નવી દિલ્હી: ભારતમાં રોડ અકસ્માતોમાં જાનહાનિએ 2024માં ચોંકાવનારો રેકોર્ડ બનાવ્યો છે. આ વર્ષે દેશભરમાં માર્ગ અકસ્માતોમાં 1.77 લાખથી વધુ લોકોના મોત થયા છે, જે અત્યાર સુધીનો સર્વોચ્ચ આંક છે. માર્ગ પરિવહન મંત્રાલયે લોકસભામાં એક લેખિત જવાબમાં આ આંકડા રજૂ કર્યા, જોકે વાર્ષિક રિપોર્ટ હજુ પ્રકાશિત થયો નથી.

2023માં માર્ગ અકસ્માતોમાં આશરે 1.73 લાખ લોકોના મોત થયેલા.
ડીીએમકેના એ. રાજાના પ્રશ્નના જવાબમાં માર્ગ પરિવહન મંત્રી નિતિન ગડકરીએ જણાવ્યું કે, “રાજ્યો/કેન્દ્રશાસિત પ્રદેશો દ્વારા આપવામાં આવેલી માહિતી મુજબ 2024ના વર્ષ દરમ્યાન દેશની તમામ શ્રેણીની સડકો પર કુલ 1,77,177 લોકોના મૃત્યુ નોંધાયા છે, જેમાં પશ્ચિમ બંગાળનો ઇ-ડીઆર પોર્ટલ પરથી મેળવેલો ડેટા પણ સામેલ છે.”

રાષ્ટ્રીય હાઈવેઝ પર થતા અકસ્માતોને લઈને અન્ય જવાબમાં ગડકરીએ જણાવ્યું કે, માત્ર રાષ્ટ્રીય રાજમાર્ગો પર જ 54,433 લોકોના મોત થયા છે, જે દેશભરમાં થયેલા કુલ માર્ગ અકસ્માતોના લગભગ 31% છે.

વિશેષજ્ઞો સતત એ વાત પર ભાર મૂકી રહ્યા છે કે, તમામ ઘાતક અકસ્માતોની વૈજ્ઞાનિક તપાસ અને જવાબદાર એજન્સીઓની સ્પષ્ટ જવાબદારી નિર્ધારીત કરવાથી જ જાનહાનિમાં ઘટાડો શક્ય બનશે.

એક વિશેષજ્ઞે જણાવ્યું કે, “સરકારએ આ ગંભીર સમસ્યાને હલ કરવા માટે નાગરિક સમાજ અને મોટી સંખ્યામાં એનજીઓને જોડવા જોઈએ, માત્ર થોડાં સંગઠનો પર નિર્ભર રહેવાની જગ્યાએ કારણ કે સમસ્યા બહુ વિશાળ છે.”

ભારતની બજેટ એરલાઇન ઇન્ડિગો હાલમાં નોંધપાત્ર સંચાલન મુશ્કેલીઓનો સામનો કરી રહી છે. ગુરુવારે સતત ત્રીજા દિવસે દેશભરના વિવિધ એરપોર્ટ પર અસંખ્ય ફ્લાઇટ્સ રદ કરવામાં આવી હતી. અગાઉ મંગળવાર અને બુધવારે 200 થી વધુ ફ્લાઇટ્સ રદ કરવામાં આવી હતી જેના કારણે હજારો મુસાફરોને અગવડતા પડી હતી.

દેશની સૌથી મોટી એરલાઇન ઇન્ડિગોએ દિલ્હી, મુંબઈ, હૈદરાબાદ અને અન્ય શહેરોમાં ઘણી ફ્લાઇટ્સ કામગીરી સ્થગિત કરી છે જેના કારણે મોટી સંખ્યામાં મુસાફરોને અગવડતા પડી છે.

આજે નોંધપાત્ર સંખ્યામાં ઇન્ડિગો ફ્લાઇટ્સ પ્રભાવિત
એવું જાણવા મળ્યું છે કે ઇન્ડિગોએ ગુરુવારે દિલ્હીથી ઉપડતી 30 થી વધુ ફ્લાઇટ્સ રદ કરી છે. જો કે, આ પાછળના કારણો અંગે કોઈ ચોક્કસ માહિતી જાહેર કરવામાં આવી નથી. હૈદરાબાદમાં પણ લગભગ 33 ફ્લાઇટ્સ રદ કરવામાં આવી હતી. મુંબઈ એરપોર્ટ પર પણ ઘણી ફ્લાઇટ્સ રદ કરવામાં આવી હતી.

સૂત્રોના જણાવ્યા પ્રમાણે, ઇન્ડિગોએ આજે ​​દેશભરમાં 170 થી વધુ ફ્લાઇટ્સ રદ કરી છે. જો કે, હજુ સુધી કોઈ સત્તાવાર માહિતી જાહેર કરવામાં આવી નથી. ઇન્ડિગો દરરોજ 22,000 થી વધુ ફ્લાઇટ્સનું સંચાલન કરે છે. જોકે કંપનીએ છેલ્લા ત્રણ દિવસમાં ફ્લાઇટ રદ થવાની મોટી સંખ્યા માટે મુસાફરોની માફી માંગી છે.

ઇન્ડિગો મુસાફરોની માફી માંગી
બુધવારે એક સત્તાવાર નિવેદનમાં ઇન્ડિગોએ જણાવ્યું હતું કે ટેકનિકલ સમસ્યાઓ શિયાળા સંબંધિત સમયપત્રકમાં ફેરફાર, ખરાબ હવામાન, ઉડ્ડયન પ્રણાલીમાં વધેલી ભીડ અને ફ્લાઇટ ડ્યુટી સમય મર્યાદાઓએ તેની કામગીરીને ગંભીર અસર કરી છે, જેના કારણે તેને ઘણી ફ્લાઇટ્સ રદ કરવાની ફરજ પડી છે.

એરલાઇને જણાવ્યું હતું કે વિક્ષેપો અટકાવવા અને સ્થિરતા પુનઃસ્થાપિત કરવા માટે તેણે તેના સમયપત્રકમાં નાના ફેરફારો શરૂ કર્યા છે. આ પગલાં આગામી 48 કલાક સુધી અમલમાં રહેશે અને તેને તેના સંચાલનને સામાન્ય બનાવવા અને ધીમે ધીમે તેના નેટવર્કમાં સમયસરતા પાછી મેળવવાની મંજૂરી આપશે.

કચ્છ જિલ્લામાં આજે બપોરે ફરી એકવાર ભૂકંપનો ધ્રુજારો અનુભવાયો હતો. ખાવડા વિસ્તારમાં બરાબર 12:49 વાગ્યે 3.3 તીવ્રતાનો આંચકો નોંધાયો, જેના કારણે સ્થાનિકોમાં થોડો ભયનો માહોલ સર્જાયો. ભૂકંપનું કેન્દ્રબિંદુ ખાવડાથી આશરે 44 કિલોમીટર ઉત્તર-પશ્ચિમ દિશામાં નોંધાયું હોવાનું સીસ્મોલોજી વિભાગે માહિતી આપી છે.

આ આંચકો નાનો હોવા છતાં ખાવડા તેમજ આસપાસના ગામોમાં લોકો ઘેરા અવાજ સાથે ધરતી ધ્રૂજતા બહાર નીકળી આવ્યા હતા. હાલ સુધી કોઈ જાનહાની કે નુકસાનની માહિતી સામે આવી નથી. કચ્છ જેવા ભૂકંપપ્રવણ વિસ્તારમાં આવા ઝટકા સમયાંતરે અનુભવાતા રહે છે, પરંતુ આજે પડેલો આંચકો લોકોને 2001ના ભૂકંપની યાદ તાજી કરાવી ગયો.

રિક્ટર સ્કેલ પર ભૂકંપની તીવ્રતાનો અંદાજ કેવી રીતે લગાવી શકાય?

• 0 થી 1.9: સીસ્મોગ્રાફથી મળતી માહિતી
• 2 થી 2.9: ખૂબ જ ઓછું કંપન જાણવા મળે છે
• 3 થી 3.9: એવું લાગે કે કોઈ ભારે વાહન પાસથી પસાર થયું
• 4 થી 4.9: ઘરમાં રાખેલું સામાન તેની જગ્યાએથી નીચે પડી શકે
• 5 થી 5.9: ભારે સામાન અને ફર્નિચર પણ હલી શકે
• 6 થી 6.9: ઈમારતનો પાયો ફટી શકે
• 7 થી 7.9: ઈમારતો તૂટી પડે
• 8 થી 8.9: સુનામીનું જોખમ, વધુ વિનાશ
• 9 અથવા વધુ: સૌથી ભયાનક વિનાશ, ધરતીનું કંપન સ્પષ્ટ અનુભવાય