શ્રાવણના પવિત્ર મહિનામાં ભાજપના રાષ્ટ્રીય અધ્યક્ષ નિતિન નબીન નૉનવેજ ખાઈ રહ્યા છે? સોશિયલ મીડિયા પર વાયરલ થયેલા એક વીડિયોને લઈને આ સવાલોએ રાજકીય ચર્ચા જગાવી દીધી હતી. કોંગ્રેસના નેતાઓએ પણ વીડિયો શેર કરીને ભાજપ પર સવાલો ઉઠાવ્યા હતા. જોકે, વીડિયાની હકીકત સામે આવતા સમગ્ર મામલો જ અલગ હોવાનું બહાર આવ્યું છે.
વાયરલ વીડિયોમાં નિતિન નબીન ભોજન કરતા જોવા મળે છે. આ વીડિયો આધારિત દાવો કરવામાં આવ્યો કે તેઓ શ્રાવણ દરમિયાન નૉનવેજ ભોજન લઈ રહ્યા હતા. ઉત્તર પ્રદેશ કોંગ્રેસના અધ્યક્ષ અજય રાયે પણ આ મુદ્દે ભાજપ પર નિશાન સાધ્યું અને કહ્યું હતું કે શ્રાવણ દરમિયાન નૉનવેજ ખાવાથી ભાજપના નેતાઓની કથિત બેવડી માનસિકતા સામે આવે છે.
પરંતુ ઉપલબ્ધ અહેવાલો અને ભાજપ તરફથી આપવામાં આવેલી સ્પષ્ટતા મુજબ વીડિયો આંધ્ર પ્રદેશના વિશાખાપટ્ટણમનો છે. નિતિન નબીન આંધ્ર પ્રદેશના પ્રવાસ દરમિયાન સ્થાનિક ભાજપ નેતાઓ સાથે પરંપરાગત ભોજન કરતા જોવા મળ્યા હતા.
છત્તીસગઢ ભાજપે સોશિયલ મીડિયા પર વીડિયો શેર કરીને વાયરલ દાવાને ખોટો ગણાવ્યો છે. પાર્ટીએ જણાવ્યું કે થાળીમાં દેખાતી વાનગી નૉનવેજ નહીં પરંતુ કાચા ફણસ એટલે કે કઠહલની મસાલેદાર શાકાહારી કરી હતી. આ વાનગી ઉત્તર આંધ્રના પરંપરાગત શાકાહારી ભોજનનો ભાગ હોવાનું ભાજપે જણાવ્યું હતું.
આ રીતે, નિતિન નબીન નૉનવેજ ખાઈ રહ્યા હોવાનો સોશિયલ મીડિયા દાવો ભ્રામક હોવાનું સામે આવ્યું છે.
