દિલ્હી લાલ કિલ્લા વિસ્ફોટે સમગ્ર દેશને હચમચાવી નાખ્યો છે. તપાસ બાદ ભારત સરકારે તેને આતંકવાદી હુમલો જાહેર કર્યો છે. દરમિયાન વિસ્ફોટના મુખ્ય આરોપી ડૉ. ઉમર નબી વિશે મહત્વપૂર્ણ માહિતી બહાર આવી છે.

ગુપ્તચર એજન્સીઓને જાણવા મળ્યું છે કે ઉમર નબીની લાલ ફોર્ડ ઇકોસ્પોર્ટ કાર ખોટા સરનામે નોંધાયેલી હતી. આ સરનામું ઉત્તરપૂર્વ દિલ્હીના સીલમપુર વિસ્તારમાં હોવાનું કહેવાય છે. આ માહિતી બાદ તપાસ એજન્સીઓ એક્શનમાં આવી ગઈ અને આ વિસ્તારમાં શોધખોળ શરૂ કરી છે.

તપાસ દરમિયાન, ગુપ્તચર એજન્સીને જાણવા મળ્યું કે ફરીદાબાદના ધૌજમાં અલ ફલાહ મેડિકલ કોલેજના બે વિદ્યાર્થીઓ જે સીલમપુર વિસ્તારમાં પણ રહેતા હતા અને ઉમર નબીના સંપર્કમાં હતા. બુધવારે સવારે બંને વિદ્યાર્થીઓને ફરીદાબાદમાં તેમની હોસ્ટેલમાંથી પૂછપરછ માટે લેવામાં આવ્યા હતા. પોલીસે પાછળથી પુષ્ટિ આપી હતી કે તેઓ ઉમર નબીને ઓળખે છે.

વિસ્ફોટના બે દિવસ પછી બુધવારે ઇકોસ્પોર્ટ કાર દિલ્હી પોલીસે એલર્ટ કરી હતી અને ફરીદાબાદમાં પાર્ક કરેલી મળી આવી હતી. ફરીદાબાદ પોલીસે કાર કબજે કરી અને દિલ્હી પોલીસને જાણ કરી હતી. કાર ખંડાવલી ગામ નજીક એક પ્લોટ પર બે કે ત્રણ ઝૂંપડીઓ પાસે પાર્ક કરેલી મળી આવી હતી. દિલ્હી પોલીસ, એનએસજી અને એનઆઈએની ટીમો તપાસ માટે ઘટનાસ્થળે પહોંચી હતી.

કાર સીલમપુરના સરનામે નોંધાયેલી

વિસ્ફોટ બાદ દિલ્હી પોલીસ અને NIA ટીમોએ ઉમર નબીના ફોન નંબર અને કારની વિગતો શોધી કાઢી અને તેની ખરીદીમાં ઉપયોગમાં લેવાયેલા તમામ દસ્તાવેજોની તપાસ કરવામાં આવી હતી. તપાસ દરમિયાન તેણે ફોર્ડ ઇકોસ્પોર્ટ ખરીદતી વખતે રજૂ કરાયેલ એક દસ્તાવેજ મળી આવ્યો હતો જેમાં સીલમપુરનું સરનામું દર્શાવવામાં આવ્યું હતું. ત્યારબાદ ઘણી પોલીસ ટીમોને ઉત્તરપૂર્વ દિલ્હીના સરનામે મોકલવામાં આવી હતી જ્યાં તેમને એક ઘર મળ્યું જ્યાં એક પરિવાર વર્ષોથી રહેતો હતો. તપાસ પછી એવું બહાર આવ્યું કે પરિવારનો ઉમર નબી સાથે કોઈ સંબંધ ન હતો. ત્યારબાદ ટીમોએ એક સામાન્ય કડી શોધવાનું અને સ્થાનિક રહેવાસીઓની પૂછપરછ કરવાનું શરૂ કર્યું હતું.

રાષ્ટ્રીય રાજધાની દિલ્હીને ધ્રુજાવનાર આતંકી ડૉક્ટર ઉમર નબીનું ચહેરો બેનકાબ થઈ ગયો છે. એક નવા સીસીટીવી ફૂટેજમાં ઉમરનો ચહેરું સ્પષ્ટ દેખાય છે. માહિતી મુજબ, ડૉ. ઉમર ઉન નબીએ સોમવારે ધમાકા થવાની ઠીક પહેલાં લાલ કિલ્લાની નજીક તુર્કમાન ગેટ મસ્જીદમાં પગ મુક્યો હતો. અહીં સડક પર ફરતા-ફરતા તે સીસીટીવી કેમેરામાં કેદ થઈ ગયો છે.

આ ફૂટેજ દિલ્હી પોલીસને મળ્યા પછી તપાસમાં નવી ચાલ મળી છે. 10 નવેમ્બરના રોજ લાલ કિલ્લા પાસે થયેલા કાર વિસ્ફોટમાં 12 લોકોના મોત થયા હતા અને અનેક ઘાયલ થયા હતા. સરકારે આ ઘટનાને આતંકી કૃત્ય જાહેર કર્યું છે અને વડાપ્રધાન નરેન્દ્ર મોદીએ તેને ‘ષડયંત્ર’ તરીકે ગણાવ્યું છે. હવે આ નવા પુરાવા સાથે ઉમર નબીને મુખ્ય સંદેહભાજન બનાવવામાં આવ્યો છે.

પોલીસ અધિકારીઓના જણાવ્યા પ્રમાણે, ઉમર નબી એક તાલીમ પામેલ આતંકવાદી છે, જે મેડિકલ ફિલ્ડમાં કાર્યરત હતો. તેની પૈશાળી પૃષ્ઠભૂમિને કારણે તે સહેલાઈથી લુકાવટ કરી શકતો હતો. તુર્કમાન ગેટ મસ્જીદની આસપાસના સીસીટીવીમાં તેને સવારે 10:30 કલાક આસપાસ જોવા મળે છે, જ્યાં તે મોબાઈલમાં વાત કરતો દેખાય છે. આ વિસ્તાર લાલ કિલ્લા વિસ્ફોટ સ્થળથી માત્ર 500 મીટર દૂર છે.

આ ઘટના પછી દિલ્હીમાં સુરક્ષા વ્યવસ્થા વધુ કડક કરવામાં આવી છે. કાલે જ મહિપાલપુર વિસ્તારમાં થયેલા સંદિગ્ધ વિસ્ફોટ પછી પોલીસ આતંકી નેટવર્કની તપાસને વેગ આપી રહી છે. ડૉ. ઉમરના શોધમાં રાષ્ટ્રીય તપાસ એજન્સી (એનઆઈએ)ને પણ સામેલ કરવામાં આવી છે. તપાસમાં જાણવા મળ્યું છે કે ઉમરના કુટુંબજનો પશ્ચિમ બંગાળમાં રહે છે અને તેની તાલીમ પાકિસ્તાનમાં થઈ હોવાની શંકા છે.

આતંકવાદ વિરોધી નિષ્ણાતોના મતે, આવા આતંકીઓ પ્રારંભિક તબક્કામાં ધાર્મિક સ્થળોની આસપાસ ફરીને રેકી કરે છે. લોકોમાં ભયનો માહોલ વધ્યો છે, ખાસ કરીને તહેવારોના સમયે. સરકારે લોકોને સાવચેતી અપનાવવા અને કોઈપણ સંદિગ્ધ પ્રવૃત્તિની જાણ કરવાની અપીલ કરી છે. વધુ વિગતો માટે તપાસ ચાલુ છે.

દેશની રાજધાની દિલ્હીના મહિપાલપુર વિસ્તારમાં રેડિસન હોટલ પાસે એક વિસ્ફોટ થયાની જાણકારી સામે આવી હતી. ઘટનાની જાણ થતા જ પોલીસ તરત ઘટનાસ્થળે પહોંચી. કોલ કરનારા વ્યક્તિનો સંપર્ક કરાયો. જેણે જણાવ્યું કે ગુરુગ્રામ જતી વખતે તેણે એક જોરદાર અવાજ સાંભળ્યો હતો. ઘટનાસ્થળે પહોંચેલી પોલીસને જો કે કશું મળ્યું નહીં.

જો કે હવે એવી વાત સામે આવી રહી છે કે ગાડીનું ટાયર ફાટ્યું હતું. મીડિયા રિપોર્ટ મુજબ સ્થાનિકોની પૂછપરછમાં એક ગાર્ડે જણાવ્યું કે ધૌલાકુઆ તરફ જતી એક DTC બસનું પાછળનું ટાયર ફાટી ગયું હતું જેનાથી આ જોરદાર અવાજ આવ્યો. જોરદાર અવાજની જાણકારી મળ્યા બાદ પોલીસે તરત કાર્યવાહી કરી અને મહિપાલપુરના રેડિસન પાસે પહોંચીને તપાસ શરૂ કરી. ઈન્વેસ્ટિગેશન ટીમને તે જગ્યાએ કોઈ ધડાકા કે અન્ય ઘટનાની જાણકારી મળી નથી.

મહિપાલપુરમાં જે જગ્યાએ ગાડીના ટાયરના ફાટવાની વાત થઈ રહી છે તે જગ્યાને પોલીસે સંપૂર્ણ રીતે સીલ કરી નાખી છે. કોઈને પણ જવા આવવાની મંજૂરી નથી. મહિપાલપુરથી ધૌલાકુઆં જવા આવવાનો રસ્તે બેરિકેડ લગાવીને રસ્તો બંધ કરી દેવાયો છે.

રાષ્ટ્રીય તપાસ એજન્સી (NIA) એ અલ કાયદા ગુજરાત આતંકવાદી કાવતરાના સંદર્ભમાં ગુરુવારે પાંચ રાજ્યોમાં દરોડા પાડયા હતા. અલ કાયદા ગુજરાત આતંકવાદી કાવતરામાં ગેરકાયદેસર બાંગ્લાદેશી ઇમિગ્રન્ટ્સ સામેલ હોવાની શંકા છે. કૃત્ય એ પાંચ રાજ્યોમાં ૧૦ સ્થળોએ દરોડા પાડયા હતા. NIAના પ્રવક્તાએ જણાવ્યું હતું કે NIAટીમોએ બુધવારે પશ્ચિમ બંગાળ, ત્રિપુરા, મેઘાલય, હરિયાણા અને ગુજરાતમાં વિવિધ શંકાસ્પદો અને તેમના સહયોગીઓના પરિસરની તપાસ કરી હતી.

અધિકારીએ જણાવ્યું હતું કે ઘણા ડિજિટલ ઉપકરણો અને દસ્તાવેજો જપ્ત કરવામાં આવ્યા છે અને ફોરેન્સિક તપાસ માટે મોકલવામાં આવ્યા છે. ૨૦૨૩માં નોંધાયેલા આ કેસમાં ચાર બાંગ્લાદેશી નાગરિકો -મોહમ્મદ સોજીબ મિયાં, મુન્ના ખાલિદ અંસારી, અઝરુલ ઇસ્લામ અને અબ્દુલ લતીફના નામ છે. આરોપીઓ બાંગ્લાદેશથી ગેરકાયદેસર રીતે ભારતમાં પ્રવેશ્યા હતા અને બનાવટી ભારતીય ઓળખ દસ્તાવેજોનો ઉપયોગ કર્યો હતો.

NIAએ જણાવ્યું હતું કે, આ વ્યક્તિઓ પ્રતિબંધિત અલ-કાયદા આતંકવાદી સંગઠન સાથે સંકળાયેલા હોવાનું જાણવા મળ્યું છે. તેઓ બાંગ્લાદેશમાં અલ-કાયદાના કાર્યકરોને ભંડોળ એકત્ર કરવામાં અને ટ્રાન્સફર કરવામાં સામેલ હતા, અને તેઓ સક્રિય રીતે મુસ્લિમ યુવાનોને ઉશ્કેરતા હોવાનું પણ જાણવા મળ્યું હતું. NIAએ 10 નવેમ્બર, 2023 ના રોજ અમદાવાદની એક ખાસ કોર્ટમાં ચાર્જશીટ દાખલ કરી હતી.

અગાઉ, મહારાષ્ટ્ર એન્ટી-ટેરરિઝમ સ્ક્વોડ (ATS) એ પ્રતિબંધિત આતંકવાદી સંગઠનો અલ-કાયદા અને અલ-કાયદા ઇન ધ ઇન્ડિયન સબકોન્ટિનેન્ટ (AQIS) સાથે કથિત જોડાણો બદલ પુણેથી એક સોફટવેર એન્જિનિયરની ધરપકડ કરી હતી. આ પછી, ATS એ થાણેના એક શિક્ષકની પણ પૂછપરછ કરી હતી. ૨૭ઓક્ટોબરે, એ ૩૭ વર્ષીય ઝુબૈર ડુંગરગેકરની ધરપકડ કરી હતી તેના પર પ્રતિબંધિત સંગઠનો સાથે સંબંધો અને કટ્ટરપંથી પ્રવૃત્તિઓમાં સામેલ હોવાનો આરોપ છે. તપાસ દરમિયાન, ATSને તેના જૂના ફોનમાં સેવ કરેલો એક પાકિસ્તાની સંપર્ક નંબર મળ્યો.

દિલ્હીમાં લાલ કિલ્લા પાસે ગત 10 નવેમ્બરના રોજ એક કારમાં બ્લાસ્ટ થયો હતો જેમાં ઘણા લોકોએ પોતાનો જીવ ગુમાવ્યો છે અને ઈજાગ્રસ્ત સારવાર હેઠળ છે. ત્યારે પીડીપીના વડા મહેબૂબા મુફ્તીનું એક નિવેદન સામે આવ્યું છે. જેમાં તેઓએ જણાવ્યું છે કે, આ લોકોએ અમારા સમુદાયને કલંકિત કરવાનું કાવતરું રચ્યું છે. અમારા સમુદાયના ડોકટર અને શિક્ષિત લોકો આમાં સામેલ છે તો તેવા લોકો અમારા સમુદાયમાં આવતા નથી. તેમણે કહ્યું કે જમ્મુ અને કાશ્મીરના ડોકટરો સંડોવાયેલા છે કે કેમ તે નક્કી કરવા માટે નિષ્પક્ષ તપાસ થવી જોઈએ.

અમે તકલીફને સમજી શકીએ છીએ: મહેબૂબા મુફ્તી
12 નવેમ્બરે શ્રીનગરમાં મહેબૂબા મુફ્તીએ કહ્યું કે, “દિલ્હીમાં જે બન્યું તેમાં અમે તે પીડા તમારા કરતાં વધુ સમજીએ છીએ. કારણ કે અમે આવી ઘટનાને ઘણા નજીકથી જોઈ છે. અમે તેને ઘણા વર્ષોથી જોઈ રહ્યા છે.”

દિલ્હી સરકારને કરી અપીલ
તેઓએ દિલ્હી સરકારને અપીલ કરી કે, “હું વિનંતી કરું છું કે આ તપાસ ઝડપથી હાથ ધરવામાં આવે અને તેની નિષ્પક્ષ તપાસ થવી જોઈએ. તેઓ જે પરિવારોના છે તેમના માતા-પિતા, ભાઈઓ અને બહેનો તેઓ ગુનેગાર નથી. તેમને ગુનેગાર ન માનો. કારણ કે મેં પોતે ટીવી પર જોયું હતું કે કેવી રીતે એક ડૉક્ટરના પિતાને કાળા કપડાથી મોં ઢાંકીને ખેંચી લેવામાં આવી રહ્યા હતા. આ સારું નથી. આવું ન થવું જોઈએ.”

પરિવારજનોને નુકસાન ન પહોંચાડો: મહેબૂબા મુફ્તી
મહેબૂબા મુફ્તીએ આગળ કહ્યું, “હું પીડા સમજી શકું છું. સરકારે ફરક લાવવો જોઈએ. જે લોકો સંડોવાયેલા છે તેમને કડક સજા થવી જોઈએ. જોકે, તેમના સંબંધીઓને શંકાના આધારે ધરપકડ કરવામાં આવી રહી છે તેમની સાથે યોગ્ય વર્તન થવું જોઈએ. તેમની પૂછપરછ કરો પરંતુ ગુનેગારો તરીકે તેમની તપાસ ન કરો. ગુનો હજુ સુધી સાબિત થયો નથી. શંકા માટે હજુ પણ એક આધાર છે.”

મુર્શિદાબાદ જિલ્લાના કાંડી પોલીસ સ્ટેશનના અધિકારક્ષેત્ર હેઠળ આવતા રામેશ્વરપુર ગામમાં રસોઈ બનાવતી વખતે એક ભયાનક અકસ્માત સર્જાયો. આજે સવારે રસોઈ બનાવતી વખતે ગેસ સિલિન્ડર ફાટ્યો, જેના કારણે સમગ્ર વિસ્તારમાં ગભરાટ ફેલાયો. વિસ્ફોટ એટલો તીવ્ર હતો કે આખું ઘર ધરાશાયી થઈ ગયું અને એક પરિવારના છ સભ્યો આગની લપેટમાં આવી ગયા. એક નાના બાળકનું ઘટનાસ્થળે જ મોત નીપજ્યું. ઘાયલોમાં એક પુરુષ અને ચાર મહિલાઓનો સમાવેશ થાય છે.

સ્થાનિક લોકો તાત્કાલિક ઘટનાસ્થળે દોડી આવ્યા હતા અને ઘાયલોને ગોકરણ પ્રાથમિક આરોગ્ય કેન્દ્રમાં દાખલ કર્યા હતા. બાદમાં, તેમની હાલત વધુ ખરાબ થતાં, તેમને બહેરામપુરની મુર્શિદાબાદ મેડિકલ કોલેજ અને હોસ્પિટલમાં રિફર કરવામાં આવ્યા હતા.

પોલીસે તપાસ શરૂ કરી છે. પ્રાથમિક અંદાજ મુજબ ગેસ લીકેજને કારણે વિસ્ફોટ થયો હતો. આ દુ:ખદ અકસ્માતથી સમગ્ર રામેશ્વરપુર ગામમાં શોકની લહેર ફેલાઈ ગઈ છે.

વડાપ્રધાન નરેન્દ્ર મોદી ભૂટાન પ્રવાસથી વતન પરત ફર્યા છે, દિલ્હીમાં લેન્ડ થયાના તુરંત બાદ તેઓ લાલ કિલ્લા મેટ્રો સ્ટેશન નજીક બોમ્બ વિસ્ફોટના પીડિતોને મળવા માટે લોકનાયક જય પ્રકાશ(LNJP) પહોંચ્યા હતાં. વડાપ્રધાન મોદીએ ઈજાગ્રસ્તોને મળીને તમની તબિયત અંગે પૂછપરછ કરી. વડાપ્રધાન ઈજાગ્રસ્તો ઝડપી સ્વસ્થ થાય એવી પ્રાર્થના કરી.

વડાપ્રધાનની મુલાકાતને ધ્યાનમાં રાખીને LNJP હોસ્પિટલની સુરક્ષા વધારી દેવામાં આવી હતી. હોસ્પિટલના ડૉક્ટરો અને વરિષ્ઠ અધિકારીઓએ વડા પ્રધાનને ઘાયલોની સ્થિતિ માહિતી આપી હતી. તેઓ 20-25 મિનિટ સુધી હોસ્પિટલમાં રહ્યા.

બોમ્બ બ્લાસ્ટમાં ઈજાગ્રસ્ત થયેલા લોકો સાથે મુલાકાત સમયના ફોટો સોશિયલ મીડિયા પર શેર કરતા વડાપ્રધાન મોદી એ લખ્યું, “દિલ્હી બોમ્બ વિસ્ફોટમાં ઘાયલ થયેલા લોકોને મળવા માટે મેં LNJP હોસ્પિટલની મુલાકાત લીધી હતી. તેઓ ઝડપથી સ્વસ્થ થાય એવી પ્રાર્થના કરું છું. આ ષડયંત્ર પાછળના લોકોને સામે કાર્યવાહી કરવામાં આવશે.”

બોમ્બ બ્લાસ્ટ વિષે વડાપ્રધાનનું નિવેદન:
નોંધનીય છે કે સોમવારે સાંજે બોમ્બ બ્લાસ્ટ થયા બાદ મંગળવારે સવારે વડાપ્રધાન મોદી તેમની પૂર્વ આયોજિત ભૂતાન મુલાકાત માટે રવાના થયા હતાં.

ભૂતાનમાં એક સંબોધન દરમિયાન તેમણે કહ્યું, “હું ભારે હૃદય સાથે અહીં આવ્યો છું. દિલ્હીમાં બનેલી ભયાનક ઘટનાથી આપણા બધાને આઘાત લાગ્યો છે. હું આ મૃતકોના પરિવારોનું દુઃખ સમજું છું. આખો દેશ તેમની સાથે ઉભો છે. હું આખી રાત એજન્સીઓ અને મુખ્ય અધિકારીઓ સાથે સંપર્કમાં હતો, માહિતી એકઠી કરવામાં આવી રહી હતી. આ ઘટના પાછળના ગુનેગારોને બક્ષવામાં આવશે નહીં.”