વૈશ્વિક બજારમાં કિંમતી ધાતુઓની માગમાં થયેલા પ્રચંડ વધારાને કારણે ભારતીય કોમોડિટી માર્કેટમાં આજે ઐતિહાસિક રૅકોર્ડ સર્જાયો છે. 29 જાન્યુઆરી 2026ના રોજ ચાંદીએ ઇતિહાસ રચતાં પ્રથમવાર ₹4,00,000ની ઐતિહાસિક સપાટી વટાવી દીધી છે.

ચાંદીમાં ઐતિહાસિક ઉછાળો
MCX પર ચાંદીનો વાયદો ₹3,99,000ના ભાવે ખૂલ્યો હતો અને જોતજોતામાં ₹4,07,456ની સર્વોચ્ચ સપાટીએ પહોંચ્યો હતો. અગાઉના ₹3,85,366ના બંધ ભાવની સરખામણીએ ચાંદીમાં આજે કુલ ₹16634(+4.32%)નો જંગી ઉછાળો નોંધાયો છે.

સોનાની ચમક વધી
બીજી તરફ, સોનાના ભાવમાં પણ રોકાણકારોને સ્તબ્ધ કરી દે તેવી તેજી જોવા મળી છે. MCX પર સોનું પ્રતિ 10 ગ્રામ ₹1,82,467ના ભાવે ખૂલ્યું હતું. કારોબાર દરમિયાન સોનું ₹1,93,096ના ઓલ-ટાઇમ હાઇ લેવલ પર પહોંચ્યું હતું, જે અગાઉના ₹1,77,153ના બંધ ભાવ સામે કુલ ₹15,943 (+8.95%)નો વધારો દર્શાવે છે. હાલમાં સોનું ₹1,93,000ની આસપાસ ટ્રેડ થઈ રહ્યું છે.

ઉછાળા પાછળના મુખ્ય કારણો
બજારના નિષ્ણાતોના મતે, આ તેજી પાછળ અનેક વૈશ્વિક અને સ્થાનિક પરિબળો જવાબદાર છે. વિશ્વમાં યુદ્ધના ભણકારા અને ડૉલરની વધતી જતી વેલ્યુને કારણે પણ સોના ચાંદી તરફ લોકો આકર્ષાઈ રહ્યા છે. લોકો ખાસ કરીને સેફ એસેટ્સ તરીકે સોના-ચાંદીને જોઈ રહ્યા છે.

હજુ તો મહારાષ્ટ્રમાં ડેપ્યુટી સીએમ અજીત પવારના પ્લેન ક્રેશની ઘટનાને 24 કલાક પુરા થાય તે પહેલા તો વધુ એક પ્લેન ક્રેશની ઘટના સામે આવી છે. જેમાં પણ એક રાજકીય નેતાની મોત થયાના સમાચાર સામે આવ્યા છે. માહિતી મળી છે કે લેન્ડિંગ પહેલાં જ એર ટ્રાફિક કંટ્રોલ સાથેનો સંપર્ક તૂટી ગયો હતો.

આ ઘટના કોલંબિયામાં બની છે, જ્યાં એક મોટુ વિમાન ક્રેશ થયો છે, જેમાં કોલંબિયાના એક સાંસદ સહિત 15 લોકોના મોત થયા છે. સેટેના એરલાઇન્સનું ટ્વીન-પ્રોપેલર વિમાન વેનેઝુએલાની સરહદ નજીકના પર્વતીય વિસ્તારમાં કુકુટાથી ઓકાના જઈ રહ્યું હતું.

રાજધાની બોગોટાના અધિકારીઓએ જણાવ્યું હતું કે કોલંબિયાના એક સાંસદ સહિત 15 લોકોને લઈ જતું એક ટ્વીન-પ્રોપેલર વિમાન બુધવારે વેનેઝુએલાની સરહદ નજીકના પર્વતીય વિસ્તારમાં ક્રેશ થયું હતું. આ અકસ્માતમાં તમામ મુસાફરો અને ક્રૂ સભ્યોના મોત થયા હતા.

કોલંબિયાના સરહદી શહેર કુકુટાથી વિમાને ઉડાન ભરી હતી અને બપોરે (1700 GMT) નજીકના ઓકાનામાં લેન્ડિંગ પહેલાં જ એર ટ્રાફિક કંટ્રોલ સાથેનો સંપર્ક તૂટી ગયો હતો. 13 મુસાફરો અને બે ક્રૂ સભ્યો ધરાવતી આ ફ્લાઇટ 23 મિનિટની મુસાફરી હતી અને તેનું સંચાલન કોલંબિયાની સરકારી એરલાઇન, સેટેના દ્વારા કરવામાં આવ્યું હતું.

તમામના મોત- ઉડ્ડયન મંત્રી
એવિએશન સત્તામંડળના એક અધિકારીએ AFP ને જણાવ્યું, “કોઈ બચ્યું નથી.” તેમણે ઉમેર્યું કે દુર્ઘટનાનું કારણ તાત્કાલિક જાણી શકાયું નથી. સરકારે આ વિસ્તાર શોધવા માટે હવાઈ દળ મોકલ્યું છે.

અકસ્માત સ્થળ એન્ડીઝની પૂર્વ શ્રેણીમાં એક ખડકાળ, ગીચ જંગલવાળો વિસ્તાર છે, જ્યાં હવામાન ઝડપથી વધઘટ થાય છે. આસપાસના ગ્રામ્ય વિસ્તારના મોટા ભાગો કોલંબિયાના સૌથી મોટા ગેરિલા જૂથ, નેશનલ લિબરેશન આર્મી દ્વારા નિયંત્રિત છે, જે તેના સ્પેનિશ નામ, ELN દ્વારા વધુ જાણીતું છે.

મૃતકોમાં સંસદ સભ્ય
સ્થાનિક સમાચાર મેગેઝિન સેમાના સાથે વાત કરતા, ઉત્તરી સેન્ટેન્ડર રાજ્યના ગવર્નર વિલિયમ વિલામિઝારે જણાવ્યું હતું કે અત્યાર સુધીમાં સાત મૃતદેહો મળી આવ્યા છે. કોલંબિયાના સંસદ સભ્ય અને એક વિધાનસભા ઉમેદવાર વિમાનમાં સવાર હતા.

કેન્દ્ર સરકારે રવી સિઝન 2026-27 માટે ઘઉં માટે લઘુત્તમ ટેકાના ભાવ (MSP) રૂ. 2,585 પ્રતિ ક્વિન્ટલ નક્કી કર્યા છે. આ નિર્ણયને અનુરૂપ, ખેડૂતો માટે લાભદાયી ભાવ સુનિશ્ચિત કરવાના પ્રયાસોના ભાગ રૂપે, ગુજરાત રાજ્ય નાગરિક પુરવઠા નિગમ લિમિટેડ દ્વારા સમગ્ર ગુજરાતમાં MSP પર ઘઉં ખરીદવામાં આવશે. MSP પર ઘઉં વેચવા ઇચ્છુક ખેડૂતોએ 1 ફેબ્રુઆરીથી 1 માર્ચ, 2026 વચ્ચે VCE દ્વારા ગ્રામ્ય સ્તરે ઓનલાઈન નોંધણી પૂર્ણ કરવાની રહેશે. ખેડૂત ખાતાધારકોના બાયોમેટ્રિક પ્રમાણીકરણ દ્વારા નોંધણી કરવામાં આવશે. MSP પર ઘઉંની ખરીદી 4 માર્ચથી 15 મે, 2026 સુધી હાથ ધરવામાં આવશે.

નોંધણી માટે, ખેડૂતોએ આધાર કાર્ડની નકલ, અપડેટ કરેલા ગામ રેકોર્ડ, 7/12 અને 8-A જમીન રેકોર્ડ અને પાક વાવણીના પુરાવા સહિતના દસ્તાવેજો તૈયાર રાખવા પડશે. જો પાક વાવણીની વિગતો જમીન રેકોર્ડમાં પ્રતિબિંબિત ન થાય, તો તલાટી દ્વારા સહી કરેલ અને સ્ટેમ્પ થયેલ પ્રમાણપત્રની જરૂર પડશે. વધુમાં, ખેડૂતોએ બેંક ખાતાની વિગતો, બેંક પાસબુક અથવા રદ કરાયેલ ચેકની નકલ સાથે પ્રદાન કરવી પડશે. નોંધાયેલા ખેડૂતોને SMS દ્વારા ખરીદીના સમયપત્રક વિશે જાણ કરવામાં આવશે. ખરીદી સમયે, ખેડૂતોએ તેમનું આધાર કાર્ડ અથવા માન્ય ઓળખ પુરાવો સાથે રાખવો પડશે, અને બાયોમેટ્રિક પ્રમાણીકરણ પછી જ ઘઉં ખરીદવામાં આવશે.

અધિકારીઓએ જણાવ્યું છે કે જો ચકાસણી દરમિયાન કોઈ વિસંગતતા અથવા ખોટા દસ્તાવેજો મળી આવશે, તો નોંધણી રદ કરવામાં આવશે અને ખેડૂતને ખરીદી માટે સૂચિત કરવામાં આવશે નહીં. MSP પર ઘઉં વેચવા માટે ઓનલાઈન નોંધણી ફરજિયાત હોવાથી, ખેડૂતોને સહાય માટે તેમના સંબંધિત ગ્રામ પંચાયતોનો સંપર્ક કરવા વિનંતી કરવામાં આવી છે.

નોંધણી સંબંધિત કોઈપણ મુશ્કેલીના કિસ્સામાં, ખેડૂતો હેલ્પલાઇન નંબર 8511171718 અને 8511171719 પર સંપર્ક કરી શકે છે, નાગરિક પુરવઠા નિગમએ જણાવ્યું હતું.