાવવામાં આ નિર્ણય મહત્વપૂર્ણ માનવામાં આવી રહ્યો છે.

બેલ્જિયમની કોર્ટે મેહુલ ચોકસીના ભારત પ્રત્યાર્પણને મંજૂરી આપી છે, તેને સંપૂર્ણપણે કાયદેસર જાહેર કર્યું છે, જેને ભારત સરકાર અને તપાસ એજન્સીઓ માટે સફળતા તરીકે જોવામાં આવી રહી છે.

જાબ પોલીસના રોપર રેન્જના ડીઆઈજી હરચરણ સિંહ ભુલ્લર વિરુદ્ધ ભ્રષ્ટાચારના કેસમાં મોટી કાર્યવાહી કરવામાં આવી છે. તેમને ચંદીગઢથી પકડવામાં આવ્યા હતા. સીબીઆઈએ લાંચની ફરિયાદ મળતા છટકું ગોઠવીને ભુલ્લરની ધરપકડ કરી હતી. તેમના પર દર મહિને 5 લાખ રૂપિયાની લાંચ લેવાનો આરોપ છે.

મળતી માહિતી મુજબ સીબીઆઈ છેલ્લા કેટલાક દિવસોથી ડીઆઈજી ભુલ્લર પર નજર રાખી રહી હતી. આ જ કડીમાં સીબીઆઈની ટીમે પાંચ લાખ રૂપિયાની લાંચ લેતા તેમની ધરપકડ કરી છે. આ પછી સીબીઆઈએ ભુલ્લરના ચંદીગઢ અને રોપરમાં દરોડા પાડ્યા હતા. જોકે સીબીઆઈએ આ મામલે હજુ સુધી સત્તાવાર રીતે કંઇ કહ્યું નથી.

ડીઆઈજીના ઘરેથી મોટી સંપત્તિ મળી આવી
હરચરણ સિંહ ભુલ્લર સાથે જોડાયેલા પરિસરમાંથી આશરે ₹5 કરોડ રોકડા, આશરે 1.5 કિલોગ્રામ ઘરેણાં અને પંજાબમાં સ્થાવર મિલકતો અને સંપત્તિઓ સંબંધિત દસ્તાવેજો જપ્ત કરવામાં આવ્યા હતા. બે લક્ઝરી વાહનો (એક મર્સિડીઝ અને એક ઓડી), 22 લક્ઝરી ઘડિયાળો, લોકરની ચાવીઓ અને 40 લિટર વિદેશી દારૂની બોટલો પણ જપ્ત કરવામાં આવી હતી. જપ્ત કરાયેલા હથિયારોમાં એક ડબલ-બેરલ બંદૂક, એક પિસ્તોલ, એક રિવોલ્વર અને એક એરગન, કારતૂસ સહિતનો સમાવેશ થાય છે. વધુમાં, કિર્શાનુ નામના વચેટિયાની ધરપકડ કરવામાં આવી હતી, અને CBI અધિકારીઓએ તેની પાસેથી ₹21 લાખ જપ્ત કર્યા હતા.

રોપર રેન્જના ડીઆઈજી હરચરણ સિંહ ભુલ્લરની ₹8 લાખના લાંચ કેસમાં એક વચેટિયા સાથે ધરપકડ કરવામાં આવી છે. એવો આરોપ છે કે અધિકારી ફરિયાદી પાસેથી ગેરકાયદેસર ચૂકવણીની માંગ કરી રહ્યા હતા, માસિક ધોરણે પણ. ધરપકડ કરાયેલા બંને આરોપીઓને આજે કોર્ટમાં રજૂ કરવામાં આવશે.

કોણ છે ડીઆઈજી હરચરણ સિંહ ભુલ્લર?
પંજાબ પોલીસમાં ફરજ બજાવતા હરચરણ સિંહ ભુલ્લર એસપીએસથી આઈપીએસ બન્યા હતા. તેમનો જન્મ 1967 માં થયો હતો. તેઓ રાજ્યના વરિષ્ઠ પોલીસ અધિકારીઓમાં જાણીતા છે. તેમણે પટિયાલા રેન્જના આઈજી તરીકે પણ સેવા આપી છે. આ પહેલા તેઓ રૂપનગર રેન્જના ડીઆઈજી પણ રહી ચૂક્યા છે.

હરચરણ સિંહ ભુલ્લર આ વર્ષે પણ ચર્ચામાં આવ્યા હતા જ્યારે તેમણે રોપરમાં ડ્રગ્સ વિરુદ્ધ પંજાબ સરકારના અભિયાનનું નેતૃત્વ કર્યું હતું. પંજાબમાં અકાલી દળના જાણીતા નેતા વિક્રમ સિંહ મજીઠિયાના કેસમાં તેઓ એસઆઈટીનો હવાલો તે સંભાળી રહ્યા હતા.