સુરતમાં દેહવ્યાપારના કિસ્સાઓ અટકતા નથી. તાજેતરમાં સરથાણાની એક હોટલમાંથી વધુ એક કુટણખાણું ઝડપાયું છે. પોલીસને મળેલી ગુપ્ત માહિતીના આધારે IUCAWની ટીમે હોટલમાં દરોડો પાડ્યો હતો. આ દરમિયાન બે ગ્રાહકોને કઢંગી હાલતમાં ઝડપી પાડવામાં આવ્યા હતા. હોટલના મેનેજર તેમજ યુવતીઓ સપ્લાય કરનારા સહિત 4 પકડાયા છે. હોટલમાંથી 2 થાઈલેન્ડ, 1 યુગાન્ડા અને મુંબઈની 1 યુવતીને મુક્ત કરાવાઈ છે.
પોલીસે હોટલમાંથી ચાર યુવતીઓને મુક્ત કરાવી છે, જેમાં બે થાઈલેન્ડની, એક યુગાન્ડાની અને એક મુંબઈની યુવતીનો સમાવેશ થાય છે. મળતી માહિતી મુજબ સરથાણાના સીતારામ ચોક નજીક આવેલી આ હોટલમાં વિદેશી યુવતીઓ મારફતે દેહવ્યાપાર ચલાવવામાં આવતો હતો. પોલીસે આ બાતમી મળતાં જ તાત્કાલિક ધોરણે દરોડો પાડ્યો હતો.
તપાસમાં ખુલ્યું છે કે આરોપીઓ વિદેશી યુવતીઓની મદદથી દરરોજ આશરે એક લાખ રૂપિયાની કમાણી કરતા હતા. પોલીસે હોટલ મેનેજર અને યુવતીઓ સપ્લાય કરનારા ચાર આરોપીઓને પકડી પાડ્યા છે, જ્યારે હોટલ માલિક પાસોદરાનો સંદીપ ઉર્ફે સેન્ડી પટેલ ફરાર છે અને તેને વોન્ટેડ જાહેર કરવામાં આવ્યો છે.
