કથાવાચક અનિરુદ્ધાચાર્યએ મહિલાઓ વિશે વાંધાજનક ટિપ્પણી કરી હતી જેના કારણે તેમની મુશ્કેલીઓ વધી ગઈ છે. હવે આ મામલે તેમની સામે કોર્ટમાં કેસ દાખલ કરવામાં આવ્યો છે. ચાલો જાણીએ શું છે સંપૂર્ણ કહાની.

કથાવાચક અનિરુદ્ધાચાર્ય મહિલાઓ વિશે વાંધાજનક ટિપ્પણી કરવા બદલ મુશ્કેલીમાં મુકાયા છે. ભારત હિન્દુ મહાસભા, આગ્રાના જિલ્લા પ્રમુખ મીરા રાઠોડે તેમની વિરુદ્ધ સીજેએમ કોર્ટમાં અરજી દાખલ કરી હતી. સીજેએમ ઉત્સવ રાજ ગૌરવની કોર્ટે તેને સ્વીકારી લીધી છે. કથાકારે હવે કોર્ટમાં જવાબ આપવો પડશે. આ કેસમાં આગામી સુનાવણી 1 જાન્યુઆરી, 2026 ના રોજ થશે.

કોણ છે કથાકાર અનિરુદ્ધાચાર્ય ?
અનિરુદ્ધાચાર્ય આજના સૌથી પ્રખ્યાત સંતો અને કથાકારોમાંના એક છે. તેઓ ભાગવત કથા અને ધાર્મિક પ્રવચનો માટે જાણીતા છે. અનિરુદ્ધાચાર્ય વૃંદાવનમાં ગૌરી ગોપાલ આશ્રમના સ્થાપક છે. તેઓ તેમના આશ્રમમાં વૃદ્ધોની સંભાળ, ભોજન વિતરણ અને પ્રાણીઓના કલ્યાણને પ્રોત્સાહન આપવા જેવા સામાજિક કાર્યો કરે છે. તેમનું બાળપણનું નામ અનિરુદ્ધ રામ તિવારી છે. અનિરુદ્ધાચાર્ય મધ્યપ્રદેશના દમોહ જિલ્લાના રિનવાઝા ગામના વતની છે.

શું છે આખો મામલો ?
થોડા સમય પહેલા તેમનો એક વીડિયો સોશિયલ મીડિયા પર વાયરલ થયો હતો, જેમાં તેઓ દીકરીઓ વિશે અપમાનજનક ટિપ્પણી કરી રહ્યા હતા. તેમણે કહ્યું હતુ કે આજકાલ, દીકરીઓના લગ્ન 25 વર્ષની ઉંમરે થાય છે, ત્યાં સુધીમાં તો, તેઓ ઘણી જગ્યાએ મોઢું મારી ચૂકી હોય છે. આ નિવેદનનો ભારે વિરોધ થયો હતો, અને હવે આ મામલે કેસ દાખલ કરવામાં આવ્યો છે.

લોકોએ આ વિવાદાસ્પદ ટિપ્પણીને મહિલાઓનું અપમાન ગણાવી અને તેનો વિરોધ કર્યો. વિવાદ બાદ, અનિરુદ્ધાચાર્યે સ્પષ્ટતા કરી કે તેઓ મહિલાઓનું સન્માન કરે છે અને તેમના નિવેદનને તોડી-મરોડીને રજૂ કરવામાં આવી રહ્યું છે. આ મામલે હવે કાનૂની કાર્યવાહી કરવામાં આવી છે, અને કોર્ટ આગળ કાર્યવાહી કરશે. આગામી સુનાવણી જાન્યુઆરી 2026 માં થશે.

કથાકાર અનિરુદ્ધાચાર્ય અનેક વખત વિવાદ અને ચર્ચાનોમાં આવી ચુક્યા છે. તેઓ અનેક વખત સોશિયલ મીડિયા પર મજાકનો વિષય બન્યા છે. તેમણે એક વખત ઓસ્ટ્રેલિયાને રામાયણ સાથે જોડીને એક શસ્ત્રાગાર તરીકે વર્ણવ્યું હતું, અને તેના માટે તેમની મજાક ઉડાવવામાં આવી હતી. આ સિવાય તેમણે બિસ્કિટને ઝેરી કીટ કહી હતી. જો કે, આ કિસ્સામાં, તેમણે બિસ્કિટમાં રહેલા તેલ, લોટ અને ખાંડને હાનિકારક ગણાવ્યા હતા. લિવ-ઇન રિલેશનશિપ પરની તેમની ટિપ્પણીઓ માટે પણ તેમણે વિવાદ ઉભો કર્યો હતો.

રાજસ્થાનના સીકર જિલ્લામાં સોમવારે રાત્રે જયપુર-બિકાનેર રાષ્ટ્રીય ધોરીમાર્ગ પર એક મોટો અકસ્માત થયો. ફતેહપુર નજીક સ્લીપર બસ અને ટ્રક વચ્ચે સામસામે ટકરાઈ જેમાં ત્રણ લોકોના મોત અને 18 મુસાફરો ઘાયલ થયા હતા. તેમાંથી સાતની હાલત ગંભીર છે. મૃતકો અને મુસાફર ગુજરાતના વલસાડ હોવાનું માનવામાં આવી રહ્યું છે.

જાણકારી મુજબ, સ્લીપર બસ બીકાનેરથી જયપુર જતી હતી. જયપુર-બીકાનેર નેશનલ હાઈવે પર મંગળવારે રાત્રે 10.40 કલાક આપસાપસ બંને વાહનોની સામ સામે ટક્કર થઈ હતી. અકસ્માત એટલો ભીષણ હતો કે ટ્ર્ક અને બસના આગળના ભાગનો કચ્ચરઘાણ વળી ગયો હતો. અનેક મુસાફરો સીટમાં ફસાઈ ગયા હતા. ટ્રક ઝુનઝુનૂ તરફથી બીકાનેર જઈ રહ્યો હતો અને બસ બીકાનેર તરફથી જયપુર તરફ આવી રહી હતી.ટક્કર એટલી ભયાનક હતી કે બસનો આગળનો ભાગ લગભગ 15-20 ફૂટ સુધી ટ્રકની અંદર ઘૂસી ગયો હતો.

આ અકસ્માતમાં ત્રણ લોકોના મોત થયા હતા અને 18 લોકો ઈજાગ્રસ્ત થયા હતા. જે પૈકી 10 લોકોને સીકર રિફર કરવામાં આવ્યા હતા. અકસ્માત થતાં જ હાઇવે પરથી પસાર થઈ રહેલાં વાહનો થોભી ગયા હતા અને સ્થાનિક લોકોએ તરત જ પોલીસ અને એમ્બ્યુલન્સને જાણ કરી હતી. થોડીવારમાં પોલીસ અને બચાવ ટીમો ઘટનાસ્થળે પહોંચી અને બચાવ કામગીરી શરૂ કરી હતી. બસમાં ફસાયેલા મુસાફરોને બહાર કાઢવા માટે ભારે જહેમત ઉઠાવવી પડી હતી.

પોલીસના જણાવ્યા પ્રમાણે, બસમાં સવાર મોટા ભાગના મુસાફરો ગુજરાતના રહેવાસી હતા. આ બધા જમ્મુ સ્થિત વૈષ્ણો દેવીના દર્શન કરીને પાછા ફરી રહ્યા હતા અને યાત્રા દરમિયાન ખાટુ શ્યામજી મંદિરમાં દર્શન માટે જઈ રહ્યા હતા. આ દરમિયાન ફતેહપુરમાં આ અકસ્માત થયો હતો. દુર્ઘટનાનું કારણ જાણવા વધુ તપાસ ચાલી રહી છે.

ઈન્ડિગો ફ્લાઇટ સર્વિસ હજી પણ સંપૂર્ણપણે શરૂ થઇ શકી નથી. આ કટોકટી દરમિયાન ઈન્ડિગો વિરુદ્ધ સરકારે કડક પગલાં લીધા છે. ડિરેક્ટોરેટ જનરલ ઓફ સિવિલ એવિએશન (DGCA) એ મંગળવારે જણાવ્યું હતું કે ફ્લાઇટ વિક્ષેપને પગલે તેણે 1 ડિસેમ્બર, 2025 થી ઇન્ડિગોની ફ્લાઇટ શિડ્યૂલમાં 5% ઘટાડો કર્યો છે. DGCA એ મંગળવારે આ અંગેનો આદેશ જારી કર્યો હતો. નિવેદન અનુસાર, તમામ પ્રદેશોમાં, ખાસ કરીને ઉંચી માંગ અને હાઇ ફિક્વન્સી રૂટ્સ પ ફ્લાઇટ્સ ઘટાડવામાં આવી છે.

ઇન્ડિગોને બુધવારે સાંજે 5 વાગ્યા સુધીમાં ડીજીસીએને સુધારેલ શિડ્યૂલ રજૂ કરવાનો પણ નિર્દેશ આપવામાં આવ્યો છે. ડીજીસીએ નો આ આદેશ સોમવારે નાગરિક ઉડ્ડયન પ્રધાનના નિવેદન પછી આવ્યો છે, જેમાં કહેવામાં આવ્યું હતું કે સરકાર વર્તમાન શિયાળાના સમયપત્રક હેઠળ ઇન્ડિગો દ્વારા સંચાલિત રૂટની સંખ્યા ઘટાડશે.

2025-26 માટે શિયાળાના સમયપત્રકના ભાગરૂપે, એરલાઇન દરરોજ 2,200 થી વધુ ફ્લાઇટનું સંચાલન કરી રહી છે.

પાલઘર જિલ્લામાં મહિલા પર બળાત્કાર ગુજારવાના આરોપસર 40 વર્ષના કોન્સ્ટેબલની ધરપકડ કરવામાં આવી હોવાનું પોલીસે જણાવ્યું હતું.

પાલઘર ગ્રામીણ પોલીસના અધિકારીના જણાવ્યા અનુસાર કાસા પોલીસ સ્ટેશનમાં ગયા સપ્તાહે આ ઘટના બની હતી.
એક કેસ સંદર્ભે મહિલા પોતાનું નિવેદન નોંધાવવા માટે પોલીસ સ્ટેશનમાં ગઇ હતી, ત્યારે પોલીસ કોન્સ્ટેબલે તેના પર બળાત્કાર ગુજાર્યો હતો.

આ ઘટના બાદ મહિલાએ ફરિયાદ નોંધાવી હતી, જેને આધારે કોન્સ્ટેબલ વિરુદ્ધ ગુનો દાખલ કરાયો હતો અને રવિવારે તેની ધરપકડ કરવામાં આવી હતી. આ ઘટના બાદ કાસા પોલીસ સ્ટેશનના ઇન્ચાર્જને સસ્પેન્ડ કરવામાં આવ્યો હતો.