ભારતીય જનતા પાર્ટી સુરત જિલ્લા ની જિલ્લા પંચાયત તાલુકા પંચાયત અને નગર પાલિકા ની સ્થાનિક સ્વરાજ્યની ચૂંટણીમાં ભાજપ માંથી ચૂંટણી લડવા માટે છેલ્લા કેટલાક દિવસોથી દાવેદારોમાં એક અલગ જ ઉત્સુકતા જોવા મળી હતી.જે આજે ભારતીય જનતા પાર્ટી દ્વારા સુરત ની 39 જિલ્લા પંચાયત, 204, તાલુકા પંચાયત અને 104 નગર પાલિકા ની બેઠકો માટે આજે મોડી રાત્રે સત્તાવાર યાદી જાહેર કરવામાં આવી હતી.જેથી દાવેદારોની આતુરતા ના અંત આવ્યો હતો.
ઇનપુટ: તેજસ વશી
અમરેલી જિલ્લામાં ફરી એકવાર ભૂકંપનો હળવો આંચકો અનુભવાયો છે. રાત્રિના સમયે જ્યારે લોકો નિદ્રાધીન થવાની તૈયારીમાં હતા ત્યારે અંદાજે 10:05 કલાકે ધરતીમાં ધ્રુજારી અનુભવાતા લોકોમાં ગભરાટ ફેલાયો હતો. રિક્ટર સ્કેલ પર આ આંચકાની તીવ્રતા 2.5 માપવામાં આવી છે. જોકે તીવ્રતા ઓછી હોવાથી કોઈ મોટી દુર્ઘટના સર્જાઈ નથી, પરંતુ શાંત રાત્રિમાં ધ્રુજારીના અનુભવથી લોકો સાવચેતીના ભાગરૂપે ઘરોની બહાર દોડી આવ્યા હતા.
ગાંધીનગર સ્થિત સિસ્મોલોજી વિભાગના જણાવ્યા મુજબ, આ ભૂકંપનું કેન્દ્રબિંદુ અમરેલી શહેરથી આશરે 42 કિલોમીટર દૂર નોંધાયું છે. અમરેલી જિલ્લાનો સાવરકુંડલા, ખાંભા અને ગીર પંથક ભૂકંપના આંચકાઓ માટે સંવેદનશીલ ગણાય છે, ત્યારે આ કેન્દ્રબિંદુ પણ તે જ દિશામાં હોવાનું અનુમાન છે. ભૂકંપના આ હળવા આંચકાને કારણે જમીનમાંથી ગડગડાટ જેવો અવાજ પણ સંભળાયો હોવાના અહેવાલો પ્રાપ્ત થયા છે.
સુરત મહાનગરપાલિકાની ચૂંટણીને અનુલક્ષીને ભારતીય જનતા પાર્ટી (BJP) દ્વારા આખરે 30 વોર્ડ માટે કુલ 107 ઉમેદવારોના નામોની જાહેરાત કરવામાં આવી છે. છેલ્લા બે દિવસથી ચાલી રહેલી અટકળો અને ચર્ચાઓનો અંત આવ્યો છે. આ યાદીમાં નવા અને જૂના ચહેરાઓ વચ્ચે સંતુલન સાધવાનો પ્રયાસ કરવામાં આવ્યો છે, જેમાં મોટાભાગે નવા ચહેરાઓને તક આપવામાં આવી છે.
પ્રાપ્ત વિગતો મુજબ, જાહેર કરાયેલા 107 ઉમેદવારોમાંથી અંદાજે 15 થી 20 જેટલા જૂના અને અનુભવી કોર્પોરેટરોને ફરીથી રિપીટ કરવામાં આવ્યા છે. જ્યારે 90થી વધુ ઉમેદવારો નવા છે, જે દર્શાવે છે કે ભાજપે નવી પેઢીને આગળ લાવવા અને નવા ચહેરાઓને પ્રોત્સાહન આપવાનું નક્કી કર્યું છે. પાર્ટીએ સ્થાનિક ધારાસભ્યો અને નેતાઓની ભલામણોને પણ મહત્વ આપ્યું હોવાનું સૂત્રો જણાવે છે.
આ યાદીમાં પૂર્વ મેયર, પૂર્વ ડેપ્યુટી મેયર, સ્ટેન્ડિંગ કમિટી ચેરમેન તેમજ વિવિધ સમિતિઓના ચેરમેન જેવા અગ્રણીઓના નામોને ફરીથી સ્થાન આપવામાં આવ્યું છે. જેમાં દક્ષેશ માવાણી, નરેન્દ્ર પાટીલ, રાજન પટેલ, મનીષા આહીર, વૈશાલી શાહ, ઉર્વશી પટેલ, ચિરાગ સોલંકી, ભાવિશા પટેલ, રાજેન્દ્ર પાટીલ, જયશ્રી વોરા, જયશ્રી વરિયા, ની શાહ, નિલેશ પટેલ, આર.પી. પટેલ અને કિશોર મિયાણી જેવા નામોનો સમાવેશ થાય છે.
મહત્વપૂર્ણ છે કે કેટલાક વિસ્તારોમાં, ખાસ કરીને જ્યાં આમ આદમી પાર્ટીનો પ્રભાવ જોવા મળ્યો હતો, ત્યાં ભાજપે નવા ચહેરાઓને પ્રાધાન્ય આપ્યું છે. કતારગામ-ડભોળી વિસ્તારમાં જૂના ચહેરાઓને બદલીને નવા ઉમેદવારોને મેદાનમાં ઉતારવામાં આવ્યા છે. ઉપરાંત વરાછા, સરથાણા, સીમાડા અને અમરોલી છાપરા પાટા જેવા વિસ્તારોમાં પણ નવા ચહેરાઓને ટિકિટ આપવામાં આવી છે.
ઉત્તર પ્રદેશના મથુરામાં હૃદય હચમચાવી દે તેવી દુર્ઘટના સર્જાઈ છે. શુક્રવારે બપોરે વૃંદાવનના પ્રખ્યાત કેસી ઘાટ પાસે શ્રદ્ધાળુઓથી ભરેલી એક હોડી યમુના નદીમાં પલટી ગઈ હતી. આ ભયાનક અકસ્માતમાં 10 શ્રદ્ધાળુઓના ડૂબી જવાથી મોત થયા છે, જ્યારે અનેક લોકો હજુ પણ હૉસ્પિટલમાં સારવાર હેઠળ છે. ઘટનાની ગંભીરતાને જોતાં મૃત્યુઆંક હજુ પણ વધે તેવી આશંકા છે.
નદીમાં બનેલા પેન્ટૂન પુલ સાથે હોડીની ટક્કર
મળતી માહિતી મુજબ, હોડી વૃંદાવન અને માન વચ્ચે મુસાફરોને લઈ જઈ રહી હતી. હોડીમાં ક્ષમતા કરતાં વધુ એટલે કે અંદાજે 30 જેટલા લોકો સવાર હતા. કેસી ઘાટ પાસે નદીમાં બનેલા લોખંડના પેન્ટૂન પુલ સાથે હોડી જોરદાર રીતે અથડાઈ હતી અને સંતુલન ગુમાવતા નદીના ઉંડા પાણીમાં પલટી ગઈ હતી.
17 લોકોનું રેસ્ક્યૂ કરાયું
અકસ્માતની જાણ થતાં જ સ્થાનિક પોલીસ અને તરવૈયાઓની ટીમ ઘટનાસ્થળે પહોંચી ગઈ હતી. રેસ્ક્યુ ઓપરેશનમાં 17 લોકોને સુરક્ષિત બહાર કાઢવામાં આવ્યા હતા. જોકે, કમનસીબે 10 લોકોના જીવ બચાવી શકાયા નથી. વહીવટીતંત્રે મૃતદેહોને પોસ્ટમોર્ટમ માટે મોકલી આપ્યા છે અને આ મામલે તપાસના આદેશ આપ્યા છે.
16થી 17 લોકોએ બચાવી લેવાયા, મૃતકો પંજાબના રહેવાસી
આ દુર્ઘટનામાં મોટા ભાગના શ્રદ્ધાળુ પંજાબના લુધિયાણાથી આવ્યા હોવાનું જાણવા મળ્યું છે. મથુરાના જિલ્લા મેજિસ્ટ્રેટ સી.પી. સિંહે આ દુર્ઘટનાની સત્તાવાર વિગતો આપતા જણાવ્યું કે બચાવ કાર્ય હજુ પણ યુદ્ધના ધોરણે ચાલુ છે. DM સી.પી. સિંહે જણાવ્યું કે, આજે બપોરે અંદાજે 2.45 વાગ્યે યમુના નદીમાં અત્યંત દુર્ભાગ્યપૂર્ણ અકસ્માત સર્જાયો હતો. લુધિયાણાથી અંદાજે 30 શ્રદ્ધાળુઓ મથુરા આવ્યા હતા અને તેઓ બે હોડીમાં સવાર થઈને નદીમાં ફરી રહ્યા હતા. કેસી ઘાટ પાસે આમાંથી એક હોડી ડૂબી ગઈ હતી. અત્યાર સુધીમાં 10 મૃતદેહો મળી આવ્યા છે, જ્યારે 16થી 17 લોકોને સુરક્ષિત બહાર કાઢવામાં આવ્યા છે.
ઈરાન યુદ્ધમાં અમેરિકાને ભારે નુકસાન થઈ રહ્યું છે. એક અંદાજ મુજબ, અમેરિકા દર સેકન્ડે ₹9.8 લાખનું નુકસાન કરી રહ્યું છે. દરમિયાન, હોર્મુઝ સ્ટ્રેટમાં યુએસ નેવી સર્વેલન્સ ડ્રોન ગાયબ થઈ ગયું છે. તે અમેરિકાના સૌથી મોંઘા ડ્રોનમાંથી એક છે. મીડિયા રિપોર્ટ્સ અનુસાર, MQ-4C ટ્રાઇટોન ડ્રોનની કિંમત $200 મિલિયન છે, જે લગભગ ₹18,51,57,00,000 છે. આ ડ્રોન ફ્લાઇટમાં કટોકટી ચેતવણી મોકલે છે અને તેના થોડા સમય પછી ગાયબ થઈ જાય છે. તે યુએસ કંપની નોર્થ્રોપ ગ્રુમેન દ્વારા વિકસાવવામાં આવ્યું હતું અને તેનો ઉપયોગ યુએસ નેવી અને ઓસ્ટ્રેલિયન વાયુસેના દ્વારા કરવામાં આવે છે.
અહેવાલો અનુસાર, ડ્રોન પર્સિયન ગલ્ફ અને હોર્મુઝ સ્ટ્રેટ પર લગભગ ત્રણ કલાક ઉડાન ભરી હતી અને ઇટાલીમાં તેના નૌકાદળના મથક પર પરત ફરી રહ્યું હતું. ડ્રોન ક્રેશ થયું કે તેને ગોળી મારી દેવામાં આવી તે હજુ સુધી સ્પષ્ટ નથી. ઓનલાઈન ફ્લાઇટ ટ્રેકિંગ વેબસાઇટ Flightradar24 અનુસાર, ડ્રોન ઈરાન તરફ વળ્યું અને સામાન્ય કટોકટી ચેતવણી મોકલી. તે પછી તરત જ, તે પડવાનું શરૂ થયું અને પછી ગાયબ થઈ ગયું. બે દિવસ પહેલા અમેરિકા અને ઈરાન વચ્ચે યુદ્ધવિરામ થયો હતો.
MQ-4C ટ્રાઇટોનની વિશેષતાઓ
અમેરિકાએ ગલ્ફ ક્ષેત્રમાં યુએસ સેન્ટ્રલ કમાન્ડમાં MQ-4C ટ્રાઇટોન તૈનાત કર્યું છે. આ ડ્રોન ચોકપોઇન્ટ્સ પર લાંબા અંતરની જાસૂસી કરી શકે છે. તે 50,000 ફૂટથી વધુ ઊંચાઈએ ઉડવા માટે સક્ષમ છે. તેની રેન્જ 7,400 નોટિકલ માઇલ છે અને તે 24 કલાકથી વધુ સમય સુધી ઉડી શકે છે. ગયા વર્ષ સુધીમાં, યુએસ નેવી પાસે આવા 20 ડ્રોન હતા. તે વધુ સાત ખરીદવાની યોજના ધરાવે છે.
ઈરાન યુદ્ધમાં અમેરિકા ભારે કિંમત ચૂકવી રહ્યું છે. સ્ટોકહોમ ઇન્ટરનેશનલ પીસ રિસર્ચ ઇન્સ્ટિટ્યૂટ (SIPRI) ના અહેવાલ મુજબ, અમેરિકા દર સેકન્ડે $10,300 અથવા 9.8 લાખ રૂપિયાનું નુકસાન કરી રહ્યું છે. સૌથી મોટો દૈનિક ખર્ચ, 30.4 અબજ રૂપિયા, દારૂગોળો અને મિસાઇલો પર થાય છે, જે કુલ ખર્ચના 36 ટકા છે. હવાઈ કામગીરીનો ખર્ચ દરરોજ 23.275 મિલિયન રૂપિયા અને નૌકા કામગીરીનો ખર્ચ 14.725 મિલિયન રૂપિયા થાય છે.
ગુજરાતમાં આગામી સમયમાં સ્થાનિક સ્વરાજ્યની ચૂંટણીઓ યોજાવા જઈ રહી છે. તેના માટે વહીવટી તંત્ર સજ્જ બન્યું છે. રાજ્ય ચૂંટણી આયોગ પણ હવે પૂર્ણપણે એક્શન મોડમાં આવીને ચૂંટણી પ્રક્રિયાને નિષ્પક્ષ અને શાંતિપૂર્ણ રીતે પાર પાડવા માટે મોટો નિર્ણય લીધો છે.
રાજ્યના 34 જેટલા વરિષ્ઠ IAS અધિકારીઓને વિવિધ જિલ્લાઓ અને મહાનગરપાલિકાઓમાં ચૂંટણી નિરીક્ષક તરીકેની મહત્વની જવાબદારી સોંપવામાં આવી છે.
આ નિમણૂકોમાં અનુભવી અધિકારીઓને પ્રાથમિકતા આપવામાં આવી છે. સિનિયર અધિકારી અવંતિકા સિંઘને અમદાવાદ મહાનગરપાલિકા સહિત અમદાવાદ જિલ્લા અને તાલુકા પંચાયતની મોટી જવાબદારી સોંપાઈ છે. જ્યારે સુરત મહાનગરપાલિકાના ચૂંટણી નિરીક્ષક તરીકે વિનોદ રાવની પસંદગી કરવામાં આવી છે. વડોદરાના મોરચે લોચન સેહરાને કમાન સોંપાઈ છે, તો રાજકોટ મહાનગરપાલિકાના નિરીક્ષક તરીકે આલોક પાંડે ફરજ બજાવશે.
અન્ય મહત્વના જિલ્લાઓની વાત કરીએ તો, આદ્રા અગ્રવાલને ભાવનગર અને બોટાદ જિલ્લાની જવાબદારી સોંપવામાં આવી છે. અનિલ પ્રજાપતિ અરવલ્લી અને મહીસાગર જિલ્લામાં ચૂંટણી પ્રક્રિયા પર દેખરેખ રાખશે. આ તમામ અધિકારીઓ આદર્શ આચારસંહિતાના પાલનથી લઈને સમગ્ર મતદાન પ્રક્રિયાની પારદર્શિતા સુનિશ્ચિત કરશે.
નિરીક્ષકોની આ નિમણૂક સૂચવે છે કે ચૂંટણી આયોગ કોઈપણ ક્ષતિ વિના ચૂંટણી પ્રક્રિયા પૂર્ણ કરવા માટે કટિબદ્ધ છે. આગામી દિવસોમાં આ અધિકારીઓ પોતપોતાના ક્ષેત્રોમાં જઈને ચૂંટણી તૈયારીઓની સમીક્ષા શરૂ કરશે.
યુએસ અને ઈરાન વચ્ચે પાકિસ્તાનના ઇસ્લામાબાદમાં યોજાનારી મહત્વની વાતચીતના માત્ર એક દિવસ પહેલાં જ કુવૈત પર ડ્રોન હુમલો થયો છે. કુવૈતની સરકારે આ હુમલાને ઈરાન અને તેના પ્રોક્સીઓનું કારસ્તાન ગણાવ્યું છે. આ ઘટનાએ ગલ્ફ પ્રદેશમાં નવો તનાવ વધાર્યો છે અને બે અઠવાડિયાના સીઝફાયરની કચરને વધુ અસ્થિર બનાવી દીધી છે.
કુવૈતના વિદેશ મંત્રાલયે જણાવ્યું કે ગુરુવારે સાંજે ડ્રોન હુમલામાં નેશનલ ગાર્ડની એક મહત્વની સુવિધા સંપૂર્ણપણે નાશ પામી છે. હુમલામાં કોઈ જાનહાનિ નથી થઈ, પરંતુ મોટું ભૌતિક નુકસાન થયું છે. કુવૈતે આને તેના આકાશી સાર્વભૌમત્વનું ઉલ્લંઘન ગણાવ્યું અને ઈરાન તથા તેના સમર્થક સમૂહોને જવાબદાર ઠેરવ્યા છે. કુવૈતી આર્મીએ જણાવ્યું કે એર ડિફેન્સ સિસ્ટમે કેટલાક ડ્રોનને અટકાવ્યા, પરંતુ એકે નેશનલ ગાર્ડ સુવિધાને નિશાન બનાવી.
ઈરાનના ઇસ્લામિક રિવોલ્યુશનરી ગાર્ડ કોર્પ્સ (આઈઆરજીસી)એ આ આરોપને સંપૂર્ણપણે નકારી કાઢ્યો છે. આઈઆરજીસીએ કહ્યું કે તેઓએ કોઈ હુમલો કર્યો નથી અને આ ઘટના યુએસ સમર્થકોની ષડ્યંત્ર હોઈ શકે છે.
આ હુમલો એવા સમયે થયો છે જ્યારે યુએસ અને ઈરાન વચ્ચે પાકિસ્તાનના માધ્યમથી બે અઠવાડિયાનું સીઝફાયર જાહેર થયું છે. પાકિસ્તાનના વિદેશ મંત્રી ઈશાક દારે જણાવ્યું કે ઇસ્લામાબાદમાં શુક્રવારે (11 એપ્રિલ) ઈરાન અને યુએસ વચ્ચે વાતચીત શરૂૂ થવાની છે. ઈરાની વિદેશ મંત્રી અબ્બાસ અરાઘચી અને અમેરિકી ઉપરાષ્ટ્રપતિ જે.ડી. વાન્સની આગેવાનીમાં આ વાતચીત થવાની છે. પાકિસ્તાને આ વાતચીતનું માધ્યમ બનીને શાંતિ પ્રક્રિયાને આગળ વધારવાનો પ્રયાસ કર્યો છે.
કુવૈતના આ હુમલા પછી ગલ્ફ દેશોમાં ચિંતા વધી ગઈ છે. સાઉદી અરેબિયાએ પણ તાજેતરમાં પોતાના વાઇટલ પાઈપલાઈનને નુકસાનની જાણ કરી છે. કુવૈતે આ હુમલાને સીઝફાયરનું ઉલ્લંઘન ગણાવ્યું છે અને આંતરરાષ્ટ્રીય સમુદાયને તાત્કાલિક હસ્તક્ષેપ કરવા અપીલ કરી છે.
આ ઘટના સ્ટ્રેટ ઓફ હોર્મુઝ પરના તાજેતરના તનાવ સાથે જોડાયેલી છે. ઈરાને તેલ પરિવહન માર્ગને નિયંત્રિત કરવાની ધમકી આપી છે, જ્યારે યુએસ અને તેના સહયોગી દેશો કુવૈત જેવા ગલ્ફ દેશોને સુરક્ષા આપવાનો દાવો કરી રહ્યા છે. આ હુમલાથી ઇસ્લામાબાદ વાતચીત પર અસર પડી શકે છે અને સીઝફાયરની વિશ્વસનીયતા પર સવાલ ઊઠ્યા છે.
વડાપ્રધાન નરેન્દ્ર મોદીની સુરક્ષાને લઈને એક ખૂબ જ ગંભીર મામલો સામે આવ્યો છે. બિહારના બક્સર જિલ્લામાંથી પોલીસે ત્રણ યુવકોની ધરપકડ કરી છે, મુખ્ય આરોપી સાયબર કાફે ચલાવે છે; તેણે જ યુએસ ગુપ્તચર એજન્સી, ઈઈંઅને ઇમેલ કરીને પીએમ મોદી પર હુમલો કરવાનો પ્રસ્તાવ મૂક્યો હતો. આરોપીએ હુમલો કરવા માટે 22 દિવસનો સમય માંગ્યો હતો અને વધુમાં કરોડો રૂૂપિયાની માંગણી કરી હતી.
બક્સર એસપી શુભમ આર્યએ જણાવ્યું હતું કે, બક્સરના સિમરી પોલીસ સ્ટેશન વિસ્તારના આશા પણરી ગામનો રહેવાસી અમન નામનો યુવક સિમરીમાં જ સાયબર કાફે ચલાવે છે. આ યુવકે લાલચમાં આવીને અમેરિકી સુરક્ષા એજન્સી CIA ને એક મેઈલ મોકલ્યો હતો. આ મેઈલમાં તેણે પીએમ મોદીને નુકસાન પહોંચાડવાના બદલામાં કરોડો રૂૂપિયાની માંગણી કરી હતી અને આ કામ પૂરું કરવા માટે 22 દિવસનો સમય માંગ્યો હતો.
આ આંતરરાષ્ટ્રીય સુરક્ષા એજન્સીએ યુવકના આ ઈમેઈલની ગંભીરતાને સમજીને તાત્કાલિક ભારત સરકારને આ અંગે જાણ કરી હતી. ભારત સરકાર તરફથી સૂચના મળતા જ બક્સર પોલીસ એક્શનમાં આવી હતી અને સાયબર કાફે ચલાવતા અમનની ધરપકડ કરી હતી. બક્સર એસપી શુભમ આર્યએ જણાવ્યું કે મુખ્ય આરોપીની પૂછપરછ દરમિયાન અન્ય બે યુવકોના નામ પણ સામે આવ્યા હતા.
પોલીસે તાત્કાલિક કાર્યવાહી કરીને તે બંનેની પણ ધરપકડ કરી લીધી છે. હાલ આ ત્રણેય આરોપીઓની સઘન પૂછપરછ કરવામાં આવી રહી છે. પ્રાથમિક તપાસમાં પોલીસને શંકા છે કે આરોપી યુવકની માનસિક સ્થિતિ બરાબર ન હોઈ શકે અથવા તેણે માત્ર પૈસાની લાલચમાં આવીને આ કૃત્ય કર્યું હોઈ શકે. જોકે, પીએમ મોદી જેવા ઉચ્ચ પદસ્થ વ્યક્તિની સુરક્ષાનો મામલો હોવાથી પોલીસ અને સુરક્ષા એજન્સીઓ કોઈ પણ પ્રકારનું જોખમ લેવા માંગતી નથી અને ઊંડાણપૂર્વક તપાસ કરી રહી છે.
સુપ્રીમ કોર્ટે કેન્દ્ર સરકાર દ્વારા પ્રસ્તાવિત જાતિ ગણતરીને રોકવાની માંગ કરતી એક અરજીને શુક્રવારે ફગાવી દીધી. આ દરમિયાન ભારતના ચીફ જસ્ટિસ સુર્યકાંતએ અરજદારને તેની અરજીમાં વપરાયેલી ભાષા અંગે કડક ઠપકો આપ્યો. અદાલતે પૂછ્યું કે આવી અશિષ્ટ ભાષા તમે ક્યાંથી શીખી આવો છો?
સુપ્રીમ કોર્ટમાં CJI સુર્યકાંત, જસ્ટિસ જયમાલ્યા બાગતી અને જસ્ટિસ વિપુલ પંચોલીની આગેવાની હેઠળની બેંચે સ્વયં હાજર થયેલા અરજદારની અરજી પર સુનાવણી કરવાનો સંપૂર્ણ ઇનકાર કરી દીધો. લાઈવલૉએ આ અંગે રિપોર્ટ આપ્યો છે.
એક બાળક ધરાવતા પરિવારોને પ્રોત્સાહન આપવા માંગણી
અરજદારે સુપ્રીમ કોર્ટમાં અપીલ કરી હતી કે કેન્દ્ર સરકારને પ્રસ્તાવિત જાતિ ગણતરીથી રોકવામાં આવે, સંસાધનોના પુનર્વિતરણને વસ્તીની જવાબદારી સાથે જોડવામાં આવે અને એક બાળક ધરાવતા પરિવારોને આર્થિક રીતે પ્રોત્સાહન આપવા નીતિઓ બનાવવાની દિશા આપવામાં આવે.
અરજીમાં વપરાયેલી ભાષા પર CJIની કડક ટિપ્પણી
પરંતુ સુનાવણી દરમિયાન અરજીમાં વપરાયેલી ભાષા સુપ્રીમ કોર્ટને ખૂબ નાપસંદ પડી અને તેના પર અદાલતે કડક વાંધો વ્યક્ત કર્યો. CJI સુર્યકાંતએ અરજદારને કહ્યું, “આ અરજીમાં વપરાયેલી ભાષા તમે ક્યાંથી શીખી?…”
“…આવી અશિષ્ટ ભાષા તમે ક્યાંથી લાવો છો? તમે લોકહિત અરજી કેવી રીતે લખો છો?” — CJI સુર્યકાંત
અરજદારને પહેલા અધિકારીઓનો સંપર્ક કરવા કહ્યું
CJIએ અરજદારને જણાવ્યું કે “કોર્ટમાં દોડવા કરતાં તમને પહેલા અધિકારીઓનો સંપર્ક કરવો જોઈએ અને કેટલાક મુદ્દાઓ પર તેમને સમજદાર બનાવવાનો પ્રયાસ કરવો જોઈએ…”
“…યોગ્ય સમય આવશે ત્યારે અમે તમારી અરજીઓ પર વિચાર કરીશું.” — CJI સુર્યકાંત
પહેલાં અધિકારીઓને જાગૃત કરવા સલાહ
ભારતના ચીફ જસ્ટિસે આગળ કહ્યું કે “બારના સભ્ય તરીકે અને કાયદાની જાણકારી ધરાવતા વ્યક્તિ તરીકે તમને મુદ્દાને વિશ્લેષણાત્મક રીતે સમજવો જોઈએ અને પહેલા અધિકારીઓને જાગૃત કરવાનો પ્રયાસ કરવો જોઈએ. જો કંઈ ન થાય, તો પછી કોર્ટનો દરવાજો ખખડાવો.”
વિવિધ જનહિત અરજીઓનો સમાવેશ
અરજદારે અનેક નીતિગત મુદ્દાઓને લઈને જનહિત અરજીઓ દાખલ કરી હતી. તેમાં ભારત માટે એક સામાન્ય સંપર્ક ભાષા વિકસાવવાની નીતિ બનાવવાની માંગણી, જેમાં તમામ ભાષાઓ અને બોલીઓના શબ્દોનો સમાવેશ થાય, પણ સામેલ હતું.
આ ઉપરાંત, ટીવી કાર્યક્રમો અંગે કાનૂની જાગૃતિ, ફાયદાકારક ત્વચા બેક્ટેરિયાના સંરક્ષણ માટે સાબુમાં કેમિકલ્સના નિયમન અને ફૂડ સેફ્ટી અધિકારીઓ હેઠળ સમગ્ર ભારતમાં ફૂડ રજિસ્ટ્રેશન અભિયાન શરૂ કરવાની માંગણીઓ પણ કરવામાં આવી હતી.
રાજસ્થાનના ઝુનઝુનુ જિલ્લામાં શુક્રવારે વહેલી સવારે એક હૃદયદ્રાવક અકસ્માત થયો, જેનાથી સમગ્ર પ્રદેશમાં શોકની લહેર ફેલાઈ ગઈ. ગુઢાગૌરજી પોલીસ સ્ટેશન વિસ્તારમાં નાંગલી દીપ સિંહ નજીક, સવારનું પહેલું કિરણ ખુલ્લા આકાશ નીચે શાંતિથી સૂતા એક પરિવાર માટે મૃત્યુ સમાન હતું. એક ઝડપી, અનિયંત્રિત ટ્રેલરે ધૂળિયા રસ્તાની બાજુમાં સૂતેલા ભોપા પરિવારને કચડી નાખ્યો, જેના પરિણામે માતા, પુત્રી અને ભત્રીજીના કરુણ મૃત્યુ થયા.
ઊંઘમાં ખુશીની દુનિયા નાશ પામી
માહિતી મુજબ, ભોપા સમુદાયના રામસ્વરૂપ અને રૂડમલના પરિવારોએ ગુરુવારે સાંજે નાંગલી દીપ સિંહ નજીક એક ખાલી જમીનમાં છાવણી કરી હતી. રાત્રે ભોજન બાદ મહિલાઓ અને બાળકો જમીન પર ચાદર પાથરીને સૂઈ ગયા હતા. કોઈને ખ્યાલ નહોતો કે થોડા જ કલાકોમાં આ શાંતિપૂર્ણ રાત દુઃખદ ઘટનામાં ફેરવાશે.
ટ્રેલરના પૈડાં નીચે નિર્દોષ બાળકો કચડાયા
સવારે લગભગ 4 વાગ્યે એક અનિયંત્રિત ટ્રેલર ધૂળિયા રસ્તા પરથી પસાર થતું હતું અને અચાનક સૂતેલા લોકો પર ચઢી ગયું. આ ઘટનાથી ચીસો અને રડવાનો માહોલ સર્જાયો. હોટકી (35), તેની પુત્રી પાયલ (13) અને પ્રિયંકા (13) સહિતના બાળકો ટ્રેલરના પૈડાં નીચે કચડાઈ ગયા.
એક પરિવાર પર ત્રાસદાયક આફત
આ દુર્ઘટનાએ એક જ પરિવારને ભયંકર રીતે ઝંઝોડી નાખ્યો. પાયલ (13)નું સ્થળ પર જ મૃત્યુ થયું, જ્યારે પ્રિયંકાને હોસ્પિટલ લઈ જતી વખતે મૃત જાહેર કરવામાં આવી. હોટકી (35)એ ઝુનઝુનુની હોસ્પિટલમાં સારવાર દરમિયાન અંતિમ શ્વાસ લીધા. અન્ય બાળકો સંજય (6), સંજીત (5) અને સુનીલ (7) ગંભીર રીતે ઘાયલ થયા છે અને તેમને જયપુર રિફર કરવામાં આવ્યા છે. રવિના (18) સારવાર હેઠળ છે, જ્યારે નાનો અનિલ ચમત્કારિક રીતે બચી ગયો.
ગ્રામજનોમાં રોષ: રસ્તા પર ચક્કાજામ, ડ્રાઇવર ઝડપાયો
અકસાન પછી ગ્રામજનોમાં ભારે રોષ જોવા મળ્યો. લોકોએ ભાગવાનો પ્રયાસ કરનાર ટ્રેલર ડ્રાઇવરને પકડીને માર માર્યો. શુક્રવારે મૃતદેહોના પોસ્ટમોર્ટમ સમયે ગુસ્સે ભરાયેલા લોકોએ ભોડાકી ચોકડી પર ચક્કાજામ કર્યો. પોલીસ અધિકારીઓએ પહોંચીને લોકોને શાંત કર્યા અને ખાતરી આપી કે ટ્રેલર કબજે કરાયો છે તેમજ આરોપી ડ્રાઇવર કસ્ટડીમાં છે. કડક કાર્યવાહીનો વિશ્વાસ મળ્યા બાદ ચક્કાજામ હટાવવામાં આવ્યો.
વિસ્તારમાં શોકનો માહોલ
એક સાથે ત્રણ અંતિમયાત્રા નીકળવાના સમાચારથી સમગ્ર વિસ્તારમાં શોક છવાઈ ગયો છે. આ હિટ એન્ડ રનની ઘટનાએ રસ્તા કિનારે રહેતા ગરીબ પરિવારોની સલામતી અંગે ગંભીર પ્રશ્નો ઉભા કર્યા છે. ગામના લોકો આ દુઃખદ ઘટનાથી આઘાતમાં છે અને પીડિત પરિવાર પ્રત્યે શોક વ્યક્ત કરી રહ્યા છે.
We are committed to building a society driven by Truth, Justice, and Knowledge. We deliver bold, credible, and insightful journalism that questions wrongdoing and gives voice to the common people.
© Gujarat Guardian | All Rights Reserved. | Made with Pride in भारत 🇮🇳
